رجالين طلعو البر و....؟

[حمد؟؟]

السسسسسسسسسسسلام عليكم ورحمة الله وبركاته :.
اسعد الله اوقاتكم جميعآ

هذي سالفه قالها لي واحد قبل عشر سنين ولا ننسيتها لحد الحين المهم

هذولا رجالين طلعو البر رحلة صيد بعيده عن الديار المهم فيه واحد منهم حصلت له قرصه من حيه(افعى)يوم شاف الحيه وهو يصيح على خويه ويقوله الحق علي انا عضتني حيه مع رجلي والله ويقوم خويه طايرويمسك رجله ويشوف مكان العضه وحاول انه يمص السم في فمه وبعدين قام بسرعه وجاب الثلج من الثلاجه اللي معهم ويحطه على رجل خوييه بكثره ويربط على رجله كيس عشان ماينتشر السم داخل باقي الجسم ويشيل خويه ويحطه في السياره ويدعس ناوي المستشفى وهو يسوق مسرع يقول لخويه المقروص خلك هادي ولا تتحرك كثير وان شاء الله تسهل الامور يبي يحاول يهدي من خوف خويه المهم الطريق بعيد ويبيله سرعه وبعد ماقطع يمكن نصف المسافه خويه المقروص اغمى عليه يوم شاف خويه اغمى عليه كمل طريقه ولاالصوت يطلع من السياره وقف وناظر تحت السياره ولا السيم متعلق تحت السياره بين المكينه والقير وينسدح على ظهروهويدخل تحت السياره يبي يطلع السيم يمكن خايف يسوي عطل لسيياره وهو يحاول في السيم رجع السياره فجئه لانه من السرعه نسى يسحب السايد يوم رجعت السياره والكفره توطى على يده وتضغط على شوي من القفص الصدري المهم خويه المقروص مغمى عليه ولا حولهم احد يوم جا الوقت بين العصر والمغرب وهو يصحى خويه المغمى عليه ويناظر مافيه الا هو لحاله في السياره عاد القرصه صايره الصباح وينادي يفلان وهو دايخ وينزل من السياره الا خويه تحت السياره وينصدم من شاف خويه وهو ينقز ويوخر السياره عنه ويحاول يسعهف ويرششه في المويه لا ن الوقت قيض حاول يسويله عملية التنفس المهم شال خويه وكمل الطريق على وجهت السياره لانه مايدل ويناظر البنزين الا هو قريب يخلص ومعهم جركل لاكن قال خلني الحق على خويي بس شوي الا الخط وهودايخ ويحس في دواروغثيان المهم وصل الديره ودخل هو وخويه الممستشفى وتعالج هو وسمع خبر خويه سبحان الله صار يوم المنقذ الاول::



هذي السالفه من خطي انا وعذروني على التعبير او الاملاء والسالفه قالها لي زميلا قديم ومانسيتها وماادري صدق اول لا

بس نصيحه لو سمح الله احد يقرص معك في بر او غيره استخدم الثلج وحاول ان المقروص لايتحرك ولا يركض ولا يخاف لانه اذا خاف او ركض راح ينتشر السم بسرعه عاليه مع دورة الدم

وعذروني اذا اطلت عليكم..تحياتي

[alfaiz]

سرد رائع للغاية
الله يعطيك العافية والله يستر
ننتظر إبداعاتك
اخوك : alfaiz

[قوافي ( أم نهار )]

حياك الله اخوي
حمانا الله واياكم من كل مكروه سبحان الله لكل اجل كتاب توفي الصديق لكن ان شاء الله له عضيم الاجر على مانواوللمتعافي طول العمر مشكور اخوي

[سليمان الربيعان]

جزاك لله كل خير ما قصرت
الى الامام اسلوب رائع وجميل
والله يعطيك العافيه على السالفه

[Al3rands]

الله اكبر الله اكبر

[انسانه؟]

لاحول ولاقوة الابالله
قصه جميله وفيهامن الفايده ,
بارك الله فيك وعافاك الرحمن على السرد الطيب.,

[SRAAAB]

الله يعطيك العافية ماقصرت

[الحرقوصي]

السلام عليكم


والله الحسره ولكن الحمدالله ربك ستر ودافعين البلا