باراكودا
02/05/2011, 09:32 AM
بسم الله الرحمن الرحيم
السلام عليكم ورحمة الله تعالى وبركاته ...وبعد .
أعزائي وأخواني الأعضاء أسعد الله صباحكم بكل خير ..
أعرفكم بنفسي بالبداية :-
- فادي .
- مهندس معدات طبية .
- طالب في السنة الرابعة .
-22 سنة .
- من جدة .
انا والعيـــاذ بالله من كلمة أنا .. من الناس اللي فعلا يعشقو شي الله خلقو اسمو بحر ويعود الفضل بعد الله .. على أبوي الله يهديه .. خلاني (( مجنوووووون بحر)) ..
الله يمد بمعمره يارب .. وبأعمار الجميع ...
اتعرفت على ناس كتير في البحر .. بس للاسف ما قدي لاحظت اللي فيه خبرة ملمة بكل شي متل ( مجارير - تجليب - سنوركل - غوص - قصب - شوارات - مخدجة - مشكات ... )
يعني كلو واحد ماشي على مزاج واحد ولا عنده استعداد يغير مزاجو هههههه
هو صحيح فيه مثل يقول( صاحب مزاجين كذاب ) بس في البحر .. انسى !!
ليا تقريباً 7 سنوات اخرج البحر كل أربعاء وخميس وجمعة على حسب الإمكانية والإجازات مع انو الجامعة خانقاني شوية بسبب التخصص بس وربي لو إيش مقدر على البحر ..
ليا تقريباً منطقتين احب اصيد فيهم في بحر الجنوب وليا نظام معين بالخرجة .. أتوكل على الخالق يوم الاربعاء الفجر على البنقلة اشتري العلف .. لانو يجي طازة الصباح .. واتوكل على الله بعد صلاه الظهر .. طبعاً على حسب المنطقة فيه منطقة شوارات وفيه منطقة شاملة ( مجارير - شوارات - مشكات - تجليب - سنوركل ) والمنطقة التانيا على كيف كيفك ..
بالنسبة للمنطقة الثانية ( شوارات - تجليب - سنوركل) واللي يفهم في البحر يعرف إيش الفرق بينهم .. طبعاً التضاريس مهمة .. والصلاة على النبي طلعت 44 كيلو حريد صاااافي من هناك يشهد الله ما مشط الشوارات الا مرتين وطبعاً ضعف الكمية بالنسبة لسمكة السحل .
طبعاً الشوارات متعبة وانتا لحالك .. والحمد الله عينت بالمنطقة خيييير .. أحمد الله عليه ..
طبعا في العادة اروح المنطقة الاولى في الشعيبة .. فيه خور .. قرب الخور على اليمين شوارين أفرد العصر .. وعلى المغرب أخلى اصحابي يشقرو عليه وانا اروح سباحة اسقط المجارير بالمدخل حق الخور واتأكد ان الجلب تمام ارمي بالعادة 3 الصلاه على النبي العمق هناك تقريباً 18 متر وبعدين يجي مدرج على جوا ..
وبالليل على الساعة 9 طبعاً بعد التشقير على الشوارات عشان لا يعفن السمك .. نروح مشكات ونطلع أخطبوطات على كيف كيفكم .. من 9 لييين 4 الفجر شغالين .. وناس تراقب المجارير .. للاسف الطلعه كلها على راسي لانو أصحابي لسا جالسين يتعلمو على يدي ..
وطبعاً أصحاب المجارير ما تقدر عينهم تغفى على المجارير .. وبعد صلاة الفجر اذا الله ما كتبلنا شي بالمجارير تنسحب والحمد الله قبل كدا اتعينت خير طلعت قرش تقريباً طولو متر وحبة بهارة ولقيطة بس كانت من النوع اللي يتاكل ههههههه ما خلينا شي بالبحر الا وأكلناه .. أخطبوطات يامعلم على العشا اسلخ الاخطبوط وقطعو وعليه عصرة ليموون طبعاً قبليه سلقة خفيفة ومصمص أصابيعك وراه .. اتعلمتها من فلبيني .. اااه منهم بس .. مصايب البحر ذول ..
