تكفون عندي ثلاجة رافعة ضغطي

[ابو شورى]

صباحكم فل وياسمين
عندي مشكلة رافعة ضغطي لحد مايتصور
بأختصار معي جيب جي اكس 2009 مكمل ولله الحمد ببطارية اضافية ومحول كهربائي مع انوار كما تعرفون .
المهم قمت بتكميلة عند شخص بالرياض بسلك مباشر من البطارية للثلاجة نوعها الثميري مقاس 60 .
المشكلة ان الثلاجة بطيئة التبريد يعني مثلا اليوم وضعت بها مشروبات مع علب مياه صحية من الساعة التاسعة صباحا لحد وقت الغداء الساعة الثانية ظهرا والتبريد تعبان لاتتعدى 19 درجة مع العلم اني وضعتها على درجة 22ــ !!!
تكفون وش المشكلة مع العلم ان البطارية الاضافية قوة 90 امبير
اللي عندة خبرة بهذه الامور لايبخل علي والله ان خاطري متكدر
ولاهنتم

[nejjer]

يمكن انك حاشر الثلاجه بالاغراض اللي حولها ولا حطيت مكان تهويه لها وبعدين إذا بغيت تستخدمها بالسياره شغلها بالبيت اقل شي ست ساعات بعدين ركبها بالسياره عشان تبرد

[قناص خلاوي]

يمكن انك حاشر الثلاجه بالاغراض اللي حولها ولا حطيت مكان تهويه لها وبعدين إذا بغيت تستخدمها بالسياره شغلها بالبيت اقل شي ست ساعات بعدين ركبها بالسياره عشان تبرد

هذي نقطة
والنقطة الثانية ممكن يكون السلك الممدد للثلاجة ماهو مناسب
اما سلك كهرباء بيت او سماكته قليلة
احرص على مقاس 5 مل نحاس ناعم
بالتوفيق

[شلفا تبوك]

شيك علا الكمبروسر لا يكون فيه نسم مع المطامر

[سرهيد]

السلام عليكم

حياك الله اخي الكريم

من اهم ما يميز ثلاجة الطمرة سرعة التبريد .

الذ استغرب حدوث ما تقول ؟

ياليت صورة للثلاجة مع صور المكان اللي هي فيه .

من كلامك اتوقع ان الثلاجة ليست الطمرة ، لانك تقول وضعتها على درجة -22 وما وصلت الا 19 وثلاجة الطمرة ما فيها مقياس يوضح كم البرودة اللي هي عليه ..

على العموم نحتاج صورة للثلاجة مع صور المكان اللي هي فيه

تقبل احترامي

[معدي المرقاب]

اخي تاكد من قوة الكهرب وهل تعبئة البطرية من الاخري بشكل جيد
وكذلك الثلاجة على ماعتقد انها الرماية

[ابو شورى]

يمكن انك حاشر الثلاجه بالاغراض اللي حولها ولا حطيت مكان تهويه لها وبعدين إذا بغيت تستخدمها بالسياره شغلها بالبيت اقل شي ست ساعات بعدين ركبها بالسياره عشان تبرد

هلا بك اخوي
ومشكلة حشرها بجوار الاغراض ماعتقد انه له دور فأنا لي زملاء لديهم ثلاجة يقال عنها الثميري ولا فيها أي اشكال تبرد تبريد ماشاء الله عليها
شكرا لك على التعليق

[ابو شورى]

هذي نقطة
والنقطة الثانية ممكن يكون السلك الممدد للثلاجة ماهو مناسب
اما سلك كهرباء بيت او سماكته قليلة
احرص على مقاس 5 مل نحاس ناعم
بالتوفيق

هلا بك اخوي
التمديد واحد له خبرة ومتخصص بهذه الشغلات بالرياض يقال له ابوسليمان وهو بنفسة يقول انه لايستخدم اسلاك منازل بل اسلاك مناسبة واعتقد انه واضع سلك 3ملم
شكرا لك على التعليق

[ابو شورى]

شيك علا الكمبروسر لا يكون فيه نسم مع المطامر

هلابك اخوي
لا اخوي الكمبرسر مافية حاجة لاني انزلها بالبيت واتركها شغالة على الكهرباء وتصل احيانا الى 23ــ
شكرا لك

[ابو شورى]

السلام عليكم

حياك الله اخي الكريم

من اهم ما يميز ثلاجة الطمرة سرعة التبريد .

الذ استغرب حدوث ما تقول ؟

ياليت صورة للثلاجة مع صور المكان اللي هي فيه .

من كلامك اتوقع ان الثلاجة ليست الطمرة ، لانك تقول وضعتها على درجة -22 وما وصلت الا 19 وثلاجة الطمرة ما فيها مقياس يوضح كم البرودة اللي هي عليه ..

