مربط للطير

[نبهان الشمري]

بسم الله الرحمن الرحيم

مسااكم / صبحكم الله بالخير يا اخواان


كيف حالكم جميعا ان شاء الله بخير


انا عندي ورابطها بالغرفه عندي ومكاني بالرياض


الشيهانه مقاسها 12 * 12 ونص ...


وفيه نااس يقوولون لازم تكون الارضيه ترااب


والطير لازم يكون بغرفه لحاله وصرااحه خووفووني


والطير هذي صورة مكانه

http://m7ml.com/uploads7/d6ba6a4c63.gif


تكفوون اللي يعرف لي مربط رخيص بالرياض يعلمني لاني صراحه محتار


والله يجزااكم خير

[روق 511]

يفيدونك الاخوان

[السومر]

الارضيه تراب علشان يكون تنيظف المكان اسهل ولا يمسك الريحه مثل القماش او بلاط

والربط عادي تستطيع عندك في البيت اهم شي توفر لها جو مناسب ومكان تدخل عليه الشمس والهواء الخارجي

وتخرجها بالشمس كل بين فتره وفتره لحمايتها من بعض الامراض ولتكتسب فيتامينات من اشعة الشمس

واثناء ربطها في البيت يجب عليك ان لا تفرع عنها الا وقت العلف وان تكون لوحدك افضل

ليطمئن الطير وهذا يجعله يستعجل بالقرنسه لانه مطمئن ولازم تنوع لها من العلف

يعني افخاذ دجاج+سمان+حمام+ وياحبذا لو توفر لها جرابيع او جراذي لان فيه فتامين( أ) ويحبها الطير اكثر من غيرها واذا عندك صيصان دجاج عمرها يوم او يومين فقط

قدمها له لانه ما زال يوجد صفار البيض في بطن الصوص والصفار مفيد جدآ لطير

وتنويع بالعلف يساعد الطير على الحذف وتبديل الريش. والأستمرار بتنويع العلف من اجل تنمو ريشة الطير بشكل سليم وجميل .

ولا تنسى بأن تسقي الطير ماء والطريقه تحضر فنجال قهوه وتضع بوسطه الماء ومن ثم تلمس ارجل الطير وهو مبرقع

لكي يعتقد بانه اكل ومن ثم ضع الفنجال مكان ما ينزل رأسه وهكذا حتى يتعلم

فترة اظهار الطير لتعرضه لشمس ضع بجانبه صحن ماء يستطيع الدخول فيه والاستحمام اذا أراد أو الشرب

ان لم يكن يعرف الشرب بالفنجال اوغيره

[السومر]

الخشبه اللي انت حاطها تحت لو سويت لها حواف من جهاتها الاربع بأرتفاع خمس اصابع

لتصبح بشكل حوض يحتوي بالداخله التراب لكي يسهل عليك التنظيف

وضع الحصاه في المنتصف مع تثبيت السبق بطرف من اطارات الخشبه اللي سوف تضعها

وأبعد السطل والوكر اللي واقفه عليه لانه ما يصلح لها وقت المقيض لا عاد توكرها عليه

خلها على الحصاه افضل علشان الحصاه فيها تعرجات تسمح بمرور الهواء من تحت كف الطير

ارجوا اني افدتك في ردودي

[ابو مقحم]

يا رجال ودها المربط وريح بالك وادا تبي مرابط بالرياض هاك رقمي 0550991020

[حمد العذبي]

ياخوي هذي تبع والتبع تبع يعني بعد القرنسه ما تسوى الف ريال ولو تحسب علفها وتكاليف المكان بيكلفك ما يقارب 6000 الاف ريال!!

إذا تسمع النصيحه اخل سبيلها وبيرزقك الله بغيرها متى ما بدا الموسم ب 3000 و2000

وهذا رايي وانت حر

[عاهد بن علي]

الله يوفقك

[نبهان الشمري]

يعطيك الف الف الف عافية اخوي السومر



صرااااحه افدتني حيل الله يوفقك دنيا واخره



والشكر لكم جميعكم اخواني