نبي الفزعه من اهل الباترولات الله يجزكم خير

[ابوشاص]

السلام عليكم
يااخوان انا معي باترول موديل 98 سوبر سفاري قير توماتيك مشكلته العزم ضعيف جدآجدآ حتي في طلوع الطلعات الصغيره وكأنك تشد من الخلف .
وكذلك يخرج من عند عصا القير حراره عاليه في بعض الااحيان حتي انك ماتقدر تلمس العصا بيدك .
مع العلم اني سبق وغيرت طرمبة البنزين +بواجي+اسلك بواجي+صفاي بنزين وتحسن بعض الشي لاكن رجع زي ماكان خلال وقت قصير

امل من الاخوان اهل الخبره الافاده عن اي حل لهذه المشكله مع خالص الشكر والتقدير لهم

[ابوشاص]

ياهل الفزعه وينكوم تكفون

[ابوشاص]

ياجماعة الخير اللي عنده حل يفزع

[~EmPeRor~]

هلا فيك يالغالي

مانقدر نفيدك الا بالفحص

بالنسبة للحرارة < فية ربله عند عصى القير اكيد منقطعه او منفكة او بالاصح عند عصى الدبل

صلحها وتروح باذن الله

بالنسبة للضعف العزم

حنا في دخول صيف وتماتيك المروحة اكيد بيتم اغلب وقته شغال فيستهلك من اداء المحرك

ولاكن لاتنسى موترك تماتيك مراح يكون زي العادي

بالتوفيق

[خالد الزومان]

سلام اخوى كلش غيارته شيك على الدبه الشكمان تلقاه متسكره او مسدوده هذه الحراره الى تطلع عليك فى الغماره وتسبب ضعف العزم

[ابوغزاي]

1-تأكدمن كلتش القير
2-اضف علبة تنظيف البخاخ والكلبليترفي تانكي البانزين فهي تنظف وتزيل السدد في الليات والبخاخات0 بشرط تكون من النوع الاصلي

[abo-lma]

أبوشاص عليك بورشة أبوصالح التركي

الصناعية القديمة

صدقني تنسى مشاكل الباترول

[بحر غامد]

مع احترامي ل ابو لما

ابدا ما انصحك تروح لبو صالح التركي
بيدفعك 3000 على شغله ماتكلف 200
وفي الاخير البنقاليه هم الي يشتغلون وشغلهم تعبان
انا صلحت سيارتي عنده ب2600 ريال وفي الاخير فيه نقص زيت

انا انصحك تاخذ رأي الاخوان الخبره في المنتدى وتحدد الخراب من وين بالضبط
وتصلحه في اقرب ورشه بس ركز في كلامي اهم شي تحديد المشكله

وترى موترك مثل موتري 99 ربع وفيه نفس مشكله الحراره داخل السياره
وسألت عنها قالو لي عازل الحراره يبيله تغيير الي اسفل فرش السياره
ودمتم بود

[فهم العدواني]

اخوى شيك على ضغط المكينه الكنبرشر عند الكنبيوتر

[سد 502 ير]

الله يسهل امرك يابو شاص

[leon15f]

الله يسهل امرك ,,

صراحة انا معي باترول موديل 91 فيه الحرارة الي تقووول ماهو دايم تجي فيه

وفيه واحد من العيال نفس موترك ’’ ونفس سالفة العزم ’’

اذاكان كبليتر ’’ جــــــــــرب تغــير النبزين الاخضر وانشاء الله يتــغير ’’موتري موديله مثل ماقلت وتغير عزمه

’’وجرب المراوح وتــريح عمود المكينة ويقوى العزم ان شاء الله

[ابوشاص]

سلام اخوى كلش غيارته شيك على الدبه الشكمان تلقاه متسكره او مسدوده هذه الحراره الى تطلع عليك فى الغماره وتسبب ضعف العزم

_________
هل تقصد الدبة الكبيرة ولا الصغيرة اللي اخر الشكمان
ومشكورررين وما قصرتوا

[الكمبودي]

