المساعد الشخصي الرقمي

مشاهدة النسخة كاملة : أشتكي من طقه في يوكن دبل 2006


assaef
06/05/2011, 07:57 PM
السلام عليكم ...
عندي يوكن 2006 وأسمع وأشعر بطقه في بطن الموتر وكأنها في الجربوكس او الدبل مثل الطقه التي تسمع إذا فصلت الدبل أو أخف قليل واشعر بها عند الوقوف وعند القومه

كشفت على العضلات سليييييييييمه
الغريب ....... أنني إذا شبكت الدبل ليس للطقه أي أثر وإذا فصلته رجعت

أفيدونـــــــــــــــــــي جزاكم الله خيرا
بدوي جنوبي
06/05/2011, 10:10 PM
عليكم السلام
الطقه لها اكثر من سبب
ممكن من الصليب وممكن تظهر من الدفرنس ؟
~EmPeRor~
06/05/2011, 10:11 PM
هلا فيك يالغالي

احتمال فضاوة في الكرونا الخلفية او الدبل ( فاذا شبكت الدفع الرباعي راحت) ومامنها اي اشكالية

واحتمال ثاني كراسي القير والدبل او صليبات العمود الخلفي

لابد من الفحص يالغالي عشان يبين 100%

بالتوفيق
سمو القناصين
07/05/2011, 03:36 PM
حياك الله اخوي
انا صارت لي نفس المشكله في جمس سييرا z71 ما خليت ورشه الكل يقول القماشات والثاني الدفرنس والثالث...الى اخرة 0المهم المشكله في كلتشات القير وراح ينفصل عندك التعشيق من بعد التعشيقه الثانيه فاالحق عليه وشيك ايضا على الدبل والله يعينك000
YUKON_GMC
07/05/2011, 05:35 PM
إذا الطقه تظهر معك بعد استخدام الدبل بيوم وأول ماتشغل السياره وهي بارده وتحس كأن الموتر يتحرك معك ولاتحدث معك الا بعد التطعيس وتروح كم يوم وترجع هذي من الدبل .. يعلق ولايفصل مضبوط

وهذي بداية عطل الدبل .. بالاضافه لمشاكل فضاوة الجنزير وفضاوة عمود الدبل

طقة عمود الدبل تصير معك لاوقفت عند الاشاره ورفعت رجلك عن الفرامل
assaef
07/05/2011, 08:34 PM
السلام عليكم...
أشكر كل من رد وشارك وأسأل الله أن لا يحرمكم الأجر ...

الأخ بدوي جنوبي (http://www.mekshat.com/vb/member.php?u=32037)
الأخ ~EmPeRor~
الأخ سمو القناصين
الأخ safare2
أشكركم...
وقد كشفت على الصلبان وهي سليمه وذهبت عصر اليوم لأتأكد من كلامكم حول إمكانية العطل من الدفرنس أو الدبل فوجدت مهندس يقول المشكلة من الدبل يتحرك من الداخل وهو مفصول وإذا شبكته ثبت ويقول تصليحه يحتاج توظيب الدبل فما رأيكم لاسيما وأن الدبل يعمل كما ينبغي ولله الحمد...!!

ماذكرته يا safare2 فعلا أنا إذا شغلت السياره بعد وقت طويل وهي طافيه وبالأخص في الصباح أسمع طقه كأن الدبل يشبك أو يفصل وليس شرط بعد تطعيس او استخدام للدبل بل يمكن تطلع هذه الطقه كل يومين مره ولي كذا شهر على هذه الحالة وكلامك صحيح الطقه إذا رفعت رجلي من الفرامل عند الإشاره لذا فإن كلامك هو أقرب تشخيص للمشكله

مــــــاذا تنصحوني أتركه وأطنش الطقه ومافيه أي مشكله أو خطر؟
أو أصلحه وماهو التصليح المناسب ... توظيب أو تصليح وماذا أفعل بالجنزير أو عمود الدبل...؟
وهل تعرفون لي مهندس شاطر في المدينة المنورة

أكرر شكري لكم كتب الله أجركم وحماكم من أي مكروه... آمين
YUKON_GMC
07/05/2011, 09:09 PM
^^

يالغالي مابهذلني الا الدبل واعرف كل مشاكله ... والدبل الكهربائي اكثر اعطال من العادي .. والعادي كان بالموديلات القديمه من موديل 99 وقبل خاصةً الخليجي والسعودي

المشكله في دبل اليوكن والجمس ان نظامه زفت إذا انفرط عليك اتصل على السطحه تشيله .. لأنه لايتحرك لا ورى ولاقدام كأن القير منفرط وليس الدبل ..

يعني يفصل الحركه بين الدفرنس والمكينه

والمشكله ان شغله غالي جداً وتوضيبه يكلفك فوق 6 آلاف وجديد ب 17 ألف

لكن المجدد ب 2000 الى 3000 ريال مع ضمان شهرين ثلاثه .. لكن مايعيش لأنه موضب تجاري والجنزيز تجاري ويفرط أو يرتخي بسرعه ..

سبق وغيرت ثلاث دبلات ليوكن كان معي قبل اللي بالتوقيع الله لايذكره بالخير خسرني فوق 10 آلاف بس بالدبل وآخر شي ألغيت الدبل وحولته عادي ..


الافضل حالياً ان تفصل الكرباء عن الدبل من عند القير من تحت .. ولاتستخدم الدبل ولاتسرع عليه فوق 130 وبيعيش معك سنتين ثلاثه بنفس الطقه بس حافظ على الزيت لاينقص

إذا تبي تغير .. دور لك دبل بالتشليح حق سياره مصدومه بشرط يعطيك عليه ضمان بس يبي يكون غالي شوي ..
assaef
08/05/2011, 01:18 AM
أشكرك يا safare2 وجزاك الله خيرا وعسى الأمور إلى خير
انتظر رأي البقية إن بقي لهم تعليق
سوبر VTC
14/05/2011, 09:51 PM
اذا كان الموتر شغال و كان القير على الفاضي
ثم حطيت القير على التامين البي p
هل يطلع صوت طقة ؟؟؟
و ايضا العكس صحيح
لو كان القير على التامين ثم عشقت القير على الدي او الان
هل يطق ؟
لان عندنا شفر غمارة و نص م2005 و الصوت له فوق السنة و النص
و عندنا ميكانكي سعودي ثقة تخصص امريكي يقول ما يضر ابد باذن الله