المساعد الشخصي الرقمي

مشاهدة النسخة كاملة : وش زيجةٍ فيها بلاغ المرادي ( جديد ),,,, الحل الشق اكبر من الرقعه ,,, حله يوسف المطرفي


ابو ماجد 2
03/05/2011, 12:46 AM
بسم الله الرحمن الرحيم

السلام عليكم ورحمة الله وبركاته


اللغز انا ياشيخ فيه اجتهادي= والمرء ماينلام عقب اجتهاده
لو جبت عسرٍ فالامر صار عادي =دك العسر للربع ياشيخ عاده
حنا ترى ياشيخ نخلف جوادي=نوبٍ سهَل نوبٍ وعورٍ جواده
نبني خفيف اللغز حق الجِدادي =وحق القدامى زيد كوده كواده
وش زيجةٍ فيها بلاغ المرادي=وقتٍ مضى للناس فيها افاده
ورعٍ صغيرٍ ماعتقد عنه غادي=زوَّج من اللي فيها عَنِّه زياده
والمشكله لو كان هالورع زادي=صاروا مثل للي محالٍ ستاده


مع تحيات ابو ماجد

منتديات مكشات 0 خيمة الالغاز
torrjom
03/05/2011, 12:49 AM
صح السانك


يابوماجد


رمعه سفري


تطعيم بعض الاشجار


مثل اليمونه مع البرتقال

يؤخذ غصن من ذي ويحط على فرع بذي


كل الوووووود
ابو ماجد 2
03/05/2011, 12:58 AM
صح السانك



يابوماجد


رمعه سفري


تطعيم بعض الاشجار


مثل اليمونه مع البرتقال


يؤخذ غصن من ذي ويحط على فرع بذي



كل الوووووود



صح بدنك يابو عبدالعزيز
مالك لوى يالغالي
انتظر القادم
arrow
03/05/2011, 01:02 AM
وعليكم السلام ورحمة الله وبركاته

ماشاء الله تبارك الله

صح لسانك ابو ماجد ,, ابيات تطرب ,,
حظي مافاتتني هالابيات على طلتي بهالخيمة طحت على هالجزل ....

رميعة على عجل:
طرى على بالي البغل وهو اعتقد من انتاج زيجة الحصان والحمارة تكرمون ويكرم المقصود ان ماكان هو
مسيرs
03/05/2011, 01:05 AM
حييت اابو ماجد
تحريك
التطعيم من الامراض
أو البغل نتاج من فرس وحمار
آسف لم أنتبه لرمعة arrow
الا بعد اضافة المشاركة
ابو ماجد 2
03/05/2011, 01:06 AM
وعليكم السلام ورحمة الله وبركاته



ماشاء الله تبارك الله


صح لسانك ابو ماجد ,, ابيات تطرب ,,
حظي مافاتتني هالابيات على طلتي بهالخيمة طحت على هالجزل ....


رميعة على عجل:
طرى على بالي البغل وهو اعتقد من انتاج زيجة الحصان والحمارة تكرمون ويكرم المقصود ان ماكان هو



هلا بك
وشرفنا مرورك
وكلماتك الطيبه
والمرماع مالك لوى
انتظر مرماع قادم
والزيجه بالالغازللتذكير تعني تلازم ولا يقتضي ذلك تزاوج بالفعل
ابو ماجد 2
03/05/2011, 01:08 AM
حييت اابو ماجد
تحريك
التطعيم من الامراض
أو البغل نتاج من فرس وحمار

هلا بك يابو معاذ
والرمعتين مالك لوى
ولا تنس البيت الاخير
برق القصيم
03/05/2011, 01:11 AM
صح لسانك ملااااااااايييييين زعيمنا


حنا ترى ياشيخ نخلف جوادي
http://www.mekshat.com/vb/clear.gifhttp://www.mekshat.com/vb/clear.gifنوبٍ سهَل نوبٍ وعورٍ جواده
نبني خفيف اللغز حق الجِدادي
http://www.mekshat.com/vb/clear.gifhttp://www.mekshat.com/vb/clear.gifوحق القدامى زيد كوده كواده
عقب هالابيات انا ارفع الرايه البيضا
وارفق علينا يازعيم ترانا تلاميذ بمدرستك
فهد الهلالي
03/05/2011, 01:17 AM
صح لسانك ملااااااااايييييين زعيمنا



