المساعد الشخصي الرقمي

مشاهدة النسخة كاملة : ياللـي تـــــدور للقــنـص .. لاتـعـــنــا


القرناس المهاجر
28/04/2011, 12:12 PM
احبتي الكرام ..:)



السلام عليكم ورحمة الله وبركاته



تتوالى علينا هذه الأيام بعض المواضيع التي يتسائل اصحابها



عن كيفية المقناص وأين أماكن الصيد .. ؟



وماهي الأدوات المناسبة والأوقات المفضلة ..؟؟




وهم بذلك محقين .. لأن هذا متأصل فينا كأبناء بادية


لكن ..


كل هذه الطلبات بنظري ليس لها إجابة في جزيرتنا العربية



فالصيد إنقرض والأرض تغيرت إما بفعل الجفاف والتصحر وزحف الرمال


أو من البشر من توسع عمراني وتطور حضاري



كل هذه الأمور جعلتني انظم هذه القصيدة المتواضعه



وهي خاصه وحصرية لمكشات وهدية لكم احبتي



ومن نقل الموضوع فاليتق الله ..
وينسبه لنا .. حتى لاتضيع الجهود :good:
................................................


ياللـي تـــــدور للقــنـص لاتـعـــنــا
.................................................. ............ خــذ الخــبر من واحــدٍ قــد عنــاله


بعطيك علــم ايامــنا اللـي مضـنــا
.................................................. ............ بذيك الســنين الطـيــبة في عجـالة


ابغــاك تعـــرف يافــتى كيـف كــنا
.................................................. .............. وكيف السلــوم الطيبــة والجمـالة



* * * * * * * * * * * * * * *



اول تشوف الأرض خضرة وجــنا
.................................................. ............... والصيــد قطعــانه زهاهـا جمــاله


منه البدوا يشـكون قــالوا امتحــنا
.................................................. ............. ياكــل محــاصيل المــزارع لحــالة


وايضا القمـاري والقطـــا به تهــنا
.................................................. ............... بذيك الفجـوج المخلية من يسـاله


تذهــل من الاجـــوال مــنا ومــــنا
.................................................. ............ بالشمس تمشـي محتمي في ظلاله


ويطــربك لاغــرّد بــورده وغـــنا
.................................................. .............. في الوادي اللي خضرته من زلاله


وجول الحباري في خــلاه اســتكنا
.................................................. ............... بالليـل يمشــي والنهــار اســتماله


ماجــاه زيــــد ولاعــــناله مهــــنا
.................................................. ............. يـدرج على هــونه وحـوله عــياله



* * * * * * * * * * * * * * *



واليــوم غــاب اللي ذكــرناه عــنّـا
.................................................. ............. واجــيالنا تنشــد وش اللي جـراله


ولانمـلك الا قـــول حــــنا وحـــــنا
.................................................. .............. والصيد مابه صيـد والحــال حـاله


من بعـد ماذيـك الســنــين اظـلمــنا
.................................................. ............ واشـرق زمان المهـزلة والنــــذالة


وجـانا الشـــباب اللي بحــبه تجــناّ
.................................................. ................ اللـي ســلاحــه صـوّبه كـل جـاله


يجــي لهم لاشــــافوا الصــيد جــنا
.................................................. ............... والكـــل منهـــم زايـــدٍ به هبـــاله


الماشـــــية والطـــايـره كـلــــــــهنّا
.................................................. ............ نجـــاتها من نــارهـــــم مستحــاله


مقـــناصهم تــدمـــير مـابه محـــنا
.................................................. ............. هـم الســبـب في ندرتـه واغــتياله


والصــيد متعــه ياجــــماعه وفـــنا
.................................................. ............... ماهـو من اول يــوم حـتى زوالــه



* * * * * * * * * * * * * * *



ســرنا نــروح ولاوصـلنا المضــنا
.................................................. ............ نرجـــع وحــــنا مالمحـــنا خـــياله


ويطــلع ســــهيل ولابــه اللي تمـنا
.................................................. .............. كـــلاً يـــدلّه خاطــــره فــي دلالــه


هــــذي عــلومـي يافــــتى لاتعـــنـا
.................................................. ............... جـاك الخــبر من واحـدٍ قـد عـناله



* * * * * * * * * * * * * * *
كلمات اخوكم .. القرناس المهاجر :good2:
تمنياتي لكم بالتوفيــــــق ,,,,
عابر الموج
28/04/2011, 12:19 PM
قلته وانا بالهم منا ومنا = = راح الطرب من يوم قصرت حبالة
الله يعطيك العافية وسمحلي على البيت طرا على بالي تخبر الشاعر
التاج الشمالي
28/04/2011, 12:23 PM
صح لسانكـ يامشرفنا


كعادتكـ مبدع ورائع


وابيات اجمل واروع



صحـ السانكـ
اخوي
القرناس المهاجر

وبانتظار جديدكـ
ابو سلطان العتيبي
28/04/2011, 12:25 PM
صح لسانك يامشرفنا

قصيدة في الصميم ومن واقع حقيقي
نعيشة في سنواتنا الأخيرة.

لكن اسمح لي اعلق على بداية
كلامك عن هناك من يسأل عن
اماكن الصيد.

الصراحة في العرف المتبادل بين
القناصين عدم السؤال عن اماكن
الصيد او بالأصح اذا صاد احدهم
صيدة في مكان، لا يجد من يسأل اين
صدتها الا المقربون جداً منه.
الست معي في ذلك.

