تحذير تحذير يااخواني من ارتفاع حراره السياره [الأرشيف]

مشاهدة النسخة كاملة : تحذير تحذير يااخواني من ارتفاع حراره السياره

اصيل نجد

30/04/2011, 11:22 PM

السلام عليكم ورحمه الله وبركاته موضوعي اليوم ياخواني احذر وبشده من ارتفاع حراره السياره لاتستهنون فيه انا معي اكسبلورر اليوم ارتفعت حرارته وصارت حول النهايه وقفت وشفت القربه وماحصلت فيها ماء وقفت السياره وانا على الدائري وقف راعي جيب الله يوقفله عيال الحلال بكل خطوه ويستر عليه بالدنياء والاخره وقال تبي فزعه قلت ابي ماء للاديترقال ابشر بعزك وعنده توانك وعطاني ماء وعبيت الموتر بعد ماشغلته وشفط الي بالقربه كله وفضت القربه والغريب الارض مافيه اثر تهريب وارتفعه الحراره مامداني امشي اخر شي وقفت صطحه وشلتها وديتها للورشه وشافها المهندس وحط مويه ونفس الشي اختفت بدون تهريب تحتها قال الله يخلف الراس منشعر وقال دوس بنزين ودست طلع ماء من الشكمان الشكوى على الله كل شي مقدره ربي والحمدلله صارت بالحديد ولا بي او عيالي ياربي لك الحمد والشكر والله ماكتبت هالاسطر الا ابيها عبره والواحد منيوم يتحررك امبير الحراره على غير المعتاد صطحه والورشه على طول والمشكله القير عندي تعبان يبيله توضيب المهم قال المهندس تبي تكلفك شغل قير مع خرط الراس حق المكينه 6500 ريال قلت عرفوا بالراتب لكن الحمد لله على كل شي وانا كتبت هالاسطر للعبره تحياتي لكم واسف للاطاله وفقكم الله

عالي الكيف

30/04/2011, 11:31 PM

الحمد لله على ماقدر وقضا

قل : خيره ان شالله

فلعل الله صرف عنك شر اعظم منها

والخراب علاجه الورشه ***
بلاك باللي ما يتعالج

مشكور على النصيحه

ولد وايل

30/04/2011, 11:34 PM

حاول تاخذ مكينه مجدده ارخص لك

s3eed

30/04/2011, 11:42 PM

اصيل نجد

01/05/2011, 12:30 AM

الحمد لله على ماقدر وقضا

قل : خيره ان شالله

فلعل الله صرف عنك شر اعظم منها

والخراب علاجه الورشه ***
بلاك باللي ما يتعالج

مشكور على النصيحه

والله انك قلت الصحيح انها خيره يالاجودي والله لاشفت عيالي بخير اني اتحمد الله واشكره

اصيل نجد

01/05/2011, 12:34 AM

حاول تاخذ مكينه مجدده ارخص لك

اشكرك على ردك واقول الله يدبرني على الخيره والمشكله عندي المكينه والقير الله يعين طقتين بالراس توجع لكن الله يحله الدنيا ماتجي على الكيف لزوم اللفات والطيحات ومايدوم شده اشكرك ولد وايل

اصيل نجد

01/05/2011, 12:38 AM

مشكور على النصيحه
ودامك ناصح لازم أعطيك نصيحة مجرب
دامك راح تفك الروس يعني ممكن يلزم تخريج المكينه
غير القطع الداخليه للمكينه
يعني طقم وجيه مع جلد البلوف وجنزير اذا كان عندك جنزير وكل مايلزم
يعني سوي تجديد للمكينه
اي صح مكلفه لكن ان شاء الله بعدها مايحتاج تفك المكينه
اسأل الميكانيكي ايش القطع الي يلزمها تغيير ومستهلكه ؟

والله ياخوي انا مثلك راح علي الروس والله يعوضك ويعوضني خير
وكلفتني مع شغل اليد في الفورد 4500
آسف على الاطاله
وبالتوفيق

الله يطول بعمرك والله يوفقك على المشاركه والنصيحه والمشكله لو المكينه لاحالها كان هانت لكن عندي القير فوت من قبل 6 شهور وقالوا يبي توضيب قلت اتشوف من التشليح بسعه دامه مشيني الين احصل قير نظيف لكن الدنيا ماتجي على الكيف لك تحياتي على تفاعلك معي والله يوفقك

