المساعد الشخصي الرقمي

مشاهدة النسخة كاملة : استشارة بخصوص ارتفاع اسعار الجيوب


الشمري شمري
27/04/2011, 12:47 AM
بسم الله الرحمن الرحيم
مساء الخير لجميع اعضاء وزوار هذا المنتدى الرائع
انا يااخوان حاب اني اخذ ارائكم
انا لي ازود من ثلاث اسابيع ادور لي جيب ربع 2011 خليجي مستعمل نظيف الدفعه الثانيه يعني اخو الوكاله (يعني الممشى حول العشره)
الزبده ماودي اطول عليكم احصل القيمه شوي غالي يعني حول قيمه الجديد

والله اني بلشت ماادري اشتري وكاله بعد ماصار قيمته 132000
ولا اصبر اغديهن ينزلن (هه يمكن يرتفعن )
الله لا يهينكم ابي مشورتكم
هماليل البرد
27/04/2011, 12:52 AM
انا من رأئي انك تصبر لين ينزلن

هي كلها فترة وينزلن السيارات
الشمري شمري
27/04/2011, 01:03 AM
بيض الله وجهك على الرد
وننتظر ردود باقي الذيابه
:good2:
majedasm
27/04/2011, 01:58 PM
اول شي : لاتشري
ثاني شي : رخص والا مارخص خله ينشب بحلق ابوجميل وشريطيته الله لايربح من غش منهم
ثالث شي : 132الف تجيب لك اشياء كثيره تزيد قيمتها مع الوقت
رابع شي : انا وانت وكل من يقراء ويسمع لازم نخليها تصدي عند ابوجميل
خامس شي : اذا اصريت تشتري السيارة ودافع دافع قيمته فلاتشتريه من ابوجميل رح اشتره من اي ولا اي وكيل ثاني غيره في السعودية واشتر من الخليج المهم لاتشري من ربعنا
سادس شي : قولوا آمين يا اخوان ...اللهم ادفع عنا الغلا اللهم ادفع عنا الغلا اللهم ادفع عنا الغلا
سابع شي : الامريكي يفي بالغرض يا اخوان مع التحفظ على وكلاء الامريكي وعيوبه المصنعية لكن حسبنا الله ونعم الوكيل
الشمري شمري
27/04/2011, 02:21 PM
ماقصرت يالذيب
بس تدري وين الطامه ان اللي انا اذكره ماهو من عبد اللطيف من رفيزه الثاني البريمي
يارجال كلونا
على العموم ماقصرت وبيض الله وجهك
عناز الحره
27/04/2011, 02:34 PM
اخوى الشمرى طلبت الشور خذ 2011 الدفعه الاولى ياااخوى خطه اطلق من الدفعه الثانيه واذا كنت ملزم على الدفعه الثانيه يابعد حى اصبر لمااا ينزل من قيمته شوى
ايقاع المطر
27/04/2011, 03:03 PM
ان اشوف انكـ تصبر لان لو انت اشتريت بهالقيمه وغيركـ اشترى
وغيركـ راح يطمعون اكثر ولا يمنعهم شيء من الزياده وبكذا التجار كسبانين
لكن لوامتنعت انا وانت وغيرنا ممن يفكر بالشراء وسوينا حملة مقاطعه لبضائعهم راح يبلشون فيها
وغصب عنهم ينزلون من قيمتها تخيل معي لو 6 شهور ماانباعت من سياراتهم الاالقليل من الكثير
وعندهم دفعه جديدة بتنزل وش يسوون بالدفعه القديمه
فكرو جيدااا ترا احنا السبب بشجع التجار نكابر ونشتري مهما كان السعر
عـــــزام
27/04/2011, 03:04 PM
فدوك الاخوان

1- ارتفاع الاسعار ؟


لان الي صار في اليبان الفيضنات والزلازل الله يحمان
وقفت الشركات عن اصدار الجيوب من الفكسار والشاص والربع