تحياتي لك يالغالي.

-
@السيف@
28/04/2011, 12:27 PM
صح لسانك لكن ونا ابوسيف ابشرك تعود هذيك الايام
واليــوم غــاب اللي ذكــرناه عــنّـا


.................................................. ............. واجــيالنا تنشــد وش اللي جـراله
القرناس المهاجر
28/04/2011, 12:34 PM
قلته وانا بالهم منا ومنا = = راح الطرب من يوم قصرت حبالة



الله يعطيك العافية وسمحلي على البيت طرا على بالي تخبر الشاعر



صح لسانك وعلا شانك
شاعر ومافيك حيله ههههه

حي الله عابر الموج
سرني مرورك السريع :good2:
جير دبي
28/04/2011, 12:35 PM
حركت فينا ياقرناس المهاجر الجرح المضمد ,,,, ودقيت على الوتر الحساس في موضوعك ..الي يهم كل شخص في قلبه محبه لصقاره .والطير :)

..

ويطــربك لاغــرّد بــورده وغـــنا
.................................................. .............. في الوادي اللي خضرته من زلاله



وجول الحباري في خــلاه اســتكنا
.................................................. ............... بالليـل يمشــي والنهــار اســتماله
صح لسانك يا شاعرنا
ابيات جزله وقيمه في معانيها
وننتظر مزيد من القصايد :good2:
تحياتي لك
جير
القرناس المهاجر
28/04/2011, 12:37 PM
صح لسانكـ يامشرفنا



كعادتكـ مبدع ورائع


وابيات اجمل واروع



صحـ السانكـ
اخوي
القرناس المهاجر


وبانتظار جديدكـ



حي الله التاج الشمالي
صح بدنك .. سرني تواجدك
شكراً ولاهنت :good2:
القرناس المهاجر
28/04/2011, 12:40 PM
صح لسانك يامشرفنا


قصيدة في الصميم ومن واقع حقيقي
نعيشة في سنواتنا الأخيرة.


لكن اسمح لي اعلق على بداية
كلامك عن هناك من يسأل عن
اماكن الصيد.


الصراحة في العرف المتبادل بين
القناصين عدم السؤال عن اماكن
الصيد او بالأصح اذا صاد احدهم
صيدة في مكان، لا يجد من يسأل اين
صدتها الا المقربون جداً منه.
الست معي في ذلك.


تحياتي لك يالغالي.


-


حي الله عقاب
كلامك صحيح .. لكن انا اقصد الهواة الجدد
اللي ينشد يبي يطب المقانيص ههههه
سرني مرورك وتعليقك :good2:
القرناس المهاجر
28/04/2011, 12:41 PM
صح لسانك لكن ونا ابوسيف ابشرك تعود هذيك الايام
واليــوم غــاب اللي ذكــرناه عــنّـا


.................................................. ............. واجــيالنا تنشــد وش اللي جـراله

حي الله السيف
الله يبشرك بخير
ويجعلها تعود وتزود :good2:
القرناس المهاجر
28/04/2011, 12:44 PM
حركت فينا ياقرناس المهاجر الجرح المضمد ,,,, ودقيت على الوتر الحساس في موضوعك ..الي يهم كل شخص في قلبه محبه لصقاره .والطير :)


..

ويطــربك لاغــرّد بــورده وغـــنا
........................في الوادي اللي خضرته من زلاله



وجول الحباري في خــلاه اســتكنا
.......................بالليـل يمشــي والنهــار اســتماله
صح لسانك يا شاعرنا
ابيات جزله وقيمه في معانيها
وننتظر مزيد من القصايد :good2:
تحياتي لك
جير




حي الله الغالي جير
شكراً على التعليق والإقتباس الشاعري
سرني تواجدك .. لآهنت :)
عـــــزام
28/04/2011, 01:00 PM
صح لسانك ولاهنت على الموضوع
ربع خالي
28/04/2011, 01:01 PM
وعليك السلام ورحمة الله وبركاته

الله يحلك ويبيحك من وجعٍ حسيت به وأنا أقرأ هالجزله ،
قصه بختصرها : عندي تبع شاهين مطروح قبل أيام وتوه يجي على طول الخيط (السبب) , وقتي العصر جاني أبوي (رحمة الله عليه) وهو صايد كراوين, وقتنا بدايه الشتاء تو مازل الصفري .
زعلت وقلتله ليه ماخذتني معاك أهد طيري , قال أبشر : يالله أركب السياره والحين تهد , رحنا لمكان يبعد عن البيت تقريبا 5 كيلو , وهذا المكان ماعاد جاه من قبل , ولاحد ذكرله بأن فيه صيد وساعة ماوصنا الا هذي جرة الكراوين , شوي والا هالشوفه اللي ماصدقت عيوني ساعة شفتهي , العدد( فوق الثلاثين) كروان , وقال يالله هد , هديت طيري ووقع بينهن كنه واحد منهن هههههههه , وكثرت صياح الكراوين حوله وهو مانشد عنهن, وأبوي يضحك على الموقف وأنا مقهور , وأطلب منه يخلي الطير يصيد ( عمري 11سنه) , قالي لازم نعلمه , قلتله طيب عندنا النصف شوزن خلني أرمي , ما أنسى نظرته لي وهو يقول , لاتهوزك نفسك على رمي الصيد الا وإنت محتاج للودام , ونحن الحمدلله عندنا صيد ويكفينا للعشى ، أخذنا طيرنا ورجعنا والكراوين الله ستر عليهن .
،،،،،،،،،،،،،،،،،،،،،،،،،،،،،،،،،،،،،،،،،،،
لاهنت يالقرناس المهاجر
لخصتها في هالقصيده الطيبه
طابتلك اليالي مع سنينها

