سرقات التحويل

[ABO MOHAMED ALTMEME]

السلام عليكم

حياكم الله

لدي استفسار بخصوص التحويل إلى شخص محتال

كيف استطيع استرجاع المبلغ المحول له

هل هناك طريقة استتطيع استرجاع المبلغ

ام مستحيل استرجاع المبلغ على كلام بعض الناس

ارجوا المساعدة منكم


شكراااا لكم

[العابر2222]

قدم شكوى على الشرطه

[عاشق المخيله]

فيه فرصة اذا كان التحويل عن طريق البنك مهوب عن طريق الصرافة تقدر تلغيه

اما اذا كان عن طريق الصرافة فهذا صعب لازم واسطة في البنك

[ABO MOHAMED ALTMEME]

فيه فرصة اذا كان التحويل عن طريق البنك مهوب عن طريق الصرافة تقدر تلغيه

اما اذا كان عن طريق الصرافة فهذا صعب لازم واسطة في البنك


لا والله عن طريق الصرافه

هل هناك طريه تنفع

أرجوا منك الله لايهينك المساعده

لأن هذا الشخص وجدته خدع كثيرين فلابد من أيقافه

ومازال يعاند وتحدى

شكرا لك

[ABO MOHAMED ALTMEME]

قدم شكوى على الشرطه


شكرا لك

اما بخصوص الشرطة فيه اشخاص قالو لا تتعب نفسك تقدم شكوى ولا فيه

فائدة لأن الشخص يتحدى يقول رح للمحكمة والشرطة يقول رقمي وأسمي عندك

أنا ممكن أجرب الشرطة إذا كان مافيه حل اخر

شكرااااااا

[dheem]

ابو محمد \\\ طيب سؤال لو سمحت

كيف خدع كثيرين وهؤلاء حولوا المبلغ إليه برضاهم ؟؟؟

ممكن أعرف لو سمحت \\ ليست شرافة أو لقافة فقط من باب التحذير

[ABO MOHAMED ALTMEME]

ابو محمد \\\ طيب سؤال لو سمحت

كيف خدع كثيرين وهؤلاء حولوا المبلغ إليه برضاهم ؟؟؟

ممكن أعرف لو سمحت \\ ليست شرافة أو لقافة فقط من باب التحذير


حياك الله

والله لديه طرق كثير مع تشابهها

يعر:Dض سلعة بسعر مميز جدا مع صور السلعة

ويقول لك ارسل لي المبلغ وأنا أسلمها لشركة شحن

ويقوم بإعطائك معلوماته ويحلف لك أنه رجال صادق

ويقسم بالله أنه مايخذ فلوسك ليأكل أولاده مال حرام

ويعطيك أحاديث وكلامه جدا جميل يريح الشخص

ويخلي الرجال يثق فيه ويحول له المبلغ


تجدالشخص في مواقع البيع الألكترونيه

والله لوتسمع الناس التي تدعي عليه كان كلام اخر

سرق اناس كثير وأسمه معروف لاكن لارقابه ولاشي

الله تعالى فوقه وهو المحاسب سبحانه

لاكن ودنا أنا نوقفه عند حده لأنه مازال مستمر

وأرجوا أني وضحت لك الأمر

وأي استفسار أنا حاضر

[goldenrife]

شكرا لك

اما بخصوص الشرطة فيه اشخاص قالو لا تتعب نفسك تقدم شكوى ولا فيه

فائدة لأن الشخص يتحدى يقول رح للمحكمة والشرطة يقول رقمي وأسمي عندك

أنا ممكن أجرب الشرطة إذا كان مافيه حل اخر

شكرااااااا


هوا يقلك كذا عشان لا تروح تشتكي عليه!!!

يا رجال روح اشكي عليه وش بينقص منك...انتا جالس في البيت ارفع سماعة وشف ايش يقولون لك!!!

