صوت طقطقه قوية في المكينة الصباح

[moto4arabs]

السلام عليكم
يا اخوه عندي فورد اكسبيديشن 2004
ومن يوم ما شريته وانا استخدم زيت كاسترول 10-30 وامشي عليه 3000 كيلو والموتر زي الفل
من اسبوع تقريبا عند الملحم حصلت يبيعوا زيت كاسترول ميجناتيك 10-40 يقولون انه يمشي 10 الاف كيلو ما يتعب.
صراحة حبيت اجربه ومن يوم ما غيرت الزيت صار يطلع صوت طقطقه في المكينة عاليه في الصباح والمكينة بارده, ولكن خلال ثواني يروح الصوت ويجرع صوت المكينة زي الفل.

هل هذا الشئ طبيعي ولا الموضوع كبير؟
يرجى الافاده

[صاروخ الغطغط]

خلك على زيتك الاول احسلك مدام يطلع اصوات بالمكينه يمكن الاصوات تسبب احتكاك مع البطى في وسط المكينه وتحدث لك مشكله يفيدونك الزملاء

[Abdullh397]

يمكن السبب من الزيت

او طرمبه الزيت لا سمح الله

لأن الزيت يكون ثقيل شوي و ما تدفع الزيت زين

و اذا احتمى الزيت و زادت سيولته ترجع الطرمبه زي اول

و اذا ما كان الزيت له دخل ولا الماكينه

عندك الشداد تأكد منه
و الفورد معروف بخراب الشداد

[7ابو نواف7]

نفس المشكلة طلعت عندي قبل فترة وكان معي يوكن2005 وكان سببها تغيير الزيت اللي كنت ماشي عليه لفترة طويلة إلى زيت أثقل منه وهو سوبر شل20-50
وأول ما طلع الصوت كان عند تشغيل السيارة في الصباح أو بعد الوقوف لفترة طويلة(يكون الزيت بارد)صوت تكتكة(تك تك تك) وإذا دست على البنزين يزود، وبعد فترة بدأ يزود الصوت ويطلع في كل وقت وبعد ثلاث شهور تقريباً طلع في الطبلون أن ضغط الزيت منخفض وصار عداد ضغط الزيت يرتفع وينزل والسيارة على الp فشلتها على سطحة احتياطاً ووديتها عند عبدالرحمن الجميح في الصناعية القديمة وصارت المشكلة من طرمبة الزيت وملحقاتها وكلفتني 3200 تقريبا.
ولكن لايلزم أن يكون الخراب عندك نفس اللي عندي وحتى لو صادف أن الصوت طلع بعد تغييرك للزيت لأن هذا الصوت يطلع بأكثر من سبب منها/
1-طرمبة الزيت
2- شداد السير
3- تكايات البلوف(وهذي ماأعرفها بالضبط لكن المهندس قال لي أن الصوت يطلع غالبا إذا خرب واحد من هالثلاثة)
أتمنى أن أكون أفدتك...

[moto4arabs]

مشكور يا شباب ما قصرتوا
ربنا يستر
بشوف وايش الموضوع وبخبركم ان شاء الله

[بروق الخريف]

قبل كل شيء ارجع للزيت السابق

10-30

الزيت الذي استخدمته ثقيل واذا كان بارد ماتدفع الطرومبة

واذا سخن يخف

واذا راح الصوت خلك على الزيت القديم

وان شاء الله ما يصير شيء

[سوبر VTC]

كم ماشي الموتر ؟؟؟

نقطة مهمة
موتر جديد الوكالة تنصح بزيت 5دبليو و هو غير متوافر البديل عنه بالسوق 10دبليو
اذا مشى الموتر فوق ال150الف يفضل انك تحول الى زيت 15دبليو
اذا مشى الموتر فوق 250الف فاكثر يفضل انك تحول الى زيت 50 20 دبليو

مجاري زيت المكينة مع الايام تتوسع و يحدث احتكاك و تاكل و توسع مجاري الزيت بداخل المكينة
خصوصا فتحات السبايك و بالتالي تتحول تدريجا الى الزيت المناسب

معروف عن الجمس و الشيروكي و الباترول الفتك في الصباح الباكر تطقطق المكينة لمدة 5 الى 7ثواني
ثم يختفي الصوت لكون الزيت في اعلى المكينة نازل في الكرتير

[moto4arabs]

كم ماشي الموتر ؟؟؟

نقطة مهمة
موتر جديد الوكالة تنصح بزيت 5دبليو و هو غير متوافر البديل عنه بالسوق 10دبليو
اذا مشى الموتر فوق ال150الف يفضل انك تحول الى زيت 15دبليو
اذا مشى الموتر فوق 250الف فاكثر يفضل انك تحول الى زيت 50 20 دبليو

مجاري زيت المكينة مع الايام تتوسع و يحدث احتكاك و تاكل و توسع مجاري الزيت بداخل المكينة
خصوصا فتحات السبايك و بالتالي تتحول تدريجا الى الزيت المناسب

معروف عن الجمس و الشيروكي و الباترول الفتك في الصباح الباكر تطقطق المكينة لمدة 5 الى 7ثواني
ثم يختفي الصوت لكون الزيت في اعلى المكينة نازل في الكرتير

حياك الله حبيب
الموتر ماشي 190000 كيلو
ومن يوم ما شريته وانا استخدم كاسترول 10-30

سؤالي هو - هل هذا خلل في المكينة ولا شئ طبيعي ان يظهر هذا الصوت في الصباح؟

[سوبر VTC]

انت تقول الصوت ثواني بعدين يروح
و انا اقول اطمئن الوضع طبيعي جدا
معروف عن الجمس و الشيروكي و الباترول الفتك في الصباح الباكر تطقطق المكينة لمدة 5 الى 7ثواني
ثم يختفي الصوت لكون الزيت في اعلى المكينة نازل في الكرتير

متى يكون عندك خلل ؟
اذا ولعت لمبة الزيت او ظهرت رسالة بالطبلون تقول ان الزيت منخفض
فهذا يدل على عدة امور 1 ان الطرمبة ما تدفع
2 خلل بشفاط الزيت بنفس الكرتير او تهريب من وجه الطرمبة
3 انسداد فلتر الزيت لكون الفلتر تجاري مهب اصلي
على العموم لو كان عندك خلل
فاول مشكلة تظهر لديك اللمبة تولع + رسالة تحذيرية بالطبلون + المكينة تطقطق باستمرار
يعني كان المكينة مابه زيت من البداية

[moto4arabs]

انت تقول الصوت ثواني بعدين يروح
و انا اقول اطمئن الوضع طبيعي جدا
معروف عن الجمس و الشيروكي و الباترول الفتك في الصباح الباكر تطقطق المكينة لمدة 5 الى 7ثواني
ثم يختفي الصوت لكون الزيت في اعلى المكينة نازل في الكرتير

متى يكون عندك خلل ؟
اذا ولعت لمبة الزيت او ظهرت رسالة بالطبلون تقول ان الزيت منخفض
فهذا يدل على عدة امور 1 ان الطرمبة ما تدفع
2 خلل بشفاط الزيت بنفس الكرتير او تهريب من وجه الطرمبة
3 انسداد فلتر الزيت لكون الفلتر تجاري مهب اصلي
على العموم لو كان عندك خلل
فاول مشكلة تظهر لديك اللمبة تولع + رسالة تحذيرية بالطبلون + المكينة تطقطق باستمرار
يعني كان المكينة مابه زيت من البداية

احسنت بارك الله فيك
انت الحين طمنتني