مكينة باترول 97

[مداحش]

السلام عليكم ورحمة الله وبركاته , عندي باترول 97 لاحظت قبل مدة أنه وبعد قطع مسافات طويلة فإنه يخرج ماء وبخار حار جدا من الرديترمع اللي باتجاه القربة الجانبية مع صوت فرقعة وللأسف اعتبرت الأمر عادي جدا في البداية , مع تهريب زيت من الصوفة الخلفية فزدت علبتين وعندما شغلت سمعت صوت طقة قووية طفيت الموتر على طول وعرفت إني جبت العيد , المهم أحبتي وديته للحمراني وبعد تلطيع أسبووع قالوا لي الموتر خالط الزيت بالماء :eek::eek::eek:ووراني المهندس عيار الزيت فعلا كاني أشوف شاي بالحليب على العيار:( !!!! المهم يا إخواني قررت اتوكل على الله وأصلح الموتر بورشة ثانية نصحني المهندس أتأكد من عدة أشياء عند فك الموتر ( مبرد الزيت - الصدا ) فهل هناك إمكانية بقاءصلاحية بعض القطع أم أنه يجب ان اغيرها جميعا :mad:؟؟؟ وهل هناك ضرر يلحق عمود الكرنك ؟؟ وكم تقريبا سيكلفني توظيبه ( برا الوكالة ) بقطع أصلية
لكم جزيل الشكر والتقدير ولا اراكم الله مكروها

[كارماستر]

فهل هناك إمكانية بقاءصلاحية بعض القطع :mad:؟؟؟


نعم


وهل هناك ضرر يلحق عمود الكرنك ؟؟


احتماااااااال


وكم تقريبا سيكلفني توظيبه ( برا الوكالة ) بقطع أصلية


شغل يد فقط من 1500 الى 2000
قطع الغيار تكلف تقريبا من 3000 الى 5000 بشرط ان يكون الراس سليم





ا



.............

[مداحش]

اخوي كارماستر الله يعطيك العافية يالغالي وماقصرت

[AxR979]

مكينة الباترول ما تسوى توظبه لا قوة و لا عزم و فوق كذا قطع غيار غالي ..

انا خربت مكينتي و هذاي باحط مكينة امريكية صح انه تكلف بالتركيب بس تريح بعدين ..

[قناص خلاوي]

اذا انت بالرياض مر ابو صالح التركي يفيدك
وان كان التوضيب سعره غالي عليك بالمكاين المستعملة
او توصي احد فاهم يجيب لك من الامارات هناك ارخص
الله ييسر امورك

[السليطين]

انا انصحك انك ماتركب مكاين مستعمله ...

اغلبهم يوضبها تجاري وتمشيك فتره بسيطه ... نصيحه اخو ابعد عنها ..

مثل ماقال الاخ قناص خلاوي ... رح لورشه السعودي ابو صالح التركي ..

وان شاء الله تبي تزين امورك ...

مكينة الباترول اذا وضبتها اصلي تكد معك سنييين ... اسأل مجرب .. صحيح انك تبي تدفع مبلغ حليو لكن تبي تضمن الموتر باذن الله ,,,

[You Like Me]

وعليكم السلام ورحمه الله وبركاته

الله يعوضك خير

بصراحه انا رأيي مع الاخ AxR979
مكينة النيسان والله ماتسوى الواحد يخسر عليها
وآخرتها كربريتر ولهط بنزين واداء كلام فاضي
ونصيحه ابعد عن ورشة ابو صالح التركي غالي نار ومواعيد مضروبة وشغل مو مثل اول لك عليه
الله يوفقنا وإياك

[مركز حراره]

ركب مكينه مستعمله وارد اليابان

[YUKON_GMC]

90 % من مستخدمين النيسان سفاري القديم من 98 وقبل ينزلون مكينته ويركبون مكينة فتك او مكينة يوكن او مكينة vx-r ثمانية سرندل

فما بالك والمكينه عندك مخبطه وتحتاج توظيب .. لأن مكينة السفاري معروفه .. الموتر قوي بكل شيء ماعداء المكينه عزمها ضعيف وصرف بنزين هوايل ..

إذا مانت ناوي تبيع ركب له ثمانيه سرندل وبتحس انه طلع موتر يطربك ..

إذا ناوي تبيع من الافضل ماترهم فيه شيء والله يعينك على التوضيب اللي يمكن يكلفك فوق 6 آلاف ريال

انا استخدمت اربع موديلات من السفاري حتى ان عضويتي سفاري من حبي له مع ان اخر حرف خطأ لكن المفيد اني كم مره نويت اغير المكينه لكن اللي يردني ان جميع اللي استخدمتهم كانت مكاينهم ورده وتخاسرت اغير مكاين نظيفه خصوصاً واني عارف ان المواتر ما تطول معي ..