من يقدر يراسل شركة تويوتا الام يسوي فيني خير

[كاشت وحداني]

اخواني اعضاء هذا المنتدى الرائع
عند توجهي لقطع غيار تويوتا بالرياض
وسؤالي عن سعر مكينة كامري 4سلندر موديل 2005
كاد ان يغمى علي
كم تتوقعون .
21000 . واحد وعشرون الف ريال فقط لاغير
وبعد مفاوضاتي مع اللي في مبيعات قطع الغيار قال ممكن تصير بعد الخصم 19الف ريال
.
فهل هذا يعقل .
طلبي منكم
اللي يرطن انجليزي ويعرف يراسل الشركه الام تويوتا ويساءل عن سعر المكينه 4سلندر لموتر كامري 2005
كم سعرها عندهم فتوقعاتي ان الفرق كبير
وطبعا البعض بيقول لي وضب
انا لفيت كثير في ورش الرياض والبعض قال لي انه بيوضب ولكن لايضمن شغله لان مكائن الالمنيوم لايكون التوضيب فيها مضبوط
ومن وجد الرد منكم يصقعني برساله على الخاص او يرد في نفس الموضوع عادي.
وبيض الله وجيهكم طالت اعماركم

[مكشاتي حرمه]

اخوي انا مركب مكينة 4 سلندر 2006

بعنيزة تشليح العجلان 6500 ريال ومثل العسل علي قلبي

[ماجد الحايلي]

هذا سعر كامري
او ماكينة كامري
ياساتر سترك
ماهو بمعقول ابد
السعر
الله يعينك يابن الحلال

[أبن ثعلي]

انا اترجم لك ان شاء الله

اكتب لي الكلام الي تبيه ورسله لي برساله خاصه وابشر بالخير بالنسبة لإرسالي للشركة يبي لها متابعه

وانا والله مشغول جداً الفتره الأخيرة وعسى الله ينهي اموري على خير والقارىء والمسلمين


بإنتظار ردك


وتم الاشتراك في موضوعك للتبليغ بأي رد جديد

[الضو المرعده]

ريح بالك وانا اخوك وخذ لك من التشليح مكينة مضمونة .

[~EmPeRor~]

هلا فيك يالغالي

كلام صحيح مانصحك توضب لان السلندر المونيوم وبتدخل بشغلات مالها اول وتالي

على كل حال اسم مكينتك 2ar-fe هذا اسمها باالانجليزي ( اسمها من المصنع )

http://techon.nikkeibp.co.jp/english/NEWS_EN/20080612/153224/5A.jpg


طبعا اتوقع التكلفة بتكون حدود 11-12 والشحن 3 تقريبا اذا هو جوي

فانا افضل لك يالغالي انك تاخذ وحدة من التشليح وريس راسك

بالتوفيق

[كاشت وحداني]

الف شكر على تفاعلكم مع الموضوع .:
مكشاتي حرمه :
بيض الله وجهك ولكن مكاين التشليح ما تصلح لي وخصوصا كامريات الرياض كلها هريانه هري . وانا استخدامي كثير شوي .

ماجد الحايلي :
الف شكر على تفاعلك لكن والله ان هذه الحقيقه سعرها عند تويوتا عبداللطيف جميل طريق خريص كما ذكرت وانا انصدمت في السعر لكن الشكوى لله ويعيننا وياك طال عمرك.

الضو المرعد5 :
شاكر تفاعلك ولكن التشليح ما تصلح لي مكاينهم واكثرهم يضمنه اسبوع بس لان استخدامي قاسي وراعي مشاوير وسفريات واجد واجد وبيض الله وجهك

ابن ثعلي :
الف شكر لك وبيض الله وجهك على تعاونك وبكتب لك الرساله طول الله عمرك وكان الله في عونك واعانك على انهاء شغلاتك .

emperor
الف شكر وبيض الله وجهك على جهدك
ممكن ال 11 الف معقوله لان التشاليح مابين 7الاف الى 9الاف في الحائر في الرياض ومكينه من التشليح ما تدري كم مشت ولاتدري وش جاها من كرف او هزه قويه بسبب حادث
والموتر انا بستخدمه فتره طويله وبكرفه
مكينته الحاليه مكينة الوكاله ومشتني 430 الف ولازالت شغاله لكن على وشك تعطي عمرها وتنقص الزيت بشكل كبير بمعدل علبه كل خمس ايام .
فالجديده في نظري افضل
والله يكتب اللي فيه الخير ان شاء الله

