لغز سهل لاكن(جديد)

[حمد؟؟]

السلام عليكم ورحمة الله وبركاته
اسعد الله اوقاتكم بكل خير ومسرات.
ابشركم ان اول مره اسوي لغز وابيات شعرمكسره
واللغز بعيد عنه الوفا.واللي وده يحرف ولا يحذف اللغز
ترى ماعندي مانع هههههههههه



انشــدكــ عـن عـــودن يــصنف بـصنفــين=وبعصـــر أدم يــالــربـــع ســامعن فــيــه
صنفن باالبحركنك تشوفه شوفت العين=والصنف الاخر بر ولا البحر مايجي فيـــهتحياتي للجميع

[أبو ذيب 77]

وعليكم السلام والرحمه... واسعد الله اوقاتك بمثل ماذكرت

الله يبشرك بالخير محاوله جيده جدا..

جاري التفكير لي عوده.

[أبو ذيب 77]

وش تقول في الضلع..

الضلع الجبل
وأمنا حواء خلقت من ضلع.

[حمد؟؟]

ضلع الجبل < مالك لوا ابو ذيب

[صبار العنزي]

صح السانك يا حمد
وشرايك في الوسم

[حمد؟؟]

صابر العنزي< صح بدنك (الوسم) < مالك الوا

[بدوي]

ما شاء الله
مبروك يا حمد
اثرك عود من عصر ادم :D
محاوله اولى
الورق

[حمد؟؟]

بدوي< تسلم على مرورك و (الورق) مالك لوا

[بدوي]

يا كثر رمعاتي على قل سنع

الماء
المالح والحالي

[حمد؟؟]

بدوي < شكرا على مرورك و(الماء) لاحالي ولا مالح < مالك لواء

[ابو ماجد 2]

صح لسانك يالغالي
واذا كان هذا باكورة انتاجك فماذا ستقول بالقادم الله يعين عليك
تمنياتي لك بالتوفيق
محاوله
الفرس
فرس العادي 0 وفرس البحر

[بدوي]

صح لسانك يالغالي

واذا كان هذا باكورة انتاجك فماذا ستقول بالقادم الله يعين عليك
تمنياتي لك بالتوفيق
محاوله
الفرس

فرس العادي 0 وفرس البحر



خلوني احط على ذاالشايب شوي
من متى والفرس عود..لو قال عجوز يمكن نعذرك اما يقول لك عود وتقول فرس "يين انت غادي :D " سامحنا على الميانه

[ناصر العلي]

وعليكم السلام ورحمة الله وبركاته
سلمت ياأخ حمد
وصح لسانك
وأول خير
ويش قولك بـ
الموج........والموج الأزرق
أو
سرطان البحر.....والسرطان
أو
البحر.......و........النهر
بينهما برزح لايبغيان
أو
الماء......و......اليابسة

[حمد؟؟]

ابو ماجد المبدع مشكور على مرورك و(الفرس)< لاعادي ولا بحري < مالك لواء

[حمد؟؟]

ناصر العلي < مشكور على مرورك و(النهر -سرطان -البحر-) < مالك لوا

[ابو ماجد 2]

خلوني احط على ذاالشايب شوي
من متى والفرس عود..لو قال عجوز يمكن نعذرك اما يقول لك عود وتقول فرس "يين انت غادي :D " سامحنا على الميانه[/CENTER]

هههههههههههههههههههههه
والله انك صادق بس ارفق على كبار السن
المسألة انا مريت على عجل وحبيت امدح اخوي حمد وهو يستاهل وقلت ماني داخل بدون رمعه وجت عجله وانت ماترحم
ويافرحة الشيخ مسكين بهالزله

[ناصر العلي]

طيب ويش رايك
بالفلك ......السفينة
وسفينة الصحراء

[حمد؟؟]

ناصر العلي < مشكور على مرورك و(السفينه او الجمل) < مالك لوا يالغالي ننتظر رمعاتك

[فهد الهلالي]

صح السانك اخوي حمد
محاوله جيده في بدع الالغاز
وبأذن الله تعالى سوف تكون من مبدعين الالغاز الجيدين
اذا استمريت على ذلك
محاوله
العود القمر
وهو مصنف الى اثنين
البدر والهلال
وبالبحرشاطي نصف القمر
وهلال المناره بالساجد او نادي الهلال
او مراحل تطوير القمر بطلعة الغاط
او
ابعد من الضلع الحمر عن تهامه
تحياتي

[فهد الهلالي]

هههههههههههههههههههههه




والله انك صادق بس ارفق على كبار السن
المسألة انا مريت على عجل وحبيت امدح اخوي حمد وهو يستاهل وقلت ماني داخل بدون رمعه وجت عجله وانت ماترحم


ويافرحة الشيخ مسكين بهالزله


متعودين
ماجبت شي جديد
والعتب على الكبر
شايب وعجل يلف قبل العاير

[حمد؟؟]