واكيد الحين الي عنده معارض جيوب بيبع بدبل
امس انا استفسر عن الجيوب الهدد 2011
كان سعرها ب 150 الف الحين سعار 188 خليجي
وانا اقول اصبر لاصيف احسن وطع شوري
vxr99
27/04/2011, 06:40 PM
لا تستعجل خبر قريته يقول ان تويوتا اعادة تشغيل 75% من مصانعها في العالم وحتى اللي في اليابان
يعني فتره بسيطه والامور طيبه انشاء الله
من شمر
27/04/2011, 07:46 PM
اقول لا تفرح بنزول 00 ماصدقو يلاقو عذر00 اجتمع وكالات جشعه وشريطيه اجشع00 والا لو رجعت للصحيح مايصنع باليابان الا البرادو اما البقيه تايلند والسكويا بأمريكا لكن مانقول الا الله المستــعــــــــــــــــــــــــــــــــــــــــــ ـــان 000000000
كاشت بالمريخ
27/04/2011, 09:29 PM
مساء النور والسرور والعطر المنثور (حبيت ان موضوعك بالبداية يبدا بالسلام..بس مهيب مشكلة)
اخوي الكريم اسباب ارتفاع الجيوب افيدك بالتالي :
1.اليابان وماصار فيهم
2.جده وسياراتهم الغرقانه
3.حركة ابو جميل للتصفية ..
4.قرب الصيفية ورغبة الناس في السيارات العائلية
..
لذا حسب خبرتي في مجال السيارات ..وحسب مايحتوية النخاع المستطيل في راسي من الكم الهائل من المعلومات بهذا الخصوص ...
فأن سعر السيارات سيسقط الى القاع في شهر 8 ..بالهجري..وسيندم كل من شراء بسعر خيالي.
...
الحل لكل من اراد ان يشتري ووجد ان السيارات سعرها متعدي المريخ بخمسة متر... الله لايهينه ينتظر الين شهر ثمانية ..وان كانه يقول اهم شي اروح اصيف بالعائلة وتسذا.. فانا انصحة بان يستاجر في الصيفية سيارة عائلية مؤمن عليها..وكلها شهر ويرجع... يدفع قيمة ايجار هالسيارة 2000 ريال<- خلها تذهب للجحيم ..ولاسيارة تنشب في حلقي بقيمة مرتفعه ..
..
والله الهادي الى سواء السبيل
.

...
الشمري شمري
28/04/2011, 04:49 AM
بيض الله وجيهكم ماقصرتوا
ان شاء الله اني اباخذ برايكم بعين الاعتبار
وبتحرا للصيف اغديهن ينزلن
رسيس نجد
28/04/2011, 07:19 AM
انتظر وكل تأخير ه فيها خيره 0
محمدين عتريس
29/04/2011, 02:12 PM
السلام عليكم ورحمة الله

بالنسبة لموضوع الشراء من عدمه ... هذا راجع لك

واذا نفسك في شئ لازم تدفع قيمته ...

اما انخفاضسعر السيارات ... فالاجابه عليها هي نفس اجابتك على سؤالي التالي :

ما هو الشئ الذي انخفض سعره بعد الارتفاع ؟

** ناس لهم اكثر من سنه ما عمروا وقرضوهم نازله والاراضي في ارتفاع يوميا

** ناس لهم واعرفهم شخصيا لهم سنه واكثر يقولون السيارات بتنزل مانزلت لو شرى العام بغالي كان

باع اليوم بمكسب

** حتى الحلال ( الغنم ) ما نزلت من سنتين

** الشعير الان يباع فوق التسعيره الرسميه يعني غالي وهو عليه تسعييره

** تنزل عيالك السوق ملابسهم كل يوم في زياده نفس الماركة والموديل

وش الاسباب اللي بتنزل السيارات يا اخوان ,,,

الي يقول اصبر بس تشير عليه بالصبر لمجرد توقعات وباكر يزيد السعر عليه

ياعمي اشتر وتوكل على الله وش الفرق 5000 ريال والا حولها

والا بتنزل 50 % بتاخذه في شهر 8 ب 67000

وشكرا لكم
majedasm
29/04/2011, 03:11 PM
مساء النور والسرور والعطر المنثور (حبيت ان موضوعك بالبداية يبدا بالسلام..بس مهيب مشكلة)
اخوي الكريم اسباب ارتفاع الجيوب افيدك بالتالي :
1.اليابان وماصار فيهم
2.جده وسياراتهم الغرقانه
3.حركة ابو جميل للتصفية ..
4.قرب الصيفية ورغبة الناس في السيارات العائلية
..
لذا حسب خبرتي في مجال السيارات ..وحسب مايحتوية النخاع المستطيل في راسي من الكم الهائل من المعلومات بهذا الخصوص ...
فأن سعر السيارات سيسقط الى القاع في شهر 8 ..بالهجري..وسيندم كل من شراء بسعر خيالي.
...
الحل لكل من اراد ان يشتري ووجد ان السيارات سعرها متعدي المريخ بخمسة متر... الله لايهينه ينتظر الين شهر ثمانية ..وان كانه يقول اهم شي اروح اصيف بالعائلة وتسذا.. فانا انصحة بان يستاجر في الصيفية سيارة عائلية مؤمن عليها..وكلها شهر ويرجع... يدفع قيمة ايجار هالسيارة 2000 ريال<- خلها تذهب للجحيم ..ولاسيارة تنشب في حلقي بقيمة مرتفعه ..
..
والله الهادي الى سواء السبيل
.