حنا ترى ياشيخ نخلف جوادي
http://www.mekshat.com/vb/clear.gifhttp://www.mekshat.com/vb/clear.gifنوبٍ سهَل نوبٍ وعورٍ جواده
نبني خفيف اللغز حق الجِدادي
http://www.mekshat.com/vb/clear.gifhttp://www.mekshat.com/vb/clear.gifوحق القدامى زيد كوده كواده
عقب هالابيات انا ارفع الرايه البيضا

وارفق علينا يازعيم ترانا تلاميذ بمدرستك


ايه هين قال ايه قال من تلاميذك
ابو ماجد 2
03/05/2011, 01:17 AM
صح لسانك ملااااااااايييييين زعيمنا



حنا ترى ياشيخ نخلف جوادي
http://www.mekshat.com/vb/clear.gifhttp://www.mekshat.com/vb/clear.gifنوبٍ سهَل نوبٍ وعورٍ جواده
نبني خفيف اللغز حق الجِدادي
http://www.mekshat.com/vb/clear.gifhttp://www.mekshat.com/vb/clear.gifوحق القدامى زيد كوده كواده
عقب هالابيات انا ارفع الرايه البيضا

وارفق علينا يازعيم ترانا تلاميذ بمدرستك


هلا بك يابو عبدالرحمن
وحقيقةً وليست مجامله لم نصل الى هالمرحلة من الالغاز اللي بمحاولة الهروب من مراميعك انت وبعض الزملاء زادكم الله براعة بفك طلاسمها وزادنا الله بطرق التمويه ليماتع اللغز ولو ليوم واحد
وبالمناسبه هاللغز ليس صعبا ولكن ممكن المقدمه لعبت دور في تشتيت الذهن
انسانه؟
03/05/2011, 01:20 AM
صح لسانك اخوي ابو ماجد .
طيب ايش يعني ستاده ؟؟
مافهمت الكلمه ,,
فهد الهلالي
03/05/2011, 01:20 AM
صح السانك يابو ماجد وبيض الله وجهك
مجهود تشكر عليه
الله يعطيك العافيه بالصراحه ماقصرت
ابداع الله يحفظك
محاوله
الرويبه والحليب
قد يكون لها اسم اخر
تحياتي
ابو ماجد 2
03/05/2011, 01:20 AM
ايه هين قال ايه قال من تلاميذك


هذا طال عمرك من تواضع الطحاطيح الافذاذ
فهد الهلالي
03/05/2011, 01:24 AM
هذا طال عمرك من تواضع الطحاطيح الافذاذ


حاج مع نوح ويقول من تلاميذك
تراه مثل شياب الفلبين مايبين فيه الكبر
ابو ماجد 2
03/05/2011, 01:25 AM
صح لسانك اخوي ابو ماجد .

طيب ايش يعني ستاده ؟؟

مافهمت الكلمه ,,


صح بدنك

قد يقول لشخص لشخص انا ستاد عنك اي اقوم بمهامك
فهنا محال ستاده اي محال ان يقوم بالعمل المرجو منه
al-3saly
03/05/2011, 01:25 AM
ماشاء الله صح لسانك على ابياتك الجميله

ماهو الضل
مسيرs
03/05/2011, 01:25 AM
فخر الالغاز ان كان مافيه مشكل قد اشكل علي استاده هل هو الاستاذ او هي سداده اي تسكيره
ومارايك بوضع الحجر بالقدر لتلهي الاطفال والايهام بوجودطعام
ابو ماجد 2
03/05/2011, 01:28 AM
صح السانك يابو ماجد وبيض الله وجهك

مجهود تشكر عليه
الله يعطيك العافيه بالصراحه ماقصرت
ابداع الله يحفظك
محاوله
الرويبه والحليب
قد يكون لها اسم اخر

