الشور يا أهل الشور بين سيارتين

[مسنع ربعة]

السلام عليكم ورحمه الله


يا اخوان أنا أريد شراء سيارة ومحتار بين سيارتين

لكزس 300 ES موديل 2006

وفورد فكتوريا 2008


ابي سيارة فخافة وراحة وكد

وكل واحد جرب أحد السيارتين ينصحني الله لا يهينكم من كل شي خربات وقطع غيار

[الكاميكاز]

حياك الله اخوي .. اذا تبي رايي لا تتعدى التايوتا فخامة وراحة واحد معه لكزس 2003 ( 300 ) يحلف

ما عمره فتح الكبوت الا يغير الزيت فا الله يطعمك من خيرة ويكفك شرة مقدما توكل على الله وخذ الكزس ما تندم

يسمونه (( الشيك ))

أما الفورد موتر وراحه ويكد لكن مشكلتة الحرارة .. وبالنهايه انت ادرى هذا رايي

[اول 9099]

والله اللكزس لو انها 2007 الشكل مضبوط
2006 الظاهر انها الشكل القديم

بس على العموم اللكزس افضل من الفورد بمراحل

[mr.قهد]

اخوي اخذلك لكزس افضل فخامه وراحه وموتر للخط وماسك قيمته وكشخه
اما الفورد نصيحه لاتقربه والله انه خساره تشريه ب80 الف وتبيعه اليوم الثاني ب40 الف نص القيمه على طول
وبعديين يعاقبك في الخط باالحراره ومشاكله
مالك الالكزس 300 ES

[مسنع ربعة]

يا أخوان الله لا يهينكم

والله ناس تقول ابعد عن الكزس مشاكله واجد وخرباته وعليك بالفورد وانتم مدحتوا الكزس ابي الناس الي جربوا 300 يقولي لي رأيه من ناحية الخربات والمشاكل وكلام الأخوان على العين والراس وشكلكم جزمتموني عليها

[احترت]

انا مجرب الفورد انا اشهد انه موتر
راحه صبر قطع غيار رخيص حراره احسن شيء وانا مانيب اتكلم عن موتر واحد
الوالد واثنين من اخواني وانا وللمعلوميه اللي يقول تطيح قيمته غلطان
خصوصا كانك مشتريها مستعمله هي اكثر شيء بالامريكي يمسك القيمه
ان جيت للحق الفورد حمااارة مكده الله يكرمك تقارنها بالياباني

وجهت نظر

[درعا وي]

السلام عليكم
اولاً عليك بصلاة الاستخارة
ثانيا من واقع التجربة للكزس (300) 2004
الموتر يكد لكن القطع الاستهلاكية غالية جدأ مثل المساعدات
وان خرب كانك موضب مكينة من غلا القطع لا يهمك الي يقول قطع كامري
وتأكيد كلامي اسأل عن المساعدات في الوكالة( كل مساعد له سعر)
اما الفورد ماجربته
اتمنى اني افدتك
واي استفسار انا حاضر

[صيادالجبيل]

عليكم السلام ورحمة الله وبركاته
عليك بصلاة ركعتين الاستخارة وأذا صليت ماتندم ابدابأذن الله
ومن رأيي الكزس افضل من الفورد والله يرزقنا وياك من خير الدنيا والاخرة .

[عناز الحره]

وفورد فكتوريا 2008

[ابوتركي2121]

الله يوفقنا واياكم لما يحب ويرضى

[عفط]

لو معاي قروشك مااتعدا الكزس؛ سيارة كد ومد مو الفكتوريا كل 6 شهور صيانه وبالأخير المكينه تدخن وبالبيع بتراب الفلوس ..!!
لا لا تتعدا الكزس , وبالتوفيق لنا ولك