المساعد الشخصي الرقمي

مشاهدة النسخة كاملة : وين أحصل قراقير في الشرقية


عبادي الشرقية
14/05/2011, 10:50 AM
السلام عليكم ورحمة الله وبركاته

حياكم الله كلن باسمه

يا أخوان ودي أشتري قرقور صغير للاستعمال قريب الشاطي

وين ممكن أحصل في الشرقية ، أنا من الخبر وما عندي مشكلة أروح أجيبها من الهفوف أو الجبيل

ياريت وصف دقيق للمحل مع سعر تقريبي

شكراً لكم يا رائعين
Makaveli
14/05/2011, 10:52 AM
لازم قريب سوق السمك تحصل محلات السمك رابطين القراقير على الأبواب

لازم لازم أو جمب الباب

أسعارها 50 - 60 - 70

هذا عندنا في جدة ومايفرق في الشرقية على ماأعتقد
دابوي
14/05/2011, 11:11 AM
وعليكم السلام ورحمة الله وبركاته
بالنسبة للقراقير فيه محلات واجد بالشرقية لاكنهم يسوون القراقير حسب الطلب فيه بالجبيل ودارين والزور الدمام اكيد فيه لاكن ما اعرف بالضبط وين لاكن نصيحة مني اسأل الصيادين الي عندكم بالفرضة بيدلونك على اقرب مكان يسوون فيه القراقير او كلمني وبشر بعزك 0551145692 ابوعبدالله
عبادي الشرقية
14/05/2011, 04:51 PM
يعطيك العافية دابوي

خلنا نشوف الشباب لو واحد يوصفني مكان في القطيف ولا سيهات ولا الهفوف أو الدمام

إذا ماحصلت أحد بأدق عليك ياغالي
بوآدم
14/05/2011, 06:03 PM
سم يالغالي,,,

عندك في الخبر في شارع الامير طلال التقاطع الأول وهذا رقم المحل(8948332)اسمه الوان الربيع
واذا قالك ماعنده كلم مازن(0505899134) وهو يأمنها لك.
زاحف بحر
15/05/2011, 01:56 AM
ان شاء الله اخواني الكرام افادوك بغرضك ,,

بالتوفيق للجميع ,,
accentkool
15/05/2011, 04:58 AM
ان شاء الله الاخوووووووان ما راح يقصررررررررون
ذوالجناح7
15/05/2011, 07:25 AM
أخوي آنـــا شريت من قبل سنتين من سيهات


بس الذاكره تعبانه هذي الأيام


لاكن أنت تروح عند سوق السمك بسيهات عند سوبرماركت المنتزة في محل أدوات صيد في الركن وانت راجع من مستوصف الصادق يصيرعلى اليمين
فيه واحد مصري يدبر لك العفريت لوبغيت ،


وفي محل ثاني يبغالك تدخل كنك بتروح سوق السمك حق سيهات خلي السوق على يمينك في محل أسمه ( الحلال )
فيه شباب من أهل البلد حبوبين وخدومين وصيادين أب عن جد يبيعون بالجمله والمفرد حق بوانيش الصيد
واكيد راح تحصل عندهم وعندهم سوالف عن البحر ماتخليك تطلع من المحل :D

الأسعار أكيد تعتمد على الحجم


وإن شاء الله يكون وصفي واضح لك
تحياتي
الفن البحري
15/05/2011, 06:40 PM
بالتووفيق

ودي اجربه
abu lmar
15/05/2011, 09:24 PM
هلا اخوي
انا وصيت واحد يشتري لي وسألته قال من سوق الخميس بالقطيف او سيهات
اشتراها قبل ثلاث ايام
ارهابي حنون
16/05/2011, 08:35 AM
عن جويرية أم المؤمنين ( رضي الله عنها ) :أن النبي صلى الله عليه وسلم .. خرج من عندها بكرة حين صلى الصبح .. وهي فـــي مسـجدها . !!. ثم رجع بعد أن أضحى وهي جالسة .. فقال : مازلت على الحال التي فارقتك عليها .؟؟ قالت : نعم .. قال النبي صلى الله عليه وسلم : لقد قلت بعدك أربع كلمات ( ثلاث مرات ) لو وُزنت بما قلتِ منذ اليوم لوزنتهنّ سبحان الله وبحمده . عدد خلقه ، ورضى نفسه ، وزنة عرشه ، ومداد كلماته .. والآن ... بعد قرائتك لحديث الرسول صلى الله عليه وسلم .. دعني اهمس لك وأقول .. كن مثالياً في استغلال وقتك .... بضع كلمات.. لا تأخذ منك ثواني تساوي اضعاف مضاعفة من أجور التسبيح . فهل ستجعل يوماً يمر عليك دون ذكرها !! وغيرك قد تسابق لذكرها
أنها فرصة لاتعوض !! ،سبحان الله وبحمده عدد خلقه ، ورضى نفسه ، وزنة عرشه ، ومداد كلماته
BO HAMAD
18/05/2011, 10:13 PM
نتشرف بزيارتكم في مرسى الخليج

http://a3.sphotos.ak.fbcdn.net/hphotos-ak-snc6/227340_162161380512900_100001571168622_390182_8114 464_n.jpg

http://a8.sphotos.ak.fbcdn.net/hphotos-ak-ash4/228149_162161517179553_100001571168622_390184_2532 341_n.jpg