[العابر2222]

أخوي عندنا كامري 2004 خبطت ووضبناها قطع اصليه بــ 13 الف وجلست 7 شهور وخبطت

وشرينا مكينة حقت 2006 بــ 4500 ريال وركبناها وعايشة الحد الحين نكرفها كرف


مكينة الكامري 2003 و 2004 و 2005 نااااااااااااااار ليش مدري

[سليمان الربيعان]

اشر سيارة بالقيمه هاذي
الله يرزقك من فضله

[كاشت وحداني]

اخوي العابر :
الف شكر لك وكثيرين ما نصحوني بالتوضيب حتى بعض الورش قال بوضب بس ما انصحك بالتوضيب .
والله يسهل امرنا وامرك.
اخوي سليمان الربيعان :
الف شكر لك عالنصيحه ولكن لو بعت موتري ووضعت عليه المبلغ المخصص للصيانه ما بيجيب لي موتر هالايام خصوصا ان تويوتا نار نار ولا بيتحمل استخدامي غير تويوتا .
وبكل صراحه الرغبه في باث فايندر من موديل 2003 الى 2005 ولا وصلت للنظيف اللي يطيب الخاطر.

[باث 2002]

.
وبكل صراحه الرغبه في باث فايندر من موديل 2003 الى 2005 ولا وصلت للنظيف اللي يطيب الخاطر.

إنحش عن الباث من موديل 2003 إلى 2005 لإنه ينقص ويبلشك بالحراره لازم تشيل البلف وتركب أديتر أردني وتلحم مسامير الثلاجه وووو:(
إذا تبي تكرف خذ من موديل 2000 إلى 2002 ... ترااااه معي من ثلاث سنوات والحمد لله ما اشتكيت منه ,,وماشي 445000 ألف ((ماشاء الله ))
بالتوفيق:good2:

[كاشت وحداني]

بيض الله وجهك اخوي باث2002
لكن يوم سااءلت قالوا لي بعض الشباب ان من 2000 الى 2002 عزمه ضعيف والقير التماتيك ما يصلح فيه.
ومن 2003 الى 2005 عزمه قوي وممشاه نشيط .

ولا مانع من افادتي بالفروقات اذا ماعليك كلافه
وشكلي الكامري بتبطي معي .

[باث 2002]

بيض الله وجهك اخوي باث2002
لكن يوم سااءلت قالوا لي بعض الشباب ان من 2000 الى 2002 عزمه ضعيف والقير التماتيك ما يصلح فيه.
ومن 2003 الى 2005 عزمه قوي وممشاه نشيط .

ولا مانع من افادتي بالفروقات اذا ماعليك كلافه
وشكلي الكامري بتبطي معي .

وجهك أبيض..
يالغالي الباث من موديل 2003 إلى 2005 مكينته 3500 لتر وطبلونه ليزر ,,وسرعته 200كم ..
ومن موديل 2000 إلى 2002 مكينته 3300 لتر وطبلونه عادي ..وسرعته 180كم..

وبالنسبه لحل ضعف العزم فهو بسيط ..ماعليك إلا > تفك عمود الدبل > وتشيل فلتر الوكاله وتركب فلتر رياضي(أصلي):good2: وابشر بالعزم..
بالتوفيق..

[أبن ثعلي]

العفو اخوي كاشت


تم الرد برساله

الله يكتب لك التوفيق وانا كلمت واحد في الامارات يشوف لي سعر المكينه هناك لعل الله ينفع به ويكون السعر اقل


الله يكتب لنا ولك التوفيق

[abo turki]

اذا تبي باثفمدر هندي واحد موديل 2003 مسوي له اعلان بالمنتدى .. وبالتوفيق

[كاشت وحداني]

اذا تبي باثفمدر هندي واحد موديل 2003 مسوي له اعلان بالمنتدى .. وبالتوفيق

الف شكر لك
وبشوف سعر مكينة الكامري يخارج ولا دفعت قيمة المكينه على قيمة بيع السيارة والله يكتب لك البيعه الطيبه

[عزوز2002]