تقبل مروري
اخوك ابو سيف
الفيتو
28/04/2011, 01:20 PM
بسم الله الرحمن الرحيم
السلام عليكم ورحمة الله وبركاته
مساء الخير ياخوي / القرناس المهاجر
صح السانك وسلم بوحك
الشاعر لسان القبيله
والشاعر الصقار لسان الصقاقير
وفقك الله وقدرت تعبر عن واقع عجزنا
تغيير سلبياته
والقناصين هذا حالهم قسم لبنة بناء شرواك
وقسم معول هدم حاشاك
مشكور وسلمت
*
والسلام
الفيتو
الحجاز
24-5-1432هـ
جبار1
28/04/2011, 01:37 PM
ياللـي تـــــدور للقــنـص لاتـعـــنــا
.................................................. ............ خــذ الخــبر من واحــدٍ قــد عنــاله


بعطيك علــم ايامــنا اللـي مضـنــا
.................................................. ............ بذيك الســنين الطـيــبة في عجـالة


ابغــاك تعـــرف يافــتى كيـف كــنا
.................................................. .............. وكيف السلــوم الطيبــة والجمـالة


هالله الله

صح اللسانك على الابيات الرااائعه والمعبره عن حال الصيد
في الماضي والحاضر ... ومثل ماقلت اخوي البر كل ماله بحادور
وقبلك أبن عون و الخس في وصف الصيد في الماضي وحاله اليوم .

ومثل ماقل شايب وافقته في قوله عن الحباري

ياولدي الحباره معاد توقع الأ على كبوت سياره

واللي يثبت كلامه شفناه كثرة القناصه

مابين راعي طير وبندق وكشات وهلما جرى حتى راعي الحلال أصبح

يشيل أسلاحه معه

هذا الواقع ؛؛؛؛؛؛ وين تبيها تكثر..

لكن أبشرك بخير دام مشروع الشيخ محمد بن زايد موجود

فابشرك ان طيرك تبي تهده مهد واحد بس فقط !!

هذا والمشروع فيه

ولو ما هوفيه كان كل ثلاث سنين تهد

(الله يعين بس كل مالنا بحادور )

مشكور أخوي على الأبيات ... ولاهنت.
حربي الخرج
28/04/2011, 01:45 PM
صصصصح لسآ نــك يآمممشرفنــآ ،

اللـه يبيـــض وجهـك على ها لقصيـد ه الوافيــهـ

ولله صورت معاناة اهل الطير في هذ ه القصيد هـ

واكثر شي اعجبني هـ الآ بيـــآ ت اللي تقـول فيـهـ آ



وجـانا الشـــباب اللي بحــبه تجــناّ
.................................................. ................ اللـي ســلاحــه صـوّبه كـل جـاله


يجــي لهم لاشــــافوا الصــيد جــنا
.................................................. ............... والكـــل منهـــم زايـــدٍ به هبـــاله


الماشـــــية والطـــايـره كـلــــــــهنّا
.................................................. ............ نجـــاتها من نــارهـــــم مستحــاله


مقـــناصهم تــدمـــير مـابه محـــنا
.................................................. ............. هـم الســبـب في ندرتـه واغــتياله


والصــيد متعــه ياجــــماعه وفـــنا
.................................................. ............... ماهـو من اول يــوم حـتى زوالــه

ولله صصصصاد ق ابلشونا اهل السسلآ ح !
بن محجن
28/04/2011, 01:59 PM
عليكم السلام ورحمة الله وبركاته


صح لــــــــــــــــــــانك يـــالقرناس المهاجر
وجعل من جابك بالجنه
ابداع في فكرة القصيده


تسلم تسلم تسلم



دمت ســــــــــــــــالم


بن محجن
أبو فيصل
28/04/2011, 02:19 PM
صح لسانك و مشكور على القصيده

أعجبتني و هي جدآ رائـــــــــــــــــــــــــــــــعه

وهذا يزيد في غلاك ما دامك قرنا س ... وبعد مهاجر (عابر) .... و قصيدتك جزله
Turki1
28/04/2011, 02:33 PM
صح لسانك يالقرناس المهاجر،قصيدة جزله تلخص معاناة الصقاقير في وقتنا هذا.
استرجعت بيت لابن مدعث الخرفاني :
ومن لاعرف لذة المقناص ماعاش ،،،،،،، ولعه بليا طماعه مير عايشها
حبران والمسمى
28/04/2011, 02:47 PM
صح لسانك وقصيدة تحكي واقعنا
مقدام911
28/04/2011, 04:29 PM
[QUOTE=القرناس المهاجر;6637604]



بسم الله الرحمن الرحيم


السلام عليكم ورحمه الله وبركاته


تسلم تسلم ياغالي ومافيك حيله


القرناس المهاجر اسعد الله ايامك شاعر جزل وقصيده جزله


عسأك تسلم وابياتك كلها مبروكه الحقيقه اشدت واجدت


رحم الله والديك


بعطيك علــم ايامــنا اللـي مضـنــا
.................................................. ............
بذيك الســنين الطـيــبة في عجـالة



