المساعد الشخصي الرقمي

مشاهدة النسخة كاملة : الباترول طلع في راسي نخل


المجمعة وبس
14/05/2011, 12:41 AM
السلام عليكم ورحمة الله وبركاته

حي الله كلن بسمه

معي جيب باترول 4500 موديل 2006

طايح هاليومين بحركه مهيب زينه

تخمه بعض الاحيان يكتم ثم ما يتعدا 130 والقزوز على وصلة القزوز تجمر وتصير حمممممرررراااا

واذا وقفت يتفتف وخمات يطفي

وديته لميكانيكي قال وده كهربائي وديته كهربائي قال وده كمبيوتر وديته كمبيوتر قال مافيه الا العافيه


///////////////

مع العلم انه تم تبديل :

- طرمبة بنزين
- الكتاوت
- شخال وصلة القزوز فاكه..

=============

تكفووون يا أهل النيسان احد يعطيني الحل
sgl2002
14/05/2011, 12:48 AM
أخوي صارت معه نفس مشكلتك قبل يومين على كامري
ووداه ولقا المشكلة من البواجي على وشك تتكسر وبغت تعدم المكينة وغير البواجي وراحت المشكلة
والسبب راح الامارات ورجع والبواجي قديمه ما غيرها
المجمعة وبس
14/05/2011, 01:03 AM
طيب البواجي كل كم كيلو وغيرها؟؟

لأن الظاهر ما بطيت مركبهن ؟؟
برهوش
14/05/2011, 08:08 AM
لاتلمس الموتر :mad:
وده لورشة أبو صالح التركي متخصص باترول وهو يفيدك حتى لو ما تصلح عنده
سعودي الرجال ونصوح...
المجمعة وبس
14/05/2011, 08:42 AM
ويني ووين ورشة ابوصالح

طيب ممكن تزودني برقم جواله او رقم الورشة؟؟
YUKON_GMC
14/05/2011, 09:10 AM
الموتر قير عادي والا تماتيك ..

أخاف كانه قير تماتيك يرجع نمره ويشب على الموتر وانت تحسبه كاتم

لأنه لو كان تكتيم كان بالعكس الموتر يبرد زياده ويثلج بعد الا أن كانت الكنداسه منسده !!

شيك على الشكمان يطلع منه هواء وهو شغال وإذا كنتم وقف وحط يدك على الشكمان
مخاوي 2004
14/05/2011, 10:14 AM
اتوقع فيه سكني اقرا عليه والا كب عليه موية مقري بها وصب بالاديتر عزيمة
برهوش
14/05/2011, 10:42 AM
ورشة ابو صالح 0504118191
sgl2002
14/05/2011, 11:03 AM
طيب البواجي كل كم كيلو وغيرها؟؟

لأن الظاهر ما بطيت مركبهن ؟؟



غير البواجي وشف طيب ماهي غالية ولا تآخذ من وقتك
al-3saly
14/05/2011, 12:31 PM
على ما قال الشيخ يمكن بواجي

وأنا اتوقع واحد من الحساسات خربان يمكن يكون حساس قزوز أو حساس الفلتر
المجمعة وبس
14/05/2011, 02:26 PM
حياكم الله جميع وبيض الله وجيهكم

القير عادي ويطلع هوا مع الشكمان بس حااااار

وان شاء الله ببدل البواجي اليوم وشوف وش يصير؟؟

بس البواجي لها دخل في طفيت السياره وتجميرت القزوز وكتمته؟؟؟؟؟؟؟؟


////

مع العلم اني مبدل الدبه الوسطى وكالة
المجمعة وبس
15/05/2011, 01:25 AM
وين اهل الباترول

اهل الخبره .. ياللي هنا
شاهي الكيف 98
15/05/2011, 01:46 AM
السلام عليكم اخي صاحب الباترول
لا تخاف عليه صارة معي هذي المشكله يوم الخميس في الرياض ارتفعت الحراره شوي مع الزحمه
يبداء يكتم الموتر تحس انه يبغى يطفى اذا دعست عليه
هذا من قال الكهرب يبدا ما يعبر الدنمو على التغطية الكهرب كيون المكيف شغال و المراوح شغاله
وكل شي يسحب كهرب واذا خفت الحرارة يصفي الموتر (( اذا برد )) يعني لا تغير شي في موترك لا طرمبة بنزين ولا شي هذا المشكله وجرب وتشوف ونبغى منك الجواب الله لا يهينك
المعذره ترى الاملاء لك عليه بس اهم شي تفهم
ماجد الثبيتي
15/05/2011, 02:00 AM
ضني وما خاب ضني أنها عين قوويه ما ذكرت ربها _ ماشاءالله تبارك الله وماصلت على النبي اللهم صلي وسلم على نبينا محمد العين حق انتبه من الموتر وانا اخوك وقفه في بايكه خله فتره لا يعدمك ,,,
الحايليـ93
15/05/2011, 02:26 AM
الاخوان فادوك ان شاءالله لكن خذ العلم
صفاية البانزين
رسيس نجد
15/05/2011, 02:41 AM
على ما اضن المشكله عرضها واحد من الاعضاء وفي الاخير صارت من حساس الفلتر اوحساس القزوز 0
المجمعة وبس
15/05/2011, 12:42 PM
هي اقرب مالها حساس

