مشكلة في هيدروليك الرنج روفر إش الحل؟؟ [الأرشيف]

مشاهدة النسخة كاملة : مشكلة في هيدروليك الرنج روفر إش الحل؟؟

مطنوخ مطانيخ

07/05/2011, 12:08 PM

يالربع عندي جيب رنج روفر نوع h s e موديل 2005 فجأة طلعت عندي مشكلة في الهيدروليك الأمامي مره يطلع مره ينزل يعني (لحسة مخ) :) ناس تقول غير البالونات وناس تقول طرمبة الهواء الخلفية وناس لحسة مخي !
إذا فيه أحد منكم عنده خبرة ياليت يفيدني ومشكورين

s3eed

07/05/2011, 12:39 PM

شيك عليها بنفسك
سفنجه وصابون وانزل تحت السياره
وحط الرغوه على البالونات يبين معاك اذا كان فيها تنسيم
انا صارت معي في الفورد تنسيم من فتحه صغير من البالون > طرمبة الهواء تشتغل وتطفي
والسياره صارت تطلع وتنزل
البالونات الاصليه سعرها غالي وآداءها افضل من الياي وانعم في المطبات
وانا عن نفسي غيرت بدالها يايات (سست)

وبصراحه مدري كيف نظام الهيدروليك في الرنج هل هو مثل الفورد
لكن حبيت افيدك
بالتوفيق

مطنوخ مطانيخ

08/05/2011, 04:57 PM

الله يوفقك ويسعدك أخوي سعيد

لاكن الرنج غير الفورد ونظامه أمامي وخلفي الفورد على ماأظن بس خلفي

هذا نفس نظام الفورد بالبالونات فقط

المشكلة عندي ينزل من جهه وحدة وأحياناً تمام واليومين الأخيرة صرت أسمع صوت الطرمبه حقت الهيدروليك صوتها مره قوي شكلها هي السبب البالونات أخوي سعيد مافيهم شيء الله يستر من الطرمبه بس..

يالربع ماأحد يفيدني من واقع خبرة يعني جرب الرنج روفر ؟

مشكور أخوي سعيد الله يوفقك وماقصرت بيض الله وجهك دنيا وآخرة

الباثفندر 3.5

08/05/2011, 07:29 PM

مطنوخ مطانيخ

09/05/2011, 02:58 PM

طيب يالربع ماأحد يعرف ورشة ترهيم بالرياض أبي أحوله عادي سست ويايات وخلصنا بلا هيدروليك بلا هم.

الي يعرف أحد بالرياض يقولي تكفون يالربع

s3eed

10/05/2011, 02:35 AM

طيب يالربع ماأحد يعرف ورشة ترهيم بالرياض أبي أحوله عادي سست ويايات وخلصنا بلا هيدروليك بلا هم.

الي يعرف أحد بالرياض يقولي تكفون يالربع

روح لأي ورشه تربيط
ممكن ما يحتاجلها ترهيم
وممكن الشغلانه ماتكلف
والله يعينك ويوفقك

مطنوخ مطانيخ

10/05/2011, 11:10 AM

طيب ياأخ سعيد بروح وبشوف بس المشكلة لازم أرفعه أول عشان أحمله سطحة وهنا المشكلة وأنا بالقصيم يعني رحلة.. بس لو أحد يفيدني يكون جرب قبل كذا يكون أفضل..
عموماً ماهم مقصرين الربع وربك يعين ومشكور وماقصرت طال عمرك

