استفسار عن سعر الناتيفا ميتسوبيشي

[ابو محمد سعيد]

السلام عليكم ورحمة الله ..
بعد إذنكم يالربع أبي استفسر عن سعر سيارة من نوع جيب ناتيفا ميتسوبيشي موديل 2007 دبل ، لونين رمادي أسفل وابيض أعلى،ماشيه 105000كيلو تقريبا ، 6 سلندر ، مافيها أعطال ولا سمكره الا تعديل بسيط مع رشه بالرفرف الامامي يمين ، صاحبها محافظ عليها ويداريها ولا هو راعي بر ، فزعتكم يالنشامى..

[شيخ العزوبية]

والله وانا اخوك انا معجب بالسيارة هذي بحكم رخص قيمتها مقارنة باسعار الجيوب الاخرى وتفي بالغرض ووسيعة ..

وكنت اسال عنهن قبل فترة وحصلت 2005 تباع بـ 35 الف تقريباً وممكن تزود الف او الفين على حسب نظافة السيارة .

واتوقع ان السيارة الى ذكرت وبما ان فيها رفرف مرشوش الله العالم من 43 ـ 47 الف

ولا تبني على كلامي بالحيل بيفيدك الاعضاء اكثر مني .

[راعي الركيات]

من 33 ... 35 ماتزيد عن ذالك في اعتقادي

والسبب كان مع اخوي 2004 نظيفه بس البدي مثل خويك يعني لحقها بعض الدقوش ومابعها الا بـ 25 الف

[hadd]

سعرها من 35 الي 40 الف حسب النضافه
وهي غير مرغوبه بسبب غلاء قطع غيارها

[ابو محمد سعيد]

بيض الله وجيهكم والله نعم الرجال ماقصرتوا .. حادها راعيها ب45000ريال..