بس ايهن الله واعلم

اتصلت بابوصالح التركي قال جب السياره احتمال يكون ديلكو او توقيت المكينه .؟.؟.؟.؟.؟.؟.؟
شاص نيسان 93
15/05/2011, 01:17 PM
نصيحه لا يقربه ابو صالح
ابو99
15/05/2011, 01:52 PM
شف الشكمان يطلع منه ثاني اكسيد الكربون والا مسكر
ابوتركي qaz
15/05/2011, 02:04 PM
افتح الكبوت شف فوق القزوز الي امام السواق فية سلكين لونها اصفر جنب بعض افصلها اذا راحت المشكلة فمعناها الحساسات واهو الغالب على وصفك واذا ماعرفت مكانها ممكن اقابلك وافصلها لك
اشهب .
15/05/2011, 02:16 PM
دايم تصير لي وتنكبني بس الموتر ددسن كلبليتر

وهو ان البليتين والبوبينه اندمرت واغيرهن ويظبط
المجمعة وبس
15/05/2011, 09:52 PM
الله لا يهينكم جميع ولا يريكم مكرووهـ

ابو99 الله الله يطلع هوا مع الشكمان بس حاااااااااااااار

ابوتركي ما لقيت السلكين اللي تقول عنهن يا بعدي ؟.؟.؟.؟.؟.؟
ترهيم
16/05/2011, 02:24 AM
اخي الكريم ... هذا حساس الفلتر شيك عليه ...

نفس الاعراض يسويها حساس الفلتر حتي الطفيه شيك عليه تلقته عند فلتر المكينه قطعه مربعه سودا دايم تخرب في النيسان ..

شيك عليه وردلي ..
سوبر VTC
16/05/2011, 12:33 PM
قريت نفس مشكلتك قبل كم هنا بالخيمة
و كانت لباترول فتك العزم طايح و طلعت المشكلة من حساسات الاوكسجين بالقزوز
اصليات ب650ريال تقريبا
يقول صلحتهن عن الخضير بتشاليح بريدة
عندك يا العثيم صناعية الرواف بريدة او الخضير بالتشاليح
_دربيل_999
16/05/2011, 12:47 PM
اخوي الديلكو احد حاول وزنه..
ترى وزنية الديلكو هي اللي تخلى الموتر تجمر قزوزه

وفقك الله
ابوشاص
17/05/2011, 11:47 AM
هلا اخوي المجمعه اذا لقيت حل فبلغني انا عندي نفس مشكلك بس باترول 98 الله لا يهينك
في نفس الموضوع .
وحاط موضوع انا في نفس الخيمه (بعنوان نبي فزعتكم يااهل الباترولات )وماقصرو الجماعه
عطونا حلول كثيره بس عسا الله يوفق ونقدر نلقي حل .
كاسبر القصيم
17/05/2011, 07:00 PM
انا معي نفس سيارك وكان يجمر وهو عادي اذا كان مافيه اي انسداد بخروج الهواء
حتى من كثر انه عادي الربوع والهالكوسات اذا جمر القزوز بعد التطعيس يولعون الزقارة منها
وكان يجمر من القزوز الين الشكمان
بس اذا يكتم شي ثاني؟؟؟؟
ابووافي الغرب
18/05/2011, 02:19 AM
اخوي فلتر الهوى له دور والبواجي وتجمير القزوز من وزن الديلكو اذ احد مغير فيه لاتعب نفسك سوى وزن شراره 50 ريال ونس
ابووافي الغرب
18/05/2011, 02:22 AM
يمكن يكون السبير مبنشر كل شي جايز من كثر الصواديف عسى الله يعين
ابوس11م
18/05/2011, 09:02 AM
القزوز اذا يجمر ويحتر الموتر ويكتم مافيه عله الا تعيّر الديلكو فقط
stewrd
18/05/2011, 09:06 AM
نصيحه اقلب اي سياره غير النيسان والله انك ترتاح انا عارف ان كثير من الاخوان راح يعارضوني في الراي ولكن هذه وجهة نظر من تجربه مريره مع النيسان دامت 12 سنه