على العموم نحتاج صورة للثلاجة مع صور المكان اللي هي فيه

تقبل احترامي


هلا بك اخوي
كلامك صحيح واسف على الغلط لاني قلت انها الطمرة والصحيح هي ثلاجة الثميري وعن التصوير والله ياليت بس الرجال عليمي
شكرا لك

[ابو شورى]

اخي تاكد من قوة الكهرب وهل تعبئة البطرية من الاخري بشكل جيد
وكذلك الثلاجة على ماعتقد انها الرماية

هلا بك اخوي
التعبئة تجيها من بطارية 90 امبير والثلاجة هي الثميري
بس فية شي لاحظتة اليوم وهو كنت امس اشتكي منها وكانت برودتها سيئة مرة اما اليوم فكانت تثلج ؟؟؟
مدري وش القصة يمكن انها بسبب انها اليوم بتثليجها كانت بسبب انها كانت مشتغلة امس بعكس اول ماشغلتها كانت لها فترة ماشغلت
شكرا لك

[ذيب الشفا]

سلك 3 ملم لا يفي بالغرض ابدا المناسب 6 ملم ناعم هذا ما اعرفه ...

[ابو شورى]

سلك 3 ملم لا يفي بالغرض ابدا المناسب 6 ملم ناعم هذا ما اعرفه ...

هلا بك اخوي
مسألة الاسلاك والله احترنا فية ناس تقول الاسلاك السميكة يضيع فيها الكهرباء ولايصل لثلاجة بشكل مناسب بعكس الاسلاك الغير سميكة مثل 3ملم
لكن الرجال اللي سلك لي الموتر انسان ثقة وخبرة
شكرا لك

[nejjer]

طيب شوف شغل الثلاجه على البطاريه الاساسية ساعتين و جرب ان الثلاجه تكون خارج السياره عشان التهويه وشوف وش يصير معك

[ابو شورى]

طيب شوف شغل الثلاجه على البطاريه الاساسية ساعتين و جرب ان الثلاجه تكون خارج السياره عشان التهويه وشوف وش يصير معك

هلا بك اخوي
فعلا كلامك مقنع لكن بجرب ان شاء الله
اليوم صراحة اطربتني بشكل خيالي حيث انني وضعت فيها مياه صحية مع علب كوكا كولا وثلج اكثرة وكانت تصل الدرجة 3ــ ولا ادري وش الهرجة بعكس امس
هل السبب لانها كانت مشغله امس
شكرا لك

[nejjer]

انا بردي السابق قلت لك قبل ماتستخدمها بالطلعه شغلها يوم او ست ساعة قبل الطلعه عشان الزيت اللي داخل المواصير يرجع للكمبرسور وتبرد

[ابو شورى]

انا بردي السابق قلت لك قبل ماتستخدمها بالطلعه شغلها يوم او ست ساعة قبل الطلعه عشان الزيت اللي داخل المواصير يرجع للكمبرسور وتبرد

هلا بك اخوي
ارجو المعذرة والله ماركزت وبيض الله وجهك يمكن ماذكرتة هو الصحيح فالثلاجة اليوم غير لانها كما ذكرت انت كانت سبق ان شغلتها
صراحة اليوم المعنويات ارتفعت والله يستر لاجينا لوز من شرب البارد
شكرا لك

[ابو شورى]

ياليت احد اخواني المشرفين يعدل عنوان الموضوع لوجود خطا مني بأسم نوع الثلاجة حيث انني ذكرت الطمرة والصحيح هي الثميري
اقدم اعتذاري من الجميع

[قرناس حائل]

تأكد من مروحة التبريد داخل الثلاجة
قد لاتعمل بشكل مستمر اثناء تشغيل الثلاجة
وان لزم الامر رهم لها مروحه مثل اللي تركب على اجهزة المكالمات وجرب

[سرهيد]

هلا بك اخوي

التمديد واحد له خبرة ومتخصص بهذه الشغلات بالرياض يقال له ابوسليمان وهو بنفسة يقول انه لايستخدم اسلاك منازل بل اسلاك مناسبة واعتقد انه واضع سلك 3ملم
شكرا لك على التعليق




وانا اشهد لابو سليمان بالخبرة في الثلاجات ما فيها كلام

وبحكم معلوماتي عن طريقة ابو سليمان في التمديد فهو لا يضع سلك اقل من 5 ملي

[سرهيد]

هلا بك اخوي



كلامك صحيح واسف على الغلط لاني قلت انها الطمرة والصحيح هي ثلاجة الثميري وعن التصوير والله ياليت بس الرجال عليمي
شكرا لك


فعلا مثل ما توقعت انها ليست الطمرة

على العموم هذه النوعيات جيدة ولا يمكن ان يكون التبريد فيها قليل الا بسب عطل

قد حصل واشتريت مثلها كبيرة ، على البيت مضبوطة وعلى السيارة تولع لمبتها اللي تدل على ضعف الكهرباء وتبين بعدين ان الشريحة حقتها عطلانة .

