التقرير الأول في الخليج العربي

[RO MY O o]

السلام عليكم ورحمة الله وبركاته

اما بعد:

أول تقرير لي في الخليج العربي كان في الجبيل ونزلنا بقارب بس والله كان فيني نوم على كل حال ركبنا وكان الي معي عليميه شوي والله ما خلوني اصيد كل دقيقه واحد جاي ركب لي طعم ركب لي ثقاله ليه مايضرب تعال شوف يعني خلوها على ربكم
على كل حال أنا معي قصبتين.

الأولى:
مقاسها: 2.75 كربون
مكينتها: صغيره وقويه
خيطها: 35 عادي
ميدارها: وسط وصغير


مخليها حق السمك الصغار حق الشوي والحمدلله طلعت حصيله لا بئس بها على الوقت الي فضيت لنفسي فيه وأليكم الصورة.

http://www.gmrup.com/gmrup-live5/gmrup13047612771.jpg (http://www.gmrup.com/)


وبعدها مسك شيء وانا ارخي له مابي والله الي مسك ابيه يفك الخيط عساس مايقطع لي الخيط لان الخيط صغير ولا في فايده قطعه.

وأطلع الله يسلمكم الصناره الثانيه.

مقاسها: 3متر كريون وفيبر كلاس
مكينتها: كبيره قوتها 5000
خيطها: 70 عادي

والله يسلمكم خايف من شيء ماتستحمله المكينه

والله أتوكل على الله والحمدلله جات بسلامتها واليكم صورة الهامور.

http://www.gmrup.com/gmrup-live5/gmrup13047612783.jpg (http://www.gmrup.com/)

وجلست أحاول مره ثانيه الا شيء مسك ونزل الصنارة وأحاول أرخ له لكن بديت اسمع صوت القصبه والمكينه بدت تطلع صوت مايمديني اسوي شيء الا قطع الخيط


ومن بعدها العيال ما قصرو كل دقيقه واحد جاي ركب لي طعم ومدري وشو فا تركت الصيد وقابلتهم.

عندهم خيط 100 و120 وقطع عليهم مرتين

لكن في واحد عنده صناره قطعتين صغيره وخيطها حرير ماشاءالله مسكت شيء كبير ولكن الميدار أنفهق رغم انه الميدار كبير وقوي ولكن ما حالف الحظ مرتين.

وبعدها بدينا بالاحاف على الصبحيه وكان نصيبي هذه الله يسلمها

http://www.gmrup.com/gmrup-live5/gmrup13047612782.jpg (http://www.gmrup.com/)



وطلعنا من البحر وأنا دايخ لاني مواصل ونمت نومه خلوها على ربكم.

اتمنى لكم تقرير بسيط ويعجبكم كا تقرير أول لي

[زاحف بحر]

لي الشرف اكون اول شخص يرد على موضوعك المتميز ,,


بصراحة هذا تقرير جميل ,,


اما بخصوص الاصحاب العليمية << الناس اللي توه تتعلم على البحر والصيد ,,


لازم يالغلااااا تتعب معهم اشوي وخاصة انو هم جدد و ما جاوءا معك الا عارفينك


و خابزينك ويبون خبرتك وما انصحك تروح اي رحلة سواءاً كانت بحرية ولا برية وانت سهران


يا شيخ تقفل النفس وتكون ما لك خلق ,,


اشكرك على هذا التقرير الررائع والصحبة الطيبة والصيد الوفير ,,


بالتوفيق للجميع ..

[O M A A R]

وعليكم السلآم ورحمة آلله وبركآته

حي آلله روميو منور أخوي بتسجيلك معنآ وتفيد وتستفيد إن شآء آلله

مَ شآء آلله ،، تبآرك آلرحمن ،، صيييد طييب ويطرررب وشعري يحبه قلبك عليك ب العآفية يَ رب


مووفق يَ كوووتش

[صيادالشرقيه66]

ما شاء الله تبارك الرحمن

صيد طيب ووفير

يعطيك العافيه على التقرير الرائع

وفي انتظار جديدك

[RO MY O o]