عبدالرحمن السالم

10/05/2011, 12:32 PM

الله يكون بعونك ، هذا عيب الرنج قطعه غاليه وفوق كذا يبي له واحد يعرف له زين
عموماً انا بحثت لك وحصلت هذي
تكلمت بالنسبه الى كثير من الاعطال التي تحصل لسيارات لاندروفر ( رنج روفر ) طبعا من سو ء الاستخدام وعدم الصيانــــــه
أتكلم اليوم عن الهيدروليك ( التعليق الهوائي )
اسباب أعطاله ؟ كيفية المحافظه عليه , وكما تعلمون سعـره
يكلف كثير !!
* الهيدروليك هو ذو ضغط عالي وذو وصلات من النحاس مـــــن
بدايته عند المضخه وموصلـه بأسلاك + وصلات تمتاز بالليونه
حتى تتماشى مع توازن السياره أثناء النزول الى منطقـــــــه
صحراويـه أو رمليــه الخ
* الهيدروليك كذا نوع بعضها يضخ الزيت في الوصلات المذكــوره
وبعضها من الهواء , طبعا ضخها قوي جدا ماسر هذا الهيدروليك
يجعل السياره في منتهى الراحه اثناء القياده ومعروف عن الرنج
أنه يمتاز براحه كبيره وهناك فرق بينه وبين سيارات الدفـــــــع
الرباعي 0
* الهيدروليك يوصل الهواء أو الزيت الى كل طرف بالقرب من كـــل
عجلات السياره لان هناك وسادات هوائيه مع الجامبينـــــات
وهذه الوسادات متصله مع بودي السياره العلوي بالاتكـــــــاء
على الشاصي ومعنى الشاصي هو قاعدة السياره 0
( أسباب أعطاله )
1- تغيير الرنجات وعجلات السياره الى مقاس أكبر من المصنع
2- النزول الى المناطق الوعره بشكل دائم والمناطق الرمليـــه
3- العبث في هذا النظام عند أي خلل بسيط من أي فني
4- وقوف السياره المستمر ونزول بدي السياره الى المستـوى
الغير طبيعي من قبل صاحب السياره 0
5- العبث في النظام من قبل صاحب السياره وفصـلـه عـــــن
طريق الفيوز ( التوصيل الكهربائي )
6- عدم الصيـــانه 0
للعلم السيارات الجديده الي عليها ضمان لمدة 3 سنــــوات
أو 5 سنوات أو 100 الف كيلو متر وايهما أسبق طبعا !! اذا
صاحب السياره قام بتزويد المحرك أو تبديل الرنجات والعجلات
( التواير ) الى مقاس أكبر يسقط الضمان 0 هذا للعلم

وفيه واحد عنده كت لإلغاء هيدروليك الرنج روفر الجديد هذا رابطه
http://www.sa.sogarab.com/ad-16088.html
يقول وفي حال وجود أي سؤال أو أي استفسار أرجو الاتصال على و في حال عدم الرد أرجو إرسال رساله على الجوال.

دق عليه واستفسر منه ممكن يفيدك ، واتمني اني افدتك لو بالشى القليل

مطنوخ مطانيخ

10/05/2011, 02:32 PM

الله يسعدك ويوفقك أخوي عبدالرحمن وبيض الله وجهك بالدنيا والآخرة قل آمين
بروح الرابط وبتصل عليه وأشوف.
مشكور مرة ثانية يالذيب

عبدالرحمن السالم

10/05/2011, 02:34 PM

الله يسعدك ويوفقك أخوي عبدالرحمن وبيض الله وجهك بالدنيا والآخرة قل آمين

بروح الرابط وبتصل عليه وأشوف.

مشكور مرة ثانية يالذيب

الله يوفقك ويسهل آمرك ، ولو ماسوينا شى يالغالي
ابد دق عليه واذا قدرت تلغيه إلغه نهائي وارتح منه
موفق خير ولاشكر على واجب

4800VTC

10/05/2011, 02:45 PM

بيض الله وجهك يا عبدالرحمن
ما املك رنج ولا نويت بس حبيت وحييت فيك روح الفزعة
الله لا يخلينا من امثالك

مطنوخ مطانيخ

10/05/2011, 03:08 PM

الله يوفقك ويسهل آمرك ، ولو ماسوينا شى يالغالي
ابد دق عليه واذا قدرت تلغيه إلغه نهائي وارتح منه

موفق خير ولاشكر على واجب

آمين وياك أخوي
وهذا أبلغي أبوه الي جابه كله طابت النفس منه ناويه نيّه بس خله يرفع خشته وإزهله<<حراج وحده حراج ثنتين :)

مطنوخ مطانيخ

10/05/2011, 03:10 PM

بيض الله وجهك يا عبدالرحمن

ما املك رنج ولا نويت بس حبيت وحييت فيك روح الفزعة

الله لا يخلينا من امثالك

إي والله إنك صادق وعسانا مانبكي الي مثله يعجبني راعي الفزعه وربي

مطنوخ مطانيخ

11/05/2011, 01:13 PM

مالقيت عندهم سنع ياعبدالرحمن :(

لكن نبي من أهل الرياض يفيدونا وين الورشة الي ترهم مضبوط وأكون شاكر ومقدر فزعتهم :)

