هل الكلب أعزكم الله يهجم على الحيران

[الصحافة 15]

إلى أهل الخبرة في الإبل هل الكلاب أعزكم الله تتعرض للحيران الصغار لاني تفاجئت أمس بوجود ثلاثة كلاب وسط المراح

[قزيزالنعام]

مرحبا اخوي لا ما تعترض اللحيرن الى فسقه تلعب عليها وتطردها امهاته لا تخف الى من الكلب المسعور

[ابو الشبرميات]

يمكن انها تبرّد في الماء
او انها لاقية شي يوكل في المراح

وعلى ما قال الاخ الكريم قزيز انعام خف من المسعور
الله يكفينا واياكم الشر

,,,

[رسيس نجد]

لا اتوقع انها تتعرض لها

[الصحافة 15]

الله يعطيكم العافيه جميعا وشكر لكم مروركم ومعلوماتكم القيمة

[سهيل الازهرا]

فيه حوارةعند ولد عمي عاضها كلب
وعيب رجلها

[ساحووق]

الكلاب تعض الحيران خاصه ليا صارت مسعووووره

[الصايخة]

فيه حوارةعند ولد عمي عاضها كلب
وعيب رجلها


حواره او بكره !!

[على ذوقي]

لا انتبه منهم

مره عمي شاف كلبين يحاولن ياكلون حوار عمره ثلاثة ايام وامها تدافع عنها
اول ما شافو عمي دزو


طلع ام خمس وسدحهم وريح راسك

[راعي الحلال..]

خلك حذر ..

[سهيل الازهرا]

حواره او بكره !!


حواره والان مفروده واثار عضة الكلب موجوده عليها
الى الان

[الصحافة 15]

جايب لي تقريباً 22 دجاجة وديك من الأنواع الطيب مره وحاطها في عشة حول مراح النياق والله ياجماعة الخير جيب بعد يومين ما لقيت ألا ريش ولا وحده حيه لقيت نفس الكلاب أعزكم الله الي شفتها بالمراح ماكلتها والمشكلة أني حريص وحاطها بشبك حديد لكن لقيتها حافره الأرض وداخله من تحت الشبك 00 فقررت وضع سم في قطع لحم صغيرة وتفاجئت أن الي مات من السم قطاوه أي بساسه والكلاب مازلت أعزك الله طليقه :mad: لكن الوعد الشوزل0

[مجنون سلق911]

يا حسافه على الدجاج الله ه يعوض عليك
حطلك سلوق ما ياكل تجاج او ربه وهو صغير لانه السلوقي عداوه مع الجعر

[ابن القعيمه]

اخي قبل فتره وحد من الربع عضت الكلا ب حواره العزك الله لكن فيه طريقه زينه حط لحم مسموم في المحل الي تجي فيه وتموت كله لكن جب سم قوي

[الصحافة 15]

أخوي مجنون سلق وأبن القعيمة شاكر لكم مروركم وجزاكم الله خير
وما فيه علاج غير أم خمس أول بأول

[بعيد الهقوة]

والله صادق يابعد راسي

الدنيا تغيرت ولاتستغرب من شي صار

ولاسمعت عنه

تدري ان الحصيني اكل حوارة لها يومين عندنا
ولولا الله ثم نباهة العامل ولا راح سالفة السنة

الحصيني عض رجل الحوار حسب رأيي لقى عليها دم او ريحة سلا

المهم لايجيك بكرة بس يعض الحوار
انتبة جهز الشوزن ولايردك الا الزناد

الكلاب عندنا بالمزارع اعدمت الحلال بالغنم والابل والدجاج

والله ياغالي مضى علينا سنة تسمع الرمي بكل وقت كنك بحرب ولا معركة

ساعة تسمع الطلقات تدبيل وساعة رشاشات وساعة يجي الكلب يمشي مليووووووووون ومصوب

واللي ماسلم من الرمي ماسلم من الدعس

تخيل بيوم واحد اللي ذبحو الجيران وانا معهم 16 كلب كلها هاجمة على الحلال والراعي

بس يشم ويورح الدم ياساتر

المهم اذبح الحصاني ولاكلاب الموذية والشقى بسوق السلاح
اما اللي مياتعرضك ولا يجي حلالك خلة وتعوذ منة


ولكم تحية

[هاوي الجوف]

الكل عزكم الله اذا كان منغلث يهد علا الحيران وعلا الوادم وعلا الذيب انتبه علا حيرانك منخاف سلم

[كباس]

شوزن وريح بالك تسلي عليهن

[صقر البحيرات]

حياك الله اخي الكريم :
قبل مدة ليست طويله .. نزل عندنا واحد من الربع راعي اباعر
وكان عنده حيران ومربطهن بالشعيب

وتفاجئ هجوم عليهن من الكلاب الغنم
وقطعنهن تقطيع .. لكن الحمد الله تدارك الوضع وطرد الكلاب

حتى انه جاء يشتكي منهن وربطنا الكلاب ..

.. فالكلاب المتربيه فالبر . خطيره وخذ الحذر .. واطردها دون ان تقتلها

[maher22]

ممكن يكون عليه خطر بأسبوعه الاول ب بعد كذا ما آظن وبعدين الناقة ماتخلي شيء يقرب من حوارها

لو ذيب أقولك ممكن ..

تقبل مروري

[الصحافة 15]

الله يعطيكم العافيه على المرور وشاكر لكم جميعا التفاعل مع الموضوع