مشكلة بعد توضيب الكامري(2002) والله تعبت

[JJJJJ]

السلام عليكم

ياشباب عندي مشكلة تكررت بعد توضيب الكامري 2002 اربعة سلندر
بعد ماوضبتها قالي الورشة امش 1000 كيلو تمر ين لاتتعدى 100 وبعدين امش عادي
وخلصت 1000 كيلو وبعدين مشيت عادي ويوم وقفت اعبي بنزين ا اسمع صوت طقطقة
كذا طق طق طق وااضح ونفس الصوت قبل التوضيب وتقفل معاي دافع فيها مبلغ وقدره واخرتها طقطقة واروح للورشة قعد يحاول يمين يسار قالي لازم نفك المكينة مرة ثانية
وفك المكينة قالي بستم واحد و السبائك اللي بالذراع وغيرت بستم واحد مع السبائك وبعدين رحت امرنها من جديد ونفس الطريقة مشيت الف الوضع ok ثم صرت عليها امشي عليها كذا اسبوع وصوت المكينة مضبوط وسافرت فيها جدة ورجعت الرياض والمكينة ماعليها
لين ماصار لها شهر وهي كويسة امس وانا جاي من طريق القصيم وكنت ماسك خط تقريبا 150 كيلو متفاوت في السرعة عند نقطة التفتيش الا واسمع طق طقطقطقطق صوت اقوى من ذاك اليوم تحطمت صراااااااااااااااااااااحة وش السواة ؟؟؟ انا صراحة شاري كل شي اصلي الا قطعة وحدة ماحصلت مقاسها بالوكالة ولا قطع الغيار الاصلي الي هي السبائك اللي بالعمود الظاهر متحركة وشريتها من محل مادريي شسمه الظاهر المنيفي بالصناعية خاص بقطع التوضيب مافيه الاهو ياباني ماهو اصلي اللي بعد الاصلي بس يقول زين ومحد يبيع المقاس الا هو وهي حديده عادية هل ممكن تكون هي السبب لانها ماهي اصلية من الوكالة ؟؟ او من الورشة شغله زي وجهة ؟؟
ولو افترضنا انها من السبائك لانها ماهي اصلية 100/100 وش الحل مالقيت نفس المقاس
هل لو اغير عمود الكرنك من التشليح ولا انخرط او انخرط بس يكون متوفر له مقاس
للسبائك اصلية من الوكالة ؟؟ وهل تسوى اني اغير العمود كامل عشان السبائك ؟؟
ولا اذا غيرت العمود كلها تجي سبياكها معاها ؟ وكم سعر عمود الكرنك في الوكالة ؟ وكم سعره مستعمل واسف على الاطالة والله مقهوووور ومادري وشسوي ؟؟

وش السواة ؟ ولكم الدعاء

[K.S.A.A]

الله يعيننا وياك يالغالي . هذا التوضيب وهذي مشاكله.
لكن ودي أنك ذكرت تفاصيل التوضيب بالتفصيل .
وهي :
هل خرط السلندر ؟؟
هل غيرت البساتم كلها ؟ وهل العمود جديد ؟
انا من خبرتي البسيطة أن الصوت من العمود.
والعمود لازم تغيره جديد مهما كلف الثمن .
اما بخصوص القطع هل موجوده او لا ؟ فأنا والله ماعندي خبر ولاعمري أمتلكت كامري بصراحه
وتويوتا من الوكالات الغنية عن التعريف هل يعقل ان مايتوفر لديهم سبايك !!!!!
المهم الله يوفقك يالغالي وودي أخدمك باكثر لكن هذا قد عرفي ( خبرتي )

[gomr-15]

انا اقول اخوي لو انك ما خذ لك مكينه من التشليح او المكاين الي وارد اليبان ازين

اول شي عليها ضمان وثاني شي انت تفك المكينه من السياره يعني تاخذ مكينه من سياره مصدومه

والمكينه ما تظررت ازين واضمن لن التوضيب مشاكله واجد وموب اي واحد يشتغل زين

[القناص-sniper]

يوجد مكائن رجيع من دبي ياليت الأخوان يفيدونك

وتحصلها اكثر شي عند المخارط

امل اني افدتك

[YUKON_GMC]

الصوت هذا صوت سبايك .. واعتقد هي اللي انت اشتريتها ماهي اصليه ..

