المساعد الشخصي الرقمي

مشاهدة النسخة كاملة : حرارة الجمس بهذلني!!


lemon1986
10/05/2011, 04:49 PM
السلام عليكم

أخواني أملك جمس موديل 2004 أستخدام أمريكي

الفترة الأخيرة السيارة صارت مزاجية وأنفقع علي مضخة الماء قبل يومين وغيرتها مع تنظيف اللديتر (وليس تصييخ) ورجعت الحرارة لكن لاتزال ترتفع فوق النص مع المشي بهدوء 40 كيلو رغم إن درجة الحرارة 37 في الظهرية!

طبعا أرفض تقبل فكرة إزالة البلف لأنه أبي أعرف مصدر المشكلة نفسها والحرارة ماكانت ترتفع قبل إلا مع الوقوف بالإشارة بدقيقتين أما الآن السيارة صارت حارة أكثر من قبل علماً إنه بالليل ماتشتكي السيارة من الحرارة نهائياً!

بإنتظاركم
ajaa2009
10/05/2011, 05:08 PM
شيك على المروحه هل هي شغاله على الواطي والسريع اوعلى الواطي فقط
نيزو
10/05/2011, 05:16 PM
أول شيء افتح غطاء الراديتر ودور السيارة وناظر هل الماء يرتفع من الراديتر يعني يخرج من الراديتر وذلك للاطمئنان على رأس الماكينة ثم شيك على توماتيك مراوح التبريد وكذلك سيخ الراديتر وأنصح تضع ماء أصلي أمريكي وزوده بماء مقطر وسوي غسيل للرادتير والماكينة، وإن شاء الله تضبط معاك ربنا يبارك لك فيها ويرزقك خيرها ويكفيك شرها ويكفيك شر العين.
صقر الري
10/05/2011, 05:44 PM
مرحبا ...اولا زي ما قال اخونا شيك على سرعات المروحه ثانيا ..شف الرديتر كم رصه لان الاستخدام الامريكي يكون رصاته اقل من المواصفات السعوديه تاكد جيدا نحتاج رصات اكثر هنا في السعوديه لتبريد ..ثالثا تاكد من البلف هل مقاسه مناسب عشان يفتح اذا احتاجة المكينه للماء خذ الاصلي من الوكاله ....وبعدها اذا احتجت صيخ الرديتر وسو غسيل للمكينه عند واحد شاطر وخذلك علبتين زيت فرامل وخله يخلي الزيت يمر بلمكينه ثم يخرج الى الغساله صدقني راح تشوف اوساخ تخرج مراح اتصدق ويعيد عليها بمويه صافيه سبع مرات لين تصفى المويه..طريقه مجربه ومضمونه .. وبتوفيق اخوي تذكر دائما تدرج من الاصغر الى الاكبر
lemon1986
10/05/2011, 06:18 PM
شيك على المروحه هل هي شغاله على الواطي والسريع اوعلى الواطي فقط

إذا قصدك بالعالي إنه صوت دفع هواء قوي لما أجعس البنزين فنعم لأزال أسمع هالصوت..



أول شيء افتح غطاء الراديتر ودور السيارة وناظر هل الماء يرتفع من الراديتر يعني يخرج من الراديتر وذلك للاطمئنان على رأس الماكينة ثم شيك على توماتيك مراوح التبريد وكذلك سيخ الراديتر وأنصح تضع ماء أصلي أمريكي وزوده بماء مقطر وسوي غسيل للرادتير والماكينة، وإن شاء الله تضبط معاك ربنا يبارك لك فيها ويرزقك خيرها ويكفيك شرها ويكفيك شر العين.

بالنسبة للقربة ماعليها أي ملاحظات..الموية ماتطلع لا فقاعات ولا شي وبإذن الله الراس سليم من المشاكل



مرحبا ...اولا زي ما قال اخونا شيك على سرعات المروحه ثانيا ..شف الرديتر كم رصه لان الاستخدام الامريكي يكون رصاته اقل من المواصفات السعوديه تاكد جيدا نحتاج رصات اكثر هنا في السعوديه لتبريد ..ثالثا تاكد من البلف هل مقاسه مناسب عشان يفتح اذا احتاجة المكينه للماء خذ الاصلي من الوكاله ....وبعدها اذا احتجت صيخ الرديتر وسو غسيل للمكينه عند واحد شاطر وخذلك علبتين زيت فرامل وخله يخلي الزيت يمر بلمكينه ثم يخرج الى الغساله صدقني راح تشوف اوساخ تخرج مراح اتصدق ويعيد عليها بمويه صافيه سبع مرات لين تصفى المويه..طريقه مجربه ومضمونه .. وبتوفيق اخوي تذكر دائما تدرج من الاصغر الى الاكبر

معاك..لكن سالفة الرصات صدقني مايحتاج..السيارة لها أربع سنين وكانت حرارته طبيعية لكن الحين تغير الوضع للأسوأ..مما يدل على إنه فيه خلل بالسيارة

والبلف إذا ماكنت غلطان هي اللي تركب مع مضخة الماء؟؟ إذا هي فهي جديدة وماتحتاج تغيير!
وزيت الفرامل سمعت إنه له تأثير سلبي فياليت أحد يأكد لي الكلام هذا
Lover gmc
10/05/2011, 07:39 PM
عشانه امريكي

