استفسار بخصوص قوارب النزهه في جده ؟؟

[sultan007]

السلام عليكم ورحمة الله وبركاته

شباب الله يعطيكم العافيه انا ابغا اشتري قارب او يخت صغير للصيد والنزهه وابغا اشغله في ابحر كتجاره .

لو تفيدوني ايش الأجراءات اللي اسويها كلها , يعني اول شي لازم تصريح ؟ وايش شروطهم ولو ابغا استأجر مرسى في ابحر ( زي مرسى ابو دلش سابقاً ) هل البلديه تعطيني مكان ولا لا واذا ممكن كم يأجرو المكان سنوياً

ياليت يا اخوان اللي على درايه بهالموضوع يفيدنا لأني مو عارف اروح لحرس الحدود ولا للزراعه ولا الغرفه التجاريه ؟؟

وشكراً ..
سلطان

[goldenrife]

والله والله اعلم ان الشباب قبل كم يوم اتكلموا بالموضوع

بامكانك تفتش في الصفحات القريبة وتلقى الموضوع او شبيهه

تقبل مروري....

[sultan007]

يعطيك العافيه اخوي

بس انا دورت مالقيت الا موضوع البنك الزراعي وانا اسأل عن شي ثاني

اتمنى من الشباب يفيدوني اكثر

[نسيان]

اول شى تقدر تشترى وتشغله بس مين الى حيعمل عليه انت ولاعامل2 حتدفع اجار مرسى 3حتدفع نسبة للمرسى عت كل رحلة يعنى اتاوة ولا مايخلونك تشتغل 4 الى تكسبه تصرفو صيانة وعمولة ومرسى وبنزين وزيت وتعبك راح بلاش
وموضوع انك تسوى مرسى المراسى محدودة فى ابحر واسعار انك تفتح مرسى خيالية فى الملاين ومثال على كذا كان فى مرسى اسمو الربيع شعبى جنب الاندلس ونزعته البلدية من الى كان مشغلو هو وابو دلش ورست العقود على واحد ثانى 750 الف من خمسة سنين الى الان ماقدر يسوى مرسى نصيحة اذا عندك قرشين حطها فى شى يفيدك (خلى البحر فى بالك ولاتخليه راس مالك)

[دليلك]

مرحبا : قبل كل شي صلي استخارة *** بعدين تحط عامل مايصلح يعني ماحك جلدك زي ظفرك *** والبحر لومافيه خير ماكان شفت القوارب كلها دي شغالة *** بس يبغالك خبرة مع راس مال واتوكل على اللي عينه ماتناااام.

[خادم الإسلام]

السلام عليكم ورحمة الله وبركاته

عليكم السلام ورحمة الله



شباب الله يعطيكم العافيه انا ابغا اشتري قارب او يخت صغير للصيد والنزهه وابغا اشغله في ابحر كتجاره .
شوف اليخت غالي ... من 600 وفوق ...والقوارب على حسب طلبك ومواصفاتك


لو تفيدوني ايش الأجراءات اللي اسويها كلها , يعني اول شي لازم تصريح ؟
شي اكيد يبي لك رخصة قيادة قارب .
وايش شروطهم ولو ابغا استأجر مرسى في ابحر ( زي مرسى ابو دلش سابقاً ) هل البلديه تعطيني مكان ولا لا واذا ممكن كم يأجرو المكان سنوياً
إن كان قصدك موقف نعم والمراسي موجودة ...وإن كان قصدك مرسى فهذا مكلف كثييير .


ياليت يا اخوان اللي على درايه بهالموضوع يفيدنا لأني مو عارف اروح لحرس الحدود ولا للزراعه ولا الغرفه التجاريه ؟؟
إذا اشتريت القارب تروح تسجل في المواصلات القسم البحري وسلاح الحدود
وعليك بالإستشارة وصلاة الإستخارة والله يكتب لنا ولك الخير


وشكراً ..


سلطان


ارجو أن أكون أوصلت المعلومة

[accentkool]

والله ماعندي اي فكرة بس الاخوان ان شاء الله بيفيدوك

[sultan007]

يعطيكم العافيه شباب ماقصرتو والله يكتب اللي فيه الخير ويرزقنا واياكم