ووبعد صلاة الظهر اروح اشيل الشوارات وما شاء الله طلعت منها أكبر سمكة بياض بحياتي اصيدها ;)ان شاء الله بنزل الصور حقتها هيا والبهارة والبيبي شارك .. واللقيطة ..
وهااااتك ياسهر يومين شغال تركش كوفي ورد بوول ما اريح الا بعد صلاة الظهر .. لييين العصر وربي فعلا تعب ارجع البيت ياسيدي على طول دوش وعلى المسجد اصلي الجمعة وكبر مخدة يومين ..:D تمام مساعدني دوام الجامعة من الاربعاء لين السبت اجازة . ;)
واللي يعشق البحر يتحمل ... عواقبه ..:D
بصراحة ودي اتشرف وأتعرف على كل الموجودين وان شاء الله هيشرفني أكثر اذا طلعت مع احد من هالقروب طبعاً الصلاة على النبي خبرة وناس أخلاق وعلى مستوى فعلا الواحد يتمنى يتشرف بمعرفتكم ..
فبتمنى من أخواني اللي بجدة .. يردولي خبر اذا فيه فرصة نتشرف بمعرفتهم ونخرج معاهم ..
والله هدفي من الخروج معاكم : اتشرف بمعرفتكم وتبادل الخبرة والأفكار مع بعض ..
طبعاً رحلات البوت من أحلى طلعاتي .. واشتريت بوت قريب لو تقريباً شهرين بس اشتريته بعظمه خليجي طولو عشرة متر بعرض تقريباً مترين و40 الصلاه على النبي جاتني هدية مكينتين بقوة 140 و115 والإثنين سوزوكي .. الحمد الله وبفضلك جالس ازبط فيه كل ما أفضى انا وأصحابي ..كان سعره جداً مغري .. وهذا اللي دفعني اشتريه ..;) بس بصراحة يبغالة مشوااار .
أسف على الإطالة .. أخوكم فادي ,,
:)
عندي سؤال ؟؟
ليه وقت ما أحمل ابغا احمل الصور تظهرلي رسالة انها كبيرة مع انها اصغر من الحجم المطلوب .. وانا لاحظتها نفس الموجودة بالمنتدى .. ودي انزل صوري انا وصيدي ..:D
وشكراً ,,
السلام عليكم ورحمة الله تعالى وبركاته ...وبعد .
أعزائي وأخواني الأعضاء أسعد الله صباحكم بكل خير ..
أعرفكم بنفسي بالبداية :-
- فادي .
- مهندس معدات طبية .
- طالب في السنة الرابعة .
-22 سنة .
- من جدة .
انا والعيـــاذ بالله من كلمة أنا .. من الناس اللي فعلا يعشقو شي الله خلقو اسمو بحر ويعود الفضل بعد الله .. على أبوي الله يهديه .. خلاني (( مجنوووووون بحر)) ..
الله يمد بمعمره يارب .. وبأعمار الجميع ...
اتعرفت على ناس كتير في البحر .. بس للاسف ما قدي لاحظت اللي فيه خبرة ملمة بكل شي متل ( مجارير - تجليب - سنوركل - غوص - قصب - شوارات - مخدجة - مشكات ... )
يعني كلو واحد ماشي على مزاج واحد ولا عنده استعداد يغير مزاجو هههههه
هو صحيح فيه مثل يقول( صاحب مزاجين كذاب ) بس في البحر .. انسى !!
ليا تقريباً 7 سنوات اخرج البحر كل أربعاء وخميس وجمعة على حسب الإمكانية والإجازات مع انو الجامعة خانقاني شوية بسبب التخصص بس وربي لو إيش مقدر على البحر ..
ليا تقريباً منطقتين احب اصيد فيهم في بحر الجنوب وليا نظام معين بالخرجة .. أتوكل على الخالق يوم الاربعاء الفجر على البنقلة اشتري العلف .. لانو يجي طازة الصباح .. واتوكل على الله بعد صلاه الظهر .. طبعاً على حسب المنطقة فيه منطقة شوارات وفيه منطقة شاملة ( مجارير - شوارات - مشكات - تجليب - سنوركل ) والمنطقة التانيا على كيف كيفك ..