وبالمناسبة هذه النوعيات يتم عملها على البيت من اجل ان يتم تشغيلها بساعات على كهرب البيت ومن ثم تشبك على البطارية ...

ومسألة انها تأخرت خمس ساعات ما بردت في مثل هذه النوعية اعتقد انه طبيعي .

الثلاجة نوعا ماء حلو وجربت نوعية مثلها ما عليها خلاف وعلى العموم هي والسنيدي واللي يورد البرية كلها نوعية واحد .

تقبل مودتي

[ابو شورى]

تأكد من مروحة التبريد داخل الثلاجة
قد لاتعمل بشكل مستمر اثناء تشغيل الثلاجة
وان لزم الامر رهم لها مروحه مثل اللي تركب على اجهزة المكالمات وجرب


هلا بك اخوي
مروحة التبريد سليمة ولا فيها حاجة والثلاجة جديدة لم تستخدم الا بالصيد الماضي برفحا واستخدام اسبوعين .
وبالنسبة للمروحة فأعتقد انه هو المطلوب لكي تساعد على عدم ارتفاع الحرارة
شكرا لك

[دغيم1]

السلام عليكم ورحمة الله وبركاته
حياك الله أخوي
بالنسبة للثلاجة إذا تعرضت لهزات أثناء الرحلة أو أثناء التحميل
فإن ذلك يؤثر على عمل الكمبرويسر ويحتاج وقت بسيط حتى يعود الزيت إلى مكانه ويتم عمل الثلاجة حسب المطلوب
علاوة على ذلك إذا تركت فترة طويلة دون إستخدام فإن ذلك يؤثر عليها في بداية الإستخدام
تمنياتي لك بالتوفيق
تحياتي

[ابو شورى]

السلام عليكم ورحمة الله وبركاته
حياك الله أخوي
بالنسبة للثلاجة إذا تعرضت لهزات أثناء الرحلة أو أثناء التحميل
فإن ذلك يؤثر على عمل الكمبرويسر ويحتاج وقت بسيط حتى يعود الزيت إلى مكانه ويتم عمل الثلاجة حسب المطلوب
علاوة على ذلك إذا تركت فترة طويلة دون إستخدام فإن ذلك يؤثر عليها في بداية الإستخدام
تمنياتي لك بالتوفيق
تحياتي


هلا بك اخوي
بالنسبة للثلاجة الخاصة للسيارات الشغالة على 12 فولت على حسب ماسمع مصممة خصيصا لكي تكون مقاومة للاهتزازات وانت ادري مني بذلك .
اما نقطتك الاخرى بقولك انها اذا تركت لفتره طويلة دون استخدام فأنه يؤثر على تبريدها في بداية الاستخدام فأنا اتفق معك تماما فماحدث معي يثبت ذلك .
ففي المره الاولى كان مستوى تبريدها اسواء من السيئ لاني لم اقم بتشغيلها بالبيت بمثل ذكر الاخوان اما بالمره الثانية فقد سبق استخدامي لها بالسيارة ان تركتها شغاله على كهرباء البيت ومن ثم قمت بتشغيلها على البطارية وكان تبريدها غاية في الطرب
شكرا لك

[eldhna]

أخوي..أنا جربت ثلاجتين..مالقيت أفضل من ثلاجة الرماية..

ونزاوا هالحين ثلاجات قسمين جزء للتبريد والقسم الثاني فريزر..

عندهم فني جيد في فرعهم في طريق الملك فهد بالرياض في حي العقيق

،سوى لي التمديد والبطارية الاضافية مع الافياش 220 فولت

وتشتغل ماشاء الله روعة ..من قبل الشتاء الفايت..

[eldhna]

الرماية عندهم ثلاجات ممتازه ومجربة
28 لتر 1650 ريال
45 لتر 1800 ريال
60 لتر 2290 ريال
80 لتر 2450 ريال
أتمنى أن أكون قدمت معلومة مفيدة لزملائي المكشاتيين

[سرهيد]

أخوي..أنا جربت ثلاجتين..مالقيت أفضل من ثلاجة الرماية..



هلا بك اخوي الكريم eldhna

لي استفسار عن الثلاجة الثانية اللي جربتها

اما بخصوص ان الرماية افضل ، فتجربتك تكفي ، لكن بحكم اني مجرب للانجل والرماية ارى انها فضل ..

تقبل مودتي

[العاني]

السلام

اخوي ترى احتمال تبي دعم مراوح

بعد اذن المشرف والادارة هذارقم واحد من الشباب متخصص ثلاجات 0503149350

[ساري بريدة]

اخي جرب افصل السلك الزايد عن سلاك الثلاجه الاصلي واشبكه في البطاريه مبا شر

[((القناص))]

حياااااااااك الله اخوي
ركب مروحه تبريد اضافيه
الحل ميه بالميه من مجرب

[ابوخالد2004]

اقر عليه وانشاء الله تزين