[أمير الصيد]

الله يعوض عليك .
دائما الجهات الرسمية تحذر من هؤلاء ؟؟
لكن المشكة فينا انا ؟ أنا اللي نسمح لهؤلاء الحرميه والنصابين
بأن يستمرون في ذلك .
الله لا يوفقهم دنيا واخره.
ويعوضك خير ان شاء الله.

[الصحافة 15]

أذكر أي معلومات عنه وفي أي الموقع يتواجد وطريقة تعامله لكي لايقع الآخرين في الفخ أسأل ألله أن يرد لك مالك

[YUKON_GMC]

الله يعينك ويرد لك حلالك ..

كلامه من باب النظام لايحمي المغفلين .. لأنه اخذه منكم بالاحتيال .. وبرضاكم .. وبالتالي لن يجبر على ردها خصوصاً ان مابينكم اي شيء يثبت البيع او الشراء ..

يمكن يقول هذي محوله لي مساعده او سلف .. او حاجه زي كذا ..

[شوكة نحر]

اخوي اعرف شخص في احد البنوك

وقال لي بالحرف الواحد لابد ان تحول له عن طريق فرع البنك وكتابه في ايصال التحويل المبلغ مقابل سلعه معينه

وفي حاله مطالبتك له تستطيع اثبات انك لم تستلم السلعه عن طريق اي وسيله ارسال

وان شاء الله يرجع حقك

[العابر2222]

يا غالي رح للشرطة واشتك

راح يقوللك اثبت وجب كشف حساب

وراح ينادونه ويقولون له جتك فلوس من الشخص هذا ما راح يقدر يجحد بيقول ايه غصب

بيقولون طيب اثبات انك ارسلت له السلعه او سلمتها له ... لازم سند استلام

[جلاد الحباري]

احسن حاجة دائما اجعل عقلك كبير سلم ثم استلم يدا بيد

[رسيس نجد]

الله يرد لك مالك وحسبنا الله ونعم الوكيل 0

[فهد بن مشبب العاصمي]

أخوي انت ارسلت الفلوس على حسابه أكيد اسمه مسجل .. اشتك عليه مااظنك بتخسر شيء .. والشيء الثاني ارسلي على الخاص لاهنت اقرب سلعه عارضها للبيع وانت كم دفعت له وجواله فضلا لا أمرا .. نسوي اللي نقدر وربي يسهل

[هاوي الآسلكي]

السلام عليكم

هل هذا المحتال من هذه المنتدى وممكن تعطيني رابط السلعات إلي يبعها لكي أظمن نفسي وغيري يظمن إنه مايتعامل معه وشكرآ

[انترمكشات]

يأخي اول شئ سبب التحويل لماذا تم التحويل لهذا الرجل

اسئل الله ان يعيد اليك مالك وان يهدي الاخ الآخذ للمال بغير وجه حق

[الجرنـاس]

يأخي إذا كان ماكل حلالك ليش متستر عليه
إنشر إسمه بالكامل وجميع معلوماته لتحمي الناس منه
هو ظرك وإنت بس اتشكى وتستر عليه
الله يرد عليك حلالك
حسبي الله عليه وعلى أمثاله

[abdulaziz_1414]

الله يعينك
قدم شكوى

[غار بن شعلان]

افضحه بكل منتدى وانشر اسمه وشهر فيه ورح اشتك عليه

والله ياخوي انتم مدري كيف تحولون فلوس لناس ماتعرفونهم والمشكله انكم تسمعون بالنصابين بس مع هذا كله ماتتعلمون تروحون تشترون اذا لابد تشتري السلعه خذها يد بيد وفك عمرك من هالاشكال

الحرامي اكيد بيعطيك كلام حلو وانه يخاف الله وهو سروووووووق وانتم تصدقون الوقت هذا انعدمت الثقه اعوذ بالله كلن يلهث ورى المال حتى لو هو حرام

[ab55yo]

الله يرد لك مالك حسبي الله ونعم الوكيل
انا اشتري من مواقع الانترنت من الخارج وتجيني الا هنا ما يوم ضحكو عليا او كذبو احنا المسلمين نكذب وننصب نسئل الله السلامة

[محمد آل مغيرة]

الله يحفظك ويرد لك مالك

الواجب تحط اسمه هنا حتى نأخذ حذرنا منه
اذا هو لص عليك فضحه والتحذير منه حتى لا يقع اخوانك في شراكه

[مليح البآرود]

عليك السلام ورحمة الله وبركاته


أهلين أخوي ,

أولا : كان الله في عونك , ودعوة المظلوم مابينها وبين الله -عز وجل- حجاب .