هاذا البيت يقول انك عود وكبير بعمرك وانت كبيربقدرك


عند اهل مكشات الي خصيتهم بهاذي الابيات الجميله


ابغــاك تعـــرف يافــتى كيـف كــنا
.................................................. .............. وكيف السلــوم الطيبــة والجمـالة


فعلأن لنا سلوم وأعراف تربينا عليها كلاً يحترمها


ويسعاء لها والأن للأسف قله الي تحرص وتحرص


ابنائها عليها زمن عجيب



اول تشوف الأرض خضرة وجــنا
.................................................. ........
والصيــد قطعــانه زهاهـا جمــاله


هاذا البيت لحاله في نظري قصيده لواقعنا سابقاً لقلت الحسد والعياذ بالله والأن هاذا حالنا من حالنا
لقول الله سبحان وتعالى


إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ (http://www.google.com.sa/url?q=http://www.bdr130.net/vb/t385097.html&sa=U&ei=Fme5Tf2kIMal8QORnbE2&ved=0CBMQFjAA&usg=AFQjCNGZz9EruJnfVG21Omj-wEi5nriaEQ)


نسأل الله الكريم بمنه وكرمه ان يغيث البلاد والعباد في سائر بلاد المسلمين
ونسأل الله الكريم ان يرزقك من حيث لاتحتسب
ورحم الله وآلدي والديك ووالدي القاري الكريم
انه سميع مجيب


اخوك مقدام 911
بوعلى ال شقاق
28/04/2011, 04:56 PM
واليــوم غــاب اللي ذكــرناه عــنّـا
.................................................. ............. واجــيالنا تنشــد وش اللي جـراله


ولانمـلك الا قـــول حــــنا وحـــــنا
.................................................. .............. والصيد مابه صيـد والحــال حـاله




ماعليك حيلـه ع الكلمات
والله ودى اسمع القصيدة بصوتك

تقبل مروري
بوعلى
القرناس المهاجر
28/04/2011, 08:53 PM
صح لسانك ولاهنت على الموضوع

صح بدنك .. ولاهنت :)
القرناس المهاجر
28/04/2011, 08:56 PM
وعليك السلام ورحمة الله وبركاته


الله يحلك ويبيحك من وجعٍ حسيت به وأنا أقرأ هالجزله ،
قصه بختصرها : عندي تبع شاهين مطروح قبل أيام وتوه يجي على طول الخيط (السبب) , وقتي العصر جاني أبوي (رحمة الله عليه) وهو صايد كراوين, وقتنا بدايه الشتاء تو مازل الصفري .
زعلت وقلتله ليه ماخذتني معاك أهد طيري , قال أبشر : يالله أركب السياره والحين تهد , رحنا لمكان يبعد عن البيت تقريبا 5 كيلو , وهذا المكان ماعاد جاه من قبل , ولاحد ذكرله بأن فيه صيد وساعة ماوصنا الا هذي جرة الكراوين , شوي والا هالشوفه اللي ماصدقت عيوني ساعة شفتهي , العدد( فوق الثلاثين) كروان , وقال يالله هد , هديت طيري ووقع بينهن كنه واحد منهن هههههههه , وكثرت صياح الكراوين حوله وهو مانشد عنهن, وأبوي يضحك على الموقف وأنا مقهور , وأطلب منه يخلي الطير يصيد ( عمري 11سنه) , قالي لازم نعلمه , قلتله طيب عندنا النصف شوزن خلني أرمي , ما أنسى نظرته لي وهو يقول , لاتهوزك نفسك على رمي الصيد الا وإنت محتاج للودام , ونحن الحمدلله عندنا صيد ويكفينا للعشى ، أخذنا طيرنا ورجعنا والكراوين الله ستر عليهن .
،،،،،،،،،،،،،،،،،،،،،،،،،،،،،،،،،،،،،،،،،،،
لاهنت يالقرناس المهاجر
لخصتها في هالقصيده الطيبه
طابتلك اليالي مع سنينها

تقبل مروري
اخوك ابو سيف


حي الله الغالي .. ابو سيف
قصة جميلة ومعبرة عن ماضٍ جميل
رحم الله الوالد وأطال في عمرك على طاعته
اسعدني تعليقك وإعجابك .. لاهنت :)
قنيص غير
28/04/2011, 08:57 PM
صح لسانك يالقرناس المهاجر،قصيدة جزله
القرناس المهاجر
28/04/2011, 09:00 PM
بسم الله الرحمن الرحيم

السلام عليكم ورحمة الله وبركاته
مساء الخير ياخوي / القرناس المهاجر
صح السانك وسلم بوحك
الشاعر لسان القبيله
والشاعر الصقار لسان الصقاقير
وفقك الله وقدرت تعبر عن واقع عجزنا
تغيير سلبياته
والقناصين هذا حالهم قسم لبنة بناء شرواك
وقسم معول هدم حاشاك
مشكور وسلمت
*
والسلام
الفيتو
الحجاز

24-5-1432هـ



وعليكم السلام ورحمة الله
واسعد الله جميع اوقاتك
حي الله الغالي / الفيتوا
صح بدنك .. سرني تواجد وتسجيل إعجابك
شكراً ولاهنت :)
ابوناصر السهلي
28/04/2011, 09:02 PM
صح السانك والله يعطيك العافيه
القرناس المهاجر
28/04/2011, 09:06 PM
ياللـي تـــــدور للقــنـص لاتـعـــنــا

.................................................. ............ خــذ الخــبر من واحــدٍ قــد عنــاله


بعطيك علــم ايامــنا اللـي مضـنــا
.................................................. ............ بذيك الســنين الطـيــبة في عجـالة


ابغــاك تعـــرف يافــتى كيـف كــنا
.................................................. .............. وكيف السلــوم الطيبــة والجمـالة


هالله الله

صح اللسانك على الابيات الرااائعه والمعبره عن حال الصيد
في الماضي والحاضر ... ومثل ماقلت اخوي البر كل ماله بحادور
وقبلك أبن عون و الخس في وصف الصيد في الماضي وحاله اليوم .

