تركيب فريزر فى السيارة وشوركم لاعدمناكم

[راعي هدد 2007]

السلام عليكم
ودى بفزعتكم انا عندى فريزر
صغير نص متر فى متر من القديمات الاصليه ودى الركبه
فى السيارة واسويله بطاريه اضافيه ومحول وابى شوركم
ودى برايكم تهقون بيضبط :good2:

[سرهيد]

السلام عليكم

هلا بك اخوي راعي هدد

هل تقصد فريزر مثل حقت البيوت والا انه ثلاجة عادية فريزر

وياليت ان حصل صورة يكون افضل واي معلومة املكها لن ابخل بها عليك

تقبل مودتي

اخوك

ابو عبدالله

[راعي هدد 2007]

هلا ومرحبا ابوسرهيد
مشكور على مرورك
الله لايهينك ومحتاجين فزعتك
الفريزر فريزر عادى زى حق البيوت بس حجم صغير وبابه
يفتح على فوق

[سرهيد]

هلا ومرحبا ابوسرهيد
مشكور على مرورك
الله لايهينك ومحتاجين فزعتك
الفريزر فريزر عادى زى حق البيوت بس حجم صغير وبابه
يفتح على فوق

هلا بك

هذا معناه ان الكهرب حقه كهرب البيت ، وهذا يعني انك تحتاج يا اما ماطور وهذي صعبة ، او محول يكون قوة كبيرة يستطيع ان يتحمل الثلاجة ...

والحقيقة شخصيا ليس لي خبرة في المحولات واحجامها ، لكن السؤال : لماذا تريد ثلاجة عادية والثلاجات التي تعمل على البطاريات متوفرة في السوق وبأنواع كثيرة ؟؟

تقبل احترامي

[راعي هدد 2007]

هلا بك

هذا معناه ان الكهرب حقه كهرب البيت ، وهذا يعني انك تحتاج يا اما ماطور وهذي صعبة ، او محول يكون قوة كبيرة يستطيع ان يتحمل الثلاجة ...

والحقيقة شخصيا ليس لي خبرة في المحولات واحجامها ، لكن السؤال : لماذا تريد ثلاجة عادية والثلاجات التي تعمل على البطاريات متوفرة في السوق وبأنواع كثيرة ؟؟

تقبل احترامي
والله ودى بالفريزر الكبير الثلاجات غاليه وخرابها واجد
رحت الهدف فى التخصصى
وشفت ثلاجه ممتازة اعجبتنى
بس قيمتها 5500ريال قلت اظبط الى عندى باحاول والبركه فى الشباب وفزعتهم مشكور اخوى وبارك الله فيك

[ابوسند9]

اخوي
احب افيد ان كمبروسر البيت غير مخصص للحركه وسبق ان كان لي تجربه معه لانه مخصص ان يكون ثابت واي مطب او ارتجاج توقع يحترق عليك بالاضافه الى انه يسحب كهرباء مو صاحي لو ايش ما تركب من بطاريات
وايضا توقع اي وقت يخرب المحول
فا انا انصحك من باب الاخوه انك تصرف النظر عن هذه الفكره وتشوف لك ثلاجة لو تكون مستعمله
وشكرراا

[راعي هدد 2007]

اخوي
احب افيد ان كمبروسر البيت غير مخصص للحركه وسبق ان كان لي تجربه معه لانه مخصص ان يكون ثابت واي مطب او ارتجاج توقع يحترق عليك بالاضافه الى انه يسحب كهرباء مو صاحي لو ايش ما تركب من بطاريات
وايضا توقع اي وقت يخرب المحول
فا انا انصحك من باب الاخوه انك تصرف النظر عن هذه الفكره وتشوف لك ثلاجة لو تكون مستعمله
وشكرراا
اشكرك على مرورك
بس انا رحت لكهربائى فلبينى
وعطانى طلبات محول ابريتر
ومحول وراح احط له فلين عازل للمطاب بس وين المحل الى تنصح اركب بطاريه اضافيه غير السوافى

[الخفاره]

السلام عليكم اخي راع الهدد مثل ماقالك اخونا ابوسند فريزر البيت لازم يكون ثابت اي حركه يحترق -مثال-اذا شريت فريزر او مكيف ونزلوه عندك بالبيت يقولون لك لاتشغله اللا عقب وقت لحد مايثبت الغاز عشان مايحترق والله يوفقك

[ابوسند9]

اخوي هدد
احسب معي
بطاريه 380
محول ب 400 اقل شي عشان ما يحتمي
شغل يد اقل شي 500
دقمه 150
هذي اقل شي 1430 ريال وارخص
بالاضافه الى كثرت الاسلاك بالسياره ولازم تضع المحول في مكان جيد للتهويه
اخوي والله ما كتب لك ذلك اللى من باب النصح ولا ابي لك الخساير وسبق جربنا تلك الطريقه قبل 18 سنه ,, احسن واكبر بطاريه وكل 4 ساعات لازم تشغل السياره وكل يوم محترق الكمبروسر واللى المحول محترق بالاضافه الى صوت الكمبروسر مزعج جدا مع الحركه
لذ انا اشور عليك شف لك ثلاجه ب 1500 ريال وبدون بطاريه اضافيه
وشف لك بطاريه بدل البطاريه اللى راكبه بسيارتك اذا كانت ضعيفه او صغيرت الحجم ,,تكون 120 امبير وفيه ناس تمدح البطاريه بانسيونك وهي نوعان نوع ممتاز جدا والنوع الاخر ما اثنو عليها الشباب
واذا كانت البطاريه جيده فهي تغنيك عن تركيب بطاريه اضافيه مع العلم اني من عرفت الثلاجات وانا لم اقتنع با البطاريه الاضافيه بس الاهم انك كل 6 ساعات تشغل السياره 10 دقائق حتى تدوم البطاريه
تحيه لك واتمنى اني افدتك وانت عاد براحتك اخوي هدد