السلام عليكم
يااخوان انا معي باترول موديل 98 سوبر سفاري قير توماتيك مشكلته العزم ضعيف جدآجدآ حتي في طلوع الطلعات الصغيره وكأنك تشد من الخلف .
وكذلك يخرج من عند عصا القير حراره عاليه في بعض الااحيان حتي انك ماتقدر تلمس العصا بيدك .
مع العلم اني سبق وغيرت طرمبة البنزين +بواجي+اسلك بواجي+صفاي بنزين وتحسن بعض الشي لاكن رجع زي ماكان خلال وقت قصير

امل من الاخوان اهل الخبره الافاده عن اي حل لهذه المشكله مع خالص الشكر والتقدير لهم


اخوي ابو شاص
عندي واحد من الشباب الآن شاف مشكلة سيارتك وطلب مني اني افيدك بحكم انه حدثت له نفس المشكله قبل فترة وحل المشكله

يقول الرجال غير طرمبة البنزين حقت باترول 4800 او باث فندر 2003 او ماكسيما 98 او 99 لان بلده ما تنجح مهما غيرت وطبعا يغيرون الفيش حق الكهرباء وان شاء الله تنجح 100% من تجربه شخصية من الرجل الموجود عندي .
سعر الطرمبه حقت الباترول 4800 قبل خمس ايام من المشاركة غيرها الرجال بـ 325 ريال من وكالة بالقصيم
ان شاء الله تنحل المشكله وتدعي لنا يارب

[قاتل الذئاب]

الله يعينك يابوشاص علي الباترول

[ابوعلي225]

السلام عليكم اخوي بنسبه للعزم
1- اخر مرة غيرة فلتر زيت القير لنه يسبب الحراره وثقل بالعزم وتأكد منليات التبريد الي رايحه لريديتر تكون مشبوكه بطبه السفلية0
2- شيك على الخرطوش الي يربط بين القربه والبخاخ لانه دايم ينقطع من تحت ويسبب ظعف وهو الهم ويوجد له بديل صناعه سوريه قيمته 80 ريال

[شاهي الكيف 98]

السلام عليكم
اخي على ماقال اخي ابوعلي225 شيك على الخرطوش الي يربط بين القربه والبخاخ لانه دايم ينقطع من تحت ويسبب ظعف وهو الهم ويوجد له بديل صناعه سوريه قيمته 80 ريال
هذا بنسبه لضعف العزم
لا يكون منقطع او مكسور
وشكرا

[ابوشاص]

اشكر جميع الاعضاء الذين تفاعلو معنا في الموضوع وجزاهم الله خير والله يعينا علي البدا في التشييك
ومانستغني عن اي فاده تنفع بأذن الله وشاكر مرور الجميع

[ابوشاص]

هلابك اخوب الكمبودي جزاك الله خير وماقصرت انت وجميع من قدم لي حلاول

الله لايهينك انا نصحة بتركيب طرمبة vxr مادري هلا هي افضل من طرمبة الباترول 4800

شاكرررررررررر ومقدر

[تميمي سدير]

موفق ان شالله اخوي ابوشاص وانا قول شيك علي الكنداسه اهم شي

[قدر مكتوب]

اخوي خذ العلم غير طرمبة بنزين وشف طرمبة البي ام دبليو دفعها قوي او المرسيدس او الفكس ار لكن البي ام دبليو طرمبة لك وللزمن

وبعدين كم لك ماسويت صيانه للموتر اقصد التالي:
1- بواجي
2- اسلاك بواجي هل تم فحصها
3- بما ان موترك صالون ومكينته 4500 بخاخ هل فحصت البخاخات وهل هي سليمة
4- فلتر الهواء
5- وهذا شي مهم صفايه البنزين
6- فلتر وزيت القير


شيك على موترك وشف وش من هالاشياء يحتاج تغيير وغيره ويبي يتغير عليك الموتر بالحيل وخصوصا بعد تغيير الطرمبة

[ابوشاص]

هلابك اخوي قدر مكتوب وجزاك الله خير
انا مسوي صيانه له تقريبأ من سنتين ومغير كل ماذكرة اخوي
وفكرة تغيير الطرمبه وارده ان شالله وشاكر لك تفاعلك معي

