ابغى مشوره ــ ارجو التفاعل

[خوة نشاما]

بسم الله الرحمن الرحيم

السلام عليكم ورحمة الله وبركاته وبعد...
يا اخوان انا انسان على قد حالي وقلت ابغى ادخل بيع وشراء لعل وعسى ان يتحسن الوضع

قمت دورت منا ومنا قلت مالي الا اشتري وابيع في السيارات
الحين ابغى مشورتكم كيف الطريقه عندي 30 الف
السؤال كيف ابدا ؟؟ وهل يوجد ربح مرضي فيها؟

[القرناس111]

الله يرزقنا وياك من واسع فضله الاخ العزيز الرزق في كل مكان وكل شغله لابد فيها ناس ماتخاف الله ولكن قبل ماتبدا في البيع والشراء لابد تاخذ فتره في السوق تستطلع وتعرف الاسعار ونوع السيارهالمطلوبه في السوق وتعرف الشريطيه المتواجدين في السوق والله يوفقك

[خوة نشاما]

عزام
القرناس 111
الله يعطيكم العافيه
ونشوف اراء الاخوه

[رهيب الرهيب]

بصراحه انصحك بالحلال ترا فيها خير كثير واصرف من السيارات وبصراحه اقولها لك اغلب وليس كل الي يشتغلون ببيع وشراء السيارات لازم يغشون واما الحلال احسن بواجد بذات حق الذبح تشتريه من القرى وتبيع داخل المدن يجيك بالراس الواحد من الميه وخمسين الى الثلاث ميه

[الشمري شمري]

والله شف ونا اخوك اولا البيع والمشترى بالسيارات يتطلب اشياء منها

اولا / انك لازم تكون عارف بالسيارات يعني تعرف السمكره وغيره

ثانيا/ انك اذا اعجبك موتر وتحس ان قيمته به مكسب تجزم على طول ولا تتردد على طول اشره قبل مايلقط

ثالثا / الصبر وتحمل الدوجله بالمعارض تراه والله انه ترفع الضغط
والله يرزقك اخوي

[جي اكس ار2000]

السيارات كماقال الشمري لاتستعجل

كذلك حاول تتعامل مع نوع معين مثلا هايلوكس( خلاص خاك ماسك على الهايلوكس تشتري وتبيع وتعرف مشاكل بديها وغيره)

اما اذا اي سياره تشوف الناس عندها تشتريه هذا يوم من الأيام سوف تخسر


اما من قال الحلال فهو على اسمه حلال اي ان الغش فيه قليل ولكن الحلال يحتاج اعلاف وعماله ولاتقدر تبعد عنه اما السياره اتركها بالمعرض وابحث غيرها

الله يرزقك الرزق الذي من يده تبارك وتعالى ليدك آمين

[ابوريان القحطاني]

الحلال احسن لك بالنسبه للمبلغ اللي معك


اما السيارات ماتصلح لك الا تمسك بشراء الاكسنت فقط نوع واحد وتخصص واحد تصير احسن واحد
الله يوفقك

[SRAAAB]

شف وأنا أخوك إن كان وجهتك للسيارات فلازم يكون عندك خلفية عنها وخبرة كافية عن الاسعار والسيارات المطلوبة
وإنت أبخص بس لاتخاطر بالمبلغ المتبقي معك
إحسبها واستخر وتوكل على الله وبعدين ابدأ

[خوة نشاما]

اولا اشكر كل من شرفني بمروره
ثانيا رحت قبل شوي للمعارض بصراحه الاسعار مبالغ فيها بشكل لا يتصور
ثالثا ما شفت ولا سياره نضيفه كلها مسمكره وملعوب فيها
رابعاً الشريطيه
السيارات المعروضه اغلبها لهم ويزايدون على بعض والسياره لهم

[v506]

لازم تخاوي لك شريطي

بس يكون صادق لأن 80%كذابين

وحاول تششتري المواتر من العشره وفيها

[ابرق الكبريت.]

سبحان الله وبحمده
سبحان الله العظيم

[قناص الأشهب]

والله ونا أخوك اللي شار عليك بالحلال صادق
الحلال أبركلك أسعارها تقدر عليها وخاصة علا مبلغك
وخسايرها قليلة مو زي المواتر ممكن تتعب ونت تدور وذا لقيت طلعت عليك بأكثر من بيع السوق
ونا بنصحك بش ثاني وهو الجوالات ترافيها رزق ولاتنسى الأمانة في البيع والشراء لأن لوحاولت تظلل في البعة تأكد أنك لو حتى كسبت ربي مايباركلك بمالك
ودعائي لك بالتوفيق والرزق الحلال

[العارض 511]

الله يرزقك من واسع فضله

[نويجع]

نصيحه مافيه شريطي قلبه نظيف كلهم نصابيين

[قناص خلاوي]

اخوي ابعد عن السيارات وغثاها
ماوراها الا الغثاء والكذب والغش
ولو نصحت وصدقت صدقني ماراح تكسب شي يستاهل
دور لك شي غير السيارات وابحث عنه وانشد لعل الله يفتح لك باب خير منه
والله يرزقك وكل مسلم

[بحرالمحبه]

اخوي اولا الله يوفقك ويرزقك من حيث لا تحتسب
اهم شي اذا نويت تدخل سوق السيارات ان تتقي الله في كل شي سواء بيع اوشراء وتأكد اخي الكريم ان الله سوف يرزقك ولا تصدق اللي قول ان اللي يصدق ويبين مآ يكسب شي الا بيكسب ومن يتق الله يجعل له مخرجا ويرزقه من حيث لا تحتسب واهم شي لا تطمع يعني اذا لقيت مكسب زين لا تتردد وتقول بتجيب اكثر وانتبه من الغش ولا تنسى ان تسعة اعشار الرزق في التجاره ولو تكون هاوي سيارات يكون افضل وتعرف على السوق قبل تخش فيه

اسال الله لك التوفيق