استفسار ويليت محدا يبخل بالرد

[راعي شوق]

السلام عليكم اخواني المكشاتية من قريب وبعيد
ودي احد يفزع لي ويدلني من وين اقدر اشري كورس فارس التميمي للقرنسة في الرياض
او يقدر يساعدني بالحصول عليه وارسله تكاليف الكورس
انا من سكان الطائف وانتم خابرين ما عندنا محلات تهتم بهذي الامور
اسف على الاطاله
وسلامتكم

[راعي شوق]

كل هذه المشاهدات ولا رد
والله غريبة ما تقول اني بمكشات؟؟؟؟

[المري]

ابشر والله بالسعـد




ياالله تجمل اليـا جـا مـدور الحاجـه *ان كان ماهيب عندي رحت ادورهـا


والله ماابخل بهـا والاجـواد محتاجـه *ناس تبي المرجله والقـل عاسرهـا




ابشر بسعدك ياراعي شوق , انا ذا هالحين دوامي في الافلاج يوم الاحد


ان شاء الله ابعود للحساء يوم الاحد القادم اباخذ لك واحد وبرسله لك في


البريد المستعجل, واعتبرها هدية لطيرك :good2:



وش تبغى غير كذا !!!

واعضاء مكشات الى حضر واحد كفى عن الباقيين جعلهم ذخر

اخوك ابومعيض

[راعي شوق]

ما تقصر اخوي ابو معيض الله يعطيك العافية في انتظارك

[عاهد بن علي]

ما قصر بو معيض وانت تستاهل

والله كفو

[راعي شوق]

الوقـــت لامــــال ابوصـــيك بعـــلاجة*****علاجة رفيـقا يوردها مصـــادرها
من خــــلقتة ماتشوف الضيق بحجاجة*****اسمه ينومـسك والسمعه معطرها


انا اشهد ان هالابيات تنطبق عليك يابو معيض وعلى شرواك من الرياجيل
ومشكور وما قصرت

[بوعلى ال شقاق]

تسلم اخوي المري وفيت وكفيت
وبارك الله فيك





واعضاء مكشات الى حضر واحد كفى عن الباقيين جعلهم ذخر




:good2::good2::good2::good::good::good:

[سلكم]

ابشر يارعي شوق باعلاج

[راعي شوق]

مشكور اخوي سلكم والله ما قصرتم وبيض الله وجيهكم اخواني

[قرناس صلا]

تستاهل الفزعة يا راعي شوق , وسلامات لطيرك
وكفو يا ابو معيض , بيض الله وجهك
كفيت ووفيت بارك الله فيك

[المري]

الله يجزاكم خير ولا سوينا شي

وعسى الله يجملنا

اخوكم - المري

[جرح الرمال]

والله ماقصر اخوي المري افادك الله يجيره

[انسانه؟]

الله يبارك فيكم وعساكم دوم على المخوه والتعاون .,,
ردود تسعد القارئ.,,

[جبار1]

أشهد بالله انها ردود تشرح الصدر

بيض الله وجهك أبومعيض ويستاهل راعي شوق

ونعم الخوه أعضاء مكشات الله يوفقكم .

[قرناس شماالي]

مايقصر ابو معيض وتستاهل كل خير

[راعي شوق]

قرناس صلا
جرح الرمال
انسانة
تركي الوريكة
قرناس شمالي
مشكورين على الردود ولو اني ماني خابر مكشات واهله ما نشدتهم
ومثل ما قال الشاعر
يمنى بلا يسرى تراها ضعيفه **** ورجل بلا ربعٍ على الغبن صبار
وحنا بمكشات ربع واخوان

[((السنياري))]

ان شاء الله هااليومين رايح للجنوب وطريقي على الطايف
اذا تعرف احد عنده العلاج وهو على طريقي ابشر باالي يوصله لك
طريقي راح يوكون من الكويت الى الخفجي الى النعيريه الى الرياض الى الطايف

اذا احد عنده العلاج وعلى طريقي ابشر بعزك
او اذا عند احد من الربع باالمنتدا وهو على طريقي يراسلني

[راعي شوق]

مشكور اخوي السنياري والله انكم رياجيل ترفعون الراس

[بن محجن]

تستاهل أخوي راعي شوق
وبيض الله وجيه الأخوه الأعضاء

وبصراحه شئ يسعد
لكل عضو في منتدانا الغالي
على هذا التكاتف

ودمتم ســـــــــــــالمين

بن محجن
7/6/1432هـ

[راعي شوق]

مشكور اخوي بن محجن ما قصرت والله مكشات قرب البعيد وفيه رياجيل يرفعون الراس

[عبدالرحمن بن ذياب]

ابشر والله بالسعـد





ياالله تجمل اليـا جـا مـدور الحاجـه *ان كان ماهيب عندي رحت ادورهـا


والله ماابخل بهـا والاجـواد محتاجـه *ناس تبي المرجله والقـل عاسرهـا




ابشر بسعدك ياراعي شوق , انا ذا هالحين دوامي في الافلاج يوم الاحد


ان شاء الله ابعود للحساء يوم الاحد القادم اباخذ لك واحد وبرسله لك في


البريد المستعجل, واعتبرها هدية لطيرك :good2:




وش تبغى غير كذا !!!