تحياتي


صح بدنك يابو محمد
وهذا المجهود بفضل تشجيعكم
وما اقدمه لايتوازى مع ماتقدموه في اشرافكم لاعدمناكم
الرمعه مالك لوى يابو محمد
انتظر مرماع قادم
1111111
03/05/2011, 01:30 AM
صح لسانك

خ ن ا نفكر شوي

بالصياغه

مشكورر
ابو ماجد 2
03/05/2011, 01:30 AM
ماشاء الله صح لسانك على ابياتك الجميله

ماهو الضل

الاجمل هو التواصل معكم
والمرماع مالك لوى
انتظر القادم
انسانه؟
03/05/2011, 01:32 AM
ان شاء الله تصيب
المحاوله > الحج ؟!!
والله يعطيك العافيه عالتوضيح
ابو ماجد 2
03/05/2011, 01:32 AM
فخر الالغاز ان كان مافيه مشكل قد اشكل علي استاده هل هو الاستاذ او هي سداده اي تسكيره
ومارايك بوضع الحجر بالقدر لتلهي الاطفال والايهام بوجودطعام

هلا بك يابو معاذ
مالك لوى يالغالي
وستاده
محال ستاده
اي محال قيامه بما تعشم وترجو منه
ابو ماجد 2
03/05/2011, 01:34 AM
صح لسانك

خ ن ا نفكر شوي

بالصياغه

مشكورر

صح بدنك
ومرورك تشريف لنا
انتظر مرماعك
ابو ماجد 2
03/05/2011, 01:35 AM
ان شاء الله تصيب

المحاوله > الحج ؟!!

والله يعطيك العافيه عالتوضيح



هلا بك
والحج مالك لوى
انتظر القادم
فهد الهلالي
03/05/2011, 01:39 AM
خميرة الخبز يابو ماجد
تحياتي
ابو ماجد 2
03/05/2011, 01:42 AM
خميرة الخبز يابو ماجد


تحياتي


هلا بك يابو محمد
مالك لوى يالغالي
وأستأذنك انت والربع حانت وقت النومه
ولنا لقاء قريب الى حينه تصبحون على خير
فهد الهلالي
03/05/2011, 01:43 AM
ابوماجد
محاوله اخرى الله يسلمك
كفتة الثوب
والورع زادي ماهو اكل زاد يعني طال
تحياتي
al-3saly
03/05/2011, 01:44 AM
أغديه هالمره مرماعنا يصيب ما يخطي :)

وإن أخطأ تصبحون على خير ولعلنا نحلم فيه --- بس الاجاويد بيحلونه ماشاء الله متربصين باللغز

يمكن يكون العيش أي القمح ---وبلهجتنا المعيه
ابو ماجد 2
03/05/2011, 01:45 AM
ابوماجد

محاوله اخرى الله يسلمك
كفتة الثوب
والورع زادي ماهو اكل زاد يعني طال

تحياتي


هلا بك يابو محمد
مالك لوى
وزادي من الزياده اي اصبح اكبرمنها
وتصبحون على خير
فهد الهلالي
03/05/2011, 01:46 AM
تصبح على خير
يازعيم الثقلين
منام العوافي
ابو ماجد 2
03/05/2011, 01:47 AM
أغديه هالمره مرماعنا يصيب ما يخطي :)

وإن أخطأ تصبحون على خير ولعلنا نحلم فيه --- بس الاجاويد بيحلونه ماشاء الله متربصين باللغز

يمكن يكون العيش أي القمح ---وبلهجتنا المعيه

هلا بك يالغالي
والتواصل معكم ماينعاف ولكن ورانا دوام
والرمعه مالك لوى
برق القصيم
03/05/2011, 01:47 AM
حاج مع نوح ويقول من تلاميذك


تراه مثل شياب الفلبين مايبين فيه الكبر



بدأ يحلتنا بالحصى هالشايب
انا يوم اقول تلميذ قصدي بالقدر وبالخبره لاستاذنا ابوماجد
وما احد جاب طاري العمر وشباب او شايب
بعدين وش قصة نوح والحج!!!!!!!
اللي اعرفه ا ن الحج فرض على المسلمين بالسنه التاسعه من الهجره
وش جاب نوح !!الله المستعان
دايم تدور شئ ما غدى لك ياشيخ :D
فهد الهلالي
03/05/2011, 01:50 AM
بدأ يحلتنا بالحصى هالشايب