ثانيا : يالغالي , لا تزم تشهر بالرجال الي نصب عليك ,

ثالثا : بالنسبة لحقك ,

سوا الي أقولك عليه , وإن شاء الله بإذن الله يرجع لك حقك :

1- ادخل الموقع الي انصب عليك منه , وأرسل رسالة للمدير , وقول له عطني الآيبي ((IP)) حق الشخص الي نصب
عليك .
2- مثل ماتعرف المملكة والحمدلله طبقت قانون النصب الإلكتروني والتهكير وما إلى ذلك , يعني انقز لأقرب مركز شرطة , أو إذا كنت تعرف ضابط في شرطة معينة , اشتك عنده ,لأنه راح يهتم بالقضية أكثر .
3-اجمع الأشخاص الي انصب عليهم , وجيب أنت والي انصب عليهم , ورقة من البنك إنك حولت للنصاب فلوس .
4- بإذن الله إذا سويت هالطريقة , وأهم شي حاول قدر المستطاع إن الشكوى تكون في قسم شرطة تعرف فيها أحد , لأن ممكن تشتكي في الشرطة ,وهو يعرف أحد فيها ,ثم تجي على راسك :)

الزبدة : إن شاء الله ماراح يضيع حقك ,



رابعا : بالنسبة للاخوان الي يقول ليه تحول له :) ,شوفوا يا إخوان صحيح إن سالفة التحويل صعبة جدا ,
لكن فيه حالت تكون مظطر فيها إنك تحول :)
مثلا : بحكم إني أبيع وأشتري عن طريق الأنترنت , كثير من هالمنتدى اشتروا من عندي ,وهم برا المدينة المنورة ؟؟ بعضهم من الرياض والي من حائل , فصعبه إني أرسل له القطعة وأنا ما أستلمت , وهو كمان صعبة يرسل الفلوس والقطعة ما وصلت له :)
يعني الموضوع فيه مخاطرة من الناحيتين ,

لكن الحل , إنك تشوف اسمه , وهل عليه شكاوي بالمنتديات , وهل انصب عليه من أحد , قبل ما تحول له الفلوس



وموفق خير إن شاء الله أخوي التميمي ,
وعسا الله يرد فلوسك ,

وأهم شي لا تسكت عنه , ولو كان ريال واحد

وكان الله في عون الجميع

[المعرقب]

لاتروح الشرطه قدم شكوى عليعن طريق الاماره وعطهم معلومات كامله يومين ويدقووون عليك

[أميرالعشاق]