واعضاء مكشات الى حضر واحد كفى عن الباقيين جعلهم ذخر



اخوك ابومعيض



بيض الله وجهك يا الذيب
كفيت و وفيت وافعالك و مواقفك تشهد لك

[جلاد الحباري]

شف كورسات مستشفى الامير فهد بن سلطان تراها جيدة وبالنسب لكورسات الدكتور فارس انا شفتها في مربط شفية في الشرقية وبالتحديد وادي العجمان وهو بعيد مني حيل والا كان مريته وخذيت اللي تبيه وارسلته لك بالمجان والله اني صادق ودي اخدم كل الصقاقير

[المري]

السلام عليك ياراعي شوق

وين غديت ؟؟

يقولون انك حاط موضوع انك تراسلني واني مارد عليك !!!!

وش علمك !

متى راسلتني ؟

لاجاتني رساله منك على الجوال ولا على الرسائل الخاصه؟؟!!!!!!!!!!!!!!

[المري]

والله العظيم اني نسيت والعذر والسموحة منك

وابشر بالعوض بس ماكان ودك انك كتبت موضوع وتشرهت قدام خلقنا

حتى رقم جوالك ماعرفه والغلط منك مرسلة لي رسالة بعنوانك

مدري وين ارسله له !!!

ولاهوب حق ولا بواجب ان هذا يحصل منك ...

لكن خير مافيها ترك مافيها وانا اخوك

وعسى الله يهديك

اخوك - المري

[المري]

كان ودي ان الادارة ماحذفت الموضوع

ابغى اشوف وش انت كاتب عني؟

يقولون انك كاتب ان مخلف الوعد ومن ذا الكلام!!

افا عليك افاعليك ياراعي شوق

عودت علي بذا الكلام الامحق!!

[راعي شوق]

اخوي المري السلام عليكم
اولا اذا ما قريت الموضوع انت لاتقولي يقولون
ثانيا انا قلت انا معذر الرجال وحبيت اوصل له ان العلاج وصلني
ثالثا راجع الرسائل على الخاص وشوف وانا ممكن اعطيك الباسوورد وادخل بمعرفي وتاكد من الرسائل الخاص
رابعا سبق وارسلت لك رقمي على الخاص وكلمتني على موضوع سابق
خامسا انا ما ذميتك باي شي ومستعد اعيد كتابة الموضوع وانت تقراة بنفسك واذا انا مخطي ابشر
سادسا والله ما اعادني للكتابة الا لافهمك الوضع والا انا ارسلت للقرناس المهاجر وهو شاف الموضوع ورجعة لكن غيره قام وحذفة مره اخرى والسبب الخوف من الدخول في اللغط والظاهر عرف كيف يوصللك الكلام بالطريقة اللي تعجبة
المهم اكرر واكتب لك ما ذيلت به موضوعي اللي انحذف
مشكور وما قصرت اخوي المري العلاج وصلوهذا اللي حبيت اوضحة
ارجوا ان اجد منك رد اخوي المري بعد هذا الكلام والا انا ما غديت وانا كنت انتظر منك على موعدنا اللي هو يوم الاحد ويوم ابطيت نشدت عنك ؟؟؟؟

[راعي شوق]

كان ودي ان الادارة ماحذفت الموضوع




ابغى اشوف وش انت كاتب عني؟


يقولون انك كاتب ان مخلف الوعد ومن ذا الكلام!!


افا عليك افاعليك ياراعي شوق


عودت علي بذا الكلام الامحق!!



ما هوانا يابومعيض اللي يطلع منه الكلام هذا حنا رياجيل ونقدر وارجع للقالك وخله يطلع الرد واذا انا كاتب انك مخلف الوعد ا انا محقوق لك ارجوا اننا نترك كلمة يقولون
ارجوا ان تتأكد قبل ان ترد اخوي ابو معيض

[ربع خالي]

لكن غيره قام وحذفة مره اخرى والسبب الخوف من الدخول في اللغط والظاهر عرف كيف يوصللك الكلام بالطريقة اللي تعجبة
ا




شرحتلك ياراعي شوق عن سبب حذفي وإنت تقبلته ورجعت وأثنيت على تفهمك وكلها على الخاص , وبعد كل هذا تظن بأني انقل الكلام ومحرف لأخوي بومعيض ؟ ولو لي نيه ماهي عدله إنكان ماحذفت الموضوع . عموما الله يسامحني ويسامحك على ظنك الردي فيه ,
لأن ماينقل الكلام ويحرف فيه الا ولد الشيطان .
وأخوي بومعيض من دون عمره وهو كفيل بنفسه .