فهد الهلالي < صح بدنك وشكرا على مرورك و(القمر واالهلال )< مالك لوا وننتظر جديدك

[ناصر العلي]

سلمت يالطيب
ويش قولك بـ
جراد البحر
http://t1.gstatic.com/images?q=tbn:ANd9GcRGuFdDIk1aDEGPl3ROutETLCMphrMSQ Mbh3srNAMPo2yEu3TmbJ2WbCw (http://www.google.com.sa/imgres?imgurl=http://dc01.arabsh.com/i/00075/4sooshij6ev0.JPG&imgrefurl=http://qloopmasria.com/vb/showthread.php%3Ft%3D19955&usg=__o_ef2jMuFf359txj3qQhTliYv-U=&h=432&w=371&sz=32&hl=en&start=11&zoom=1&um=1&itbs=1&tbnid=xsmRMkhyditooM:&tbnh=126&tbnw=108&prev=/search%3Fq%3D%25D8%25AC%25D8%25B1%25D8%25A7%25D8%2 5AF%2B%25D8%25A7%25D9%2584%25D8%25A8%25D8%25AD%25D 8%25B1%26um%3D1%26hl%3Den%26safe%3Dactive%26sa%3DN %26biw%3D1259%26bih%3D654%26tbm%3Disch&ei=HBzATYfbEIjq0gGPufSWBQ)
و
جراد البر
http://t0.gstatic.com/images?q=tbn:ANd9GcR-iq8qxMQHS8pN3PyAyiJhPEiZ9ZmtV7NYJ0K9nnqTGz7iIfcKaq tj8yc (http://www.google.com.sa/imgres?imgurl=http://www.up.t-kjool.com/upfiles/pNJ72476.jpg&imgrefurl=http://www.t-kjool.com/vb/showthread.php%3Fp%3D242028&usg=__tA4QqmZij9sGwKcS_NIOs_6Mjk4=&h=419&w=629&sz=30&hl=en&start=15&zoom=1&um=1&itbs=1&tbnid=ROcQkjbtK-lIcM:&tbnh=91&tbnw=137&prev=/search%3Fq%3D%25D8%25AC%25D8%25B1%25D8%25A7%25D8%2 5AF%26um%3D1%26hl%3Den%26safe%3Dactive%26sa%3DG%26 biw%3D1259%26bih%3D654%26tbm%3Disch&ei=ZBzATdr3AcGa0QGNzYj1BA)

[حمد؟؟]

ناصر العلي < مالك لواء يالغالي

ابعدو عن البحر وشجرته
عشانه اول لغز يمكن ماهو حول الحروه
لاحد يدقق في الشطر الاول من البيت الثاني ( والصنف الاول بالبحر كنك تشوفه شوفة العين) يعني تشوف شبيهه في اللون........... ماقول الا الله يستر من هلغز الظاهر ماهو حول الحروه هههههههه

[فهد الهلالي]

مايكون القبرا واللحد
من على وقت ادم يوجد على
الارض
والبحر مايجي فيه موليه
تحياتي

[حمد؟؟]

فهد الهلالي المدير< الله يكفينا شر حشر القبر وعذاب النار انت ومن يقراء ...مالك لواء يالغالي

[بدوي]

اللغز هذا فعلا مميز
اول لغز لحمد وجمع هالوجيه الطيبه وسعوا صدونا الله يوسع صدورهم بالعافيه..اما يصدم في العاير هذي لحالها تكفي :D
المعذره يابو ماجد على فتح الباب عليك

محاوله جديده
السماء

[حمد؟؟]

بدوي < يالغالي خلك في الارض وين انت طاير ههههههه مالك لوا

[بدوي]

بدوي < يالغالي خلك في الارض وين انت طاير ههههههه مالك لوا

والله يا حمد طردتنا من البحر قلنا نحاول بالسماء
الحين لا سماء ولا ماء
ياضيعتي في البر
جاري التفكير

[حمد؟؟]

والله الظاهر اني من هلغز ابي انجلد مير ساعه اذا محد حله بقول الحل يمكن ماهو في محله الغز وخلك في البر يمكن تجيبه

[بدوي]

محاولة اخيره
الحبر
سائل وناشف

[حمد؟؟]

بدوي< مالك لواء يالغالي بس معقوله يكون فيه حبر سائل وناشف ع عصر ادم

[ضربش]

الحل الغراب
غراب البر وغرب الماء

[حمد؟؟]

ضربش< اشكرك على مرورك و(الغراب لاماء ولا بري) < مالك لوا يالغالي

[ضربش]

هوامير الصحرا وهوامير البحر

[حمد؟؟]

ضربش< مالك لوا يالغالي وخلك بعيد عن البحر

[فهد الهلالي]