السلام عليكم

مر محلات المكاين اللي بالصناعية القديمة ( الرميح + الوفاء+ ابوفهد ....) وخذ لك مكينة استعمال ياباني واحرص تآخذ معك واحد يبخص بالمكاين وتبي تحصل عندهم مكاين نظيييييييييييييييفة واسعارهم حلوة

وبما انك راعي سفريات وكاد موترك يجي مع المكينة اغراض واجد

انا شريت مكينة + قير + كبروسر مكيف + دينمو + سلف+حساسات + خراطيش بـ3200

طبعا الموديل2002 4 سلندر

ويجي معها كمر وعكوس ومساعدات واغراض واجد بـ4000

والحمدلله طلعت انظف من الاولى وازين مع ان الاولى ماشية 250 بس خربت طرمبة الزيت وخبطت وغيرة المكينة


واتمنى اني افدتك وماطولت عليك

[كاشت وحداني]

شاكر لك اخوي عزوز2002
ومحلات المكاين بالصناعيه لقيت عندهم مكاين لكن احصنتها اقل من اللي تجي مصنعه خصيصا للسعوديه
المكاين اللي عندهم يابانيه .
بالنسبة للكامري 2002 قطعها اسعارها معقوله
لكن ال 2005 قطعها غاليه حتى فحماتها الاماميه ب 255 ريال كانها لكزس اي اس
بسبب بركات الوكيل عندنا
والله ييسر لنا ولك

[كاشت وحداني]

اشكر كل من تفاعل مع الموضوع
واخص بالشكر الاخ ابن ثعلي على تعاونه وروح الاخوه لديه .

وامس رحت الصناعيه وقالي واحد في ورشة غير نوع الزيت لان البلد اكثر الزيوت فيه مغشوشه والكامري منقصه منقصه بس نقص عن نقص .
والبارح غير زيت قلف 20- 50 وبانتظار النتائج

[سفاري959]

اخوي العابر :
الف شكر لك وكثيرين ما نصحوني بالتوضيب حتى بعض الورش قال بوضب بس ما انصحك بالتوضيب .
والله يسهل امرنا وامرك.
اخوي سليمان الربيعان :
الف شكر لك عالنصيحه ولكن لو بعت موتري ووضعت عليه المبلغ المخصص للصيانه ما بيجيب لي موتر هالايام خصوصا ان تويوتا نار نار ولا بيتحمل استخدامي غير تويوتا .
وبكل صراحه الرغبه في باث فايندر من موديل 2003 الى 2005 ولا وصلت للنظيف اللي يطيب الخاطر.

عندنا باث 2005 لؤلؤي فوق النظيف موتر شايب متوفى رحمه الله عليه وعلى اموات المسلمين اشتراه اخوي من الورثه طبعاً قير تماتيك ماني متأكد فتحه او بدون لكن الموتر جديد ماشاء الله تبارك الرحمن اذا لك نظر راسلني على الخاص وابشر بسعدك كان الله في عونك

[راعي النياسين]

هالسعر يجيب لي مكينة فتك اخت الجديده

اعوذ بالله وش ذا السعر اخوي نصيحه دور لك مكينه اخت الجديده بتشاليح الحاير او القصيم ماتوقع سعرها يتعدى 7 الاف

والله يوفقك ويسهل امورك

[كاشت وحداني]

اخوي سفاري 959
الف شكر لك والله اني باقي احسبها يمين ويسار ولا ادري وين اوجه . والله يكتب لنا ولك كل خير .

اخوي راعي النياسين :
صدقت والله لكن تعرف مكاين الكامري اغلبها مستخدمه تفحيط ومهزوزه مع الحوادث والالمنيوم اذا هتزت ما عاد تنفع .
وهذي نبذه من اسعا رعبداللطيف جميل لكامري 2005
مكينة 21 الف وبعد الخصم 19 الف
دودة دركسون 4000 اربعة الاف
فحمات امامي 255 ريال
سير المكينه 320 ريال
والخافي اعظم حسبنا الله عليهم
ويوقولون زلزال اليابان اثر والكامري اصلا مصنوع في استراليا وقطع الغيار حقتها اندنوسيه وتايلنديه .

[سفاري959]

اخوي سفاري 959
الف شكر لك والله اني باقي احسبها يمين ويسار ولا ادري وين اوجه . والله يكتب لنا ولك كل خير .

