جمس موديل 97 وش الحساسات اللي ممكن انها تتنظف [الأرشيف]

بخروش

10/05/2011, 03:23 AM

السلام عليكم ورحمة الله وبركاته كيفكم اخواني
سوالي واضح جدا السياره قديمه عندنا من يوم شريناها مااحد نظف الحساسات الموجوده هذا اذا في حساسات اصلا.
كل اللي نعمله نغير زيت وفلتر فقط وبواجي واسلاك بواجي وبين فتره وفتره صفاية بنزين
العزم في السياره تمام بس ابغى اعتني بها شوي قلت اسالكم يا اخواني ولكم جزيل الشكر..

s3eed

10/05/2011, 03:39 PM

وعليكم السلام ورحمة الله وبركاته

حياك الله اخوي

في حساسات دايم تتسخر بالغبار
ويقل آداءها في العمل
ومنها حساس الآير ماس
مكانه عند فلتر الهواء
طريقة التنظيف بسيطه ببخاخ منظف الالكترونيات
وفي مواضيع عن طريقة تنظيفه

أعراض أعطاله او اتساخه
زياده في صرفية البنزين
وبالتالي تكتيمه وضعف في العزم

بلف الهواء
مكانه بالغالب خلف المكينه
طريقة التنظيف
بخاخ ايس ديلكو
وغير له الوجه اذا كان له وجه
أعراض أعطاله او اتساخه
ايضا زياده في صرفية البنزين وضعف في العزم
اضافه الى رجفه وفي بعض السيارات انطفاء المحرك

الخانق او الثروتل
مكانه معروف في الغالب فوق المكينه
أعراضه عدم ثبات الآر بي ام > انخفاض صوت المحرك
طريقة التنظيف له كذا طريقه
لكن انا مجرب طريقه سهله وفعاله
وهذا رابط لها
http://www.youtube.com/watch?v=9Bt8KfaydC4&feature=related

طبعا في حساس بجوار الثروتل
اسمه TBS اختصار throttle body spacer
وهو مسؤول عن غيارات الآر بي ام
وله دور في العزم
بامكانك معرفة طريقه تنظيفه عن طريق اليوتيوب

حساس الشكمان اذا كان عندك
وهذا موضوع لأستاذنا الفاضل ابو عبدالرحمن
http://www.mekshat.com/vb/showthread.php?t=406313

وان شاء الله الفائده لك وللجميع
بالتوفيق