ومثل ماقل شايب وافقته في قوله عن الحباري

ياولدي الحباره معاد توقع الأ على كبوت سياره

واللي يثبت كلامه شفناه كثرة القناصه

مابين راعي طير وبندق وكشات وهلما جرى حتى راعي الحلال أصبح

يشيل أسلاحه معه

هذا الواقع ؛؛؛؛؛؛ وين تبيها تكثر..

لكن أبشرك بخير دام مشروع الشيخ محمد بن زايد موجود

فابشرك ان طيرك تبي تهده مهد واحد بس فقط !!

هذا والمشروع فيه

ولو ما هوفيه كان كل ثلاث سنين تهد

(الله يعين بس كل مالنا بحادور )


مشكور أخوي على الأبيات ... ولاهنت.



حي الله الغالي / تركي الوريكه
شكراً على التعليق الشيق الصريح
فيه مناطق دحدرت من زماااان
وفي منادق من جرف لدحديرة :D
بيض الله وجهك .. ولاهنت
جـرح الشمـال
28/04/2011, 09:57 PM
صح لسانك يشاعرنا
وعتبرها انا ابيات من ذهب
وافيه بكل معنيها
وبعدين تعال وش الغز الى بينك وبين اخوي عابر الموج:D:D:D
تقبل مروري
اخوك جرح الشمال:good2::good2::good2::good2:
صقار مبتدئ
28/04/2011, 09:58 PM
الله الله عليك يابو خليل
قرناس في المقناص و قرناس في الشعر
صح الله لسانك و قصيدة جزله من رجال جزل
مشعل_1001
28/04/2011, 10:42 PM
صح لسانكـ يامشرفنا


كعادتكـ مبدع ورائع


وابيات اجمل واروع
جفنان ينبع
28/04/2011, 11:26 PM
صح لسانكـ يامشرفنا


كعادتكـ مبدع ورائع


وابيات اجمل واروع



صحـ السانكـ
أبو أمين
28/04/2011, 11:28 PM
صح لسانك وعلا شانك

الله يرحمنا برحمته ويزينها

ويرزقنا المطر وتزين الامور
عنيد
29/04/2011, 12:01 AM
تلك امة قد خلت يالمهاجر
سلطان 1
29/04/2011, 01:26 AM
صح السانك يالقرنااااس قصيده جزله من شااعر جزل وقصيده حكت الماااضي والحااااضر 0
قناص حائل..
29/04/2011, 01:41 AM
صح لسانك وقصيده جزلة من رجال جزل الله يعطيك العافية اخوي
القرناس المهاجر
---------------------

مقـــناصهم تــدمـــير مـابه محـــنا
.................................................. ............. هـم الســبـب في ندرتـه واغــتياله


والصــيد متعــه ياجــــماعه وفـــنا
.................................................. ............... ماهـو من اول يــوم حـتى زوالــه
رحلت عني
29/04/2011, 02:10 AM
الله يكثر الطيور باشكلها لكن ما نقول الاالله يعين
the_wolfq8
29/04/2011, 02:44 AM
صح لسانك

تحياتي لك
السومر
29/04/2011, 02:47 AM
صح السانك يا لذيب
منصور بن محمد
29/04/2011, 03:09 AM
وعليكم السلام ورحمة الله وبركاته

الله حي ابو عبد الله
صح لسانك يابعدي
دهام 50
29/04/2011, 04:10 AM
صح الله السانك وكلام صحيح
عوق الخريش
29/04/2011, 04:16 AM
بسم الله الرحمن الرحيم ,,
السلام عليكم ورحمة الله وبركااتة :
حيااك الله أخي الغالي : القرناااس ,,
يعطيك العاافيه والله يبيض ووجهك ياالأمير على هذا الموضوع وصح الله الساانكـ ..لآهنتــ,,
قصيدة جزله جزله ونصيحة وااافيه وكاافيه من شخص متمرس وأستااذ ,,

*

تحياتي لكـ...وشكراّ

*

أخوكـ

*

( عوق الخريش )
مخايل دخنة
29/04/2011, 01:52 PM
وايضا القمـاري والقطـــا به تهــنا
.................................................. ............... بذيك الفجـوج المخلية من يسـاله



تذهــل من الاجـــوال مــنا ومــــنا
.................................................. ............ بالشمس تمشـي محتمي في ظلاله

صح الله السانك يالقرناس

فعلا اتذكر لي سنين مضت لقالو وش لقيتو من الصيد قالو اجوال حجبت الشمس عنا ,,, لله درك يالقرناس المهاجر على الابيات الرائعه
أبو رداد
29/04/2011, 06:34 PM
سلمت يداك وصح لسانك ياأبا عبدالله
قصيده جزله وعوايدك الجزلات
القرناس المهاجر
29/04/2011, 09:52 PM
صصصصح لسآ نــك يآمممشرفنــآ ،

