هل بقي من الربيع شيء حول الرياض

[تأبط خيراً]

الأخوة الأفاضل ودي أطلع أنا والعائلة بكرة الخميس (تو الأولاد مخلصين إمتحاناتهم الشهرية) وودي أماكن يكون فيها ربيع قريبة من الرياض هل لا زالت خريم مربعة وإلا صفرت أو التنهات (لأني رحتها قبل ثلاثة أسابيع (طلعة شبابية وماهي ذاك الزود)
وإذا فيه أماكن أفضل الله لا يهينكم مانستغني عن شوركم

والله الله في الوصف و الإحداثيات إذا تحتاج إحداثية

[دواج الظلما]

عندك خريم حلوه بس الله يعين على شيل الامتعه

[تأبط خيراً]

عندك خريم حلوه بس الله يعين على شيل الامتعه

الله يحييك يادواج الظلما وينور طريقك
بس واحد من الجماعة راحها الأسبوع الماضي ويقول إنها مصفرة و بعد راح الملك دخلوها الرعيان والبل هل هذا صحيح
وإلا هو ما نصا المكان الزين <==== ظني إنه عليمي وما يعرف المحلات الزينة في الروضة
والحقيقة إني ما شفت تقارير عنها من أكثر من أسبوعين

وأما شيل الأمتعه الله بيعين عليه إن شاء الله

[قناص الحاير]

خريم لعبو فيها اهل الحلال رح للحاير قريبه مره وفيها رمل وفيها طلح واذا حصل تغير في الاجواء بيتك قريب