انا يوم اقول تلميذ قصدي بالقدر وبالخبره لاستاذنا ابوماجد
وما احد جاب طاري العمر وشباب او شايب
بعدين وش قصة نوح والحج!!!!!!!
اللي اعرفه ا ن الحج فرض على المسلمين بالسنه التاسعه من الهجره
وش جاب نوح !!الله المستعان

دايم تدور شئ ما غدى لك ياشيخ :D


انا مالحقت على نوح هذا السوال موجه لك
ووالا انا وش يدريني
ابو ماجد 2
03/05/2011, 01:50 AM
بدأ يحلتنا بالحصى هالشايب

انا يوم اقول تلميذ قصدي بالقدر وبالخبره لاستاذنا ابوماجد
وما احد جاب طاري العمر وشباب او شايب
بعدين وش قصة نوح والحج!!!!!!!
اللي اعرفه ا ن الحج فرض على المسلمين بالسنه التاسعه من الهجره
وش جاب نوح !!الله المستعان

دايم تدور شئ ما غدى لك ياشيخ :D


هههههههههههههه
بدأ يحلت حصى وبيته من زجاج
تصبحون على خير
وتراه عارف قصدك بس يبي يتميلح وحجج نوح هالختيار
فهد الهلالي
03/05/2011, 01:50 AM
تصبحون على خير يالربع
أبو ذيب 77
03/05/2011, 03:01 AM
وعليكم السلام ورحمة الله وبركاته...

حي الله الزعيم وماجاب وصح لسانك..

وش تقول في الرحى والقلب اللي بين الحجرين في وسطها..
لو القلب زاد مقاسه اشوي ماقدر من يطحن بأدخال الحب من بينه وبين الحجر.
ابو ماجد 2
03/05/2011, 08:21 AM
وعليكم السلام ورحمة الله وبركاته...



حي الله الزعيم وماجاب وصح لسانك..


وش تقول في الرحى والقلب اللي بين الحجرين في وسطها..

لو القلب زاد مقاسه اشوي ماقدر من يطحن بأدخال الحب من بينه وبين الحجر.


الله يحييك يالغالي
رمعتك رمعة اللي فاهم متطلبات اللغز فعلا لو اصبح اكبر منها مافيهم فود
ولكن مااعنيه فيهم مثل شهير ومتداول بيننا
انتظر مرماعك
أبو رافع الظاعن
03/05/2011, 08:23 AM
صح لسانك يا زعيمنا

إبداع وتواصل ومعين لا ينضب وروعة ما بعدها !

والشيخ حجج نوح عليه السلام وتراه صادق لو ما حضر ولا نظر فما من نبي إلا وحج هذا البيت كما قال عليه الصلاة والسلام .كما عند البيهقي عن عروة بن الزبير . (لكنه يحتاج تثبت ونظر).
ابو ماجد 2
03/05/2011, 08:31 AM
صح لسانك يا زعيمنا



إبداع وتواصل ومعين لا ينضب وروعة ما بعدها !


والشيخ حجج نوح عليه السلام وتراه صادق لو ما حضر ولا نظر فما من نبي إلا وحج هذا البيت كما قال عليه الصلاة والسلام .كما عند البيهقي عن عروة بن الزبير . (لكنه يحتاج تثبت ونظر).





صح بدنك يالغالي
والف شكر على الكلمات الطيبه
والشيخ امس يبي يعدل اللغز وزاد الغلط غلط وما قصرنا بالتعليق
وامس اعتبرنا كلامه عن حج نوح غلطه ولكنه انتصر علينا والله يعين على تعليقاته
ههههههههههههههههههههههه
ماقصرت ياعميدنا دائما تنورنا بما هو مفيد جزاك الله خير عن كل ماتبذله
يوسف المطرفي1
03/05/2011, 09:19 AM
صح لسانك زعيمنا ابو ماجد