ومع ان حتى اللي ماهو اصلي زين ويمشي سنه على الاقل .. لكن مشكلتك من حاجتين :

1- اما ان الورشه غشوك وركبوا لك قطع تجاري وماهي اصليه .. خصوصاً لو انك موكلهم يشترون القطع وترى هذي فيها تلاعب كبير من اللي مايخافون الله ..

2- اوانك لم تغير طرمبة الزيت .. وهي سبب التخبيط الاول والثاني والثالث ان ماغيرتها جديده واصليه

وبعدين ترى جميع الورش تعطيك ضمان على الشغل على الاقل شهرين ان حصل شيء خلال هذه الفتره يصلحونه مجاناً

والعمود دام انك تقول مالقيت له سبايك اكيد انه ماهو مضبوط ومخروط من قبل لين ملعون خيره

اشتر حتى لو مستعمل الاهم انه يكون صفر .. او 25 .. يعني اما ماخرط من قبل او مخروط مره وحده فقط

[4x4ofroad]

الكرنك علله العلل
واحيانا المخارط يكون شغلهم مو مزبوط
حاول تشوفلك كرنك ستاندر او يحتاج خرط اول خرطه والافضل انك تجع المكينه وتاخذ شي وارد اليابان ارخص من التوضيب واحسن

[ابوعمر5]

انا اقول اخوي لو انك ما خذ لك مكينه من التشليح او المكاين الي وارد اليبان ازين

اول شي عليها ضمان وثاني شي انت تفك المكينه من السياره يعني تاخذ مكينه من سياره مصدومه

والمكينه ما تظررت ازين واضمن لن التوضيب مشاكله واجد وموب اي واحد يشتغل زين

بالتجربة شريت مكينة وارد اليابان عن طريق دبي كاملة بما فيها دينمو الكهرب و كمبروسر المكيف وكل ملحقاتها ومضمونه وارخص واريح من التوضيب والحمد لله ماشية تمام

ادعو رب العرش العظيم ان يوفقك بما تمنى

[مركز حراره]

موقع الي يبيعون المكاين وارد اليابان صناعية العويضه

[s3eed]

اخوي صاحب الموضوع لاتستعجل
ممكن يكون حساس أسأل أهل الخبره عن هذي المشكله
والله يوفقك وتنحل المشكله

[بندرالعتيبي]

والله يامكينة موتري ددسن موظبه قطع ياباني مهب اصلي له اكثر من شهرين ولاشفت منه الاكل خير تمر من جنبه تقول مو شغال ماشاءالله شغل مظبوط عند واحد امين

[سوبر VTC]

اخوي هل لك جية الى بريدة ؟

الافضل لك و للزمن مكينة يابانية اقل ميزة بها
انه شد المصنع من اليابان مافكت

[JJJJJ]

يعطيكم العافية على الردود
القطع اللي غيرتها : طقم شنبر + طقم وجيه + سبائك (ياباني ) + عمود البستم واحد فقط + بساتم الاربع كاملة+ طرمبة زيت كل القطع اصلي الوكالة ماعدا السبائك من المنيفي والقطع انا شاريها بنفسي
السلندر كنت باخرطه لكن المخارط قالولي مايحتاج خرط السلندر ممتاز
الحين وش اسوي ؟ صعب اني اغير مكاينة بعد ماحطيت فيها
هل اروح ادور عمود كرنك من التشليح وتجي السبائك معاه؟ او اخذعمود كرنك من التشليح واشتري سبائك اصلية من الوكالة ؟ ودام القطع الياباني اقل شي يشمي سنة ليه عندي حدها شرين وطقطقة ؟ هل هي لاتتحمل الخطوط ؟؟؟
الي اعرفه ان مويدلات 2004 فما فوق هذي ماتنفع للتوضيب اما موديل 2002 وتحت تنفع بالراحة

وهل الماكينة اليابانية تختلف قوتها عن الماكئن السعودية ؟
لان فيه واحد يقولي مكائن وارد اليابن اللي بالصناعية صحيح نظيفة مرة لكن قوتها اضعف بكثير عن السعودي مادري وش رايكم ؟

