مطلوب للشراء طير (لحاق) والقيمة مفتوحة, شرط الفحص

[مارشال]

السلام عليكم ورحمة الله وبركاته

مطلوب للشراء طير حر لحاق , وحش او بيتي ما يتعدى عمره خامس , يفضل ان يكون صايد ولا يشترط الركاده
شرط اساسي: فحص سبق الطير على الخضاري (السوادي)
والقيمة مفتوحة
وشكراً

[المري]

السلام عليكم ..

مرحبا اخي مارشال وحياك الله يالغالي..

الطير موجود ولكن ماهوب حر قرناس شاهين بيتي ثنو يصفي مع الحرار وراكد على التكيه .. مقاس 16

اذا لك خاطر بارك الله فيك عطنى خبر.. وعسى الله يكتب اللي فيه الخير..

وسلامتك..

[طيرحوران]

الأخ مارشال حياك الله وابشر بسعدك موجود الطير والطير لحاق ويلحق حمام الدحل إذا ماخانتني الذاكرة
مواصفات الطير ريشته حلوه احمر احمر صافي بيتي رابع او خامس ذابح الحباري قومه وقعده طول وعرض 17 او ونص بعد
لكن الركاده خلف الله لادور ركاده
الطير يسام 20000 إذا كان لك نظر علمني ونشوف لك الطير
تحياتي

[مارشال]

السلام عليكم

الأخ المري شكرا على ردك ..... راجع الرسائل الخاصه لاهنت

الأخ طير حوران حياك الله ......الأوصاف كلها مناسبه وشفه لنا

[7md]

الاخ المري اولا كيف حالك -------وانا بشتري طيرك اذا هو ما انباع
وهذا رقم جوالي 0506850997
ابغاك ترد لي خبر بسرعه لاهنت-------------------------[b][i]

[ابو مبارك]

فيه يا ربع طير شاهين بحري الطول 15 والعرض 14.5 الطير صايد الحبارى والكروان والطير مكسووره فيه ريشتين النايفه والموس
لكنها موسره توسير مضبوط
اذا تبي الطير هذا رقم الرجال
الاااستفسار 0557545744
الطير للبيع مع تحيات ابومبارك

[مارشال]

السلام عليكم
ارجو ان يكون العرض للحرار فقط وفي نطاق الموضوع
مع جزيل الشكر

[ملتاع]

أخوى مارشل فى طير طلع وركاده ولحق وعمره الله والعلم رابع طير هدى صايد وصيده السنه ثنتين وحده منهن الحووووووووووق

هذا رقم صاحب الطير اسمه عبد الرحمن هذا رقمه0504866116

[مارشال]

الأخ ملتاع حياك الله
قبل الأتصال,
هل صاحب الطير يشتر طرد طيره للخضاري

تقبل جزيل الشكر

[ملتاع]

أخوى مارشال

الطير سبووووووووووووق وانا من الناس الى هاده على الحماام سلم سخرها على طول


اما للخضاري................ تبى الصدق اول مره اسمع فيه يمكن له اسم عندنا بس الطير طير حباااارى

[مارشال]

الخضاري او السوادي هو حمام الدحل
واحب اوضح طلبي مره اخرى للجميع
ابحث عن طير حر فرخ او بيتي ما يتعدى خامس ( لا يشترط ركاده ولا طلع ولا ولف ولا لون ولا وفا ولا قطعه ولا ........ اي شي)
فقط شرط واحد وهو (فحص الطير على حمام الدحل)
يفضل ان يكون الطير صايد الحبارى

والقيمة مفتوحة باللي يبي راعيه $$$$$ لا يرده الا لسانه

[طير قطر2005]

صباح الخير يالربع ...مطلوب طير لحاق وسبوق ابيه للتحدي(يصيد الزاجل والدحل )والمطلوب هو تبع او شيهانه صغيرة..ومب شرط صايد .وتسلمون.

[مارشال]

السلام عليكم
ارجو من الأعضاء المشاركة في نطاق الموضوع الخاص بي
وبأمكان اي عضو كتابة موضوع جديد خاص به
الموضوع هنا للعرض فقط وليس للطلب
وشكرا

[الوافي عزام]

الأخ مارشال أو من اراد طير لحاق عندي طير حر وافي بكرأحمر راسة مغتر افحج كراعة قصير بوزة ماعلية كلام ومنسمة وسيع يجيلة تقريبا سبع طعش في سبع طعش افكة اذا ابعد مرة الخضاري بدون مانتف منها شي من الجنحان والا الذنابة وينزله تنزيل وعلى الشرط مع العلم ان الطير صنيع وهو على هالشغلة واذا احد لة نظر فالرقم
0503161309 ابومحمد

الطير يكفخ وعلية البرقع اذا جا وقت العلف بالأخص اذا حس ان فية حمام بيهدلة بعدها الطير راكد على اليد وعلى الوكر اما بالسيارة فما جربة .
العام صايد اربع حباري كلام موثوق
معلمة على الأرنب وجاهز لها
بالنسبة للكراوين ماعمري هديتة عليها (مالقيتها)
الطير فية ريشة في جناحة الأيمن موسرة
والسلام......

