عاشق ام حبه
15/05/2011, 12:59 PM
السلام عليكم ورحمة الله وبركاته
اخواني الاعزاء هذي اول مشاركه لي بالمنتدى وهي عباره عن قصه سمعتها من جارنا االمتوفي رحمة الله عليه وعلى جميع اموات المسلمين كان مسير على الوالد اطال الله بعمره وكنت موجود وسمعت القصه انشالله تنال اعجابكم واسف اذا كانت مكرره وسوف ارويه لكم كما سمعتها بدون زيادة او نقصان كلمه منها ويقال انها حصلت في بوادي الاردن والله اعلم
القصه تقول كان فيه لص (حرامي) متخصص في سرقة الخيول الاصيله الطيبه المشهوره بسرعتها وقوتها وسمع هذا اللص ان فيه خيل طيبه بالحيل اصيله عند شيخ من شيوخ قبايل الاردن (الله اعلم كذا سمعتها من جارنا) جهز نفسه هذا اللص وقرر الذهاب لمكان هذي القبيله الموجود عندها الخيل او الفرس المهم وصل هذا اللص للمكان اللي يبيه وكان الوقت قريب شوي للغروب يعني قبل المغرب بنص ساعه يمكن وكانت خيام هذي القبيله منتشر بكل مكان وبيت شيخ القبيله بوسط الخيام وشاهد اللص الخيل المطلوبه وكان جنب الخيمه اللي عندها الخيل شحنة حطب لغرض الطبخ سوى اللص له مكان وسط شحنة الحطب وتوزى عشان محد يشوفه وجلس يراقب المكان يستنى يرجعون من الرعي والتحطيب وينامون ويقدر يسرق الخيل في وقت وهو يراقب شاف افعى تزحف متجهه لخيمة شيخ القبيله وكان فيه قدر او غضاره محطوط فيها لبن او حليب عشان يبرد ويكون جاهز للشرب زحفت هذي الافعى نحو هذا القدر وافرغت سمها فيه ورجعت من حيث اتت غربت الشمس ورجعو اهل الباديه لخيامهم ومن ضمنهم شيخهم واولاده وارادو الشرب من هذا الحليب وفجئه طلع لهم اللص من بين الحطب وجلس يصارخ بصوت عالي لاتشربون لاتشربون فيه سم خافو اهل الخيمه من هذا اللي طلع لهم من بين الحطب وقالو وش انت قال انا حرامي كنت بسرق خيلكم وشفت افعى نثرت سمها بالحليب ولا اقدر اشوفكم تموتون قدامي واسكت وعشان يصدقون شب اللص بجذع حطب ونور على جرة الافعى وصدق الشيخ شاف جرتها وقرر الشيخ انه يعطي اللص الخيل هديه على انقاذه لهم من الموت وقال له انت جاي تسرقها بالحرام بس الحين خذها حلال عليك انقذت حياتنا وبعد هذا الموقف تاب اللص عن السرق وعدل حاله
وسلامتكم وانشالله انها تعجبكم واسف اذا القصه مكرره من شخص ثاني
والسلام عليكم
اخواني الاعزاء هذي اول مشاركه لي بالمنتدى وهي عباره عن قصه سمعتها من جارنا االمتوفي رحمة الله عليه وعلى جميع اموات المسلمين كان مسير على الوالد اطال الله بعمره وكنت موجود وسمعت القصه انشالله تنال اعجابكم واسف اذا كانت مكرره وسوف ارويه لكم كما سمعتها بدون زيادة او نقصان كلمه منها ويقال انها حصلت في بوادي الاردن والله اعلم
القصه تقول كان فيه لص (حرامي) متخصص في سرقة الخيول الاصيله الطيبه المشهوره بسرعتها وقوتها وسمع هذا اللص ان فيه خيل طيبه بالحيل اصيله عند شيخ من شيوخ قبايل الاردن (الله اعلم كذا سمعتها من جارنا) جهز نفسه هذا اللص وقرر الذهاب لمكان هذي القبيله الموجود عندها الخيل او الفرس المهم وصل هذا اللص للمكان اللي يبيه وكان الوقت قريب شوي للغروب يعني قبل المغرب بنص ساعه يمكن وكانت خيام هذي القبيله منتشر بكل مكان وبيت شيخ القبيله بوسط الخيام وشاهد اللص الخيل المطلوبه وكان جنب الخيمه اللي عندها الخيل شحنة حطب لغرض الطبخ سوى اللص له مكان وسط شحنة الحطب وتوزى عشان محد يشوفه وجلس يراقب المكان يستنى يرجعون من الرعي والتحطيب وينامون ويقدر يسرق الخيل في وقت وهو يراقب شاف افعى تزحف متجهه لخيمة شيخ القبيله وكان فيه قدر او غضاره محطوط فيها لبن او حليب عشان يبرد ويكون جاهز للشرب زحفت هذي الافعى نحو هذا القدر وافرغت سمها فيه ورجعت من حيث اتت غربت الشمس ورجعو اهل الباديه لخيامهم ومن ضمنهم شيخهم واولاده وارادو الشرب من هذا الحليب وفجئه طلع لهم اللص من بين الحطب وجلس يصارخ بصوت عالي لاتشربون لاتشربون فيه سم خافو اهل الخيمه من هذا اللي طلع لهم من بين الحطب وقالو وش انت قال انا حرامي كنت بسرق خيلكم وشفت افعى نثرت سمها بالحليب ولا اقدر اشوفكم تموتون قدامي واسكت وعشان يصدقون شب اللص بجذع حطب ونور على جرة الافعى وصدق الشيخ شاف جرتها وقرر الشيخ انه يعطي اللص الخيل هديه على انقاذه لهم من الموت وقال له انت جاي تسرقها بالحرام بس الحين خذها حلال عليك انقذت حياتنا وبعد هذا الموقف تاب اللص عن السرق وعدل حاله
وسلامتكم وانشالله انها تعجبكم واسف اذا القصه مكرره من شخص ثاني
والسلام عليكم