[Bader-M]

بالتجربة شريت مكينة وارد اليابان عن طريق دبي كاملة بما فيها دينمو الكهرب و كمبروسر المكيف وكل ملحقاتها ومضمونه وارخص واريح من التوضيب والحمد لله ماشية تمام

ادعو رب العرش العظيم ان يوفقك بما تمنى


ونعم اراي على فكرة سعرها لا يتجاوز 2500 ريال بحد اقصى وضمانها اسبوع
تجدها في الصناعية القديمة بالرياض

شف اول ما تخذها غير الزيت و السيفون
وبعد ما تجلس يومين معاك مسك خط فيها 50 كم كفاية بسرعة مرتفعه نسبيا 120 كم
اذا سلكت معاك و ما تغير لون الزيت بسرعة وبعد ما يخلص الضمان
غير سير التيمن و غير ما الرديتر حط اصلي سعره لا يتجاوز 40 ريال و زد الباقي موية بطارية تطلع عليك الحبة 3 ريال بالكثير بالكرتون
على فكرة رقم محرك سيارتك 5S لا تركب 4S لان حجمها اقل (2000 سي سي)

تقبل مروري

[YUKON_GMC]

مثل ماقلت لك .. اسهل حل .. دزر لك عمود لم يخرط من قبل .. واخرطه 25 واشتر له سبايك ..

هذا في حالة لو فكيت المكينه ولقيت الخربان السبايك والعمود فقط او احدهما .. لكن لو لقيت مشاكل اخرى .. غير مكينه افضل لك ..

مع انك ماقلت وش وضع الضمان ..

[مغلي]

يبدوا انك طايح بورشه يتدربون
.
.
لذالك ... لاترجع لهم ... وريح راسك بمكينه من التشليح ... نظيفه ... والله يخلف على الخساير الي راحت

[JJJJJ]

شكر لكل من شارك في الموضوع

واعتذر عن الغيبة لكثرة المشاغل
المهم يوم وديتها له قالي هذي تكايات مكينة يبيلها تغيير قلت اوكيه دامها تاكايات وشغلة بسيطة , وفحص التاكيات بعدين قالي كويسة
وفك السبايك من تحتم المكينة وقال كويسة وشفتها انا بنفسي ثم قال اجل يبي وزن عمود تايمن وتضبط بس لازم مخرطة
يوزنها قلت خلاص باجي بكرة وواديها المخرطة , يوم جيته لقيته فاك المكينة وقالي هذا سرندل مشكلة ونفس المشكلة القديمة البستن لكن مكان اخر فيه احتكاك قوي لكن الحين فيه البستم فيه احتكاك والسلندر يبيله خرط عاد انا قلبت عليه هذي مشكلتك وانت تتحمل المسؤولية لاني اول ماجبت المكينة قلتله هل يحتاج خرط او لا؟ قالي مايحتاج لانه كان كويس لكن اللي اعرفه ان عند التوضيب لازم خرط السلندر مهما كانت حالته وخصوا اني اني بغير بساتم وشنابر جديدة
بعدين قالي هذا من القطعه ماهي اصلية ؟؟ جبتله الفاتوورة القطع من الوكاااااااااااااااالة يمين يسار
لان قلتله انت الي راح تتحمل المسؤولية كاملة وتسويها وتدفع قيمة اقطع الغيار كاملة قلت شوف تبي تسويها بالطيب والا جايبلك الشرطة يتفاهمون معاك قعد يدور راسه قال خلاص
الحين هو بيخرط السبندر ويقول بيسقط ستاندر قالي جيب بساتم وشنابر مقاس ستاندر وطقم وجيه
رقم البستن كان 50 والحين بحط ستاندر هل يطيح العزم مرة ولا لا ؟ لان يقول اذا خرطتها 75 ماراح تطول المكينة وتضرب عليك

الزبدة المفروض مغير المكينة كاملة من التشليح وريحت راسي لكن قدر الله وماشاء فعل والحين مالي الا اسويها واستخدمها وان شاء الله تصير مضبوطة
وش رايكم باللي صار ؟ اخاف اني ظلمته ولاشي ؟ ولا هو يتحمل فعلا المسؤولية لان ماخرط من البداية بالرغم من تنبيهي له ؟ ونبي نصايحكم الطيبة

