استفسار مهم [الأرشيف] - منتديات مكشات

مشاهدة النسخة كاملة : استفسار مهم

RO MY O o

07/05/2011, 06:51 AM

السلام عليكم ورحمة الله وبركاته

أما بعد:

أخواني طلعت قبل يومين البحر ومعي عده ماقصرت والله بس عندي مشكله وهي نوع الصناره الي ماتنكسر عندي كربون بس مشكلتها مكينتها صغيره.ولا ودي أركب عليها كبيره. وماشاء الله صدنا خير على خيط 70 بس في مشكله مسكت شيء حدود 120 كيلو بس المشكله رخيت لها واسمع صوت الصناره طرطق وقطعت الخيط لاني مافتحت لها الخيط واجد.

ودي تفيدوني بنوع صناره ومكينه مره مره كويسه يعني نقول تشيل 80 الى 200 كيلو.

وعندكم مدات كل خيط فيهم 100 والثاني 120 الحجم طبعآ بس المشكله قطع بعد؟

وفي واحد معنا عليه صناره ماشاء الله كويسه وخيطه حرير ولا يقطع بس المشكله ان الميدار ينفهق...

فالحل الله لايهينكم

1- نوع لصناره بحر بالقارب صغيره ولكن قويه؟

2- مكينه جيده ترفع 200 كيلو؟

3- نوع لخيط ممتاز جدآ ؟

4- ميدار جدآ جدآ راقي وقوي.؟

لان بصراحه حطيت ميدار ثلاثي بعد ولا في فايده أنفهق.

في سؤال أخير ...

لاحظت في الاونه الأخيره أن الربيان يضرب عليه الصغير والكبير والخثاق ماصار يضرب عليه شيء أبد...

نفسي أعرف هل للسبيطي طعم غير العجين وأماكن تواجده لاهنتو.؟

نيزو

07/05/2011, 07:49 AM

ما شاء الله لا قوة إلا بالله، بالنسبة للعود يوجد أعواد جدًا قوية وطبعًا تكون صب وأنصح بأنها تكون من قطعة واحدة ولو ذهبت لمحلات بيع أدوات الصيد إن شاء الله يفيدونك، وبالنسبة للماكينة يوجد مكائن صيد الجر هذه قوية وتتحمل أما مكائن الترولينج العادية فلا تتحمل مثل هذه الأوزان -ما شاء الله- لكن لم توضح الصيد في البحر الأحمر ولا في الخليج العربي. وبالنسبة للربيان والخثاق سبحان الله أيام السمك يقبل بشكل كبير على الربيان وأحيانا ما يقبل على الربيان إلا الصغير وأحيانًا أخرى يقبل على الخثاق ويبدو -والعلم عند الله- أن السمك مثل الإنسان طبعه مزاجي مرة على هذا ومرة على هذا وطبعًا الصياد الناصح ينوع في استخدام الطعم ويأخذ معه أكبر تشكيلة حسب المستطاع والمتوفر. أرجو أن أكون أفدتك ولو بالقليل.

RO MY O o

07/05/2011, 12:19 PM

أخوي الكريم الصيد كان في الخليج العربي بس والله الغصبه كانت قويه ماشاء الله ولكن عندي مشكه وحده الخيط أنقطع مرتين وكان حجمه 100 وغيرته وحطيت 120 وأنقطع ويوم ركبنا الحرير أنفهق الميدار رغم أنه كبير وقوي مره أقوى الميدارات الي عندهم بالمحل خذته الميدار الواحد بريالين من قوته وفوق كل هذا ما نفع.

الا أني طلعت هامورة بحدود يمكن 7-9 كيلو يمكن ماني متأكد من الكيلو أو ما اعرف أقيسها صح بخيط 70 وعادي وميدار وسط ومكينه جيده نوعآ ما.

ولكن في شيء يمسك ما فكني الا يوم سمعت صوت الغصبه تطلع صوت والخيط انقطع بس مو مشكله خيط 70 ينقطع لكن 100 و 120 هذه والله صعبه شوي.

بنسبه لكلامك على الطعم أنا أشهد انك جبتها صحيح مزاجي السمك والله.

تخيل على ربيان وخثاق جبت الشعري ولكن نبي نوع ثاني لين حطبت سمك مقطع جاب لي سمكه مدري وش أسمها والله قريبه من أسم نيسان كنت اكرر الاسم بالقارب جبت لكم نيسان.