[الوافي عزام]

ما عرفت امسحة غشيم تراني في الكمبيوتر العذر

[ابو مبارك]

فيه طير حر عند واحد اعرفه موجوود صايد السنه هاذي حبارتين مع راعيه الي يبي يبيعه والرجل موثووق منه ويهد الطير
على الارنب وصايد الكروان
اذا للك شف في الطير الرقم الرجال هذا هو

0503806998

مع تحيات ابو مبارك

[مارشال]

حياك الله ابومبارك
بس ليتك تتأكد هل راعي الطير يشرط فحص الطير على السوادي
هذا هو اساس الموضوع بارك الله فيك
وشكرا

[ابو مبارك]

طيب اخوي مارشال انت دق على الرجال وانشده اذا كان يهد على الحمام ولاااا

انا يابوو سويت الي علي


مع تحيات ابو مبــــــــارك

[أبو فيصل]

التلفون غلط يا ابو مبارك

[ذيب الحره]

اخوي مارشال طيرك قريب بس السعر غالي واسال اهل بريدة عن هالطير وبيقولولك ولا تسألني زيادة اسأل ابو فهد ويعطيك العلم والطير يلحق عقب الطيور وافهم العلم وبسرعة .

[مارشال]

حياك الله اخوي ذيب الحرة
من تقصد ابوفهد ؟؟؟ ي

[العنييد]

الى الحين مالقيت طير يصلح يامارشال

ولا مافيه طيور تلحق للبيع

[مارشال]

على يدك يالعنيد
العروض واجد , وحتى الان شاهدت طيرين من الطيور المعروضه هنا في المنتدى وفحصتهن على حمامه , لكن ابشرك راحت الحمامه سلامات على الطيور
اذا انت خابر لي شي لاتبخل علينا والوعد المدعى
اذا صاد الطير الحمامه ماللي اي عذر عن شراء الطير , اما اذا راحت الحمامه على وجهها ما اعتقد انه يلزمني شي
لا تنسى ان ( شرطي الأساسي هو فحص الطير على الخضاري )

[ابو مبارك]

اقوول ابو فيصل دق على الرجال لاتقعد تكذبني وتقوول الرقم غلط يعنيي انا ابكذب ليه وش ابي استفيد



وبعدين مارشال اخووي ماتبي طير الرجال ولاااا


مع تحيات ابوو مبارك

[ابو مبارك]

اقوول ابو فيصل لاتقعد تكذب الرجال انا متاكد ان التلفون صح

وبعدين مارشال انت تبي الطير ولااا

مع تحيات ابوو مبارك

[مارشال]

لاهنت اخوي ابو مبارك

سوف اقول بالأتصال على الرجال في الحال وابلغكم باللي يحصل

[* الـكـشّـات*]

السلام عليكم ورحمة الله
حياك الله يا اخوي(( ما رشال))
الطير إلي انت تبيه إن شاء الله إنه موجود
بارسلك رقمي على الخاص واتصل بي ونتفاهم

[العنييد]

الشرط انه يصيدها ولا يكفي انه يرددها

[مارشال]

السلام عليكم

الأخ ابومبارك شكرا لمشاركتك - تراني دقيت على الرجال ويقول انه ماقد هد الطير على حمام سوادي , وتفاجأ ولا عنده علم عن هالمسأله!!!!! وين راح الشرط الأساسي الله يهديك , ركز في الموضوع قبل الرد

الأخ الكرامه وصلني رقم الرجال على الخاصة مع الشكر , واتصلت به (عبدالله ) ويقول ان الطير غير مشروط على السوادي يعني ان الطير اللي عنده مايصلح ولا هو الطير اللي في خاطري.

ياجماعة ارجو منكم التركيز في صلب الموضوع

الأخ العنيد حياك الله - يكفيني ان الطير يرد الحمامه مرد واحد بس في مسافة لا تقل عن كيلوين.

نوع الحمامه (سوادي - خضاري - دحل )

حتى الان مافيه طير رد الخضارية عن طريق هذا الموضوع
ولازال البحث مستمر

[اعقاب]

اخوي مارشال


انا قريت موظوعك واستغرب من بعض الآخوه الكرام دخولهم عرض في الموظوع واللي ماهد واللي مايعرف الحمام وطير حبارى

المفروض ان كل واحد يتكلم عن طيره الخاص او يسكت يقرا ولاتفهمونني غلط احبتي مرتادي هذا المنتدى العريق ولكن لابد من توضيح كل منا للاخر وعدم تكذيب احد.


نرجع للموضوع الرئيسي

عندي طيري مسروق هاب ريح وسبوق ويطلع وصايد هذي السنه خمس حباري ويلحق الحمام لحوق طيب ولاني بقايل انه مايروح عليه شي بنتقابل انكانك بغيته وهد له اللي ودك.


مره جاب لي واحد من ربعنا حمامة دحل توه صايدها قبل ساعتين ونتف من دواغرها وهدها وكان هوانا صلف ضيعناه في اثرها وعيناه صايد وهذي صورته

http://www.mekshat.com/pix/upload/images14/mk5466_20060129(005).jpg

[مارشال]

السلام عليكم
لا هنت اخوي اعقاب على التوضيح....

اذا كنت مالي يدك من الطير على الحمام (القوي) فتراني ارغب اننا نتقابل وافحص الطير (للشراء)
راجع الخاصة لو تكرمت

مازال البحث عن الطلب جاري