المساعد الشخصي الرقمي

مشاهدة النسخة كاملة : مطلوب شاص 2011 سعودي


ملاعب البرد
15/05/2011, 11:43 PM
السلام عليكم ورحمة الله وبركاته

ياخوان ابي شاص 2011 فل كامل بدون رفارف

ونش ودفلوك

العداد اصفار

لان رحت الوكاله قالوا مافي الا بعد اسبوعين في باخره جايه من اليابان

نحجز لك منها

تكفون اللي يعرف لي معرض فيه موجود اصفار لا يبخل علينا

ولكم مني جزيل الشكر
ملاعب البرد
16/05/2011, 01:39 PM
للرفع
تكفون يالربع مستعجل
ab.zayed
16/05/2011, 01:58 PM
هلا اخوي عندي واحد كلمني 0555596036
الصقر الحائلي
16/05/2011, 03:49 PM
اخوي عندنا بحائل واجد طب وتخير تبي بس سعودي ولا خليجي
أبو مجد
16/05/2011, 07:12 PM
اذا قالو بعد أسبوعين أصبر أسبوعين وشتري من الوكاله
MjNo0oN
16/05/2011, 08:58 PM
يا الغالي وكالة تويوتا هاليومين مايقرب منها

عموماً انا شايف في النسيم كثر الثرا واسعارهن مابين ال127 الف الى ال138 على حسب خبالة راعي المعرض وكلها نفس المواصفات سعودي 11 بدون رفرف اشهب ونش دفلوك والخليجي على حسب فصلة فيوز راعي المعرض السعارهن مابين ال135 لل145 وكلها نفس المواصفات 11 بدون رفرف ونش دفلوك طبعاً الدفعه الثانيه

واذا كنت ناوي تطلع من الوكاله انا واعديني انهم يجيبون السيارة خلال اسبوع ودفعت قيمتها كاش والحين لي شهر واسبوعين ماجاني شي مير الحين معليقيني لاهم الي عطوني دراهمي ولا هم الي عطوني سيارتي

واذا كانت واثق بكلامه خله يكتب عقد بينك وبينه بمواصفات وقيمة السياره وموعد وصولها مع ذكر اسمه و توقيعه وياحبذا بختم لايهمك الاوراق الخارجية الي بيحاول يصرفك بها اشرط عليه كتابة العقد وتسجيل موعد التسليم بالتاريخ لانه بيماطل بك مماطل الله لا يحوجك له تقول كنك بتتزوج منتب شاري سياره

وانصحك تاخذ من المعارض خذلك لفتيين في المعارض بتحصله على 127 او 128 وفرق ال1000 او ال2000 مهوب مبلغ كبير مقارنة مع مرمطة الوكالة + تستلم السيارة في نفس اليوم بدون لوحات او من بكره بلوحاتها

وانا انصحك تصبر ترا ال2012 نازل في بعض الوكالات و العروض جاية خلال اقل من ال3 شهور وترجع اسعارها على ماكانت عليه اول وبتوفر على نفسك مبلغ لايقل عن ال10 الاف ريال

وياجماعة الخير الي عنده 2010 خليجي او سعودي نفس المواصفات جديد او اخوه بسعر معقول يراسلني على الخاص
ملاعب البرد
16/05/2011, 09:23 PM
بيض الله وجيهكم ياخوان
واخص بالذكر اخوي مجنون ولا قصور بالباقين
واللي كلمني واحد من المدراء بالغربيه اعرفه شخصيا
وقال بعد اسبوعين بالضبط والموتر عندك ازهلها بس
فخايف انه ماعنده سالفه قلت ادور وانا موقعي مكه
ومافي اروح بعيد

والله يصبرنا

مشكورين جميعا

وننتظر الشباب
شطااااب
16/05/2011, 09:47 PM
موجود سعودي وقريب منك
ملاعب البرد
16/05/2011, 11:42 PM
موجود سعودي وقريب منك

وين يا خوي الله يرزقك الجنه
مخاوي العريس
17/05/2011, 10:37 AM
أخوي موجود عند اليحي وهذا رقمهم بالقصيم 063854366
وأنا انصحك بالسعودي الفل , ضمان ونفس المواصفات تقريبا
وارخص , لأن واحد يقول سعره عندنا بالوكالة 122500
فرق كبير بينه وبين المعارض.
MjNo0oN
19/05/2011, 07:57 PM
مخاوي العريس اي وكاله تبيعه بـ122500 ...؟

ابيك تطلع لي واحد ولك سعي 1000 فيه وانا اجيك لحد باب بيتك

انا توني طالع من الوكاله اليوم نفس المواصفات بـ126500 ومهوب موجود وارخص واحد في المعارض بـ127 الف واغلبهم على133 لل134 الف وفيه واحد فيوزه فاصل يقول بـ138 الف ولا من زين السعر يقول احجزلك واحد

اخوي ملاعب البرد

لايهمك هالي يقول لك اسبوعين بيسحب فيك شهر ثم يمرمط بك اسبوعين على بال ماتطلع قيمة موترك من الوكاله ثم يتصل عليك بعد يومين يقول توفرت السيارة وش رييك تجيب دراهمك قبل لا تروح << هاذا الي حاصل معي في الوكاله ويوم حاجيتهم وقلت جيبو السياره خلوني اشوفها واعطيكم دراهمها رفضو وقلت بعطيك الدراهم لاكن ابيك تلحق رقم الشاصي في العقد + موعد اكيد لتسليمها + سياره ايجار عن كل يوم تاخير باسم الشركه + استلم البطاقه الجمركيه بعد يومين كا حد اقصى < تدري انه قام يطلع لي تصريفات لها اول مالها تالي هاذا وانا توني مطلع دراهمي ولا بعد رديتها لهم قام يصرف اذا رديتها وش بيسوي

طبعاً انا الي واعدني مدير مبيعات الفرع يقول من الاسبوع لل10 ايام

عقبها حرمت اطب وكاله واذا احتديت لها عز الله اني بطلع لهم شروط تعجيزية اخليهم معاد يواعدون خلق الله ويمرمطون بهم
ملاعب البرد
21/05/2011, 03:23 AM
بيض الله وجهك اخوي

الله يسعدك دنيا واخره