تجربتي الشخصية/ انا اتعامل مع موقع امازون بامريكا بطريقة التحويل ثم الاستلام...واتعامل مع بعض الإخوان أعضاء مكشات وكذلك بعض الإخوان في مواقع أخرى..ومنها ((بعد إذن المشرفين))موقع سوق ..بطريقة التحويل ثم الاستلام ..وبطريقة الدفع بعد استلام البضاعة يد بيد..والحمدلله لم اواجه اي مشكله..
لكن قبل ان اتعامل مع اي شخص ..اراجع تعاملاته السابقه وتقييم الاعضاء الذين اشتروا منه..وهذا اهم شيء..وفوق ذلك أحتفظ برسائل المواقع والاعلانات البريد وإيصال التحويل وايصال الاستلام ورسائل الجوال وارقام الهواتف والجوالات من باب الاحتياط...
************************************************
قضية التشهير ما انصحك فيها ...الا بعدما تشتكي وتأخذ معك إثبات من البنك بالتحويل الى حسابه ..
وإذا عندك رسائل بريد الكتروني منه او رسائل بالمواقع او اعلانات اطبعها وقدمها للشرطه والامارة..ولا تنسى تحتفظ بنسخه لك...كذلك رسائل الجوال او اذا تقدر تثبت عليه مكالمه مسجله(بعد أخذ إذن رسمي)..وإذا كان معك اكثر من شخص سبق ونصب عليهم ..فالافضل ان تتفق معهم وتتقدموا بالشكاوي والاثبات في يوم واحد ولكن في مراكز ومناطق مختلفه..واذا لم تصل لحقك بهذه الطريقه ..عندها يمكنك التشهير به في كل المنتديات..
أخي الكريم/اسال الله ان يعيد لك حقك ..وأن يهدي هذا الشخص ويعيده الى سبيل الرشاد...
وأسأل الله أن يجبرك في مصيبتك ويخلفك بخير منها

[احساس هاوي]

اخوي إذ انت بلغت عنه والي انسرقو منه بلغو صدقوني إن تجيبه الشرطه خصوصآ ان الاسم والفرع موجود لو

[vx-2R]

اخوي احذرك من التشهير
لان التشهير عليه عقوبه ولو شهرت فيه حتى لو ثبت أنه حرامي تجيك عقوبه لتشهير
وسجنها مو شيء بسيط حسب القوانين الجديده للانظمه

بعدين فيه ناس صراحه غريبين عجيبين !

الان فيه شركات تشحن لك اي سلعه باي مبلغ ووقت الاستلام تدفع المبلغ كامل
مثل شركة ارامكس وبعدها هم يسلمونه المبلغ

وبخصوص الاخوان اللي يقولون نشتري من الخارج

اي تعامل رسمي سواء بالداخل او الخارج وقتها يكون معاك اثبات انها شركه معينه وانك حولت على حساب الشركه مبلغ وقدره وكل شيء مثبت

لكن بالحاله هاذي انك تتعامل مع شخص وليس شركه او مؤسسه ولو كانت عندك واسطه اكثر شيء تقدر تسويه انك تستدعي المطلوب ويسالونه عن سبب الحواله ومهما برر من الاسباب ياخذونها بعين الاعتبار

لان مامعاك اي سند او ايصال بالشراء او البيع

وأسال مجرب

فيه حلول كثيره بعيدا عن المشاكل والشكاوي
انك تكلمه باسلوب وتحاول تخليه يطمع بجزء من المبلغ مقابل انه يرجع الباقي وتنسى الموضوع
او اي اسلوب ثاني
بتقول انا اطالب بحقي
معاك حق لكن صدقني من كثر ماروح واجي على الاماره اخرتها طابت نفسي ودعيت عليه دعوه قلب
ووكلت امري لله وان شاء الله يعوضك ربي عنها


وتعاملاتك الجايه يد بيد او الدفع عند الاستلام ومثل ماذكرت لك شركة ارامكس وغيرها يتعاملون بهالشيء وبمبلغ رمزي بسيط

وفيه مواقع الكترونيه تكون وسيط لك وله الى بعد التسليم وتشييك البضاعه

المفروض انا وغيري من الاول نتعامل مع موقع رسمي او شركه وماكان صرنا بهالموقف

[ابو زنعاف]

عس الخسار ماهي كبيره الغالي

واخوان اتبهو في ناس تعرض عليك ارضي ثم يقول انا مسافر عربن عشان ما ابيع الارض ويكون سعر الارض رخيص مره عشان تقول فرص ماتفوت ثم ياكلك الله يحرق هم يوم العرض

[موسى الطيب]

الله يعوض عليك

طالما انك حولت المبلغ خلاص انسى

واحتسب امرك لله


والله يكفينا شر النصابين

[((القناص))]

الله يرد لك مالك ويسعدك بالدنيا والاخره

[ابو مناخ]

