المساعد الشخصي الرقمي

مشاهدة النسخة كاملة : مما أفضل فراش للنوم .. جودة عالية وخفيف الوزن .. باي محل بالرياض يا أبوهم


احب البر
08/12/2005, 04:33 PM
اخذت جولة على محلات الغرابي وماوجدت الا بنقاليين غشاشين فرش اللهم لك الحمد تتنتف من مجرد اللمس لا وصناعات صينية رديئة ..


وانتم هنا راعين مكاشيت وعلوم زينه وحسن تدبير للامور قلت انصاكم وابلقى عندكم الخير .

الله الله بالعلوم الزينة .
بوحور
08/12/2005, 06:23 PM
السلام عليكم ورحمة الله وبركاته
يمدحون صناعة القاضي وايضا الدريويش انا ماجربتهم بس امدحوها لي

شكراً
احب البر
08/12/2005, 08:44 PM
ممكن وين محل القاضي والدريويش وتلفوناتهم في الرياض
فتى الوادي
08/12/2005, 09:12 PM
في الغرابي محل ( صيد ) للرحلات في واحد يمني الجنسية .... عنده فرش نوم ممتازة ، منها ( التنزاني ، الباكستاني ، الصيني .. )
وأنا شخصياً أنصح بالتنزاني ...
nahham
10/12/2005, 08:39 AM
هلا اخوي

روح لهذا الرابط وتلاقي اللي يعجبك ان شاء الله

http://www.mekshat.com/vb/showthread.php?t=36310

بالتوفيق ان شاء الله
big boss
10/12/2005, 05:43 PM
في محلين ممتازين
الاول الرماية تلقى عندهم فراش نوم الماني ماعليه كلام ممتاز
والثاني ساكو عندهم الدريويش والقاضي واليوسف واللي شفته احسن واحد جازلي في ساكو الدريويش







اقول مع ذلك لا تنسى تاخذ معك قارورة موية صغيرة وجرب
أسير الفهد
10/12/2005, 11:44 PM
السلام عليكم ورحمة الله وبركاته ،
اخي العزيز من واقع تجرنه في الفرش افضل فراش للبر عند الرمايه في شارع التخصصي تنزاني ومن الداخل ريش نعام سعره 550ريال بس لك وللزمن ان شاء الله .
ابومرتاح
11/12/2005, 08:56 AM
القاضي الجديد ......فراش الصمان بلا منازع .....كد ومد .......يقاوم الرطوبة .......بس اهم شي تأكد انه worm foot ......
ولد سليمان
11/12/2005, 10:19 AM
السلام عليكم ورحمة الله وبركاته
حياك الله اخوي
اذا كنت من الناس وتقول ابي فراش بر ولاهمني السعر شف عند الهدف فراش امريكي اسه سلمبر جاك وسعره بحدود 800 ريال وميزته انه يعزل عن البروده الخارجيه حتى 30 درجه تحت الصفر ولاتحط بطانيه ولاغيره ماغير وساده بس .
وغير هذا النوع ترا الدعوى متساويه لازم تحط بطانيات فوق وتحت وعساها تدفي .
عروان
11/12/2005, 11:24 AM
ليه ما تروح لم محلات بيع البطانيات الاسبانية الاصلية.

خذ لك بطانية دبل غاط وزن 6 كيلو أو اكثر لازم يكون مقاس 240X220 cm و رح لم الغرابي ولبسها قماش تنزاني على كيفيك.

البطانيات مشهود لها بالدفا خاصة الـستة كيلو و ما فوق.

تحياتي لك
أبو أديب التميمي
11/12/2005, 11:45 AM
والله لا دريويش ولا غيرة كلهم غلاويين بالحيل !! وفرشهم نفس اللي في اللغرابي !!

اللي يبي الشغل على الكيف يفصل على مزاجة وهو اللي يختار البطانة على كلام اخوي عروان والشراع نفسة نفسة اللي عند الدريويش تنزاني واللي في الغرابي تنزاني !!

لكن المشكلة في البطانة نفسها !! شف لك بطانية من النوع اللي عليه الكلام وخذ مقاساتها مضبوط ورح للغرابي وقله يفصلها على مزاجك !!

وبس !!

وعلى
أبو أديب التميمي
11/12/2005, 11:48 AM
والله لا دريويش ولا غيرة كلهم غلاويين بالحيل !! وفرشهم نفس اللي في الغرابي !!

اللي يبي الشغل على الكيف يفصل على مزاجة وهو اللي يختار البطانة على كلام اخوي عروان والشراع نفسة نفسة اللي عند الدريويش تنزاني واللي في الغرابي تنزاني !!

لكن المشكلة في البطانة نفسها !! شف لك بطانية من النوع اللي عليه الكلام وخذ مقاساتها مضبوط ورح للغرابي وقله يفصلها على مزاجك !!

وبس !!

وعلى فكرة انا عندي فراش شاريه من الغرابي والصراحة ممتاز بس لازم تحط بطانية فوقه علشان توقي من الحصى !! والدفا دافية بالحيل !! و 130 ريال الله يديم الرخص!! البطانية ما تتعدى 300 إن كانها غالية مرررررررررررة !!

تحياتي للجميع
مايسترو
12/12/2005, 02:40 PM
أنا جربت فراش خالد الدريويش ونصحني في أخ عزيز وغالي شرواكم وميزة الفراش الجودة وإحتفاظه بدرجة حرارة تقارب 25 صيفاً وشتاءاً وسعره مناسب جدا(270 ريال)
عاشق نجد
12/12/2005, 02:55 PM
تبي العلم الزين

انا اخذت قبل اربع سنوات من الرماية في شارع التخصصي فراش تنزاني ومن الداخل مقارب للمخمل قيمته (390) لكن بصراحة خيالي ، حتى انك ما تحس بالبرد اول ما تجي تنوم مثل الألماني يبي له وقت ويدفى .

بصراحة جربته في البر في جو بارد جداً وما شاء الله ما تدري عن شئ .

وعندهم واحد قيمته 500 بس كأنك شايل بعير من كبره .

تحياتي .
خيال الشقرا
12/12/2005, 03:41 PM
السلام عليكم
عزيزي جرب فراش اللي عند القاضي وعنونه بحي النسيم شارع سعد بن عبدالرحمن ( امتداد طريق صلاح الدين من الشرق ) قرب قصر الابراج للاحتفالات صراحه شي خيالي وخاصه النوع الجديد شوف وقارن
معالي الوزير
12/12/2005, 07:24 PM
اخوي انا شاري فراش دريويش اكثر من 3 سنوات وطلب به البر اكثر من مره وغسلته بالمويه ولا صار فيه شي

وشريته بعد توصيه من خالي و واحد من الزملاء ولا في ادفاء منه في الشتاء

وخذه ولا تشيهل هم

وكنت شاريه بي 300 ريال وزميلي شاريه من المصنع 270 .
عبدالملك
13/12/2005, 03:11 AM
أحسن فراش بلا منازع من واقع التجربة
فراش الرميح مر على اقرب فرع لالرميح وشف فراشهم تنزاني من اروع ما يمكن
سعره بحدود 280بس معي له 10سنوات ما عمره قال لا والحمد لله