هلابك يااخوي حمد
بما انه اول لغز تطرحه ياليت تسوي توضيح عليه
حتى يتم معرفه تركيبة اللغز على الرمعه
(اذا حبيت ذلك )
وهذا شي لصالحك
وقد مريت انا بنفس الطلب عند اول لغز سويته
حتى لايتعب الزملاء ويتعبك
ولا نريد منك حل اللغز
نريد منك فقط التلميح فقط هذه المره وفي اللالغاز الثانيه
لانطلب منك ذلك
تحياتي لك

[حمد؟؟]

من عيوني يالمدير الهلالي التلميح نصف الحل في اللغز او مذكور في اللغز

[ضربش]

كلمة بر
موجوده في البحر
عزالله انه لغز

[حمد؟؟]

ضربش < يالغالي من ببعيد عنه حول الحل

[حمد؟؟]

انشدك عن عودن يصنف بصنفين***وبعصر ادم يالربع سامعن فيه
الصنف الاول بالبحر وكنك تشوفه شوفت العين***والصنف الاخر (بر)والا البحر مايجي فيه

[أبو رافع الظاعن]

صح لسانك يا حمد

يمكن :

حبحر ؟؟

يقال إن آدم بكى فنبتت شجرة الحبحر على دمعه (طبعاً إسرائليات)

[حمد؟؟]

معقوله ماحد عرف الحل لحد الحين؟

[حمد؟؟]

ابو رافع الظاعن< صح بدنك وحياك اخوي المدير و(الحبحر)مالك لواء

[فهد الهلالي]

بـــــــــــر الوالــــــــدين

[حمد؟؟]

فهد الهلالي < مالك لو يالغالي لاتبعد وين مدير النبتات عنا يمكن يجيبه

[بدوي]

الوبر

التبر

الخبر:D

هذا اول لغز كيف الي بعده ..والله يا حمد مالحقنا على ادم علشان ندري ويش كان عندهم :)

[حمد؟؟]

هلا بدوي الله حيه ياخي اذا صنف بر الصنف الثاني وش يصيير

[بدوي]

هلا بدوي الله حيه ياخي اذا صنف بر الصنف الثاني وش يصيير

يصير بحر
يصير جو
يصير مدر

انا اقترح تسدح الحل فاما ايداناك وقلنا برافوا لغز كفو ..والا توطينا في بطنك

[حمد؟؟]

كنت بقول الحل قبل كذ1 بس رفضو الشباب قالو يبون تلميح ولمحت لين تعبت بس الظاهر تفكرون بعيد يالغالي

[أبو رافع الظاعن]

زنبقة البحر ؟؟

[حمد؟؟]

ابو رافع المدير < مالك لوا مع اني مدري وش هلااسم بس خلك في مجال النبات ههههههه

[بدوي]

هالايام الشعير غالي
لا يكون قصدك شعير وبر

[أبو رافع الظاعن]

برسيم ......

[حمد؟؟]

بدوي< ترى تفحط حول ولا جبت اسمه
ابو رافع < لاتبعد

[بدوي]

حنطه
قمح

يالله تجيبها

[حمد؟؟]

انشدك عن عودن يصنف بصنفين < العود (القمح)

وبعصر ادم يالربع سامعن فيه < كان موجود القمح في عصر ادم
يصنف بصنفين < قمح (ابيض) وقمح ( بر)

الصنف الاول بالبحر كنك تشوف يعني كنك تشوف لونه في البحر ( الثلج)
والصنف الاخر بر ولا البحر مايجي فيه< الصنف مجاوب في الشطر الاخير
ولا البحر مايجي فيه < يعني ماينبت في البحر

مدري الغز حول الحروه ولا مفارق بس المعذره من الجميع

[حمد؟؟]

بدوي برررافو عليك الحل (القمح)

[بدوي]

ماشاء الله لغز كفو من كفو
واصل ابداعك..لا هنت يا حمد

[حمد؟؟]

لاتجامل بس ههههههههههه توبه معاد حنا بجايبن الغاز من عندنا ..تحياتي

[أبو رافع الظاعن]

اللغز يدل على قدرة فائقة سوف تتحسن مع الوقت .

وكما قال أبو ماجد إذا كان هذا أول لغز لك الله يعين على القادم !!

يعني ستكون ألغازك فيها عمق .

تحيتي لك .

[فهد الهلالي]

هلابك يااخي الغالي
بالصراحه انا احس في كتاباتك مشروع جديد قادم للالغاز وبقوه
ونامل ذلك بتطوير مستواك الى الافضل
ونصيحتي لك ياخي الفاضل ان تستمر معنا في حلول الالغاز والاطلاع عليها
والاستفاده من خبرة زملائك في صياغه الالغاز حتى تتمكن اكثر
ولم اقصد التقليل من طرحك يالغالي ولكن لكسب خبره تفيدك بهذا المجال
فلا تستعجل في طرحك
هذا حسب وجهة نظري الشخصيه
اشكرك يااخي الغالي
والله يحفظك