على كل حال ما قصرت والله وان شاء الله بنزل التقرير عساس تشوف وتقيمه الله لايهينك

Surfer

07/05/2011, 12:32 PM

أستخدم الخيط الحرير اقوى من الخيط العادي

الوحش79

07/05/2011, 12:46 PM

200 كيلو ياخوي ويش يسحبه(يبيله ونش) مثل مايعملو الاجانب

اما بالنسبه للخيوط فهناك انواع كثيره وافضلها لمن يكون مضغوط
اما بالنسبه للحرير فللاسف مرة ماناسبني والسبب انه يلتوي على نفسه يوم اللي يصير موج او هوا
فافضل استخدام له تخليه بعد الثقل او المدور وبطول لايزيد عن 2-1.5 المتر
اما بالنسبه للمحدار(الميدار) توجه للفاران هو يفيدك افضل ان شاء الله

بالنسبه للطعوم
عن نفسي ماشفت افضل لعفه منه
بس خلها بحجم كبير وفالك السبطوط

والله يرزقك بافضل حال

ABO ZAIN 29

07/05/2011, 12:58 PM

200 كيلو يا مهون خدلك واير مع مكينة سحب
اما الجمبري ياسبحان الله خاصة الاخضر

RO MY O o

07/05/2011, 01:07 PM

يالربع 200 كيلو قلتها عشان تعطوني أقوى خيط

لكن والله احتاج خيط يسحب على الأقل 80 الى 100 كيلو

وصادق والله الحرير يلتف على عمره هذه مشكلته

وبعدين هل تتوقعون ان البحر مافيه 200 كيلو هذا ولا شيء

ولكن صادقين يبي لي شيء كبير وساحبه ونش

اشكركم

شراع العز

07/05/2011, 02:09 PM

مرحبا الغالي ,,,,,,
جتك لخيوط الاصليه

http://www.mekshat.com/pix/upload05/images214/mk208054_3f3f_12.jpg

http://www.mekshat.com/pix/upload05/images214/mk208054_main_1.jpg

http://www.mekshat.com/pix/upload05/images214/mk208054_sssss.jpg

http://www.mekshat.com/pix/upload05/images214/mk208054_dsdtttr.jpg

http://www.mekshat.com/pix/upload05/images214/mk208054_dx.jpg

http://www.mekshat.com/pix/upload05/images214/mk208054_cvxdds.jpg

http://www.mekshat.com/pix/upload05/images214/mk208054_nbvgfvg.jpg

وبخيط اليوزوري قدرت اصيد بأذن الله كنعد حجم عائلي

http://www.mekshat.com/pix/upload05/images214/mk208054_ccccccc.jpg

RO MY O o

07/05/2011, 07:43 PM

شراع العز

07/05/2011, 07:56 PM

ماشاء الله تبارك الرحمن ماقصرت والله على الخيوط وباللهي يالربع شفتو الكنعد الحجم عائلي باللهي كم كيلو هذا ووش الي يسحبه يبي له خيط مره مره قوي ويبي له قوة سحب = مكينه

شراع أخوي باللهي لو تزودني بمكينه تسحب هالحجم وقصبة ممتازه لكن شرط أنها تكون قصيره ماهي طويله؟

وشاكر لك

هلا عزيزي
هاي الكنعده صايده بخط (110) يوزوري بدون سناره ولامكينه باليد فقط .
صورة درية الخاصه واسمها ام الخير .

http://www.mekshat.com/pix/upload05/images213/mk208054_rfddd.jpg

اما وزن الكنعده فهو ( 35) كيلو .

RO MY O o

07/05/2011, 08:03 PM

goldenrife

07/05/2011, 08:34 PM

الله الحقيقة الشباب ما قصروا
مشاء الله لا قوة الا بالله مايحتاج
وبالنسبة لشراع العز الله لا يغره مشاء الله عليه

تقبل مروري...

شراع العز

08/05/2011, 12:55 PM

شراع العز أنا عارف أنك صايرده بخيط بس أنا أقول لو عندك خبره بالصناره ولا مكينه تفيدني يعني والخيط والله 110 قوي ماشاء الله

ووزنها 35 كيلو كويس والله ماشاء الله يعني احتاج أنا 110 الى 120 من النوع الي وصيتني عليه وان شاء الله ربي يرزقني على الأقل 10 كيلو.