[أصيل حجآ زي]

شكر لكل من شارك في الموضوع

واعتذر عن الغيبة لكثرة المشاغل
المهم يوم وديتها له قالي هذي تكايات مكينة يبيلها تغيير قلت اوكيه دامها تاكايات وشغلة بسيطة , وفحص التاكيات بعدين قالي كويسة
وفك السبايك من تحتم المكينة وقال كويسة وشفتها انا بنفسي ثم قال اجل يبي وزن عمود تايمن وتضبط بس لازم مخرطة
يوزنها قلت خلاص باجي بكرة وواديها المخرطة , يوم جيته لقيته فاك المكينة وقالي هذا سرندل مشكلة ونفس المشكلة القديمة البستن لكن مكان اخر فيه احتكاك قوي لكن الحين فيه البستم فيه احتكاك والسلندر يبيله خرط عاد انا قلبت عليه هذي مشكلتك وانت تتحمل المسؤولية لاني اول ماجبت المكينة قلتله هل يحتاج خرط او لا؟ قالي مايحتاج لانه كان كويس لكن اللي اعرفه ان عند التوضيب لازم خرط السلندر مهما كانت حالته وخصوا اني اني بغير بساتم وشنابر جديدة
بعدين قالي هذا من القطعه ماهي اصلية ؟؟ جبتله الفاتوورة القطع من الوكاااااااااااااااالة يمين يسار
لان قلتله انت الي راح تتحمل المسؤولية كاملة وتسويها وتدفع قيمة اقطع الغيار كاملة قلت شوف تبي تسويها بالطيب والا جايبلك الشرطة يتفاهمون معاك قعد يدور راسه قال خلاص
الحين هو بيخرط السبندر ويقول بيسقط ستاندر قالي جيب بساتم وشنابر مقاس ستاندر وطقم وجيه
رقم البستن كان 50 والحين بحط ستاندر هل يطيح العزم مرة ولا لا ؟ لان يقول اذا خرطتها 75 ماراح تطول المكينة وتضرب عليك

الزبدة المفروض مغير المكينة كاملة من التشليح وريحت راسي لكن قدر الله وماشاء فعل والحين مالي الا اسويها واستخدمها وان شاء الله تصير مضبوطة
وش رايكم باللي صار ؟ اخاف اني ظلمته ولاشي ؟ ولا هو يتحمل فعلا المسؤولية لان ماخرط من البداية بالرغم من تنبيهي له ؟ ونبي نصايحكم الطيبة



http://im.gulfup.com/2011-02-10/12973306271.jpg
أخي الكريم / جاجاجا JJJJJ
تــحـــيــة عــــطــــرة وبــــعــــد :


ترى الأمور هذي ما هي بالتخبيص ولا بالتخمين .


مو على كيفك ولا هو على كيفـُه يـُخرطها أو لا .


لا بـُد من أخذ المقآييس الصحيحة

ويـُقرّر أن كآن تحتآج خـرط أو لا .


يعني لـكـُل مـُحـرك وكـُل أصطوآنة وكـُل كبآس مقآييس .
وبين الكبآس ودآخل الأصطوآنة { السلندر } خـلوص
وهي المسآفة بحدها الأدنى وحدها الأقصى بينهـُما
سواء كآنت الجديدة أو القديمة
أو المخروطة خرطة أولى أو ثآنية أو ثآلثة .

في الغآلب أكثر القطع بالسيآرة تـُخرط مرتين الى ثلاث
بالحد الأقصى .

ومختوم بهيكلها { سبيكتها الحد الأدنى للسمآكة }
أضرب لك تحت مثآل :
مثل مختوم هكذا 1.7" .Min وتعني لا تتعدى الحد الأدنى هذا
وهو وآحد وسبعة من العشرة من البوصة سمآكة .
ووضعت لك أشآرة الأستشهآد " بجوآر رقم البوصة
وتعني أذا جت بجوآر الرقم أنها أو أن الرقم يعني بوصة "
وأذا جاء ' فقط فيعني بالقدم .