زاحف والله انك صادق لكني ما أعرفهم زين عن طريق الخوي الي طالع معه قال أخوياي بيطلعون معنا تخيل الموقف قارب طوله 35 وفيه 11 راكب و12 السواق وفوق كل هذا تخيل ان الي بالبحر 7 صنناير و5 خيوط يعني انواع التعليق وبالاخر طلعو عليميه على فكره هذه أول طلعه لي بالقارب فا حبيت ان أستكن بروحي وأفكر بالبحر وعظمه الخالق وأصيد وأنا مرتاح لكن خيرها بغيرها وصادق والله لازم الواحد ينام عشان ما تقفل هي قفلت عشان النوم وقفلت مع خيوطهم الي ما بقى ثقاله ماركبتها ولا ميدار ما مركبته ومابقى خيط يا شيخ الا مسكته عشان يضرب قسم بالله حسيت نفسي شيء غريب وهم يتبركون فيني ههههههه.
على كل حال مشكور على النصيحه وانا الي تشرفت فيك والله....

أخواني الكرماء ماقصرتو على الردود والتشجيع وان شاء الله نزودكم بالتقارير الجايه.

بس ياليت الي عنده خبره بالمكينه والقصبه يعلمني على قصبه مره قوية وصغيره ومكينه تسحب شيء زين.

[صياد الخبر]

السلام عليكم


روميو

ما شاء الله تبارك الله لا قوة إلا بالله

صيد موفق

وبخصوص السحبة حقة البالول محترمة وعن تجربة لخوينا

بالعافية عليكم


والقادم احلى بأذن الله


ودمتم

[goldenrife]

ما شاء الله لا قوة الا بالله

يعطيك العافية

,,,
,,
,

[RO MY O o]

مشكورين يا صايد الخير وقولد على المشاركة لا هنتو

[ذوالجناح7]

الله يكون بعونك منو قالك تصير الخبير....:D
صيد حلووو
ياخي آنا من زمان ما طلعت من الجبيل الصيد في الدمام تعبان :mad:


بالتوفيق إن شاء الله :good2:

[shark-wael]

ما شاء الله تبارك الله
بالعافية عليكم والله يرزقكم من واسع فضله

[goldenrife]

ممكن تحدد المنطقة والوقت الي صدت الصيد فيه وكم ساعة جلست تصيد يعن فصل اكثر في الموضوع ازا ما عندك مانع..

تقريرك جيد بس نباتفصيل اكثر


تقبل مروري...

[حوات جده]

الف عافية عليك يا وحش

بس ايش قصة التقرير الاول !!!!

[النوخذة]

ماشاء الله تبارك الرحمن
صيد موفق يالغالي وهاذي البدايات بس
نستنى جديدك ياوحش

إستفسار بسيط , كنتو داخلين إيجار ؟؟

[RO MY O o]

أهلآ وسهلآ بالكل خلوني أرد عليكم على حسب السؤال...

التقرير الأول معناه توني مسجل وهذا التقرير الأول لي في نزول البحر بقارب وفي شيء أن تكرر الموضوع انا جالس اعدله فا نرسل وصار مكرر فا غيرت الموضوع الاول وحطيت صور صيدي على الشاطى...

أخوي الثاني: الدمام مافيها صيد من كلام الناس فارحنا الجبيل والله كأول طلعه لي أبشرك ان الضرب مايوقف يبن الحلال مافي شيء اسمه ضرب والله تنزل الخيط ما تنتظر ولا دقيقه الا ياكل بدون ضرب يبي لك تروح تجرب.


أخوي الثالث: التفصيل: دخلنا الله يسلمك الساعه 12 ليلآ من المرسا حق الجبيل ومشينا حدود كيلو الى كيلوين من فتحت المرسا لين تلاقي ياطويل العمر حق البترول تشوفها منوره بنص البحر قبلها بشوي قط خيطك.
جلست أنا من ناحيتي يمكن ساعه الا ربع الى نصف ساعه وطلعت كل هذيلا.لان باقي وقتي جالس اصلح خيوط العيال.
عندك بمساف قريبه من حق البترول تلاقي الهامور وبو نقطه.
وبمسافه ابعد تلاقي الشعري واشياء ماطلعت من البحر بسبب انقطاع الخيط.
طبعآ راح تشوف حية البحر تلعب لعب بالبحر وتشوف السمك الصغير يعلب فوق البحر.
رجعنا الصباح الساعه 8...لان الساعه 6 كنا نلفح وطلعنا 4 براكودا و2 ضلعه و1 مثل البراكودا بس عيونها حمرا ما عرفت وش هي.
ورجعنا.باقي العيال رجعو للبحر بعد مانزلونا ولكن ما طلعو الا براكودا وحده بس وماعاد فيه صيد بعد الساعه 9 صباحآ.

