صلاله هذي السنه؟؟؟

[مرتاد السحب]

بسم الله الرحمن الرحيم
السلام عليكم ورحمة الله وبركاته

صباحكم ومسائكم دائماً بخير
الحقيقه عازم على السفر لصلاله السنه هذي
فحبيت أستفيد منكم هل شهر 8 هجري(بداية 7ميلادي)مناسب لسفر لصلاله
وكيف راح يكون الجو والخضره في هذا الوقت أفيدوني جزاكم الله الف خير

[مرتاد السحب]

كل هالمده ولا احد رد

ميب من عوايدكم يا اهل مكشات

[حاتم البدراني]

مثل السؤال...

بتوفيك يا مرتاد

يفيدووننا الاخوان

[فارس الديار]

اخوي اعتقد الوقت المناسب هو شهر رمضان

[alisabr]

المشكله السنه هذي بيكون اخر شهر شعبان مع رمضان وشوال

العام الماضي جيت اخر شهر شعبان كان الجو رائع لكن الامطار والرذاذ قليل
وسألت اهل الديره قالوا في رمضان بيضبط الجو
يعني لو انت تقدر تاخذ اجازه في شوال يكون افضل لك من رمضان هناك

[فهد33]

الله يوفقك أخوي وتسافر وترجع بالسلامة وتتمتع وتجيب لنا الصور والأخبار الحلوة ..
أما من طرفي فأنا عمري مارحت لصلالة وأتمنى أن أزورها في وقت يكون كل شيء على مايرام من مصاريف وخلافه ..تمنياتي لك بالتوفيق .

[قناص خلاوي]

بسم الله الرحمن الرحيم
السلام عليكم ورحمة الله وبركاته

صباحكم ومسائكم دائماً بخير
الحقيقه عازم على السفر لصلاله السنه هذي
فحبيت أستفيد منكم هل شهر 8 هجري(بداية 7ميلادي)مناسب لسفر لصلاله
وكيف راح يكون الجو والخضره في هذا الوقت أفيدوني جزاكم الله الف خير


وعليكم السلام ورحمة الله وبركاته

أتوقع بداية شهر سبعة ماهوب مناسب اخوي
سبق ومحاكيك راح آخر شهر سبعة ميلادي لين بداية اغسطس
الجو كان زين والربيع على أوله والنامس واااااااااجد


الاخوة اهل عمان ينصحون بشهر 9 ميلادي هو عز الخريف عندهم
الارض تخضر والنامس يقل والجو 100% والسياح يقلون شوي :)
بالتوفيق اخوي

[ابوفهد2001]

على كلام واحد من الشباب ((كل سنه يروح هناك)) يقول هالسنه اللي يبي يروح لا يفكر يروح إلا عقب رمضان ((يعني اللي يبي يمشي ثاني العيد يبي يستانس هناك إن شاء الله))