العجوز السودانية والجنية

[الحرقوصي]

السلام عليكم ورحمه الله وبركاته


هذي سلمكم الله قصة يذكرها لي احد الاخوه من السودان ، يقول كان عندنا بالقريه عجوز يضرب بها المثل في الشجاعة المهم يقول هاك اليوم نوت تروح لقريه بعيده عن قريتها لزيارة احد الاقارب والحرمه غدت في طريقها ودخل الليل وصارت الدنيا ظلام قالت مالي الا اني ابيت هنا ومن اصبح افلح وتجي حول شجره وتبرح بهاك المكان وتسند يدياتها تبي تنام والمهم تسمع هالك الصوت أممممممممممممم.... (على حسب قولت السوداني ) ...المهم العجيز فزت :eek: وقالت ماااااااالك صوت من هادا!! ردت الجنية وقالت يامره مالك نمتي عليا ... العجوز فهمتها وابعدت شوي عنها ومير وتسمع الصوت مرة أخرى أمممممممممممممم ...ردت العجوز مالك تاني قالت الجنية نمتي على ولدي العجيز مسيكينه وتزحف عنه وتحط رويسها المهم وتسمع أممممممممممم ....قالت العجوزمالك تاني تعبتيني ياوليه قالت الجنيه نمتي على عفشي (خخخخخخ ) العجوز حامت كبدها من هالجنيه المهم الجنيه قالت يامره المكان مايجمعنا ياتقومي انتى ولا نقوم نحنا العجوز اصيله قالت لا ابقوم وتاركه لك المكان .....آآيه المهم نامت بمكان آخر واصبحت ووصلت ديرتها وسردت لمهم القصه والحمدالله ماجاها شر.

ودمتم بود

[دايم مقرود]

قل والله في ذمك

[قوافي ( أم نهار )]

حياك الله اخوي
مع احترامي لاخواننا السودانيين الا اننا دائما نسمع عن حركتهم البطيئه
فممتاز انها قامت وتركت من توذت وتضايقة منها.جميل ماحصل
..قوافي..

[الهواويه]

بسم الله الرحمن الرحيم
الله يكفينا
:j:j تراني قويه ما اخاف

[وردة النفل]

يعطيك العافيه على القصه
والله يكفينا شر الجن

[الحرقوصي]

قل والله في ذمك



ههههههههه
والله ويحلف ويقسم:p

[انسانه؟]

الله يعطيك العافيه
من جد قلبها قوي هالعجيز .,,
بارك الله فيك سردجميل للقصه.,

[الشبانه]

ههههههه الله يعطيك العافيه

[منيف الاول]

يا اخوان وش فيكم خايفن من الجن

ياناس انا تصير لي قصصه معاهم واكثير وما اخف

[سليمان الربيعان]

:good2::good2::good2::confused:

[Al3rands]

عافاك الله بس انا ودي اعرف وش عفش الجنيه عزبه مثلا

[الحرقوصي]

عافاك الله بس انا ودي اعرف وش عفش الجنيه عزبه مثلا

هلا بك أخوي سألت السوداني قال بيز وعصي للجلد ;) ههههههه

[الصارم1]

ههههههههههه

خطيرررررررره
العجيز

[صيادالشرقيه66]

اممممممممممم

خطيره هالعجيز

[ابو ناصر1]

الجنيه بعد طلعت ماهي بسيطه ما خافت من العجوز السودانيه

[ع العمرو]

ماشاء الله تبارك الله

[هاوي عبث]

والله زوله نشيطة يا راجل بس السؤال اللي يفرض نفسو

هل الجنية زوله برضو ؟؟؟!!

ههههاي تسلم على ها القصه

[الحرقوصي]

والله زوله نشيطة يا راجل بس السؤال اللي يفرض نفسو



هل الجنية زوله برضو ؟؟؟!!