مطنوخ مطانيخ

14/05/2011, 11:56 AM

يالربع الورش الي متخصصة بصيانته بالشرقية ماأحد يعرفهن غير السيف الحرامي؟!
أفيدونا جزاكم الله خير

عبدالرحمن السالم

14/05/2011, 01:53 PM

مالقيت عندهم سنع ياعبدالرحمن :(

لكن نبي من أهل الرياض يفيدونا وين الورشة الي ترهم مضبوط وأكون شاكر ومقدر فزعتهم :)

افا ليه وش قالك ؟!
طيب شف هذا الرقم يقاله ابوخالد اتصل عليه من 4-9مساء وعنده اعلان بموقع مستعمل على هالرابط http://hitech.mstaml.com/section/item.php?i=738402
خبرت عنده رنجات واجد على ، كلامهم ان فيه واحد طلع من وكالة السيف وفتح له محل ، شفت لاجيت من الدايري الشمالي وجهك غرب كأنك رايح للدرعية ، اول ماتعدى الكبري إلى يوديك لجامعة الملك سعود ادخل مع الخدمه وخلك ماشي لين ماينعطف بك الخط تبي تلقى محطه بنزين ، بوسط المحطه به ورشة وبتشوف رنجات واقفه ، عاد قبل امس كنت واقف عند هالمحطه وتذكرتك
وعسى الله يوفقك ويسهل آمرك

على رمشي تمشي

14/05/2011, 01:56 PM

الله يعينك وان شاء الله يفيدونك الاخوان

مطنوخ مطانيخ

14/05/2011, 02:47 PM

افا ليه وش قالك ؟!

حملته أمس مع راعي سطحةٍ شاطح!
من مشينا لين وصلنا ماقلت لي كلمه على بعضها<<لحس مخي :)
ماوصلنا إلا تالي الليل وفيه بالشرقية رفيق لي موصيه قال فيه ورشة القاضي قلت مالي إلا أواصل وواصلت ولاجيت الشرقية إلا الفجر ونومه وبوديه لهم العصر وبشوف وترى ياعبدالرحمن الي خلاني أواصل للشرقية مع ذا الشاطح :) قلت أضمن وفيه الوكاله الي بالبحرين يقولون أسعارهم حلوة وبشوف وبقولكم إش يصير معاي وحتى يستفيدوا الأخوان من التجربة المريرة مع الرنج!

طيب شف هذا الرقم يقاله ابوخالد اتصل عليه من 4-9مساء وعنده اعلان بموقع مستعمل على هالرابط http://hitech.mstaml.com/section/item.php?i=738402
خبرت عنده رنجات واجد على ، كلامهم ان فيه واحد طلع من وكالة السيف وفتح له محل ، شفت لاجيت من الدايري الشمالي وجهك غرب كأنك رايح للدرعية ، اول ماتعدى الكبري إلى يوديك لجامعة الملك سعود ادخل مع الخدمه وخلك ماشي لين ماينعطف بك الخط تبي تلقى محطه بنزين ، بوسط المحطه به ورشة وبتشوف رنجات واقفه ، عاد قبل امس كنت واقف عند هالمحطه وتذكرتك

وعسى الله يوفقك ويسهل آمرك

ماقصرت وبكلمه حتى أقارن بين الأسعار وعسى الله يوفقك ويسعدك ويشرفني معرفة الي مثلك وشرواك يالذيب :)

مطنوخ مطانيخ

16/05/2011, 06:49 PM

مسائكم خيرات
حليت المشكلة عند ورشة القاضي بالدمام ورشه وقطع غيار قريب من ميناء الملك عبدالعزيز وطلع المشكلة عندي بالمساعد الأمامي الي يمين طلع فيه تنسيم وغيرته كلف علي 4000 ريال و500 ريال كشف وخلص في نفس اليوم وخدمتهم زي الحلاوة بصراحة أحسن من الحراميه الي بالرياض والسيف والناغي وله فروع بالرياض وجده بس ماأعرف وينها بالضبط بس هذي أرقام القاضي الي بالدمام وبإمكان أي واحد في جده أو الرياض يسألهم وياخذ الوصف منهم أرقامهم/ / حطيتهم لكي تعم الفائدة للجميع متمنياً لكم التوفيق جميعاً

skythunder83

23/05/2011, 03:09 AM

ربي اغفر لي و لوالدي وللمؤمنين والمؤمنات الأحياء منهم والأموات

الذاابح11

21/09/2011, 03:32 AM

هلا اخوي مطنوخ بالنسبة لسوالك عن الورش الي تصلح الرنج بالدمام انا عندي رنج سبورت 2007 سوبر تشارج فيه ورشتين شغلهم حلو ولا هيب غاليه مثل الناغي والقاضي - الاول لبناني كل حياته رنجات شغله نظيف اسمه ابو هشام بالخضرية وهذا رقم جواله قله بس جايك عن طرف سعود راعي الرنج الابيض ولا راح يقصر معاك بالاسعار انا بحط رقمه عشان يستفيدون منه الناس شرواك وان شاء الله مافيها مخالفة - والثاني للاسف ماعندي رقمه لكن موقعه وانت راجع من طريق الملك سعود يجي يمينك محل بررلي للكفرات لوحته حمراء كنك رايح لحي 71 بعد البنشر خذ يمين واحد سوري شاطر بعد

الذاابح11

21/09/2011, 03:34 AM

القاضي زين بس اسعاره خياليه اجل غيار زيت مع الفلتر 1000 ريال سلااااااااااامات 0 اغيره بالكويت ب 400 ريال مع الفلتر والخضرية ب 500 ريال مع الفلتر -القاضي زين بس مهب بعيد عن الناغي

الذاابح11

21/09/2011, 03:36 AM

بصراحة الورشة الي بالرياض قبل مخرج الدرعية شغلهم نظيف واسعارهم حلوة الشهادة لله وغيار زيتهم 550 مع الفلتر معقول يعني

الذاابح11

21/09/2011, 03:39 AM

طيب ياشباب ياليت احد يفيدني عندي الهيدروليك كان حلو ولا اشتكيت منه امس طلع كلام بالانجلش معناه انك ماتقدر لا ترفع ولا تنزل الهيدروليك علما ان السياره تمشي عادي لكن اول مره تطلع هالمشكلة ياليت الي يعرف يعلمنا يقول سسبنشن نورمال اور هاي يعني الهيدورليك مرتفع او نازل فقط ماتقدر بس العادي - والي يقول الرنج حساس غلطان من اقوى السيارات الفارهه ذات الدفع الرباعي واكثرها هيبة

الثعبان الاسو

02/02/2012, 02:03 PM

الذابح نفس المشكله طلعت معي امس وعلق معاي وهو مرتفع الله لايهينك اذا حصلت حل للمشله لغني وانا نفسك ببلغك

كان يرتفع معاي وينزل من الجهه اليسرى الاماميه وقال واح د افصل اصبع البطاريه 10 دقايق ورجعه وشغل سويتها وعلق نفس مشكلتك

الفحل

02/02/2012, 08:13 PM

حبيت المشاركة

اول شي الله يعطيك خيره ياراعي الرنج وكنت من المحبين له وصلت للمرحلة الاخيرة من شراءه لكن ما الله اراد

عموما موترك 2005 هو الشكل الجديد وبمواصفات القديم هذا النوع طيب ولا عليه خلاف

نظام الهدريوليك يلغى في الانواع اللي مثل موترك بالراحة ولا يكلف ويسوونها في الصناعية القديمة في الرياض

اخيرا هل تؤيد لشراء الرنح اما لا

جيمي جيمي

02/07/2013, 02:39 AM

ياخوي اول شي شيك علا الجهاز الداخلي تحت مرتبه الراكب ممكن في التماس من الداخل وده عند المهندس المسجلات يضبطه واذا مافي شي وعجزته عنه تحويله 3000ريال فيكل المدن هذا سعرالتحويل بس اشرط عليه من المطبات مايتغيرشي في المفات مايتغيرشي

شنطة عده

02/07/2013, 04:38 AM