مشكلة كبيرة في سوبربان 2007 رحم الله والديكم ساعدوني

[العضو منتسب]

السلام عليكم

أرجوكم يا أخوان تساعدوني وابغى مشورتكم

عندي شفر سوبربان 2007 امريكي مشتريه قبل اسبوع
الحمدلله ماشكيت من شي فيه
دخلته ورشه صيانة وسويت فيه التالي :
تغير اقمشة امامي وخلفي مع خرط هوبات
تغير فلاتر هواء ومكينه وقير مع تغير زين المكينة والقير
وتنظيف بخاخات
تنظيف المكينة من الكربون
وفصلت لمبة المكينة حسب كلامهم يقولو حذفو هيستوري كود تبعها

الزبدة ياجماعة الخير اني طلعت السيارة من الصيانة يوم الخميس الساعه 10 الصباح
وسبحان الله الساعه 4 العصر الساعه طلعت اصوات طقطقه وتفتفه قوية
واشتغلت لمبة المكينة استمرت تولع وتطفى على طووول واشتغلت لمبة التراكشن
ورسائل تقول فيه مشاكل في التراكشن والترانس اللي هو الجربكس

طبعا حملت السيارة سطحة وعلى الورشه طبعا مقفلين (خميس نص دوام)
بكره السبت ان شاء الله يشوفوها
ايش رأيكم هل اتحمل انا المشاكل اللي صارت والا احملها الورشه والا يتحملها المعرض اللي اشتريت السيارة منه ؟؟؟؟؟

تكفون النصيحة والشور والله يجزاكم كل خير

وتكفون رحم الله والديكم وش ممكن تكون هذي المشاكل ؟؟؟؟
ولكم جزيل الشكر...

[ابوأثير5]

شوف يخوي انا اتوقع ان المبة المكينه ماغيرة الزيت امطول وتضعف عندك الطرنبه اوترسب الزيت وتولع المبة المكينه
انامرة علي حتى صلبة المكينه بس انتبه لا يكون مثل المشكله الي عندي

[العضو منتسب]

شوف يخوي انا اتوقع ان المبة المكينه ماغيرة الزيت امطول
والله ياخوك اني مشتري السيارة مالها اسبوع زي ماقلتلك والزين كان مبين في العداد ماشي تقريبا 3000 كيلو (يعني اموره طيبه)
وتضعف عندك الطرنبه اوترسب الزيت وتولع المبة المكينه
طرنبة الزيت طيبه ومافيها شي الحمدلله
انامرة علي حتى صلبة المكينه بس انتبه لا يكون مثل المشكله الي عندي
لا ان شاء الله انها بسيطة دعواتك لنا بس << "في انتظار نتيجة الكشف بكره وعلى الله "


واشكرك كل الشكر على ردك ولاتنساني ادعيلي انها شغله بسيطة بس

[العضو منتسب]

للرفع
ارجوكم ردوا علي

[Lover gmc]

سبب التفتفه اسلاك البواجي

غير اسلاك البواجي والبواجي معها مرتن وحده

تروح التفتفه

وياليت تحدد وين مكان الطقطقه بالزبط ؟؟

[النبع الصافي]

الله يعينك
بس لا تحلاك السيارة إلين تأكد من موقع الصوت بالضبط وبعدين ( لكل حادث حديث )
موفق

[s3eed]

اذا لمبة المكينه تولع وتطفي عكس لما تكون شغاله باستمرار
فأعتقد والله أعلم مثل الفورد الي عندي
مشكله بالكهرباء
صارت لي واكانت من أسلاك البواجي
غيرتها والحمدلله
بالتوفيق

[العضو منتسب]

الله يعطيكم العافية

بالنسبة للأخوان اللي يقولون بواجي
انا مغير البواجي وشاري اسلاك البواجي وقاللي الفني ماتحتاج اسلاك بواجي بس غير البواجي

بالنسبة للطقة ردوا علي اليوم بأنها من واحد من بلوف المكينة
سؤالي هل البلف هو نفسه البستم وياليت اذا ماعليكم كلفة توضحولي وش السبب اللي بخرب البلف ؟؟

والله يجزاكم كل خير

[بدوي جنوبي]

كيف تنظيف المكينه من الكربون ؟

رجعها للورشه وقولهم انتم السبب في خراب البلف
لانى السياره سليمه قبل التنظيف
والبلف يحتاج فك الراس لأصلاحه
لا تتركهم يتهربوا من مسئوليتهم .

[YUKON_GMC]

البلف .. معناته فك رأس المكينه ... واكيد اللي خربه شغلهم والا هو مايخرب بسهوله خصوصاً وان السياره 2007 يعني المكينه تبي تعيش معك 10 سنوات بالراحه بدون حتى تعمل لها تصفيه ..

[الهاجر 7002]

آنصحك بكلآم آخوي بدي جنوبي ..

آرجع للورشة خلهم يتحملون شغلهم آلفآشل..


آلله يعينكـ يآرب~

[Lover gmc]

وراه مايحتاج اسلاك ؟

تلقاه فيه سلك ماركبه زين ومتآكد 100 %

اما سبب الطقطقه

اذا انت اول ماشريته وسليم

وبعد مادخلته الورشه تعطل .. خذ حقك وانا اخوك

والافضل تشتكي عليهم

[الوووووسمي]

اخوي شوف السلك لا يكون مفصول بالفلتر هواء

http://t0.gstatic.com/images?q=tbn:ANd9GcStOG_V8EQDGtHJ-17MYp8vWy63-Wl1T2zKn0aF0Ip8Q1h3N1TiQA

http://t2.gstatic.com/images?q=tbn:ANd9GcSQK-QRuTpNrp0WT4DQh-EapoOhQsfkn4835-MWRGACwn_Gic3D6w

ممكن تكون المشكله منه يكون مفصول او شي

[statclick]

صارت لي نفس مشكلتك بالضبط بسيارتي سوبربان 2007 بعد التصفيه صوت بالماكينة وتفتفه ولحد الان غيرت الطرمبة والجنزير والشداد والصوف والجلب ومازالت المشكله وكل ورشة تقول لك تشخيص وعلة ... اللي عنده خبرة او صارت له المشكله يقولنا كيف تم الحل

[ترنزام 1972]

اخوي شيك على الكويلات اذا في كويل خربان يطلع صوت البلف لانة ما فية احتراق بمعنى اخر فيها وقود وهواء. وما فيها احتراق تسمع صوت البلف مع طبعا تفتفة الماكينة ريح راسك اي ورشة عندها جهاز. التيك ٢ يطلع رقم وسبب العطل واذا انت تبي تعرف وهي شغالة السيارة افصل سلك كهرباء الكويلات واحد ورجعة مكانة وشوف يتغير صوت الماكينة يعني السلك الي تفصلة والماكينة ذي ما هي تعرف انة هوا العطلان. ملاحظة. تفصل سلك كهرباء الكويل الي فوق وليس سلك البواجي عشان لا تاخد خبطة كهرباء والله الموفق