...

:rقل انشاء الله يابعد تسبدي:r
zx220
29/04/2011, 03:13 PM
ما هو الشئ الذي انخفض سعره بعد الارتفاع ؟

مشكلتنا ان اكثر الناس يملكون نفس ثقافتك . اشتر غالي قبل يزيد سعره
الحديد , الاسهم , الاسمنت والاجهزة بشكل عام و امور كثيره ارتفعة ونزلة
بس دام الشي يرتفع و الناس تشري , ما راح ينزل .
المعارض سوقها ميت له اكثر من 3 اسابيع
ايقاع المطر
29/04/2011, 03:54 PM
ما هو الشئ الذي انخفض سعره بعد الارتفاع ؟
ج جواب :
الحديد لم وصل سعر الطن فوق ال3 الاف بعدها نزل
الاسمنت ارتفع وصل الى 18 وبعدها نزل سعرهـ
اشياء اكثير اذا قاطعناهم بتنزل وغصب يبيع بالسعر المرغوب لدى الناس
لان اذا طاوعتهم وتشتري بسعرهم هم يتحكمو فينا على كيفهم
متى يفكو الاحتكار وشجع هالتجار الي ماهمهم الا الفلوس الي تدخل جيب المواطن
عاشق القناصه
29/04/2011, 07:39 PM
1.اليابان وماصار فيهم


اليبان اعلنت ان مصانعها اشتغلت المشكلة في الشريطية الي ما تخاف الله
اذا جيت تبيع الموتر يسوا 50 يقولك 35 واذا جاء يبيعه قال 60
محمدين عتريس
29/04/2011, 11:09 PM
[مشكلتنا ان اكثر الناس يملكون نفس ثقافتك . اشتر غالي قبل يزيد سعره
الحديد , الاسهم , الاسمنت والاجهزة بشكل عام و امور كثيره ارتفعة ونزلة
بس دام الشي يرتفع و الناس تشري , ما راح ينزل .
المعارض سوقها ميت له اكثر من 3 اسابيع


بس وانا اخوك هذا الثقافه نسميها الايمان بالواقع ....

هذا الواقع وش نسوي .......
محمدين عتريس
29/04/2011, 11:21 PM
[QUOTE=ايقاع المطر;6644548]
ما هو الشئ الذي انخفض سعره بعد الارتفاع ؟

ج جواب :
الحديد لم وصل سعر الطن فوق ال3 الاف بعدها نزل
الاسمنت ارتفع وصل الى 18 وبعدها نزل سعرهـ
اشياء اكثير اذا قاطعناهم بتنزل وغصب يبيع بالسعر المرغوب لدى الناس
لان اذا طاوعتهم وتشتري بسعرهم هم يتحكمو فينا على كيفهم

متى يفكو الاحتكار وشجع هالتجار الي ماهمهم الا الفلوس الي تدخل جيب المواطن



الاخ الكريم ..... السلام عليكم ورحمة الله

وانا اخوك ..لو فكرت قليلا رأيت ان كل شئ لم ينخفض

بل زاد حوالى اكثر من التصف

وعلى ما ذكرت فالحديد صل عام 2008 حوالي 6000 ريال

وذلك من سعر 1200 ريال ويعجها بفترة طويله ....

وصل الى 3000 الى 2200 واستقر

اذا الزياده حوالي 100 %

لماذا لم ينزل عند 1200

الاسمنت من 11 الى 22 بعدها استقر عند 17 تقريبا

اين النزووووووووووول

يرفعون السعر مئه في المئة بعدها ينزل السعر حدود

20 في المئة ويصير الارتفاع في حدود 70 في المئة

شكرا لك
قناص المخواه
29/04/2011, 11:47 PM
باختصاااااااااااااااار شديد
خلوووووووووووووها تصددددددددددددددددددددددي
نديم الشمال
30/04/2011, 01:10 AM
خـــــلووووووووهــــا تـــــــــــصــــــدي

والله لو وقفنا عن الشـــراء لمدة شهر

غير ينزلو الاسعار غصب
SRAAAB
30/04/2011, 08:44 AM
الله يعيننا ويعينك والجميع يارب
الزيادة في كل شي الله يستر