سوف أحله قبل برق القصيم لأنه من الملاحظ يحل الغازك بأستمرار
وش السالفة ؟؟؟

رمعه
الورع الشق

الزوجة الرقعة

(الشق اوسع من الرقعة)
ناصر العلي
03/05/2011, 09:57 AM
وعليكم السلام ورحمة الله وبركاته
سلمت يالغالي
وصح لسانك
مؤيد وبقوة لرمعة أخونا
يوسف المطرفي
http://forum.te3p.com/images/images_thumbs/8914e3a88dc8c367a0eef77dd0eb007f.jpg
الاربع وعشرين
03/05/2011, 10:47 AM
وش زيجةٍ فيها بلاغ المراديhttp://www.mekshat.com/vb/clear.gif http://www.mekshat.com/vb/clear.gifوقتٍ مضى للناس فيها افاده ورعٍ صغيرٍ ماعتقد عنه غاديhttp://www.mekshat.com/vb/clear.gif http://www.mekshat.com/vb/clear.gifزوَّج من اللي فيها عَنِّه زياده والمشكله لو كان هالورع زاديhttp://www.mekshat.com/vb/clear.gif http://www.mekshat.com/vb/clear.gifصاروا مثل للي محالٍ ستاده
وعليكم السلام ورحمة الله وبركاته
هقوات
الصحة تاج على رأوس الاصحاء
وافق شن طبقة
يبي يكحلها واعماها
والشق اكبر من الرقعة مثل مامضى قريبة
جوهرة التاج
الخيط اجبر من ميسم الابرة
ابو ماجد 2
03/05/2011, 11:56 AM
صح لسانك زعيمنا ابو ماجد

سوف أحله قبل برق القصيم لأنه من الملاحظ يحل الغازك بأستمرار
وش السالفة ؟؟؟

رمعه
الورع الشق

الزوجة الرقعة

(الشق اوسع من الرقعة)

صح لسانك ملايين
عز الله انك ذكيته واحسنت التذكاة
لله درك اخي يوسف
نعم
الشق والرقعه
بيض الله وجهك
والمثل يقال للميئوس من اصلاحه
الشق اكبر من الرقعه
وياتي بلفظ
الشق اوسع من الرقعه
واما بالنسبة لبرق القصيم فلا تخفى براعته بفك عسرات الغطو اضف الى ذلك طول العشرة انا واياه بعالم الالغاز فقد كنا متواجدين معا بمنتدى قبل ان نأتي لمكشات وهذا مايجعل فهمنا لبعض اكثر وارسخ
ابو ماجد 2
03/05/2011, 11:58 AM
وعليكم السلام ورحمة الله وبركاته

سلمت يالغالي
وصح لسانك
مؤيد وبقوة لرمعة أخونا
يوسف المطرفي

http://forum.te3p.com/images/images_thumbs/8914e3a88dc8c367a0eef77dd0eb007f.jpg



هلا بك يادكتور
وسلمت يالغلا
وصح لسانك على تأييد المرماع
ابو ماجد 2
03/05/2011, 12:04 PM
وش زيجةٍ فيها بلاغ المراديhttp://www.mekshat.com/vb/clear.gif http://www.mekshat.com/vb/clear.gifوقتٍ مضى للناس فيها افاده ورعٍ صغيرٍ ماعتقد عنه غاديhttp://www.mekshat.com/vb/clear.gif http://www.mekshat.com/vb/clear.gifزوَّج من اللي فيها عَنِّه زياده والمشكله لو كان هالورع زاديhttp://www.mekshat.com/vb/clear.gif http://www.mekshat.com/vb/clear.gifصاروا مثل للي محالٍ ستاده

وعليكم السلام ورحمة الله وبركاته
هقوات
الصحة تاج على رأوس الاصحاء
وافق شن طبقة
يبي يكحلها واعماها
والشق اكبر من الرقعة
مثل مامضى قريبة
جوهرة التاج
الخيط اجبر من ميسم الابرة


هلا بك يالغالي ومسجل عليك غياب
الحمد لله على السلامه
والحل كما تفضلت الشق والرقعه
وقد سبق بالمرماع يوسف المطرفي