[المجهد2]

افحص خرطوش الهواء "حق فلتر الهواء مشقوق ام لا" الواصل بين فلتر الهواء والمكينة لة دور كبير بعزم السيارة وغير فلتر الهواء

[عاشق الجكسار]

اخوي ايذا عزمه ضعيف رح شف حقة البخاخات القطعه السودى الي يمرح من عندها هوى البخاخ شفها يمكن مشقوقه لانها صارت معي عزمه كان رايح وكل مااطلع البر وغرس يخرب علي الكلتش منها ورحت لدمام ورشت صبيا معروفه الدمام- الخضريه وعلمني انت مرها وراح يفيدونك

[سوبر VTC]

التماتيك معروف انه ضعيف عزم

اذا كان الموتر يكتم تاكد من الخرطوش لا يكون منشق او به شعر بسيط
مكانه بين اللهاة و بين القربة بعد منظم الهواء مباشرة

لازم تكون البواجي و الاسلاك اصلية
هل يوم غيرتهن كنت موجود بالورشة ؟؟؟ ترى الحرامية واجد

تاكد من كلتش او تماتيك المروحة لا يكون مجيم عاض ثقيل
يدل على ذلك ان المكينة له حنة عالية على سرعة 80 الى 140 تقريبا

وزن الديلكو 100% بواسطة المسدس يفرق بالعزم واجد + وزن البلوف

خلهم يفكون طرمبة البنزين و يشفون كم تضغط ؟
تحط الطرمبة بسطل او وعاء به بنزين و يفحصون لك ضغط الطرمبة
او يفكون اللي جاي من التانكي و راكب على البخاخات و يقيسون ضغط الطرمبة من عند البخاخات

ضغط الطرمبة بالوعاء او السطل المفروض يكون تقريبا 75 و طالع
ضغط الطرمبة من عند البخاخات المفروض يكون 45 و طالع

الافضل تركيب طرمبة فتك او طرمبة فكسار

بعد فحص الطرمبة
نجي للقير
اذا جيت طلوع و ضعف العزم نزل القير للنمرة اللي تحت الدي سواء نمرة او نمرتين
اذا داست المكينة بشكل قوي بمعنى الابنص وصل ال4 او ال5
لكن ممشى الموتر ضعيف
فاعرف ان القير كلتشاته ضعيفه
و تاكد من مستوى الزيت له

بنزين 95 فضل من 91
يحرق 100%

جنزير عمود التيمن اذا كان راخي يسبب صرف بنزين + ضعف بالعزم
لانه يسوي لخبطة لفتح و غلق البلوف
بمعنى ان البلف مايفتح و يقفل بالتوقيت الصحيح + المكان المناسب
يعني توقيت غلط بغلط

[سوبر VTC]

اخوي ايذا عزمه ضعيف رح شف حقة البخاخات القطعه السودى الي يمرح من عندها هوى البخاخ شفها يمكن مشقوقه لانها صارت معي عزمه كان رايح وكل مااطلع البر وغرس يخرب علي الكلتش منها ورحت لدمام ورشت صبيا معروفه الدمام- الخضريه وعلمني انت مرها وراح يفيدونك

تقصد ريقيوريتر البخاخات
هذا على حسب علمي له دخل بضغط الطرمبة
لكن لاعلم يسبب ضعف بالعزم ام لا

[تميمي سدير]

الله يعينك ابوشاص

[قاتل الذئاب]

اخوي ابوشاص بشر لقيت حل لمشكلتك ولا لا لان عند واحد من الربع نفس المشكله تقريبآ

[ابو فهد العزي]

التماتيك معروف انه ضعيف عزم

اذا كان الموتر يكتم تاكد من الخرطوش لا يكون منشق او به شعر بسيط
مكانه بين اللهاة و بين القربة بعد منظم الهواء مباشرة

لازم تكون البواجي و الاسلاك اصلية
هل يوم غيرتهن كنت موجود بالورشة ؟؟؟ ترى الحرامية واجد