غير الرديتر لـ رديتر خليجي او سعودي

ولو يحصل معها المروحه

ترى امريكا اذا صارت حر عندكم خلاص وخر عنه الجو حار

ماتاصل 18 بالكثير خخخخخخ
ماجد الحايلي
10/05/2011, 07:47 PM
شيك على المروحه يالغالي
ترى صار لي مثل ماصار
لك لاني اشوفها تشتغل
وتدور ولها هواء لكنها
ضعيفة وتحتمي مع الوقوف
لكن كيف تعرفها هي خربانه اولا
ماادري ولا افيدك بشي ابد
وده لكهربائي
وانا متوقع انه منها
مركز حراره
11/05/2011, 08:48 AM
بدل البلف بجديد وغير تماتيك المروحه
وشلون المتر مع السرعه؟
lemon1986
11/05/2011, 02:54 PM
^^^^^^

الله يسلمك السيارة مافيها مراوح أمامية وأصلا بديت أشك بكلتش المروحة لأني لما أدورها بيدي ألاحظ إنها أخف مقارنة ببقية السيارات اللتي أملكها

والمتر يطلع فوق النص لما أكون ماشي ببطء ولما أكون واقف بالشموس ترتفع حتى بدون مكيف

أما السرعة والله ماجربتها لكن اليوم بجربها

اليوم بشيكها عند كهربائي
v8 for ever
13/05/2011, 11:19 PM
اذا ماخاب ظني انه الكلتش حق المروحه خراب
شلون تجزم انه خراب ؟؟؟
اتشغل السياره وتكون بارده مو جاي من مشوار
وعلى طول من اتشغل السياره بعد 20 ثانيه طفي المحرك وناظر المروحه هل لازالت اتدور في الخالي او على طول لفتين الى اربع لفات وتوقف.
اذا اتدور في الخالي يعني يمديك انك اطفي الموتر وتناظر المروحه وهي اتدور فوق العشر لفات تقريبا يعني المروحه اتقول بدلني ياالطيب . وخبرني عن النتيجه

والله اعلم
Abo gssar
13/05/2011, 11:51 PM
مرحبا ...اولا زي ما قال اخونا شيك على سرعات المروحه ثانيا ..شف الرديتر كم رصه لان الاستخدام الامريكي يكون رصاته اقل من المواصفات السعوديه تاكد جيدا نحتاج رصات اكثر هنا في السعوديه لتبريد ..ثالثا تاكد من البلف هل مقاسه مناسب عشان يفتح اذا احتاجة المكينه للماء خذ الاصلي من الوكاله ....وبعدها اذا احتجت صيخ الرديتر وسو غسيل للمكينه عند واحد شاطر وخذلك علبتين زيت فرامل وخله يخلي الزيت يمر بلمكينه ثم يخرج الى الغساله صدقني راح تشوف اوساخ تخرج مراح اتصدق ويعيد عليها بمويه صافيه سبع مرات لين تصفى المويه..طريقه مجربه ومضمونه .. وبتوفيق اخوي تذكر دائما تدرج من الاصغر الى الاكبر

ههههههههههه نسيت تقول احداهن بالتراب
اكيد الرديتر ذا شرب منه كلب في امريكا :D:D ترى امزح معك بس من كثر ماضحكت حبيت انقل لك تعليقي ...
لبرتي
14/05/2011, 08:54 AM
الله يعينك

طيب انت قلت أنك نظفت الاديتر بس ما صيخته !

احتمال ان المسامات مسدوده والماء ما يمر عليها كلها ،

انا كان الموتر عندي ترتفع حرارته شوي والماء صافي ويتحرك طبيعي والمراوح شغاله

لكن بعد ما فكيت الاديتر واختبرت الاديرتر في الطشت بعد ما عبيته ماء وقلبته حصلت أن الماء ينزل مع بعض الفتحات والباقي مسدده وبعد ما سيخته الحمد لله نزلت الحرارة لاقل من المطلوب

أبدا بالبسيط وأنا اخوك
YUKON_GMC
14/05/2011, 09:02 AM
يالغالي فيه اشياء استهلاكيه وتصليحها ضروري حتى لو ماخربت .. صيانه دوريه يعني ..

منها :
1- تنظيف وتصييخ الادير واستخدام ماء اديتر اصلي + ماء مقطر واحذر من استخدام مياه الصحه والمياه الحلوه الاخرى ..

2- تغيير تماتيك المروحه أصلي كل ثلاث سنوات ام لم يحصل عطل بها قبل ذلك

3- تغيير بلف الحراره ... لأنه دائماً يتلف ويخرب ويتوقف ويسد دخول الماء للمكينه


غير الثلاث اللي قلت لك .. ولو تبدأ بتماتيك المروحه .. يكون افضل ..
سوبر VTC
15/05/2011, 12:59 AM
اخوي
عندنا شفر امريكي غمارة و نص م2005
له الان معنى فوق السنة و النص و الحرارة تمام
طبعا الحرارة ثابتة على النص ثم
اذا تعدت الحرارة النص بشرطه اشتغلت المراوح
هل انت نفس نظام الموتر ؟
و هل هو مراوح كهرب ؟
عاشق وسم
15/05/2011, 01:13 AM
السلام عليكم ..

اللي اعرفه ان 2004 يجي مراوح عاديه على السير ماهي كهرب .. اتوقع الخراب منها

وتعتبر من الاشياء الاستهلاكية وتغيرها مهم الحقيقة (( كلتش مروحة ))

وبعد فيه شيء اخر اللي هو الرديتر وغسيل دورة الماء بالمكينة تسوي غسيل لدورة الماء كاملة بعدين صيخ

الرديتر وعبه موية حمراء متسوبيشي اصلي وكرتون علب ماء مقطر

والبلف غيرة جديد وتاكد انه نفس المقاس عشان يفتح الماء بدرجة حرارة مناسبة ..

الله يسهل امرك ويحل مشكلتك ..

(( تمنياتي لك بإنمبير حرارة يشير للربع دائماًً :good2: ))

تحياتي ..