اللـه يبيـــض وجهـك على ها لقصيـد ه الوافيــهـ

ولله صورت معاناة اهل الطير في هذ ه القصيد هـ

واكثر شي اعجبني هـ الآ بيـــآ ت اللي تقـول فيـهـ آ


وجـانا الشـــباب اللي بحــبه تجــناّ
.................................................. ................ اللـي ســلاحــه صـوّبه كـل جـاله

يجــي لهم لاشــــافوا الصــيد جــنا
.................................................. ............... والكـــل منهـــم زايـــدٍ به هبـــاله

الماشـــــية والطـــايـره كـلــــــــهنّا
.................................................. ............ نجـــاتها من نــارهـــــم مستحــاله

مقـــناصهم تــدمـــير مـابه محـــنا
.................................................. ............. هـم الســبـب في ندرتـه واغــتياله

والصــيد متعــه ياجــــماعه وفـــنا
.................................................. ............... ماهـو من اول يــوم حـتى زوالــه

ولله صصصصاد ق ابلشونا اهل السسلآ ح !


حي الله الغالي .. حربي الخرج
صح بدنك والله لايهينك .. وشكراً على الإعجاب
سرني ردك وتواجدك :)
القرناس المهاجر
29/04/2011, 09:54 PM
عليكم السلام ورحمة الله وبركاته


صح لــــــــــــــــــــانك يـــالقرناس المهاجر
وجعل من جابك بالجنه
ابداع في فكرة القصيده

تسلم تسلم تسلم


دمت ســــــــــــــــالم


بن محجن




حي الله الغالي .. بن محجن
صح بدنك وسلم غاليك .. وشكراً على الإعجاب
سرني ردك وتواجدك :)
القرناس المهاجر
29/04/2011, 09:58 PM
صح لسانك و مشكور على القصيده

أعجبتني و هي جدآ رائـــــــــــــــــــــــــــــــعه

وهذا يزيد في غلاك ما دامك قرنا س ... وبعد مهاجر (عابر) .... و قصيدتك جزله


حي الله الغالي .. ابو فيصل

صح بدنك والله لايهينك .. والشكر لله
ثم لكم على تواجدكم وإعجابم




صح لسانك يالقرناس المهاجر،قصيدة جزله تلخص معاناة الصقاقير في وقتنا هذا.
استرجعت بيت لابن مدعث الخرفاني :
ومن لاعرف لذة المقناص ماعاش ،،،،،،، ولعه بليا طماعه مير عايشها


حي الله الغالي .. تركي 1
صح بدنك والله لايهينك .. وشكراً على الإعجاب
سرني ردك وتواجدك






صح لسانك وقصيدة تحكي واقعنا




حي الله الغالي .. حبران والمسمى
صح بدنك والله لايهينك .. وشكراً على الإعجاب
سرني ردك وتواجدك
القرناس المهاجر
29/04/2011, 10:07 PM
[QUOTE=القرناس المهاجر;6637604]




بسم الله الرحمن الرحيم


السلام عليكم ورحمه الله وبركاته


تسلم تسلم ياغالي ومافيك حيله


القرناس المهاجر اسعد الله ايامك شاعر جزل وقصيده جزله


عسأك تسلم وابياتك كلها مبروكه الحقيقه اشدت واجدت


رحم الله والديك


بعطيك علــم ايامــنا اللـي مضـنــا
.................................................. ............
بذيك الســنين الطـيــبة في عجـالة



هاذا البيت يقول انك عود وكبير بعمرك وانت كبيربقدرك


عند اهل مكشات الي خصيتهم بهاذي الابيات الجميله


ابغــاك تعـــرف يافــتى كيـف كــنا
.................................................. .............. وكيف السلــوم الطيبــة والجمـالة


فعلأن لنا سلوم وأعراف تربينا عليها كلاً يحترمها


ويسعاء لها والأن للأسف قله الي تحرص وتحرص


ابنائها عليها زمن عجيب



اول تشوف الأرض خضرة وجــنا
.................................................. ........
والصيــد قطعــانه زهاهـا جمــاله


هاذا البيت لحاله في نظري قصيده لواقعنا سابقاً لقلت الحسد والعياذ بالله والأن هاذا حالنا من حالنا
لقول الله سبحان وتعالى


إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ (http://www.google.com.sa/url?q=http://www.bdr130.net/vb/t385097.html&sa=U&ei=Fme5Tf2kIMal8QORnbE2&ved=0CBMQFjAA&usg=AFQjCNGZz9EruJnfVG21Omj-wEi5nriaEQ)


نسأل الله الكريم بمنه وكرمه ان يغيث البلاد والعباد في سائر بلاد المسلمين
ونسأل الله الكريم ان يرزقك من حيث لاتحتسب
ورحم الله وآلدي والديك ووالدي القاري الكريم
انه سميع مجيب



اخوك مقدام 911



حي الله الغالي .. مقدام 911
صح بدنك والله لايهينك .. وشكراً على الإعجاب
والشرح الوافي .. وهذا دليل فهمك وحبك للشعر

والحقيقة انك شاطرتني المعاناة
ويبدوا انك اكبر مني سناً هههههه
سرني ردك وتواجدك .. لآهنت :good2:
القرناس المهاجر
29/04/2011, 10:21 PM
ماعليك حيلـه ع الكلمات
والله ودى اسمع القصيدة بصوتك

تقبل مروري
بوعلى


حي الله الغالي .. بوعلي
صح بدنك والله لايهينك .. وشكراً على الإعجاب
وابشر إن الله راد انزلها مسموع
سرني ردك وتواجدك .. لآهنت :good2:




صح لسانك يالقرناس المهاجر،قصيدة جزله



حي الله الغالي .. قنيص غير
صح بدنك .. سرني ردك وتواجدك .. لآهنت :good2:



صح السانك والله يعطيك العافيه

حي الله الغالي .. المهذري
صح بدنك .. سرني ردك وتواجدك .. لآهنت :good2:



صح لسانك يشاعرنا
وعتبرها انا ابيات من ذهب
وافيه بكل معنيها
وبعدين تعال وش الغز الى بينك وبين اخوي عابر الموج:D:D:D
تقبل مروري
اخوك جرح الشمال:good2::good2::good2::good2:

حي الله الغالي .. جرح الشمال
صح بدنك والله لايهينك .. وشكراً على الإعجاب
وجودك اغلى من الذهب
بالنسبه لعابر شاعر ..
طلع لي برد مدري كيف سواه
ماشاء الله عليه يصلح للمحاوره :D

سرني ردك وتواجدك .. لآهنت :good2:


الله الله عليك يابو خليل
قرناس في المقناص و قرناس في الشعر
صح الله لسانك و قصيدة جزله من رجال جزل

حي الله الغالي .. صقار مبتدي
صح بدنك والله لايهينك .. وماعنك زود
وشكراً على الإعجاب
سرني ردك وتواجدك .. لآهنت :good2:
wwmfs
29/04/2011, 10:41 PM
صح لسانك يامشرفنا

مبدع دائماً

والله يرزق الجميع يارب
روزفلت
30/04/2011, 12:55 AM
حي الله اللي يوم راح وتعنا
صور مواري امس واللي جرى له
مزن تراكب في خياله وغنا
قاف به المعنى وزود الجزاله
بيوت توطت خاطري وارجهنا
صبت الهدف لو قولها في عجاله

لله درك
موضوع يفتح النفس, بيوت جزله ووصف دقيق ورائع للحاضر المر
بعد موضوع اخونا الفيتو اللي مع احترامي يسد النفس واللي رد بموضوعك وبين ان فيه لبنة بناء شرواك ومعول هدم الله يفكنا من شرهم ولايجعلنا منهم
لله دررك مره اخرى والسلام عليكم ورحمة الله وبركاته
القرناس المهاجر
30/04/2011, 11:52 PM
صح لسانكـ يامشرفنا





كعادتكـ مبدع ورائع



وابيات اجمل واروع



حي الله الغالي .. مشعل
صح بدنك .. والأروع هو تواجد حرفك
لآهنت .. :good2:





صح لسانكـ يامشرفنا





كعادتكـ مبدع ورائع


وابيات اجمل واروع


صحـ السانكـ






حي الله الغالي .. جفنان ينبع

صح بدنك .. والأروع هو تواجد حرفك
لآهنت .. :good2:






صح لسانك وعلا شانك


الله يرحمنا برحمته ويزينها


ويرزقنا المطر وتزين الامور



حي الله الغالي .. أبوأمين
صح بدنك .. والله يحقق الأمني
ويرحمنا برحمته .. لآهنت .. :good2:





تلك امة قد خلت يالمهاجر



حي الله الغالي .. عنيد
ونحن قضينا على كل شيء .. ومن بعدهم سنرحل
لآهنت .. :good2:






صح السانك يالقرنااااس قصيده جزله من شااعر جزل وقصيده حكت الماااضي والحااااضر 0






حي الله الغالي .. سلطان
صح بدنك .. سرني ردك وإعجابك
لآهنت .. :good2:





صح لسانك وقصيده جزلة من رجال جزل الله يعطيك العافية اخوي



القرناس المهاجر
---------------------


مقـــناصهم تــدمـــير مـابه محـــنا
.................................................. ............. هـم الســبـب في ندرتـه واغــتياله



والصــيد متعــه ياجــــماعه وفـــنا

.................................................. ............... ماهـو من اول يــوم حـتى زوالــه



حي الله الغالي .. قناص حائل
صح بدنك .. سرني تواجدك وإعجابك
لآهنت .. :good2:




صح لسانك






تحياتي لك





حي الله الغالي .. the_wolfq8

صح بدنك .. شكراً ولآهنت .. :good2:



صح السانك يا لذيب


حي الله الغالي .. السومر
صح بدنك .. شكراً ولآهنت .. :good2:






وعليكم السلام ورحمة الله وبركاته




الله حي ابو عبد الله


صح لسانك يابعدي





حي الله الغالي .. ابوعقاب
الله يبقيك وصح بدنك .. سرني تواجدك وإعجابك
لآهنت .. :good2:



صح الله السانك وكلام صحيح


حي الله الغالي .. دهام
صح بدنك .. شكراً ولآهنت .. :good2:
القرناس المهاجر
01/05/2011, 12:08 AM
بسم الله الرحمن الرحيم ,,



السلام عليكم ورحمة الله وبركااتة :
حيااك الله أخي الغالي : القرناااس ,,
يعطيك العاافيه والله يبيض ووجهك ياالأمير على هذا الموضوع وصح الله الساانكـ ..لآهنتــ,,
قصيدة جزله جزله ونصيحة وااافيه وكاافيه من شخص متمرس وأستااذ ,,


*


تحياتي لكـ...وشكراّ


*


أخوكـ


*


( عوق الخريش )