الحقيقة جميع الشبآب ما قصرو لك في نصآيحهـُم مشكورين
بعد شــُكر الله .
وأزيدك من الشعر بيت :
في بعض منآطق المملكة بدئون أهآلي التشليح يغشون بشكل رهيب
وهو بأن يقومو بخلط القطع ويزعمون أنها وآرد اليآبآن .
طبعآ ما ودي أحدد المنطقة أبدآ ‘‘‘ لاكن أنا مـُتأكد من هذا الكلام
وخآصة أنهُ أهل ورش كثيرة وثقة أخبروني بهذي المـُشكلة .


فأن أخذت من المـُحركآت التي يسمونها وآرد دُبي أو اليآبآن
تأكد 100% وزيآدة من الذي تشتريه
وأفضل شيء لك أن تخلي :
مُهندس ورشة { مكنيكي } يـُشرف على الشغلة من ألف ألى الـ ي .


وأطـلــُب ضمآن وآضح ومختوم بختم رسمي وأكيد .


وأنصحك بأستخدآم زيت ألترا 7 Ultra عيآر 20W - 50 .



الزيوت للمـُحركـآت والقيور :



كـيـفـيـة تـغـيـيـر زيـت قـيرك الـتـمآتك والعـآدي مـُـرفق بأشـرطة للتوضيح ؟؟؟ (http://www.mekshat.com/vb/showthread.php?t=285489)



ردي لمن سأل عن أهم أسبآب تأخير تعشيق نمر القير التمآتك خلل نظآم التحكـُم {المُنظم}؟ (http://www.mekshat.com/vb/showthread.php?t=327539)



كـــيـــف تـغـيـر زيـت ا لـقـيـر ا لـعـآ د ي بـا لـصـور ؟؟؟ و بـأ يـجـآ ز (http://www.mekshat.com/vb/showthread.php?t=223566)



كـيـف تـفـحـص قـيـرك و ز يـتـُـه / حــتـى لا تــُـفــا جـئ بـخـرآ ب قـيـر سـيـآ رتك (http://www.mekshat.com/vb/showthread.php?t=222916)



عــُـلـبـة الـزيـت أ لـتـرآ 7 Ulra و ســُبـر بـتـرومين 10W-30 ب 9.73 ريـآ ل فقط ؟؟؟ (http://www.mekshat.com/vb/showthread.php?t=254024) ‏



بالأشـرطة / كـيـف تـغـيـر زيـت مـُحـرك سـيـآرتك وقيرها ووقودها والصـفـآيـآت {فلتر} ؟؟ (http://www.mekshat.com/vb/showthread.php?t=254862)



كـيـف تـعـيــّر {تصفر} مؤشـر {عدآد} الزيت في سيآرآت جي أم GM الحديثة وموشر نقص الزيت (http://www.mekshat.com/vb/showthread.php?t=386387)



حل مُشكلة تـهـريـب الزيت لمـُحركك أو قـيـرك أو الترس التفاضُلي مـن غـطـاء الكرتير ؟ (http://www.mekshat.com/vb/showthread.php?t=232723) :



مــا هـي ا لــز يــو ت ا لـصـحـيـحـة لــســيــآ ر تـك ‘ لـلـمـُـحرك القير القابض . (http://www.mekshat.com/vb/showthread.php?t=231157)



************************************************** **************


وتأكد من مضخة الزيت والصفآية الدآخلية بأنها صآلحة .


وأفحص زيت القير لأن أذا كآن زيت القير نآقص
أو بالقير مشآكل يكون عبىء على المُحرك يـُثقل كآهنـُه ويجيب أجلـُه .


وأفحص وشخص نظآم تبريد ماء المـُحرّك من القربة ألى الموآصير
الى المرآوح ألى الحسآسآت { حسآس الحرآرة وحسآس المروحة }
وووووووووووو .......... ألــخ .


تنحل لك أن شاء الله .
ولا تفرط بالكآمري ترآهي سيآرة لا يـُعلى عليها خآصة
التي مـُظـلاتها من 2000 الى 2002 صليبي .