تاكد من كلتش او تماتيك المروحة لا يكون مجيم عاض ثقيل
يدل على ذلك ان المكينة له حنة عالية على سرعة 80 الى 140 تقريبا

وزن الديلكو 100% بواسطة المسدس يفرق بالعزم واجد + وزن البلوف

خلهم يفكون طرمبة البنزين و يشفون كم تضغط ؟
تحط الطرمبة بسطل او وعاء به بنزين و يفحصون لك ضغط الطرمبة
او يفكون اللي جاي من التانكي و راكب على البخاخات و يقيسون ضغط الطرمبة من عند البخاخات

ضغط الطرمبة بالوعاء او السطل المفروض يكون تقريبا 75 و طالع
ضغط الطرمبة من عند البخاخات المفروض يكون 45 و طالع

الافضل تركيب طرمبة فتك او طرمبة فكسار

بعد فحص الطرمبة
نجي للقير
اذا جيت طلوع و ضعف العزم نزل القير للنمرة اللي تحت الدي سواء نمرة او نمرتين
اذا داست المكينة بشكل قوي بمعنى الابنص وصل ال4 او ال5
لكن ممشى الموتر ضعيف
فاعرف ان القير كلتشاته ضعيفه
و تاكد من مستوى الزيت له

بنزين 95 فضل من 91
يحرق 100%

جنزير عمود التيمن اذا كان راخي يسبب صرف بنزين + ضعف بالعزم
لانه يسوي لخبطة لفتح و غلق البلوف
بمعنى ان البلف مايفتح و يقفل بالتوقيت الصحيح + المكان المناسب
يعني توقيت غلط بغلط





كلام سليم وازيدك انا من ماغيرته في موتري وراحة المشكله

1/ الصــــــــفاية الي جنب التانكي شيكها وكيف تعرف انها خربانه فك الصفايه
اذا كان لونها اسود بيكون البلا منها

2/ يوجد حساس صغير تحت الثلاجه صغير يطلع في فحص الكمبيوتر ممكن
يكون محروق غيره بس بعد فحص الكمبيوتر لأنه شوي غالي 580 قبل 4 شهور
اذا كنت في ابها رح صناعيةابها وأسئل عن الجاوه يماني ممتاز وسعر معقول

3/ الحراره جلدة عصا القير 100% من جنب القير وارظيةالسياره تفور حراره
العازل الحراري


ودمتم بود

[اذاني]

من واقع تجربه مريييييييييييييييييييييره مع موديل 98

بخصوص العزم فر الديلكو.... والله يعينك علي البنزين ... مابه حل ثاني

بخصوص الحراره فيه ثلاث عوازل للحراره تحت عصي القير:-

ربل مقوي+المنيم+الجلد

اكيد فيه وحده او اكثر مشقوقه والسبب :-

عند تنزيل القير بعض الميكانيكين ما يكلف نفسه يفك العوازل ويختصرها

بقص الربلات وهذا ماحصل معي ... اشتريتها بـ50 ريال من التشليح

وارتحت من الحراره بعد معاناة 3 سنين.

اذا حبيت تتاكد منها ... افتح قزازه السواق وانت مسرع وامسك الجلد الي علي القير

بتلقاه نااااااار

[ابوشاص]

شاكر لكم مروركم

[صاروخ الغطغط]

شيك على وزنية الديلكو ادزق والصحن

[صاروخ الغطغط]

شيك على وزن الديلكو وعلى الدزق والصحن

[أبوعلي 503]

أتوقع وزن الديلكو

[قاتل الذئاب]

الديلكو اكيييد

[قاتل الذئاب]

سبحان الله وبحمده

[ابو99]

اخى العزبز ركب طرمبة بانزين ثانيه بجنب الاولى اى طرمبة كهربا ء وحتد عيلى لأن هالمواتر خلقه ثقيله ويبن زود با نزين والسلام

[ابو99]

اخي رهم طرمبه ثانيه حقه كابرس مسانده لطرمبة بلده يعنى يشتغل بطرمبتين والزائد يرجع للتانكى وستدعيلى والسلام للجميع