اخوي راعي النياسين :
صدقت والله لكن تعرف مكاين الكامري اغلبها مستخدمه تفحيط ومهزوزه مع الحوادث والالمنيوم اذا هتزت ما عاد تنفع .
وهذي نبذه من اسعا رعبداللطيف جميل لكامري 2005
مكينة 21 الف وبعد الخصم 19 الف
دودة دركسون 4000 اربعة الاف
فحمات امامي 255 ريال
سير المكينه 320 ريال
والخافي اعظم حسبنا الله عليهم
ويوقولون زلزال اليابان اثر والكامري اصلا مصنوع في استراليا وقطع الغيار حقتها اندنوسيه وتايلنديه .

ويقولون قطع غيار التايوتا رخيص والله عانينا قبلك من كامري 2004 جديده خبطت ماشيه 16 الف فقط ولولا الله ثم بن حلال له معرفه قويه بالشركه كان وضبنا على حسابنا والضمان حبر على ورق تخيل حملونا قيمه التوضيب قطع فقط 6000 وهذا ايام الرخص عام 2004 كان الله في عونك يالغالي وحسبنا الله ونعم الوكيل عليهم

[رسيس نجد]

الله يعينك ويسهل امرك

[التعـ King ـديل]

الله الله بالتشليح وطق لك مكينه تعيش معك اربع سنوات زود وبع الموتر بعدين

[accoorrd]

السلام عليكم

الاخوان ما قصروا كفوا و وفوا

لاكن بحكم الخبرة القليلة اللي عندي ولا ادعي الكمال

وبما اني مغير مكينتين لسيارتي وما فيه
احسن منها

واغلب من اعرفهم مغيرين ولا فيه اي مشاكل توكل على الله وغير مستخدم بس لا تستعجل واجتهد ودور النظيف وراح تلاقي

لانه بالنسبة لي

ارى والراي الك في الاول والاخير انك تاخذ مكينة

مستعملة من مكاين اليابان وبتلاقي نفس عدد الاحصنة

اللي تبيه

ومني انا شخصيا راح اسالك بصناعية جده وراح اوافيك

بتفاصيل خلال يومين


اذا جيت تدور اتبع الاتي

1/ المظهر الخارجي للمكينة ما تكون مغسولة ولاحظ


* عدم وجود تهريبات من الصوفه الخلفية
* عدم وجود تهريبات من غطا البلوف
* عدم وجود تهريبات من صدر المكينة
وحول البكرات


2/ تفك غطا الزيت وشف من داخل هل هو نظيف ولا فيه سواد أوترسبات زيت قديمة وحكه باصبعك يبين

* اسحب عيار الزيت وشمه هل فيه ريح بنزين او ريحة زيت محترق بزياده ولا ريحة الزيت العادية


3/ تحك باصبعك على مخارج القزوز وشوف هل فيها زيت او كربون عادي او كربون كثير

4/ اكواع وخراطيش المويا هل هي نظيفة ولا مملحة ولا مصدية


وما بين مكينة والثانية راح تلاحظ فروقات وبنفسك راح تميز الزين من الشين


والله يسخر ويكتب لك ما فيه الخير ولجميع المسلمين


سبحان الله وبحمده سبحان الله العظيم

[كاشت وحداني]

بيض الله وجهيكم على النصايح والاستشارات والخميس هدا متفرغ للصناعيه وبشيك على المكاين على نصيحة اخوي اكووورد

[دل البحار]

اخوي العابر :
الف شكر لك وكثيرين ما نصحوني بالتوضيب حتى بعض الورش قال بوضب بس ما انصحك بالتوضيب .
والله يسهل امرنا وامرك.
اخوي سليمان الربيعان :
الف شكر لك عالنصيحه ولكن لو بعت موتري ووضعت عليه المبلغ المخصص للصيانه ما بيجيب لي موتر هالايام خصوصا ان تويوتا نار نار ولا بيتحمل استخدامي غير تويوتا .
وبكل صراحه الرغبه في باث فايندر من موديل 2003 الى 2005 ولا وصلت للنظيف اللي يطيب الخاطر.

موجود طلبك باث فايندر 2005 نظيف مونظيف وبس وكالة شد بلده حتى الاسبير وماشي قليل في جده حاده راعيه ب 67 الف