المساعد الشخصي الرقمي

مشاهدة النسخة كاملة : تكفوووون ياهل الجموووس


أبو حطب
15/05/2011, 10:30 PM
انا عرض علي جمس 2002 امريكي تماتيك دبل ارضي ب 33 الف ريال 2500
وعرض علي جمس 2002 سعودي قير عادي دبل ارضي 6 لتر 2500 ب 41 الف ريال
وانا الصراحه مالي خبره وتلخبطت بين وبين الرخيص والغالي وش اسعااارها هل هذي اسعارهن بالحقيقه في المعارض ومنهو الموتر الي يستاااهل
احساس رااايق
16/05/2011, 12:10 AM
على حسب النظافه الاسعار

والمفخذ سعره يرتفع طبعا مرغوب

والقير العادي بالجمس دايم سعره اعلى ;)


ننتظراهل الخبره موفق يالغالي
mtc_959
16/05/2011, 12:46 AM
2500 اصغر مكينه نزلت عليها 6 لتر والتماتيك دوى والعادي وجع رااااااااااااااااس وابحث عن مشاكل العادي وبتحصل الهوايل
طيرشلوى 2
16/05/2011, 03:05 AM
خذ الامريكي تراها مهيب شينه اما السعودي فوالله انه غالي والافضل قطع 25 افضل من 10 المكينه كبيره والدفرنسات تستحمل وتعيش ويفضل التماتيك لانه يعيش اكثر من العايدي في المواتر الجديده
شوق عيونها
16/05/2011, 05:45 AM
السلام عليكم ورحمة الله وبركاته

صباح الخير يالغالي



والله ياأبو حطب ودي لك الخير بنصيحتي لك إن شاء الله

عندي جمس قبل أيام وبعته ولي خبرة بالجمـــوس

نصيحة يالغالي تلقى المواصفات اللي أقولك آلحين وإن مالقيتها بالجمسين هذي لاتأخذها لو سعرها رخيص



" أهم شي يكون سعودي...قير تماتيك أو عادي على حسب رغبتك ...مع أن التماتيك مريح ولافيه خرابات...

يكون دبل أرضي والمكينة 6 لتــر... ويكون 8 مسامير عشان يكون يصلح للتحميل ....

طبعا أتكلم عن الحجم 2500 يعني الطـــويل "


أما اللي ذكرتها ياابو حطب بموضوعك فسعرها غالي شوي لأن مواصفاتها تختلف


وهذا موضوع الجمس اللي كان عندي وبعته وتلقى المواصفات بالداخل اللي تصلح لك كمستخدم

http://www.mekshat.com/vb/showthread.php?t=399683 (http://www.mekshat.com/vb/showthread.php?t=399683)


والله يوفقنا وياك يالغالي
رسيس نجد
16/05/2011, 05:56 AM
خذ 2500 عادي
ذيبان الديرة
16/05/2011, 08:25 AM
اخوي السعر مبالغ فيه الاقيام هذي حقت 2004وبعدين لا تاخذ الا 2500hdلنة اكبر مكينة واكبر دفرنسات واذا انت راعي تحميل خذ قير عادي واذ انت راعي ديره وبر على خفيف خذ التماتيك موافق اخوي
عاشق وسم
16/05/2011, 08:41 AM
حياك الله أخوي .

انصحك إبعد عن القير العادي .. كذا واحد اعرفه معهم قير عايدي ويشتكون منه لانه غير عملي وليس بسبب سوء الاستخدام ..

التماتيك عملي أكثر ..

الموتر الاول ما عطيتنا مواصفاته غمارة .غمارة ونص .غمارتين ؟ كم ماشي ؟ جاية صدوم ؟

الله يرزقك الموتر الطيب بالسعر المناسب ..
عاشق المطر
17/05/2011, 01:57 AM
حي الله الجميع
اخونا صاحب الموضوع الي يسئل عن الجموس واطيبها وش هو,,
الي عندي لك في هالمحور الطيب هو كانك راعي مكاشيت خفافيه وممشاك راكد ولا تدور
الملاقط مع الطعوس والجرفان
انصحك بالتماتيك حجم 2500
انا ولاهو قصور في الاخوان قنيت الجموس بجميع انواعها من 25 سنه تقريبا
جربنا الدفرنس الشكمانين واطربنا روسنا منه في عز الشباب لين دخنا
وجربنا الدفرنسين من الموديلات الاوله وشفنا منهن القوه والتحمل والمكده
وعقبها طحنا في التماتيك
شرينا م 96 دفرنسين شاص طويل وكديناه اربع سنين ماخالف بشي يذكر
والحين معي جمس 2001 من مواتر ارامكو له معي حول الخمس سنين تماتيك قير ارضي
وماشي معي الى يومك.
التماتيك ميزته الراحه ويريحك في النفود من تعشيقات وتسلم من تغيير دزق وكلتش
وغيرها من خرابات العادي,
بالنسبه لي اشرق واغرب في النفود وماشفت فيه اي خلل دام راعي الموتر محافظ عليه
ويعطي الموتر حقه من الصيانه.

وهذي صورة الجمس في اعلى قمة نقا هشال:

http://www.tumairawe.com/tm-uup//uploads/images/tumairawe-6664ccb8c3.jpg (http://www.tumairawe.com/tm-uup//uploads/images/tumairawe-6664ccb8c3.jpg)

توكل على الله ودق التماتيك الله يبارك لك فيه..
السيف الأملح
17/05/2011, 09:45 PM
ياطويل العمر ترى هذا للبيع ومعلن عنه هنا بالموقع وتراه نظيف ورخيص...
http://www14.0zz0.com/2011/05/17/18/300472177.jpg (http://www.0zz0.com)
مغرم بالفتك
04/06/2011, 05:58 PM
الله يرزقك كل ماتمناه
اخوك مغرم بالفتك