[Lw Lw]

غيرك سبق وجرب ومن المستحيلات .....
لا تخسر نفسك بشي ثمنه انت اولى فيه
إلا إذا كنت تبي تخليها ثابته وما تشغلها الا بعد ساعه كامله من الوقوف
وإذا تحركت تطفئها وهذا شي ثاني
وفقك الله اخي الكريم

[drive]

سلام عليكم جميعا من ايد ومن عارض

المشكلة الكل معارض ومافيه واحد قال سويت وخربت
اكثر من واحد قال اتوقع وواحد قالوا له او سمع
وواحد حاسب شغل يد البطارية اكثر من قيمة البطارية بحاملها

انا ما جربت ولكن ما الجم احد
والديل عندك صيادين السمك تحصل عند الواحد في حوض الونيت فريزر ومنتقل به من مكان لمكان
واذا مشكلة الكمبريسور فالحل بسيط .... غير كمبريسور الثلاجة بكمبريسور دانفوس الالماني المشهور للثلاجات المتنقلة عند فني تكييف فاهم شغله لا يتعلم على ثلاجتك

واغلب الثلاجات كلهم نفس الماطور من 35 لتر الى 80 لتر

[خليجي سعودي]

بس وين المحل الى تنصح اركب بطاريه اضافيه غير السوافى

هلا بك

لك رسالة على الخاص فيه رقم واحد مسوي عنده بطارية اضافية

[zulfi]

يا راعي هدد شوري عليك خل عنك المطرسه والترقيع ويركب مايركب يتحمل ما يتحمل....... شد حيلك واشتر الطمره او الثميري ,على بطارية بلد وتكون 120 انبير وارتح, لو اتسلف فلوسها ولك وللزمن وهي شيك بالدبه..شوري عليك;););););)

[راعي هدد 2007]

يا راعي هدد شوري عليك خل عنك المطرسه والترقيع ويركب مايركب يتحمل ما يتحمل....... شد حيلك واشتر الطمره او الثميري ,على بطارية بلد وتكون 120 انبير وارتح, لو اتسلف فلوسها ولك وللزمن وهي شيك بالدبه..شوري عليك;););););)
مشكورررررر والله يعطيك العافيه شكلى باهون ومن استشار ماخاب واشكرك جزيل الشكر

[يتيمة الدهر]

السلام عليكم ورحمة الله
إذا انت محتار ،،،،،،،،،،،، شوري عليك أشتري محول 1000 واط قيمته حوالي من 400 إلى 600 ريال إن شاء الله يشغل الكمبروسر وجرب على بطارية سيارتك الخاصة أن أشتغلت نجحت العملية وان لم تشتغل فلم تخسر فانت كسبت محول 1000 واط وأضفته إلى عزبة السيارة وله عدة استخدامات .
نتمنى لك النجاح ولاتنسى تخبرنا عن الفكرة

[راعي هدد 2007]

مشكور لجميع الاخوان الى تفاعلو معى وشاركونى وافادونى وانا شكلى بهوووون
اكيد انكم ابخص واستفيد من رايكم واشكركم شكر جزيل
الحقيقه انى اقتنعت
اشكركم

[سرهيد]

السلام عليكم

حسنا ما فعلت ، لأن ما تريد القيام به ، اعتقد لم يسبقك عليه احد ، ولو انه مجدي لوجدت من طبقه على الواقع .

مع انه ودنا احد يجرب ويشوف .

مع اني اشوف انه لن يقتنع بذلك وستكون الكلفة ما بين 1200-1500 اذا قلنا قيمة الثلاجة الصغير وقيمة المحول والتثبيت وغيرها .

موفق اخوي الكريم

[أبوبانا]

نصيحة اخو خذلك ثلاجة الرماية 60لتر كمبرسر الماني ضمان سنة إذاكنت تقول أبي كبيرة
تلقاها جديدة مع ضمانها 2000ريال أحسن لك من الزعبلة ووجع الرأس كانت التجربة إلي تبي تسويها إحصلت معي عام 2003 عقبها كرهت الترهيم كله

[سرهيد]

كانت التجربة إلي تبي تسويها إحصلت معي عام 2003 عقبها كرهت الترهيم كله

رد ابو بانا كافٍ للبعد عن اي تجربة ، لان مثل هذا الكلام يختصر على كل مجرب الطريق لأيضاح ان التجربة في هذا الامر غير مجدية ..

شكرا لك اخي الكريم ابو بانا على هذا الرد الذي اجد فيها فائدة للجميع

تقبل احترامي

[الثويرات]

انا جربت فريزر بيت صغير اشتريتها 700 ريال . ومعي محول 600 واط اشغلها 3 ساعات وتفضي البطاريه تماماً.

لاكن جلسة معي 3سنوات وماخالفة ابد وتثليجها حدث ولاحرج تفقع الببسي.

لاكن مشكلتها الوحيده هي سحب الكهرب.

[storm way]

توكل على الله وما فيه شي صعب في الحياه

والدنيا كلها تجارب

وعلى قولة المثل ان لقحة ولا مضرها الجمل

وان شاء الله تكون سابقه لك جديده بالترهيم

والله يوفقك

[كموص]

نصيحة أسمع كلام الأخ أبو سند ...
أنت طلبت والنصيحة وصلت ...
أسئل مجرب ولا تسئل طبيب ... مثل قديم وقيم ...