موفـق
وتلقى خير بأذن الله




""" و الله ُ أعــــــــلـم وأكـــــمـــل """



تـــآبــع دروســـي لـلـفـآئـدة :
كـيـف تـُـصـبـح مـُهـنـدس سـيـآرآت وكـهـربائي سيارآت ومـنـآزل ؟؟؟ 100% (http://www.mekshat.com/vb/showthread.php?t=226714) ‏( 1 (http://www.mekshat.com/vb/showthread.php?t=226714)2 (http://www.mekshat.com/vb/showthread.php?t=226714&page=2)3 (http://www.mekshat.com/vb/showthread.php?t=226714&page=3))



هـذا تحــت رآبــط دروسي

أُهـــديــــه لـكـــُـم جـمـيـعــآ خآصة :

دروس ألأصيل الحجآزي (http://www.mekshat.com/vb/search.php?do=finduser&u=127328&starteronly=1)





أن تـرى أني قـد

أفـدتــُـك بــشيء ذا مـعـنى ... ;)
وأستحق مـــــــنــــــــــــك دعوة صالحة
فـــلا تــنــــــــــــــســآني :no2:

مـــــن صــــــآلـح دُعـآك.





http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html) :burnout2: http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)


تـحـيــــــــــــــــآتي



<<< أبـو عـبـد الـرحـمـن >>>
""" الأصـيـل الـحـجـآزي """

[يالبى الهلا]

يبدوا انك طايح بورشه يتدربون

[امين الاسمري]

تحتاج مهندس عنده ضمير وبعدين مستحيل يتم التوظيب بشكل سليم ويظهر مشكله لكن
السبب واضح انه في خطأ في التوضيب وقطع المكينه من الداخل وااااااااجد واي مهندس
يقدر يعفسها لك على بعضها ويضمنها 15 يوم تمشي لكن
التوضيب السليم يكون من اول تشغيل . لا يقول لك بيروح الصوت مع التمرين واي قطعه تركبها لازم تكون خاصه لا تولف ولا تحط جملكه
الجملكه هذا يسكت الراس ويضمنه شهر ... اخيرا افضل حل لك تاخذ قطع تشليح بس
لان محلات قطع الغيار ماشين على رتم ستاندر وهذا غلط او ان الوكاله متعمده
وعشان ااكد لك كلامي امسك السبايك والكرنك الاوله وقارن كل حرف ورقم عليها
مع الجديد وشوف الفرق ... انا اتوقع انها سياسة المصنع ....

[أصيل حجآ زي]

تحتاج مهندس عنده ضمير وبعدين مستحيل يتم التوظيب بشكل سليم ويظهر مشكله لكن
السبب واضح انه في خطأ في التوضيب وقطع المكينه من الداخل وااااااااجد واي مهندس
يقدر يعفسها لك على بعضها ويضمنها 15 يوم تمشي لكن
التوضيب السليم يكون من اول تشغيل . لا يقول لك بيروح الصوت مع التمرين واي قطعه تركبها لازم تكون خاصه لا تولف ولا تحط جملكه
الجملكه هذا يسكت الراس ويضمنه شهر ... اخيرا افضل حل لك تاخذ قطع تشليح بس
لان محلات قطع الغيار ماشين على رتم ستاندر وهذا غلط او ان الوكاله متعمده
وعشان ااكد لك كلامي امسك السبايك والكرنك الاوله وقارن كل حرف ورقم عليها
مع الجديد وشوف الفرق ... انا اتوقع انها سياسة المصنع ....



.

.

.

يأخي / أمين الأسمري

.

.

أين المُهندس اللي عندُه ضمير .

من المُستحيل ومن الصعوبة أيجآد ذلك .

أغلب اللي بالسوق اليوم نصآبين ويرون أن النصب ضرورة .

يعتقدون خطاء أنهُم أن لم ينصبوء لن يسترزقو .

.

.

والله نآقشت بعضهُم .

ووجدتهُ مُصر على النصب والأحتيآل .

بزعمه أنهُ أذا قآل الحقيقة للزبون / العميل يهرُب منهُ .

أو ما يعطيه حقهُ ووووووووووووووووووووووووووو ... ألـخ .

.

نآدرآ تحصل فني / أو مُكندس أمين وصآدق .

.

طبعآ :

لن تخلو من ذلك .

لو خليت لخربـــــت .

.

.

:eek:

.

.

.