المساعد الشخصي الرقمي

مشاهدة النسخة كاملة : طفشة من شراء الجراكن للماء ممكن مساعده ادخل واقراء الموضوع


عطيب ومايغيب
07/05/2011, 10:29 PM
اخواني الكرام

السلام عليكم ورحمةالله وبركاته

ياربع انا في منطقه المياه في البيوت غير صالحه لشرب ولالطبخ >>بس للغسيل:::::


كل يوم اشتري جركن ماء الابيض ابو 7الى 8ريال...

ولايكفي

الاشتراك في الينابيع برضه لايكفي لمدة شهر هم يعطون عدد محدد


الجراكن البيض اعبيها احيان من التحليه الواحد بريال..ولاكن يطلع به شواب من نفس الجركن والماء مايكون نضيف لو طول فيه

وبدلتها با الجراكن الازرق ونفس السالفه

المطلوب منكن ياوجيه الخير

والله حتى السنيدي دورة عنده في بريده جراكن مناسبه ولم اجد

يااخوان اذكر مره شفة جركن ازرق طويل حوالي نص متر وفيه مثل المثعب حق الابريق وله غطاء غير عطاء الجركن

هل تدلوني على مكان ولكم خالص الشكر


ياخوان تعبية الجراكن تعبتني

لاتقولون ركب خزان فوق وريح عمرك البيت اجار وغير مناسب ولايمكن لازم جركن
اصيل نجد
07/05/2011, 10:46 PM
وقول الله يعينك لكن فيه جراكل كبيره زي حقت بترومين بس بلاستك لونها ازرق صراحه حلوه اهم شي اي جركل لايتعرض للشمس وفيه مويه لمده طويله يعني اذا كان ولابد يكون بالشمس غطه بشراع لاان اي بلاستك مع الوقت وطول جلوسه بالشمس وفيه مويه يصير تفاعل اهم شي تغطيه الله يحفضك تحياتي لك
wshwshny
07/05/2011, 10:47 PM
اخبر جركل امريكي او ايطالي في برق الحيا مخصص للما حق الجيش بس ان ما خاب ضني سعره غالي
900
07/05/2011, 10:48 PM
الله يعينك

لكن ماجربت فلاتر المياه المنزليه

اعتقد انها تصلح لكـــ
ابولولو
07/05/2011, 11:09 PM
اخوى مثل ماقال الاخ 900
ركب فلتر كهرب حوالى 500ريال وهو منتشر عندكم باالقصيم عند محل نثال ودق عليهم باالرياض ويعطونك الرقم ببريده 014965500
وانا مركبه لى 12سنه اهم شى غير الفلاتر الى تحت 3كل شهرين وهى رخيصه جدا والى فوق كل سنه وعلى حسب الاستعمال
وفيه ميزه انك تنقله من بيت الى بيت خفيف جدا
بن جعيثن
07/05/2011, 11:45 PM
موجود عند عروق الشمال ان شري منهم
راعي مرزوقه
08/05/2011, 12:07 AM
الفلتر وبس وريح بالك
عطيب ومايغيب
08/05/2011, 12:23 AM
اخوى مثل ماقال الاخ 900
ركب فلتر كهرب حوالى 500ريال وهو منتشر عندكم باالقصيم عند محل نثال ودق عليهم باالرياض ويعطونك الرقم ببريده 014965500
وانا مركبه لى 12سنه اهم شى غير الفلاتر الى تحت 3كل شهرين وهى رخيصه جدا والى فوق كل سنه وعلى حسب الاستعمال
وفيه ميزه انك تنقله من بيت الى بيت خفيف جدا

ابو لولو

انا با الشرقيه با الجبيل ممكن تعرضي صورة الفلتر او ممكن تقولي مكانه با الدمام لو تعرف اورقم محله او الجوال

اشكرك وفالك الجنه
ابولولو
08/05/2011, 12:35 AM
اخوى لازم الماء عندك باالبيت حلو زينا باالرياض
والرقم كتبته لك باالرد الاول دق عليهم باالرياض واسئلهم لهم فرع باالدمام
وعندك 905 اتصل عليهم وقلهم يعطونك ارقام الخاصه للشركات الفلاتر
وعندك الجرائد ملين اعلانتهم
abuaesa
08/05/2011, 12:36 AM
ابو لولو

انا با الشرقيه با الجبيل ممكن تعرضي صورة الفلتر او ممكن تقولي مكانه با الدمام لو تعرف اورقم محله او الجوال

اشكرك وفالك الجنه


السلام عليكم

ابحث عن محلات سمنان عندكم بالشرقية وتحصله عندهم
الثلاث اجهزة على اليسار (( الصورة من احدى المواقع للتوضيح فقط ))
موفق خير
http://al3rod.com/wp-content/uploads/samnnnajiasiaannjsd90490256b.gif
رسيس نجد
08/05/2011, 12:44 AM
استخدم الفلتر الامريكي الي عند سمنان غالي بس شغله تمام 0
arrow
08/05/2011, 01:54 AM
هلا اخوي عطيب ,,,

بالنسبة لمحل سمنان موجود بالخبر بشارع الملك خالد, مقابل الفالح للرياضة تقريبا

وفلاترهم ممتازة ومجربه ...

وبالنسبة لي حاليا امر بنفس وضعك ,, وطريقتي اني مركب تانكي المونيوم بالسيارة املاه ماء ( 140 لتر ) واعبي منه الجراكل بالبيت والباقي اخليه بالسيارة للحاجة ... واذا بغيت انزله من السيارة خفيف لانه المنيوم

وفقك الله ....
Ra3e aljeep
08/05/2011, 02:21 AM
السلام عليكم
بعض الشركات المتخصصة في بيع فلاتر الماء :
شركة سمنان ( رقم موحد 920022255 )
شركة نثال ( 0560774444 )
شركة الطها ( 0544712555 )
الشملان للتحلية ( 0565440887 )
ونر لتنقية المياة ( 0531010455 )
المحور العذب ( 0533414133 )
تقبلوا تحياتي
عرهب
08/05/2011, 04:30 AM
يا أخي فرع سمنان موجود في الجبيل البلد , مقابل المخازن الكبرى , تتعدى المخازن على يمينك وإذا وصلت الإشارة تاخذ فوق حدر وتلقى سمنان على يمينك , وبالتوفيق .
محب الشبه
08/05/2011, 06:59 AM
بيض الله وجيهكم يالربع
هبايب صيف
08/05/2011, 07:15 AM
اسمع يخوي فكك من الجراكل

في جهاز صغير يركب في المطبخ لتحلية المياه المالحه بسرعه عاليه

تدخل المويه المالحه من جهه ويقوم بعزل الملوحه من الماء

واخراجه مع مخرج خاص بها والما الحلو مع

مخرج اخر
عطيب ومايغيب
08/05/2011, 11:13 AM
أشكر الجميع

ولاكن ياخوان الفلتر كم لتر يحلي وكم الوقت
وهل اضع له بزبوزاو صنبور خاص وألا على نفس مكان البزبوز حق المطبخ

اشكر كل من رد على موضوعي وادلا بدلوه واشكركم والله يكتب لكم الاجر

اخوكم عطيب يقريكم السلام
نقطة نظام
08/05/2011, 11:20 AM
أشكر الجميع

ولاكن ياخوان الفلتر كم لتر يحلي وكم الوقت
وهل اضع له بزبوزاو صنبور خاص وألا على نفس مكان البزبوز حق المطبخ

اشكر كل من رد على موضوعي وادلا بدلوه واشكركم والله يكتب لكم الاجر

اخوكم عطيب يقريكم السلام


ياخوي الشركة نفسها تركب لك جهاز التحليه في نفس المطبخ ويسحبون هوز مويه يدخل للجهاز ويركبونلك صنبور خاص فيه .. تستخدمه لطبخ والشرب ..
اما على الكميه اغلب الي يستخدم في البيوت الصغير علي ماعتقد 75 جالون يومياً تراه كافي ويزود بعد عن حاجتك له عندنا سنين ..
الاخوان ماقصرو عطوك الارقام كلها سعره 550 ريال بالاحدود بس بترتاح معه جداً.. كلف على عمرك شوي واتصل على احدى الشركات .واسئلهم مابدالك .
عطيب ومايغيب
08/05/2011, 11:37 AM
[QUOTE=نقطة نظام;6699943]
ياخوي الشركة نفسها تركب لك جهاز التحليه في نفس المطبخ ويسحبون هوز مويه يدخل للجهاز ويركبونلك صنبور خاص فيه .. تستخدمه لطبخ والشرب ..

اما على الكميه اغلب الي يستخدم في البيوت الصغير علي ماعتقد 75 جالون يومياً تراه كافي ويزود بعد عن حاجتك له عندنا سنين ..

الاخوان ماقصرو عطوك الارقام كلها سعره 550 ريال بالاحدود بس بترتاح معه جداً.. كلف على عمرك شوي واتصل على احدى الشركات .واسئلهم مابدالك .

عزيزي :نقطة نظام

أسأل الله لك الجنه ولجميع من شرف موضوعي ولجميع المسلمون
الاخوان وانت ماقصرتم وبيض الله وجيهكم جميع

وفي الختام لايسعني غير اقول مع السلامه وشكراً
المكحل/ابو
08/05/2011, 02:16 PM
اخوي :
اقول الله يعينك
بس ودي اعطيك وجهة نظر حول استعمال جرة البلاستيك ام 7 ريالات أكثر من مرة يعني ( تفضي ثم تعبيها ) لا ياخوي تراها خطيرة من الناحية الصحية ماهوب كل جرة بلاستك اذا فضت عبيتها مرة ثانية
هذا معلومة قراتها للفائدة فيها ارقام من مصنع البلاستك اسفل القارورة سي يصلح واخر لا يصلح
تحياتي
القنصل,,,
27/08/2011, 10:09 AM
خلاص وصلكم الحلو احرق بالجراكل ههههههههه
wafi4sa
27/08/2011, 11:11 AM
بالتوفيق لك ياخي و إن شاء الله تنحل مشكلتك
تمنياتي لك بحياة سعيدة
اابوسعد
27/08/2011, 02:29 PM
ما شاء الله تفاعل إن شاء الله اجره لكم ولوالديكم بهالشهر الفضيل وطيبة منكم تستحق الاعجاب بارك الله للجميع
حلم البحر
27/08/2011, 07:17 PM
مثل ماقال أخوي
اخوى مثل ماقال الاخ 900
ركب فلتر كهرب حوالى 500ريال وهو منتشر عندكم باالقصيم عند محل نثال ودق عليهم باالرياض ويعطونك الرقم ببريده 014965500
وانا مركبه لى 12سنه اهم شى غير الفلاتر الى تحت 3كل شهرين وهى رخيصه جدا والى فوق كل سنه وعلى حسب الاستعمال
وفيه ميزه انك تنقله من بيت الى بيت خفيف جدا