الله يزود خيرك ويرزقك من حيث لا تحتسب.

عزيزي الفاضل ,,,,
ودي تعرف ان صيد السمك ما يعتمد على سمك الخيط او نوعه . لاكن كما نعلم الرزق بيد مقسم لرزاق , ماعلينا الا بالسباب .
عزيزي بخصوص السناره و لمكينه هذا مهب من اختصاصي لاكن مافي مانع من التحاور , اذا كنت ناوي صيد سمك كبير بدون اي شك سوف تستعمل القصبات الخاصه للأوزان الثقيله ونفس اشي للمكينه .
اما اذا كنت تعلم في مبحرك ( المكان الذي دايم تجي تصيد فيه ) يغلب عليه نوع الصغير من الاسماك فعليك بالغصبات المتوسطه .

نجي الي مربط الفرس : الشي المهم في هاي الشغله هي( الخبره ) والله يرزقني و اياك الخبره بأذنه . على سبيل المثال يقدر حداق يطلع سمكه 30 كيلو وزنها بخيط 70مم , بينما حداق آخر ينقطع عليه الخيط .
الزبده : بتكلم بخصوص السمك الكبير اللي قطع على خيط السناره .

1- لما تجي وترمي الطعم انتبه الي مكينة السناره ما تكون في وضع الاقفال بعد وصول الطعم الي القاع , لماذا : لأن السمكه الكبيره لما تعلق في الميدار سوف تنطلق بقوه شديده فأذا كانة المكينه في وضع الاغلاق سوف ينقطع الخيط على طول .

2- من شروط صيد السمك الكبير لما يعلق معك لزماً تجاريه يعني لما يجي يسحب عطه بس بثقل ولما يتعب انت تسحب عليه وبهطريقه تتعب السمكه فيسهل آخراجها بسلامه بأذن الله . وهاي الطريقه عند البحاحير يطلق عليها اسم ( لموادع ) .
هذا حد علمي والله اعلم .

sultan007

08/05/2011, 01:10 PM

عزيزي الفاضل ,,,,
ودي تعرف ان صيد السمك ما يعتمد على سمك الخيط او نوعه . لاكن كما نعلم الرزق بيد مقسم لرزاق , ماعلينا الا بالسباب .
عزيزي بخصوص السناره و لمكينه هذا مهب من اختصاصي لاكن مافي مانع من التحاور , اذا كنت ناوي صيد سمك كبير بدون اي شك سوف تستعمل القصبات الخاصه للأوزان الثقيله ونفس اشي للمكينه .
اما اذا كنت تعلم في مبحرك ( المكان الذي دايم تجي تصيد فيه ) يغلب عليه نوع الصغير من الاسماك فعليك بالغصبات المتوسطه .

نجي الي مربط الفرس : الشي المهم في هاي الشغله هي( الخبره ) والله يرزقني و اياك الخبره بأذنه . على سبيل المثال يقدر حداق يطلع سمكه 30 كيلو وزنها بخيط 70مم , بينما حداق آخر ينقطع عليه الخيط .
الزبده : بتكلم بخصوص السمك الكبير اللي قطع على خيط السناره .

1- لما تجي وترمي الطعم انتبه الي مكينة السناره ما تكون في وضع الاقفال بعد وصول الطعم الي القاع , لماذا : لأن السمكه الكبيره لما تعلق في الميدار سوف تنطلق بقوه شديده فأذا كانة المكينه في وضع الاغلاق سوف ينقطع الخيط على طول .

2- من شروط صيد السمك الكبير لما يعلق معك لزماً تجاريه يعني لما يجي يسحب عطه بس بثقل ولما يتعب انت تسحب عليه وبهطريقه تتعب السمكه فيسهل آخراجها بسلامه بأذن الله . وهاي الطريقه عند البحاحير يطلق عليها اسم ( لموادع ) .
هذا حد علمي والله اعلم .