لازم يااخوان اننا نشهر باسماء النصابين حتى لانقع نحن الاخرين الضحية
خصوصا هذا المنتدى الغالي على قلوبنا

[اسعاف1980]

لابد انك تعرف واحد فى البحث والله يجيبون خبره أو بلغ عليه المكافحه وبعدين الهيئه وبينسجن ويحققون معه كم يوم و يطلع اما المكافحه بيضربونه اول قبل التحقيق وبعدين بيحققو معه والدعوه اشتباه ومع السلامه احنا اسفيين وبتكون بردت حرتك وبيكون وجهه وارم

[vx-2R]

^

كنت أتمنى يكون ردك أكثر عقلانيه
لو سويت هالشيء وتأكد أنه غير صحيح
تبي تنسجن أقل شيء سنه
هذا أسمه دعوه كيديه وأتمنى تفهم بالقانون قبل تتصرف مثل هالتصرفات الجاهليه

[ABO MOHAMED ALTMEME]

السلام عليكم

شكرا لكم

عز الله أنكم ماقصرتوا

لاكن بخصوص التحويل فما أظن فيه فايدة أني أستطيع ردها

أعرف شخص سرقت منه 40 ألف وراح وما خل دائرة حكومية لها دخل بالموضوع إلا وحاول

لاكن لافائدة

الصراحة أعرف أسم الشخص ورقم هويته ورقم جواله ومدينته لاكن لا فــــــــــــــائدة

ورجل بلا أخلاق ولا ذمه ولا أظن مثل هذا يعرف الرجولة والأخلاق

وإن شااء الله أن أعضاء هذا المنتدى رجال وأهل ثقة بإذن الله لاكن الحذر واجب

ولا فائدة أيضا من ذكر اسمه هنا المهم الحذر من التعامل مع الأشخاص لأنه لايوجد واحد أو أثنين كثير


مانقول إلا حسبنا الله ونعم الوكيل

[عبدالرحمن السالم]

بسم الله الرحمن الرحيم
يجب علينا أن نفضح هؤلاء حتى لا يتم اللعب على عقول البشر
هذا موقع يتم به عمليه تحديث أسماء النصابين حتى لاتقع بالفخ لاسمح الله
ويمكنك مراسله الموقع لإضافه النصابين ..
http://www.nassabin.com/ (http://nassabin.com/)

الله يبعدنا عنهم إن شاء الله

[a1s1am]

حسبي الله عليهم الله لايباركلهم وجعنه عليهم وعلى الي مثلهم نار في بطنهم

[النمرالأليف]

بلغ عليه هذا حقير وعديم تربيه وإن شاء الله الحكومه تربيه

[عبدالمالك]

شكرا لك

اما بخصوص الشرطة فيه اشخاص قالو لا تتعب نفسك تقدم شكوى ولا فيه

فائدة لأن الشخص يتحدى يقول رح للمحكمة والشرطة يقول رقمي وأسمي عندك

أنا ممكن أجرب الشرطة إذا كان مافيه حل اخر

شكرااااااا



اخوي من قالك انه تقديمك للمحكمه مافيه فايده زميلي عنده موقع في الانترنت وصارت مشكله قريبه من مشكلتك، فيه شخص سوى اعلان عنده بمالموقع بمبلغ 8000 ريال وقام الشخص هذا بتحويل المبلغ على حسابه والرجال نزل الاعلان لمدة ثلاث شهور المهم بعد نهاية مدة الاعلان اتصل عليه الشخص اللص وقال رجع المبلغ ولا بشكيك عند المحكمه بدعوى انك بعتني الموقع كله بـ8000 المهم خويي طنشه وفعلا اللص اشتكاه لان اللص عارف النظام ولاكان فيه عقد بينهم على الاعلان واللص جاب اوراق التحويل من البنك وبالنهاية الشيخ حكم بارجاع المبلغ كامل ....
نصيحتى لك اذا كان المبلغ اقل من 20.000 عشرين الف قدم شكوى على المحكمه الجزئية وارفق مايثبت تحويلك للمبلغ للرجل وهذا موقع المحكمه الجزئية بالرياض
http://wikimapia.org/2591540/ar/%D8%A7%D9%84%D9%85%D8%AD%D9%83%D9%85%D8%A9-%D8%A7%D9%84%D8%AC%D8%B2%D8%A6%D9%8A%D8%A9-%D8%A8%D8%A7%D9%84%D8%B1%D9%8A%D8%A7%D8%B6