بالنسبة للمنطقة الثانية ( شوارات - تجليب - سنوركل) واللي يفهم في البحر يعرف إيش الفرق بينهم .. طبعاً التضاريس مهمة .. والصلاة على النبي طلعت 44 كيلو حريد صاااافي من هناك يشهد الله ما مشط الشوارات الا مرتين وطبعاً ضعف الكمية بالنسبة لسمكة السحل .
طبعاً الشوارات متعبة وانتا لحالك .. والحمد الله عينت بالمنطقة خيييير .. أحمد الله عليه ..
طبعا في العادة اروح المنطقة الاولى في الشعيبة .. فيه خور .. قرب الخور على اليمين شوارين أفرد العصر .. وعلى المغرب أخلى اصحابي يشقرو عليه وانا اروح سباحة اسقط المجارير بالمدخل حق الخور واتأكد ان الجلب تمام ارمي بالعادة 3 الصلاه على النبي العمق هناك تقريباً 18 متر وبعدين يجي مدرج على جوا ..
وبالليل على الساعة 9 طبعاً بعد التشقير على الشوارات عشان لا يعفن السمك .. نروح مشكات ونطلع أخطبوطات على كيف كيفكم .. من 9 لييين 4 الفجر شغالين .. وناس تراقب المجارير .. للاسف الطلعه كلها على راسي لانو أصحابي لسا جالسين يتعلمو على يدي ..
وطبعاً أصحاب المجارير ما تقدر عينهم تغفى على المجارير .. وبعد صلاة الفجر اذا الله ما كتبلنا شي بالمجارير تنسحب والحمد الله قبل كدا اتعينت خير طلعت قرش تقريباً طولو متر وحبة بهارة ولقيطة بس كانت من النوع اللي يتاكل ههههههه ما خلينا شي بالبحر الا وأكلناه .. أخطبوطات يامعلم على العشا اسلخ الاخطبوط وقطعو وعليه عصرة ليموون طبعاً قبليه سلقة خفيفة ومصمص أصابيعك وراه .. اتعلمتها من فلبيني .. اااه منهم بس .. مصايب البحر ذول ..
ووبعد صلاة الظهر اروح اشيل الشوارات وما شاء الله طلعت منها أكبر سمكة بياض بحياتي اصيدها ;)ان شاء الله بنزل الصور حقتها هيا والبهارة والبيبي شارك .. واللقيطة ..
وهااااتك ياسهر يومين شغال تركش كوفي ورد بوول ما اريح الا بعد صلاة الظهر .. لييين العصر وربي فعلا تعب ارجع البيت ياسيدي على طول دوش وعلى المسجد اصلي الجمعة وكبر مخدة يومين ..:D تمام مساعدني دوام الجامعة من الاربعاء لين السبت اجازة . ;)
واللي يعشق البحر يتحمل ... عواقبه ..:D
بصراحة ودي اتشرف وأتعرف على كل الموجودين وان شاء الله هيشرفني أكثر اذا طلعت مع احد من هالقروب طبعاً الصلاة على النبي خبرة وناس أخلاق وعلى مستوى فعلا الواحد يتمنى يتشرف بمعرفتكم ..
فبتمنى من أخواني اللي بجدة .. يردولي خبر اذا فيه فرصة نتشرف بمعرفتهم ونخرج معاهم ..
والله هدفي من الخروج معاكم : اتشرف بمعرفتكم وتبادل الخبرة والأفكار مع بعض ..
طبعاً رحلات البوت من أحلى طلعاتي .. واشتريت بوت قريب لو تقريباً شهرين بس اشتريته بعظمه خليجي طولو عشرة متر بعرض تقريباً مترين و40 الصلاه على النبي جاتني هدية مكينتين بقوة 140 و115 والإثنين سوزوكي .. الحمد الله وبفضلك جالس ازبط فيه كل ما أفضى انا وأصحابي ..كان سعره جداً مغري .. وهذا اللي دفعني اشتريه ..;) بس بصراحة يبغالة مشوااار .
أسف على الإطالة .. أخوكم فادي ,,
:)
عندي سؤال ؟؟
ليه وقت ما أحمل ابغا احمل الصور تظهرلي رسالة انها كبيرة مع انها اصغر من الحجم المطلوب .. وانا لاحظتها نفس الموجودة بالمنتدى .. ودي انزل صوري انا وصيدي ..:D
وشكراً ,,