[راعي شوق]

اخوي ربع خالي عسى ما خلاف انا اقوله اللي يقولون وما قصدك انت بذاتك انا اقصد اللي وصله الخبر وبعدين الموضوع انحذف اول مرة من دون ان نعلم من حذفة ورجعة القرناس المهاجر وعقب ما حذفتة انت ما نشدت فيه
وهذا رد ابو معيض اللي يوضح ان في ناس وصلوله الخبر

كان ودي ان الادارة ماحذفت الموضوع



ابغى اشوف وش انت كاتب عني؟

يقولون انك كاتب ان مخلف الوعد ومن ذا الكلام!!

افا عليك افاعليك ياراعي شوق

عودت علي بذا الكلام الامحق!!

[دل البحار]

ماقصر ابو معيض الله يبارك فيكم ..

[ربع خالي]

ياراعي شوق : أظني اللي انت كاتبه ماهو باللغه الصينيه ولا الفارسيه :
((لكن غيره قام وحذفة مره اخرى والسبب الخوف من الدخول في اللغط والظاهر عرف كيف يوصللك الكلام بالطريقة اللي تعجبة))
هذا كلامك يالسنافي .وأنا اللي حذف الموضوع وأخبرتك بالسبب . وإن جاء واحد فقط من ال 200 الف عضو وقال بأنك تقصد غيري ؟ أجيك وأحبك على خشمك ولك كل اللي يرضيك مني .
وذا الحين من طرفي أقول أعوذ بالله منك يالشيطان وإنت وكل الاعضاء إخواني فالله ..

تقبل إعتذاري

تحياتي

[المري]

الله يعين

ان حصل مني غلط فالعذر منك ..

وصراحة ماشفت الموضوع بس ا كثر من واحد خبرني العصر وقالو راعي شوق

كاتب عنك ان اخلفت الوعد وانك تاخرت عليه 20 يوم ومن ذا الكلام

يعلم الله اني نسيت

وانت غلطان مارسلت لي ولا رسالة على الخاص

[أميرالعشاق]

أخي الكريم/ المري...أخي الكريم/راعي شوق..السلام عليكم ورحمةالله وبركاته..
ماحصل الا خير..ولنحسن الظن ببعضنا البعض ونلتمس العذر.. لمن قصر أو أخطأ...لنبقى أخوةً في الله يجمعنا الود والأخوة والتعاون هذا المنتدى العريق...
أخي/راعي شوق...بالتأكيد أن أخونا /المري نسي أوأنشغل ..ومن منا لا ينسى ولا ينشغل!!..لذلك فهو معذور..
أخي/المري.. سبق وأن مريت بموضوع أخي/راعي شوق..قبل أن يحذف..ولا أذكر أنه جرحك بالكلام أو أسأء في حقك..وكان مجرد إستفسار..لذلك فهو أيضاً معذور...

أسأل الله أن يصلح ما بينكم وأن يكون هذا الخلاف بداية لأخوة وصداقه بينكم تستمر إلى أن يجمع الله المتحابين فيه في جنات النعيم....واسمحوني على التطفل

[المري]

اخوي امير العشاق

تسلم اخوي ولك رسالة على الخاص

[راعي شوق]

اخوي المري
لك رساله مني على الخاص توضح الرساله السابقة ويعلم الله اني ما قلت اخلف الوعد وصدق قلت انتظره حوالي 20 يوم ويوم ابطىت نشدت عنك ولكن لم يكن موضوعي للشتم او التجريح وياليتك تاخذ العلم من ثقات المنتدى واذا اصبح انا كاتب اخلف الوعد ابشر بالحق
وتاكد من الرسال على الخااااص

[المري]

ماحصل الا كل خير

واعتبرك اخي الاكبر :)

والسموحة

وخلاص انتهى الموضوع

وعسى ربي يوفقك في الدنيا والاخره

:) :) :)

اخوك - المري

[راكان1000]

بو معيض ما اقول الا والله انك شيخ وكبير بأخلاقك

[بن محجن]

السلام عليكم ورحمة الله وبركاته


قال تعالىhttp://www.alminbar.net/images/start-icon.gifإِنَّمَا ٱلْمُؤْمِنُونَ إِخْوَةٌ فَأَصْلِحُواْ بَيْنَ أَخَوَيْكُمْ وَٱتَّقُواْ ٱللَّهَ لَعَلَّكُمْ تُرْحَمُونَhttp://www.alminbar.net/images/end-icon.gif
بيض الله وجيهكم اخوي راعي شوق واخوي المري:good2:
والله يجزى خير كل من حاول ايضاح الصوره
والحمدلله الامور وضحت بينكم


اخوكم بن محجن

[الطااااروح]

بيض الله وجهك يابومعيض ويستاهل راعي شوق