.. لخبــراء كهرب السيارات .. مشكلة عويصة

[كشتة عزاب]

السلام عليكم ورحمة الله وبركاته

اخواني الكرايم اريد تحلون مشكلتي
عندي الكهرب حوسه شوي ولا وجدت كهربائي فناااااان الى يومك




طبعا الموتر في اكس ار 8 سلندر موديل 2000

وارد ياباني الي يجي دركسونه يمين ومعدل بالامارت الى دركسسون يسار

الي لونه لؤلؤي مواصفات لكزس


++------------++


طبعا المشكلة عندي الآن من قديم كان تكيف الموتر حوسه

يعني مايطلع حار بعض الاحيان واحيانا يطلع

او انه ماله الا خيارين حااار مره ولا بارد مره

المهم ماعلينا من هالمشكلة


الآن صار عندي مشكلة عويصه جدا

لمبات السيارة الداخليه بالكامل اطفئت فجأة [ لمبات السقف والبيبان ]

تطور الوضع صار القفل المركزي شغال 24 ساعه [ يقفل يقفل تقل واحد ظاغط على الزر ]

تطور الحال صار طبلون الموتر طااااافي بالكامل

بعدها تطور الحال صار الموتر يحن على الثالث ولايعشق ..


بعدها صار الموتر مايشتغل واكتشفت انه البطارية تفضى من روحها اذا ماشغلت الموتر فتره يعني نصف يوم مثلا .. مع العلم اني فكيت البطارية وركبتها على سيارة ثانية ولا آحلى شغاله ميه بالميه





فايبدولي عندي تهريب بالكهرب

عرضتها على كم كهربائي قال الضفيره مضروووبه

يبيلها تصليح

طبعا وديتها للعضيب وصلخ لي سعر 700 ريال ..!!!!!!!!

قلت فمان الكريم بس


++=============++

فا بعد تشخيص الحاله وش الرآي

وش تتوقعون المشكلة

اريد كهربائي بمعنى الكلمه فنااااان فنااااااااااااااااان

يحل مشكلة هالجيب الي دوخ راسي



ادري اني طولت عليكم لاكن اريد شخص فاهم يدلني على حل هالمشكلة

ولا يدلني على كهربائي جني مهبووول



ولكم شكري وتقدير ..

[الكونترولCONTROL]

خابر لك الجني المهبول !!
يمدحون فلبيني اسمه ( فيليب ) بمنزلة ( ديرة )
السّحابين بالخبراء غربي القصيم
لكن وسيع صدر ... ويبغى لك موعد معه ...
إنما يمدحونه ودائما أشوف عنده الجيوب مفكوك طبلونها سلك سلك !!
و أنا ما اشتغلت عنده إلا أشياء بسيطة و عادية جداً
والله يعينك ..

[كشتة عزاب]

والله يابعدي اني بالرياض


ولا هين لو الموتر يمشي تسان هالحين شغلت ومشيت :):)

[عاشق وسم]

هلا اخوي ..

انا اقول مثل ما قال مشرفنا .. فيليب ممتاز واخبر كم واحد دار على كهربائيين واجد ما حلها الا فيليب ..

فانصحك تروح له في رياض الخبراء ولو تبي رقمه علمني ارسله لك على الخاص ..

كان الله في عونك ويسر الله امرك يارب ..

[قناص خلاوي]

اخوي نصيحة مجرب لا تغالى السعر على الشغل الزين
انا شبت ظفيرة موتري باترول وانا فوق ضلع ولا ادري وش السبب للحين
وصلحته من الصدام للصدام بـ 1700 ولو طلب زود عطيته بس ارتاح من مشاكل
الكهرباء ، المهم دور الكهربائي الزين ولا تدقق بالسعر أهم شي الشغل
ترى الكهرب لا لعب لعب وغثك غثاء يخليك تبيع الموتر او تشب به وهو واقف :)

[باث2001]

السلام عليكم
أسأل الله أن يعينك وييسر أمرك
كان معنا صالون 2000 هبل فينا بتهريب الكهرباء والمشكلة صارت من المسجل !!


فلب له سمعته وله خبرته

بس أنا أنصحك بالمسلم وابن وطنك ( حج وقضيان حاجة ) العثيم في بريدة والشباب فيهم الخير والبركة ما يقصرون يدلونك عليه

[كشتة عزاب]

ماقصرتوا يالربع

والله لايهيينكم على مروركم في الموضوع


لاكن اانا ابي ورشة بالرياض بالصناعية

[ن م ر]

مرحبا اخوي أتمنى تنحل مشكلتك بأيسر حل

قد صارت مشاكل مشابهه معي في جيب لكزس 99
ورحت عند كهربائي وعنده جهاز فحص كمبيوتر وفحص السياره بالكمبيوتر سلك سلك فيوز فيوز ... إلخ :D

وطلع عدة مشاكل بسيطة في الكمبيوتر تحتاج برمجه بدون ما يغير ولا قطعه

افحص كمبيوتر عند كهربائي خبير في برمجيات السيارات وان شاء الله الخلل يكون بسيط

[omar 3]

اخووووي خابرلك كهربائي فناااان وأمين ونصوح اذا عرف الشي قال اعرف واذا ماعرف قال ما اعرف

يماني ملتزم يشتغل هو واخوانه بحي الروضه اسمه سفيان بس سعره غويلي شوي مب واجد والقطع انت تجيبها شرط اصلية

اذا تبغاني اوصفه لك عطني رسالة على الخاص

[سيف القحطاني]

سلام عليكم ورحمة الله وبركاته
اخواني عندي بعد نيسان فيه لخبطه بالكهرباء
ياليت تدلوني على ورشة فيليب وش اسمها
ودمتم بود

[ابا سديم]

والله انا اخبر لك واحد في الصناعيه القديمه وانت جاي من اشاره محلات زجاج السيارات بعد ماتنزل من كوبري الجميح باتجاه الشمال بعد الاشاره فيه بنك يمين ثاني ملف يمين بعد البنك تدخل يمين اول تقاطع في الوجه على شارعين جنوبي غربي اسمه ناصر حضرمي اسم الورشه الاطلال وقله من طرف سلطان السريع

[شاص نيسان 93]

عثمان المبارك في الشفا

سعودي وفنااااان ورخيص

ارقد وامن اذا حطيت موترك عنده

[~EmPeRor~]

نصيحتي

وده العضيب وعطه 700 وريح راسك

مشكلتك حساسة جدا

تروح لواحد داج ويتعلم بموترك ولم يسبق ان اشتغل بلاندكلوزر

العضيب سبق ان عمل اكيد على نفس مشكلتك

والمثل يقول ( البخيل يخسر مرتين - وعط الخباز الخبز ولو اكل نصفة )

بالتوفيق