ههههاي تسلم على ها القصه

والله انا ماقطعت سرها
بس اكيد سودانيه ولا كان مايتفاهمون :D

[ابن الاصيل]

سوالف الجن كثيره انا مره كانو اهلي مسافرين وانا لحالي بالبيت ورحت لغرفتي بالدور الثاني وكان الممر طويل وانا قرفتي اخر غرفه وكان البيت مظلم ماتشوف شي وانا حاط المفتاح ابي افتح الباب والااسمع واحد يناديني نواف وقفت قلت يمكن اهلي رجعو ورجعت ادور بالغرف ولا مافيه احد قلت يمكن يتهيالي وانا راجع ابي افتح الباب والايناديني نواف ونفس صوت اخوي بالظبط حسيت بخوف شديد وقلت اسمع يابو النوف ان خفت راحت عليك الليله يبون يتعللون عليك لاكن قوي قلبك ودخلت وانا ابدل ملابسي والاالباب يطق علي واسمع ركض بالممر وناس يظحكون زاد عندي الخوف وقلت لازم اطلع من البيت لاكن الممر مظلم وقلت هذي تحدي وانا اقراء اية الكرسي بصوت عالي لين طلعت من البيت وسلامتكم

[الحرقوصي]

سوالف الجن كثيره انا مره كانو اهلي مسافرين وانا لحالي بالبيت ورحت لغرفتي بالدور الثاني وكان الممر طويل وانا قرفتي اخر غرفه وكان البيت مظلم ماتشوف شي وانا حاط المفتاح ابي افتح الباب والااسمع واحد يناديني نواف وقفت قلت يمكن اهلي رجعو ورجعت ادور بالغرف ولا مافيه احد قلت يمكن يتهيالي وانا راجع ابي افتح الباب والايناديني نواف ونفس صوت اخوي بالظبط حسيت بخوف شديد وقلت اسمع يابو النوف ان خفت راحت عليك الليله يبون يتعللون عليك لاكن قوي قلبك ودخلت وانا ابدل ملابسي والاالباب يطق علي واسمع ركض بالممر وناس يظحكون زاد عندي الخوف وقلت لازم اطلع من البيت لاكن الممر مظلم وقلت هذي تحدي وانا اقراء اية الكرسي بصوت عالي لين طلعت من البيت وسلامتكم

كفوولله عز الله انك وليده .... بس حلوه يتعللون على هههههههههه

شاكر مرورك

[ابوراشد04]

يا اخوان وش فيكم خايفن من الجن

ياناس انا تصير لي قصصه معاهم واكثير وما اخف

عطنا جزء من هالقصص الي بينت انك شجيع وماتخاف

[عذا نجد]

قراءة سورة البقرة في البيت تطرد الشياطين، فقد ثبت في الحديث الصحيح الذي رواه أبو هريرة – رضي الله عنه – قال : قال رسول الله صلى الله عليه وسلم : ( لا تجعلوا بيوتكم مقابر ، وإن البيت الذي تقرأ البقرة فيه لا يدخله الشيطان ) ( صحيح الجامع 7227 ) ، وفي رواية ثلاثة أيام 0

[الحرقوصي]

قراءة سورة البقرة في البيت تطرد الشياطين، فقد ثبت في الحديث الصحيح الذي رواه أبو هريرة – رضي الله عنه – قال : قال رسول الله صلى الله عليه وسلم : ( لا تجعلوا بيوتكم مقابر ، وإن البيت الذي تقرأ البقرة فيه لا يدخله الشيطان ) ( صحيح الجامع 7227 ) ، وفي رواية ثلاثة أيام 0

صدقت أخي الكريم
ولك جزيل الشكر والتقدير على مرورك

[shark2005_1]

اما وربي لو انا في مكانك اغير اسمي

[الحرقوصي]

اما وربي لو انا في مكانك اغير اسمي
وعليكم السلام
اسمي ولا اسم العجوز ههههههههه :p