مطر وسم
16/05/2011, 12:30 AM
السلام عليكم ورحمة الله وبركاته
كما وعدتكم اخواني الكرام جبت لكم قصه واقعيه صارت بنجد والبتحديد بمدينة اشيقر زي ماسمعتها من راوي القصه وهو رجل كبير بالسن من اهل مدينة اشيقر نفسها
تقول القصه انه كان فيه رجل يعيش مع زوجته وكان فقير الحال لايملك سوى حمار(اعزكم الله) يحمل عليه حطب وياخذ اجرته من التحميل وكان متدين محافظ دايم يحمد ربه على الحال اللي هو فيها ومرت سنيين وهو على الحال هذا وفي يوم من الايام حلم هذا الرجل في المنام برجل يقول له ترى رزقك بالعراق وفي اليوم الثاني حلم نفس الحلم ونفس الرجل اللي جاء لمه بالحلم الاول وتكرر هذا باليوم الثالث كلم زوجته بالحلم اللي صار له قالت زوجته ترى الحلم هذا فيه خير لنا انشالله توكل على الله ورح شف الله وش كاتب لك سمع كلامها وقرر يسافر مع اقرب رحله طبعا على البعارين وقتها ماكان فيه سيارات ولا شي
سافر الرجال راح للعارق وبالتحديد لم بغداد وكان مرهق وتعبان حصل مسجد ونام فيه لين صحاه المؤذن لصلاة الفجر صلا صاحبنا وراح يدور الرزق هذا اللي جاه بالمنام جرب يشتغل نجار وماعرف وحداد ايضا ماعرف وحمال ماشاف الا التعب جلس شهر على الحال هذي وهو من عمل لعمل ضاقت به الدنيا وقرر يرجع لديرته اشيقر قال الرجال بنام بالمسجد وارتاح والصباح رباح بشوف رحاله وارجع معهم المهم مؤذن المسجد صحاه لصلاة الفجر وجلس يسولف معه قال انا اشوفك هنا من فتره تصلي من وين انت قال ان من نجد جاي اترزق وعلمه بقصته مع الحلم قال له المؤذن تصدق انا نفس حالتك جاني واحد بالحلم يقولي كم مره ترى رزقك بنجد بمدينة اشيقر تحت مربط حمار(اعزكم الله) فلان بن فلان اللي هو صاحبنا راعي اشيقر فز الرجال وصار نبيه اسكت ماعلم ورجع بسرعه لديرته يوم وصل اتجه مباشره لمربط حماره (اعزكم الله) وقام يحفر ويحفر لين حصل تنك مليانه ذهب وفلوس فرح فرحا شديد وحمد ربه وشكره وصار اغنى رجل في اشيقر على وقتهم
وسلامتكم جميعا انشالله تعجبكم واسف اذا كانت القصه منقوله من شخص اخر لانها مشهوره جدا حبيت امتعكم بها وتقبلو تحياتي
كما وعدتكم اخواني الكرام جبت لكم قصه واقعيه صارت بنجد والبتحديد بمدينة اشيقر زي ماسمعتها من راوي القصه وهو رجل كبير بالسن من اهل مدينة اشيقر نفسها
تقول القصه انه كان فيه رجل يعيش مع زوجته وكان فقير الحال لايملك سوى حمار(اعزكم الله) يحمل عليه حطب وياخذ اجرته من التحميل وكان متدين محافظ دايم يحمد ربه على الحال اللي هو فيها ومرت سنيين وهو على الحال هذا وفي يوم من الايام حلم هذا الرجل في المنام برجل يقول له ترى رزقك بالعراق وفي اليوم الثاني حلم نفس الحلم ونفس الرجل اللي جاء لمه بالحلم الاول وتكرر هذا باليوم الثالث كلم زوجته بالحلم اللي صار له قالت زوجته ترى الحلم هذا فيه خير لنا انشالله توكل على الله ورح شف الله وش كاتب لك سمع كلامها وقرر يسافر مع اقرب رحله طبعا على البعارين وقتها ماكان فيه سيارات ولا شي
سافر الرجال راح للعارق وبالتحديد لم بغداد وكان مرهق وتعبان حصل مسجد ونام فيه لين صحاه المؤذن لصلاة الفجر صلا صاحبنا وراح يدور الرزق هذا اللي جاه بالمنام جرب يشتغل نجار وماعرف وحداد ايضا ماعرف وحمال ماشاف الا التعب جلس شهر على الحال هذي وهو من عمل لعمل ضاقت به الدنيا وقرر يرجع لديرته اشيقر قال الرجال بنام بالمسجد وارتاح والصباح رباح بشوف رحاله وارجع معهم المهم مؤذن المسجد صحاه لصلاة الفجر وجلس يسولف معه قال انا اشوفك هنا من فتره تصلي من وين انت قال ان من نجد جاي اترزق وعلمه بقصته مع الحلم قال له المؤذن تصدق انا نفس حالتك جاني واحد بالحلم يقولي كم مره ترى رزقك بنجد بمدينة اشيقر تحت مربط حمار(اعزكم الله) فلان بن فلان اللي هو صاحبنا راعي اشيقر فز الرجال وصار نبيه اسكت ماعلم ورجع بسرعه لديرته يوم وصل اتجه مباشره لمربط حماره (اعزكم الله) وقام يحفر ويحفر لين حصل تنك مليانه ذهب وفلوس فرح فرحا شديد وحمد ربه وشكره وصار اغنى رجل في اشيقر على وقتهم
وسلامتكم جميعا انشالله تعجبكم واسف اذا كانت القصه منقوله من شخص اخر لانها مشهوره جدا حبيت امتعكم بها وتقبلو تحياتي