:good: هذا الرد الصح بخصوص الجلب وطريقة مسايسة السمك يعني مايهم حجم ولا ثقل السمكه ومثل ما افادوك الأخوان حط مصفر متر او مترين عشان مايقطع معك

والله يرزقنا واياكم بكل خير :)

وليد الغربة

08/05/2011, 01:14 PM

ماشاء الله تبارك الله الشباب لم يقصروا معاك

اخوك وليدالغربة

accentkool

08/05/2011, 01:21 PM

- نوع لصناره بحر بالقارب صغيره ولكن قويه؟
اكثر هالسنارات صينية المستخدمة للفاح وكلهم اقوياء خذ معها عجلات
2- مكينه جيده ترفع 200 كيلو؟
اذا تبي ماكينة لفاح افضل شي البين واذا عادية خذ البانكس 7000 اس تي

3- نوع لخيط ممتاز جدآ ؟
مافي احلى من السوفكس والبيج جيم والبركلي

4- ميدار جدآ جدآ راقي وقوي.؟
الانواع الفرنسية جدا طيبة سواء ثلاثي او عادي او معكوف وفي بعد الموستاد

RO MY O o

08/05/2011, 05:47 PM

أخوي الكريم صادق والله المسايس شيء حلو بس مافي فايده يمكن أني تسرعت شوي يوم هدت سحبت ولكن مافي فايده انقطع بس يبي لي أرخي لها وأشد لين ينهد حيلها.
بس مهما يكون الخيط لازم يكون قوي على الأقل وأنا من ناحيتي أشكرك جزيل الشكر على الرد اللطيف والله يسعدك دنيا وأخره.
من ناحية الخبره أن شاء الله تجي مع الايام كل يوم نتعلم شيء ومنك استفدت الكثير بصراحه.
ماقصرتو يا رجاجيل على الردود لا هنتو

El Meidar.4

19/06/2011, 07:28 AM

ما قصروو الاخوان لكن انصحك بسيم تحطه تحت و ريح بالك
الشي الثاني بخصوص المكاين
عاده مكاين السيف تجي طوليه
مكاين صيد داخل البحر و خصوصا للاوزان الثقيله تجي بالعرض
و بالنسبه للسنارات أقصد العصاا حقت داخل تلاقي لها زي البكرات على كل حلقه و طولها مو ذاك الطول
بحط لك لنك تشوف فيه الي اقصده
http://www.google.com/imgres?imgurl=http://www.fishingreelforsale.com/wp-content/uploads/2009/05/sea-fishing-reels-300x225.jpg&imgrefurl=http://www.fishingreelforsale.com/fishing-reels-sale/&usg=__9USWWb_M1f8qb8jzyEOB3PuN_pg=&h=225&w=300&sz=22&hl=en&start=0&zoom=1&tbnid=mHyjBIzhEV-nxM:&tbnh=124&tbnw=165&ei=pHr9TZjfFefSiALbpJiIBQ&prev=/search%3Fq%3Dfishing%2Bfor%2Bsalt%2Bwater%26um%3D1 %26hl%3Den%26biw%3D1259%26bih%3D587%26tbm%3Disch&um=1&itbs=1&iact=hc&vpx=129&vpy=286&dur=284&hovh=180&hovw=240&tx=154&ty=108&page=1&ndsp=19&ved=1t:429,r:13,s:0&biw=1259&bih=587
أدري انه طويل هاللنك بس بتلاقي الي اقصده
و بالتوفيق

SNIPER07

19/06/2011, 07:38 AM

لخوان ما قصروا عساهم على القوه

تحياتي

accentkool

20/06/2011, 03:21 AM

1- نوع لصناره بحر بالقارب صغيره ولكن قويه؟
قصبات القوارب دائمات تكوووووون صب يالغالي

2- مكينه جيده ترفع 200 كيلو؟

بانكس 7000

3- نوع لخيط ممتاز جدآ ؟
بيج جيم والبركلي والسوفكس

4- ميدار جدآ جدآ راقي وقوي.؟
موستاد النرويجي والميادير الفرنسية

نفسي أعرف هل للسبيطي طعم غير العجين وأماكن تواجده لاهنتو.؟

منشوس زمرور سلس ميد

TAT DX

20/06/2011, 05:43 AM

اولا خذلك قصبه حق مياه مفتوحه خيط قوي
ماكينه م تفرق اي شيء
سوي الي قلك اخي شراع ا لعز كث الله خيره
اهم شيء التسحيب و اللعب مع السمكة مره سمكه وصلت معي 55 دقيقة تصدق 55 دقيقة بس متعه وتقعد في النفس
اذا تبغى تعرف كيف تسحب السمك
افتح باحث قوقل مكشات
اكب مقاطع تسحيب سمك
بتلقى واحد من الأخوان الله يجازيه خير
حاط حوالي 10 مقاطع تعليميه
تعلم وجرب