اخوي الرابع: أي والله طالعين إجار بس الحمدلله توفقنا برجال طيب وهادي وأن ماعجبنا المكان يغير وأن ماضرب يجي يعلم الي مايعرف بالخيط والله ماقصر معنا بس الغلط الي سواه مانزل المرسا لنا فالمكان يتغير كل دقيقة لكن الحمدلله العيال طلعو قرقفان كبير وكات فش وشعري والسمكه الحمرا نسيت اسمها والله كلها أحمر مره روعه وبس وانا الي طلعت هذيلا. بس والله لو اني فضيت لعمري ان شاء الله أطلع اشياء كثيره لان والله المكان الي رحنا فيه مره مره كويس.

مشكورين كل من ردو على التقرير وماقصرتو

[قارب الحجاز]

وعليكم السلام ورحمه الله وبركاته


ما شاء الله تبارك الله
صيد طيب00
وعليك بالهنا والعاااافيه00


تحياتي لك00

[أبوحافظ]

تقرير جميل يا روميو
ما شاء الله وبالعافيه عليك الصيد ومنتظرين تقاريركم

[alwssam6]

ماشاء الله عليك صيد طيب ومنوع بالعافيه عليك اخوي

[accentkool]

ماشاء الله تبارك الله
رحلة جدا ممتعة
والصيد جدا ممتاز
وانصحك ماتطلع بحر وانت سهران
لانك بتكرة الطلعة وتكرة الصيد
عليك بالف عافية مجموع الصيد

[RO MY O o]

مشكورين والله وأهم شيء التقرير عجبكم...
ومن جد الي يطلع وهو سهران يكره الطلعه كلها لكن كأول طلعه لي بقارب قلنا نتعلم والحمدلله انصح كل واحد يطلع بقارب كالتالي:

1- أذا ناوي يصيد لا ياخذ معه عليميه الا اذا بيتعلمون من نفسهم عشان ماياخذون وقته مثل ماصار معي خله يتعلم بالشاطى ولين تعلم وصار يعرف يمسك خيطه خله يطلع بوت.

2- لا تطلع وأنت مواصل (سهران) أبدآ.

3- لاتاكل حبوب دوار البحر لانها تجيب النوم.

4- لاتكثر من الطعم لان مافي شيء اسمه اضرب وامش ( بلطجيه أسميهم) في اكل وصيد.

5- عليك بالخيوط الزينه لان الشاطى يفرق عن وسط البحر.

6- ستة ساعات او سبع في الليل تكفيك عصير ومويه صغير وبالصباح مويه صغير وتصبيره.

7- لا تنسى الثلج حق السمك بالثلاجه.

8- جيب معك ميدار كبير الي يشيل السمك لان الشبك مو شرط تستحمل.

9- لا تطلع ومعك عدد كبير وحتى لو كان القارب كبير.

10- أذكر ربك بكل سحبه وقول ماشاء الله.

11- تنزيل المرسا في الموقع الي بتصيد فيه عساس مايلعب فيك القارب.



هذا الي استفدت منه بالطلعه الاولى
وبالتوفيق للجميع

[El Meidar.4]

السلام عليكم و رحمة الله و بركاتة
أول شي اهنيك على الصيد الطيب و انشالله يكون بالعافيه عليكم
ثاني شي اهم شي الطلعه و الجمعه و الصيد ملحوق و الايام تجي و الصحبه ما تتعوض
و الصبر مفتاح الفرج !! الله يصبرك عليهم :D
ثالث شي : بالنسبه للخيوط الصينيه ابعد عنهااا ما ورها الا الشربكه و التعب و كل شوي مقطوع
عندك البق جيم امريكي بس على كيفك يسحبلك طراد اذا تبي
رابع شي خل خيطك 70 و نزل عليه سيم نحيف و لا شي راح يقصه لك و بترتاح من سوالف الدويلمي الي بيخلص مياديرك خخخخخخخخخخ
الله يوفقك انشالله و خبرك داخ مو مثل السيف يبيلك صبر و ركاته و لا العصبيه ما تنفع لا يحذفونك ربعك براا الطراد !! خخخخخخ
<<< يمون

موفق انشالله ننتظر المزيد

[ذوالجناح7]

عليكم بــ1000 عافية


ممكن ترسل لي رقم راعي الطراد على الخاص لو تكرمت :good2:


موفقين إن شاء الله