همس الغدير

01/05/2011, 12:42 AM

الله يعوضك خير وييسرامر كل مسلم

s3eed

01/05/2011, 01:41 AM

الله يطول بعمرك والله يوفقك على المشاركه والنصيحه والمشكله لو المكينه لاحالها كان هانت لكن عندي القير فوت من قبل 6 شهور وقالوا يبي توضيب قلت اتشوف من التشليح بسعه دامه مشيني الين احصل قير نظيف لكن الدنيا ماتجي على الكيف لك تحياتي على تفاعلك معي والله يوفقك

مثل ماقلت اخوي الدنيا ماتجي على الكيف وسع صدرك يمكن لك خير فيها
والله ييسرلك ويعوضك خير دنيا وآخره

مركز حراره

01/05/2011, 10:14 AM

دائمآ مشكلة الاكسبورفيه عيب مصنعي يصير فيه تهريب برديتر مع الجوانب ثم لابد من تغيير لان التلحيم غير مجدي وقرائة فيه واحد كاتب انه فيه عيب مصنعيى في بلف الحراره ويغيرونه الوكاله بلاش

اصيل نجد

01/05/2011, 12:05 PM

الله يعوضك خير وييسرامر كل مسلم

الله يطول بعمرك واشكرك على دعواتك وتفرج انشاء الله وميدوم شده

اصيل نجد

01/05/2011, 12:11 PM

دائمآ مشكلة الاكسبورفيه عيب مصنعي يصير فيه تهريب برديتر مع الجوانب ثم لابد من تغيير لان التلحيم غير مجدي وقرائة فيه واحد كاتب انه فيه عيب مصنعيى في بلف الحراره ويغيرونه الوكاله بلاش

هلا حياك الله اخوي مركز حراره والله اني خفت يوم شفت اسمك لاانه صار عندي حساسيه من كلمه حراره وانا الرديتر ماصار فيه اي تهريب التهريب صار من البلف مشكور عى توضيحك حافضك الله

مركز حراره

01/05/2011, 01:13 PM

راجع الوكاله ممكن يشمله الضمان

كرم1

01/05/2011, 01:46 PM

الله يعوض عليك

اصيل نجد

01/05/2011, 03:08 PM

راجع الوكاله ممكن يشمله الضمان

الله يطول بعمرك موديله 2004 منتهي ضمانه عليه العوض

اصيل نجد

01/05/2011, 03:11 PM

الله يعوض عليك

هلا اخوي كرم الله يعوض على الجميع والدنيا الرابح فيها خسران واللي مايطيح مايمشي طال عمرك اشكرك لمرورك العطر

m_khamis2002

07/05/2011, 03:14 AM

الحمد لله انها في الحديد ولا فيك
اجارك الله في مصيبتك وعوضك خيرا منها

مركز حراره

07/05/2011, 08:37 AM

ممكن يشمله الضمان لانه عيب مصنعي ماله علاقه بلموديل

FORD1969

07/05/2011, 09:48 AM

هلا حياك الله اخوي مركز حراره والله اني خفت يوم شفت اسمك لاانه صار عندي حساسيه من كلمه حراره وانا الرديتر ماصار فيه اي تهريب التهريب صار من البلف مشكور عى توضيحك حافضك الله

الحمد لله على كل حال

الله الله الأكسبلورر فيه عيب في كوع البلف وليس البلف لان الجرم يجي بلاستك للاسف وينشعر مع الوقت من مكان مكبوس كبس
بدون ما تحس فيه ويهرب خفيف مع الوقت يزود

قبل اسبوع تفاجئت بريحه ماء يغلي ويفور من الرديتر وشيكت حصلت المويه ناقصه 3 علب تقريباً وكنت توي راجع عليه من الشرقية والحمد لله لحقت عليه وصلحته في البيت بعد ماشريت كوع البلف بــ150 ريال اصلي +قاز قيت

اكسبلورر 2007

ارجوا من اصحاب الأكسبلورر الانتباه لهذا العيب لنه قد يؤدي الى تخبيط المكينه

شكرا