عندي رجه في السياره لم اجد لها حل ارجو المساعده

[محمدالحفراوي]

السياره لاندكروزر vxrفيه رجه في السياره عند سرعه100واحيانا عند المطبات الخفيفه التحذيريه تحس الرجه في عمود الدوران وغيرنا العمود ومافيه فايده نرجو الافاده من اهل الخبره وشكرا

[أبوعبدالرحمن0]

إذا ما كانت المشكلة
تحتاج ترصيص
فشيك على الكفرات نفسها
أعرف واحد كان عنده رجة في الموتر وسوى كل شي وفي الأخير صارت الكفرات
محببة يعني فيها مثل الأورام بسيطة سببت رجة
أرجو اني أفدتك

[الغريق11]

رصص الكفرات أول شيء ثم إذا بقت الرجة شف عامود التوازن أو الجلب حقته ...

[ماهر الحربي]

السلام عليكم ورحمه الله وبركاته
انا مره صارتلي الحركه هاذي ويوم شيكت على الكفرات قال المشكله انك سحبت فرامل بقووه وطلع كلام صحيح سحبت فرامل من 120 الى ممكن60 وطلع ريحه الكفرات بعدها طلعت الرجه وصوت بس قالي فتره وتروح الصوت والرجه
اتمنى اني اكون ساعدتك

[محمدالحفراوي]

جزاكم الله خير على العلم الطيب

[عناز الحره]

انتبه لنوع الجنوووووووووووط

[سندهم]

رصص الجنوط وتروح الرجة بأذن الله

[ابن عكاش]

الكفرات لاتكون محبله
الترصيص تأكد وحبذا لو ترصص ارضي
الجنوط قد يكون واحد منها فيه كسر اوعفط
عمود التوازن شيك عليه والمسمار حقه والجلد
إذا الرجه تجيك إذا مسكت فرامل فهذي من الهوبات تحتاج خرط
اتمنى اكون افدتك تقبل مروري

[برهوش]

نفس مشكلتي الي مع المطب من كراسي المكينة غيرها وادعلي

[محمدالحفراوي]

جزاكم الله خير ياخواني بس المشكله احس ان الرجه في عمود الدوران وغيرته ومافيه فايده

[برهوش]

انا غيرت العمود مرتين لأني مثلك كنت احس انه من العمود
وغيرت كراسي المكينة وراحت وتراها ماتكلف

[moto4arabs]

اسباب الرجه كثير
1- قد تكون ترصيص كفرات
2- قد يكون احد الكفرات محبل ويبي تغيير
3- قد يكون احد الجنوط فيه مشكله
4- قد تكون مجموعة الدركسون فيها فضاوه ويبيلها تصليح
5- قد يكون العمود الواصل بين المكينة وبين الدفرنش الخلفي
هذا والله اعلم

[بن نويشر]

والله هالمشكلة نفس مشكلتي بالضبط ، وسيارتي فورنتشر 2006 وما فيه ترصيص إلا ورصصته (ارضي وسماوي) ولا فيه فائدة . قالوا يمكن يكون عامود الدبل أو الكردان ، ورحت للصناعية القديمة فيه ورشة مخصصة للعمدان . وفحص الفلبيني وقال ما فيه شي ، كلها سليمة وقال لي قاعدة وهي : (إذا كانت الرجة تسوي في موتر مثل الجوال إذا حطيته على الهزاز فالمشكلة تكون في عامود الدبل أو الكردان .

طيب هل جربت تغير الكفرات مع صديق لك ، أو جرب الأستبنه مع الإطارات الخلفية ؟؟؟

[alashgar]

السلام عليكم ورحمة الله وبركاتة
ياخوي هذي المشكلة صارت عندي والى الآن وانا اعاني منها واخر شي جيت راعي ميزان وشيك على العكوس ومالقى فيها شحم وجبت شحم ويقول هذي سبب المشكله انتظر أسبوع وشف وها اناانتظر لين الشحم يلين الرمان لانها فعلا كانت ناشف من الشحم شوي والا جيمت
لذا انصحك توديها لمكانيكي يفك العكوس وشيك عليها لان هذا نصحني بان لابد من فك العكوس اقل شي بعد سنتين وتشحيمها وسلامتكم

[ماجد الحايلي]

السياره لاندكروزر vxrفيه رجه في السياره عند سرعه100واحيانا عند المطبات الخفيفه التحذيريه تحس الرجه في عمود الدوران وغيرنا العمود ومافيه فايده نرجو الافاده من اهل الخبره وشكرا
محمد يابعد حيي قبل لاتسوي اي شي بالسيارة
شف لك واحد من الربع مركب كفرات جديده وخذها
منه هي والجنوط وإذا سويت هذا ولا فاد وقتها رح
دور عن السبب والعلة .
لا تبلش مثل بلشتي شوي قالو صلبان وشوي ترصيص
عمود وشوي كارونه وشوي عكوس وبعضهم قال رمانات
وبعضهم قال يمكن الأستبنه ناقص هواها:D
وطلع بالاخير الكفرات

[قلب الاسد sy]

اخوي شيك على الاذرعه لانها تسبب رجه

طبعا افضل حل : تروح عند ميكانيكي (ابن حلال) وتشييك
عمود التوازن+المسمار +الجلد
عمود الدبل
كراسي المكينه
عكوس السياره واذا سليمه حط عليها شحم اصلي
اخرط الهوبات طبعا مع تغيير الفحمات عشان تريح راسك
و تأكد من الجنوط اذا سليمه
شييك على الكفرات ممكن تكون محبله
رصص ترصيص ارضي

طبعا كذا مارح تخسر الا حق التشييك عند المكانيكي +خراطه الهوبات +تغيير الفحمات +الشحم

[سوبر VTC]

فك عمود الدبل و جرب وش يصير معك

تاكد لا تكون الكفرات محبلة

اذا كان المشكلة من العمود فانه يطلع حرة ورر ورر ورر تروح و تجي نفضة
اما الرجة فان الموتر ينتفض و عادة تكون من الجنوط او الكفرات محبلة

طريقة اخرى
فك عمود الكردان الخلفي و امش على الدبل الخفيف و لاحظ الفرق

تاكد لا يكون شنبر صليب العمود طايح

[ابووافي الغرب]

خوي شيك على الربل حق الدركسون والصليب يسبب رجه فحصه قبل تفك شي اذ فيه صوت مع تحريك العمود من داخل الكبوت بدل وعسى كون جبت شي ينفع