كيف أعرف الحطب اليابس من الرطب

[هبايب نجد]

السلام عليكم ورحمة الله وبركاته:
حبيت أعرف الحطب اليابس من الرطب قبل الشراء لأني بصراحة عند شبة النار يطلع لي بعض الحطب الرطب

[النفود الشرقي]

وعليكم السلام ورحمة الله

تقدر تعرف هو يابس والا رطب بطريقتين وهي:
1_إذا صار ناخرة النمل (يعني فية فتحات كنها مخرمة بالدريل)
2_إلى منة صار لونه فاتح و وزنة خفيف شوي

هذا اللي أعرفة

والسلام ختام

[قصيمي والهوى شرقي]

شكراااااا على المعلومه القيمه

[المشراق]

السلام عليكم ورحمة الله وبركاته

اخوي هبايب نجد إذا تبي تعرف الحطب اليابس من الرطب شب فيه فإذا دخانه كثير فهو رطب وإن كان إنه قليل فهو يابس وإلا وشو له تشتري حطب إستاجر احسن لك والسلام ( عفواً تراها مزحة وش رايك حلوه ) أخوك المشراق

[نمر بن حثلين]

وعليكم السلام ورحمة الله

تقدر تعرف هو يابس والا رطب بطريقتين وهي:
1_إذا صار ناخرة النمل (يعني فية فتحات كنها مخرمة بالدريل)
2_إلى منة صار لونه فاتح و وزنة خفيف شوي

هذا اللي أعرفة

والسلام ختام

كلام سليم

واضف اليه
3- ناظر القشر اذا عليه غبار وشهابه اشتره لانه حق العام
اما اذا القشر نظيف ولونه زين لا تحرص لانه جديد

[حد السيف]

السلام عليكم ورحمة الله وبركاته

هبايب نجد

اكمخ بة راس البياع اذا انكسرت الحطبة تراة يابس :D :D :D :D
واذا انكسر راس الرجال تراه رطب :confused: :confused: :mad:

شف ياحبيبي
اجود الحطب الذي يكون مشلخ تراة يكون يابس وتعرض للهواء اكثر من الذي يجيك بعدلة


محبك اخيك حد السيف

[nahham]

الرطب بين من القطع تلاقيه ناعم وفيه ريحة رطوبه

اليابس متشطب وما فيه رطوبه

لكن افضل شي جرب قطعه منه الرطب دخانه كثير

[المموه]

الحطب وما ادراك مالحطب عندك الحطب والعود والعسل مشكلتهن مشكله والنصب والاحتيال فيهن واسع
المهم الحطب الرطب واليابس يتم التفريق بينهما بطريقتين . الوزن فالرطب ثقيل واليابس خفيف . والامر الثاني اذا كان المعروض شحنه او حزمه قم بالتنقل من حطبه الى اخرى واكسر القشر فأن سمعت صوت انكسار ومباشره طلع القشر بيدك فهو يابس وان انكسر ومسك ماقدرت تسحبه فهو رطب .

[بن نويشر]

أعتقد أفضل طريقة (والله تعالى أعلم) ..

أشتر لك شحنة من السمر الممتاز رطب يابس منقع مو شغلي !! المهم يكون سمر صح ويكون في نهاية موسم أو في الصيف وأنشره على سطح الملحق ونساه ، بطقة شمس القيض حتى يشلخ صدق ، وكل موسم على هالحال .

وسلامتكم ..

[الربذي]

السلام عليكم
اخواني واخص راع الكرم اللي ينشد عن الحطب اخونا هبايب نجد (لانهم اول يقيسون الكرم بكبر مكب الرماده بغير وجيهكم وجيهكم سالمه وعلومكم غانمة
بصراحه ضحكت بصوت عالى من اخونا ومشرفنا الحبيب وخفيف الظل راعي القفشات !1حد السيف جيني ياخوك اشوف اخونا هبايب يهبد راع الحطب المسكين على هامته بهكالحطبه الي تسدح البعير بس عشان يشوف هو رطب او لا
لكن من الردود اكثر رد اعجبني لكن ليته متقدم هو رد اخي سنيدي صح لسانك ياسنيدي لا وبعد يكون رخيص تصدق ان احد الزملا اشتراء حطب شحنه جيب من واحد بعز الصيف ب550 ريال لكن حنا ياخيك كسولين اغراض رمضان مانشتريهن لين يكون بكره رمضان الله يعيده علينا بالامن والمسرات واحد واقف عند السوبر ماركت وده يتقضى لرمضان قاله خويه انزل تقض قال ابي اشوف اذا بكره العيد نزلت وتقضيت طبعا قاعد يسمع الرادو وحنا مثله مانشتري حطب لين تروح تفرك ايديك من البرد ثم روح اشتر تلاقاه بالعلالي
1200 ـــــ1300
تحية ود للجميع من محب الجميع
اخوكم الربذي
لكن كلامك عين الصوب ومفتاح الاقتصاد وشب يانار

[ABU-AL-3eeS]

أعتقد أفضل طريقة (والله تعالى أعلم) ..

أشتر لك شحنة من السمر الممتاز رطب يابس منقع مو شغلي !! المهم يكون سمر صح ويكون في نهاية موسم أو في الصيف وأنشره على سطح الملحق ونساه ، بطقة شمس القيض حتى يشلخ صدق ، وكل موسم على هالحال .

وسلامتكم ..


هذه طريقتي واعتبرها من افضل الطرق واضمنها :good: