مشاهدة النسخة كاملة : عاشق التصوير بس ماهنا دراهم
السلام عليكم ورحمة الله وبركاته...
صباح او مساء الخير جميعاً...
الكتاب باين من عنوانه...
انا رجال اعشق التصوير...
والجوال مايقوم بالواجب على اكمل وجه...
يعني لما اصور القمر بالليل تشوف الصوره كأنها لمبه بيضاء وسط غرفه... :D
والمشكله ماهنا دراهم عشان اجرب بهالكاميرات...
لذلك قررت اسرق لي كاميرا احترافيه...
وحبيت استشيركم...
ايش الكاميرا اللي تناسبني وتستاهل اني اسرقها...:D
بالعربي ابي كاميرا حلوه وسعرها معقول علمن اني ماقد لمست كاميرا احترافيه...:(
bnsniper
07/05/2011, 10:58 PM
هههههههههههههههههههههه
شر البلية مايضحك
rciso
08/05/2011, 01:18 AM
كم بالنسبه لك سعر معقول؟
يعني 500 ريال...<---اغديه يستهبل... :)
حدي 2000 ريال
حبل الوريد
08/05/2011, 07:49 PM
اشور عليك بكانون دي 1100
مع العدسه الاصليه تقوم بالواجب
ولا كاميرا شبه احترافيه مميزه
وهي كانون جي 12
يزيد الخديدي
08/05/2011, 08:44 PM
Canon 1000D
نصيحة اخوية
مشكورين على مروركم وتفاعلكم...
اخوي يزيد الخديدي
انا مو خبره بالكاميرات بس الاحظ الاغلبيه يقول 1100 افضل من 1000
اخوي جبل الوريد
اتوقع باخذ 1100 لانها يركب عليها عدسات وكذا يعني لك وللزمن
الـ جي 12 اتوقع بعد مااتعلم التصوير بضطر ابيعها واشتري احترافيه...
فهل توافقني الرأي
مع العلم اني اخطط على CANON 550D
اشووور عليك بالـــ فوجي فلم sh10
1500 ريال ويمكن اقل
مشكور على مرورك يالغلا...
اخوي xGHx
هل تقوم مقام الكانون 1100D؟
ام هي شبه احترافيه
canon-d
08/05/2011, 10:34 PM
اخوي ولا يهانون الجماعه كانك جازم على احترافيه مه وحده وسعرك 2000 ريال
انا انصحك بناااايكون غير هل شركه لا تدور اسألني انا عن هل شركه صح ان الكانون مستواها مثل النايكون
لاكن فيه اسعار الاكسسوارات النايكون متوفر بكل الاماكن
لاكن الكانون تلقى لاكن بعد تدوير وقلق
ااسألني انا اشتريت كانون مع عدسه 70.200 تعرف كلمت خياااااااااااس
وقررت وشريتلي كمرة نايكون d5000
اقسم بالله انه تقدم زي المستوى المطلوب واكثر
والنايكون بصراحه مع كل المصورين
وخصوصاً ان عندي واحد يقربلي مصور محترف يجي للملاعب والمؤتمرات
معه كمرة نايكون اسأله يقول كل اخوياي واصدقائي يقولون النايكون تغلب على الكانون
وانا انصحك بنايكون لانها مدى الحياة وصدقني لو شريت كانون راح تبيعها شف القسم حق مكشات
كله للبيع كانون كانون كانون
انا ماقول ان الكانون مستواها مو حلو { كلن يناضر الاشياء بعين طبعه }
وانا انصحك بنايكون حتى لو تزود على ال2000
انا بصراحه استغربت من كل الاعضاء اللي هنا بالمنتدى كلهم كانون كانون كانون
وانا بصراحه برأي لو باخذ كانون اخذت d550لانها بصراحه تغلبت على الكمراة الاخرى ببعض الخصائص
على العموم اخوي اكبر غلطه لو تاخذلك كانون
اتمنى اني افدتك
ذيب يافع
08/05/2011, 10:50 PM
كانون دي 1100 هي النسخة المطورة من 1000
وهي حديثة الصنع ..
طبعا اشتريها ومثل ما قال اخوي حبل الوريد العدسة الاصلية تفي بالغرض ..
لين ما تجمع الدراهم اشتر لك عدسة حسب ميولك .,,
أيمن الحربي
08/05/2011, 10:53 PM
أنصحك بـ Canon PowerShot SX30 IS
زومها علي إذا تبي تصور القمر
وسعرها مناسب 1750
الله يكتب لك اللي فيه الخير
موفق :)
حبل الوريد
09/05/2011, 12:41 AM
عموما يالغالي بالنسبه لل550 دي مميزه وحلوه بالحيل
وكانون ونيكون ما تفرق الرجال شكله ماكل مقلب
يفرق موديل عن موديل
مشكورين على مروركم جميعاً...
والاختلاف بالرأي لايفسد للود قضيه...
بس شكل بعد لحسة الردود بشتري كاميرا فوريه...
هذه مع راعين البعارين بالطائف يكرفونه كرف...
واذا صورت تطب بحجرك الصوره لاتحميض ولا كمبيوتر...
امزح معكم معكم برنامج الكاميرا الخفيه مع ابوالسهاتل... :)
شكلي بجزم على CANON 550D...
لان الكل تقريباً اتفق عليها...
مشكوووورين على تفاعلكم...
والله يجزاكم كل خير...
والله يسعدكم بالدارين...
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir