من جرب الاتاريك؟

[دسم الشوارب]

بسم الله الرحمن الرحيم
يا إخواني افتوني في الاتاريك انواعها واسعارها وهل هي نافعه اصلاً ولا لا والسراج لفضل او هي مع اني اعلم ان التريك اقوى بكثير

[راعي الكار]

يقولي واحد من الشباب فيه تريك بدون بطاريه داخل مكان البطاريه كره ترجه شوي ويشتغل معك زي الحلاوه وقيمته 15 ريال بس تراني ما شفته
وفيه تريك بهندل عند جيان وقيمته يا 25 أو 45 ريال ويشحن الجوال بس اني جربته مهو عملي
وشريت العام من البطحا تريك تايواني ممتاز قيمته 130 ريال ويشحن بالكهرب ويستمر لفتره طويله واضائته قويه مره يعني مداه بدون مبالغه 200م وتشوف تركيز النور حقه على هالبعد مع ن اللي مكتوب عليه 1500م بس انا اقول التركيييييز (تركيز النور) على بعد 200م واضح :no2:
اتمنى اني وضحتلك اللي عندي

[دسم الشوارب]

مافهمت!
كيف!

[nsa10000]

الله يجزاكم كل خير

ارجو افادتنا عن افضل انواع الأتاريك (جمع تريك اى كشاف) (سعر مع جوده) وين الاقيها فى الرياض واذا كان بشاحن

وانا شفت واحد عند الرمايه ب 425 ريال (له شاحن سياره وبيت) ويقولون انواره زينون ماتتغير ومضمونه بأذن الله مدى الحياه !!!

ياليت احد يفيدنا اذا كان جربه

وكل عام وانتم بخير قبل الزحمه

[اخو العيال]

الاخ/ دسم الشوارب بعد التحيه

التريك افضل واجد من السراج بمراحل حيث السراج يستخدم معه الكروسين (الجاز)
بعكس التريك يركب على الدبه الزرقا وتعبيه من محلات الغاز
وهي مجودة في الهجر والقرى
بعكس السراج يبي كورسين وين تحصل الكروسين (الجاز)
السراج فيه رائحه مزعجه خاصةً داخل الخيمة
القوه التريك اقوى بمراحل من السراج

أرجوء أن أكون أفدت

[معدي المرقاب]

السلام عليكم ورحمة الله وبركاته :

انا معي اتريك شاريه من الرماية ب450ريال قبل ثلاث سنوات لونه اسود صناعة امريكية الأطار الخارجي مطاطي ويجي ثلاث مقاسات عز الله انه تريك عملي ونا اشوفه مع كثر من الشباب ويصل قوة الأضاءة الى حوالي350متر يعني مثل الكبس .

اخوك/ معدي

[صارم]

السلام عليكم


ياجماعة صار فيه لخبطه بالمفهوم

التريك هو اللي به فتيله ويولع بالغاز ويستعملونه منول بكثرة للحجاج ومازال موجود عند تأجير الخيام

أما الكشاف اليدوي أو الضوايه هي أللي أنتم معظمكم يتكلم عنه وهي ببطاريات أو بشحن فرك

بس وسلامتكم