[نـجم الـشمال]

ياخوي مثل هذا شهِّر فيه بس بعد التأكد من انه نصاب.............
تقبل ودي..............

[swead]

نصيحة ثاني مرة .. اذا بغيت تشتري أي شي من المنتدى لا يهمك السعر اهم شي انك تواجه الل بتشتري منه ويتم الشراء بعد ما تشوفها وتتفحصها .. وانتبه من اللي يقولون بيجيبون لك من امازون غيره في المنتدى .. دانا كلت منهم مقالب يا باشا ..

[مكشاتي 33]

حسبي الله ونعم الوكيل على كل نصاااااب
مايدرون ان المجاهد يغفر له ذنوبه كلها الا حقوق الناااااس
عااااد وشلون هالسارق ؟؟؟؟
لاكن ماأقول الا الله لايوفقهم دنيا وأخره
ولا يحللهم ويبليهم بمرض مايتعافون منه

[مكشآتي للآخر]

اخوي يقولك كل دقة بتعليـمه
واتمنى إنك تعلمت من هالدرس
وارجو الله ثم إرجو بآن يكون المبلغ مو كبير
ثاني شي يالغالي انا بعطيك معلومة تفيدك في مجال التجارة الاكترونيه
فية موقـع يسمى موقـع paypal .
نظامة يرتبط بالفيزا حقتك ولابغيت تشتري شي تشرط على الي تبي تشتريه منه انه يكون عندة paypal.
وإكثر التجار الاكتروني يكون عندة حساب
نظامة طال عمـرك تحول له المبلغ - ويكون المبلغ معلق مايدخل في حسابة فقط معلق
اذا إستلمت الشحنة او السلعة وكان فيها خلل تقدر توثق الخلل عن طريق إرسال صورة الى ادارة الموقـع
وخلال 4 ايام بالكثير الفلوس راجعة لك
ثاني شي اذا لم تستلم السلعة بسهولة تامة تسترجع المبلغ
ترفع قضية وتربحها ان كنت مظلوم
ولايحق لك رفع قضية الا مرة واحدة في الشراء الواحد
يعني كل شرية لك احقية ترفع قضية وحدة فقط
ولازم تبين وتوثق
انا إشوف انه قانونها الاكتروني إفضل من تبتلش وتروح تشتكي وحالتك حالة
إنصح فية كانك من هواة الي يشترون من النت
وشكرآ لكـ- والله يعوضكـ-

[الثبيتي22]

خل دايم تعاملك استلم وسلم
لو عندك رسايل من الخص جوال او ايميل او واتساب تقدر تثبت فيها عليه
وانت اذا رحت للشرطه لا تقول حرامي قل حولت له وما ارسل لي ممكن يكون ذكي بزياده ويعطيهم عذر ويول تهجم علي وقالي حرامي وقال وقال ممكن تقلب عليك بسبب هذا

[الثبيتي22]

تسجيل المكالمات فيها غرامه فوق 15 الف على ما اضن والله أعلم

[المرسل9]

سوال وشهي بضاعت النصاب المشكله اذاكان سلاح او شي غير مصرح به هنا المشكله تاكلها وتصكت احسن

[الخيل عشقي]

انا لله وانا اليه راجعون


مصيبه فعلا

والاعظم انه يتستر بستار الدين كما اسلفت ياصاحب الموضوع بذكره بعض الاحاديث وانه مايأكل عياله من مال حرام




الله يهديه ومثل هؤلاء خربوا سلاسة البيع والشراء إلكترونياً