حي الله الغالي .. عوق الخريش
هذي قصيده مبروكه اللي تواجد بها توقيعك


ولودرينا كان من زمان سويناها ههههه
صح بدنك .. وتسلم ياشاعرنا
عباراتك شهادة نعتز بها .. شكراً ولآهنت .. :good2:





وايضا القمـاري والقطـــا به تهــنا



.................................................. ............... بذيك الفجـوج المخلية من يسـاله



تذهــل من الاجـــوال مــنا ومــــنا
.................................................. ............ بالشمس تمشـي محتمي في ظلاله


صح الله السانك يالقرناس


فعلا اتذكر لي سنين مضت لقالو وش لقيتو من الصيد قالو اجوال حجبت الشمس عنا ,,, لله درك يالقرناس المهاجر على الابيات الرائعه



حي الله الغالي .. مخايل دخنه
كشفناك.. انت من الرعيل الأول ههههههه
صح بدنك .. اسعدني ردك .. شكراً ولآهنت .. :good2:





سلمت يداك وصح لسانك ياأبا عبدالله



قصيده جزله وعوايدك الجزلات


حي الله الغالي .. ابو رداد
صح بدنك .. والله لايهينك على الكلام المحفز
.. شكراً ولآهنت .. :good2:
رعد البوادي
01/05/2011, 12:35 PM
صح لسانك
وبيض الله ويهك على القصيده الواقعيه وصحيح انه الحين حنا نعيش الوضع هذا لانه القنص عن بعض الناس اباده
سيف الهواء
01/05/2011, 01:13 PM
ولانمـلك الا قـــول حــــنا وحـــــنا
.................................................. .............. والصيد مابه صيـد والحــال حـاله
.................................................. ..........
عزالله انك صدقت
.....................................

ويطــلع ســــهيل ولابــه اللي تمـنا
.................................................. .............. كـــلاً يـــدلّه خاطــــره فــي دلالــه
.................................................. ..............................
صدقت وبيض الله وجهك
سنجااار
01/05/2011, 01:51 PM
اي بالله انك صادق يابوعبدالله

صح لسانك على القصيده الجزله

تحياتي لك
قرناس شماالي
01/05/2011, 04:20 PM
مشكور يالغالي على هطرح الطيب

وصح السانك وتقبل تحياتي
الحوّام
02/05/2011, 07:33 AM
صح لسانك يامشرفنا
وانا معك قلباً وقالباً
بيض الله وجهك
محمد النعيمي
02/05/2011, 11:26 AM
صح السانك على القصيده الجزله
رعد المطر
02/05/2011, 02:05 PM
صح لسانك 000000000000ويجعلك سالم وغانم
ذراع الذيب
10/05/2011, 01:32 AM
السلام عليكم ورحمة الله وبركاته,,
صبحت بالخير يابوعبدالله,,

صح لسانك على هالابيات الطيبه والجزله ولاهنت,,
تحياتي لك,,
دهام 50
10/05/2011, 01:24 PM
بيض الله وجهك يالقرناس المهاجر واللة ضربت على الجرح
القرناس المهاجر
13/05/2011, 01:47 PM
صح لسانك
وبيض الله ويهك على القصيده الواقعيه وصحيح انه الحين حنا نعيش الوضع هذا لانه القنص عن بعض الناس اباده

حي الله رعد البوادي .. وجهك ابيض .. سرني تواجدك :)



ولانمـلك الا قـــول حــــنا وحـــــنا
.................................................. .......... والصيد مابه صيـد والحــال حـاله

عزالله انك صدقت


ويطــلع ســــهيل ولابــه اللي تمـنا
.................................................. .......... كـــلاً يـــدلّه خاطــــره فــي دلالــه

صدقت وبيض الله وجهك



وصدق من قال .. وجهك ابيض .. سرني تواجدك :)



اي بالله انك صادق يابوعبدالله

صح لسانك على القصيده الجزله

تحياتي لك

حي الله الغالي سنجااار .. ارحب تراحيب المطر ..االساعة المبروكه اللي شفناك فيها.. وحقيقه سرني تواجدك :)





مشكور يالغالي على هطرح الطيب



وصح السانك وتقبل تحياتي


حي الله قرناس شمالي .. حروفك وإعجابك اكبر فخر .. سرني تواجدك :)




صح لسانك يامشرفنا
وانا معك قلباً وقالباً
بيض الله وجهك

لاهنت يالحوام .. صح بدنك .. سرني تواجدك :)
القرناس المهاجر
13/05/2011, 02:06 PM
صح السانك على القصيده الجزله

حي الله محمد .. وجهك ابيض .. سرني تواجدك :)


صح لسانك 000000000000ويجعلك سالم وغانم


حي الله رعد .. صح بدنك ولا هنت .. سرني تواجدك :)




السلام عليكم ورحمة الله وبركاته,,

صبحت بالخير يابوعبدالله,,

صح لسانك على هالابيات الطيبه والجزله ولاهنت,,

تحياتي لك,,



حي الله الغالي ذراع الذيب .. الله يصبحك ويمسيك بكل خير
وصح بدنك .. ولاهنت على المرور والإعجاب .. سرني تواجدك :)


بيض الله وجهك يالقرناس المهاجر واللة ضربت على الجرح


حي الله دهام .. وجهك ابيض .. سرني تواجدك وإعجابك :)
عبدالرحمن بن ذياب
13/05/2011, 10:26 PM
صح لسانك يا خوي و صدقت ب كل كلمة قلتها يا خوي