بخصوص الجلب واصوات بالسياره تقلق فزعتكم

[M Z A G Y]

اخواني معي ونيت جمس حجم 1500 دفع رباعي z71 موديله 2006 استخدامي الشخصي ومايطلع مشاوير واجد ومحافظ عليه قبل يومين غسلته من تحت بستم وهي اول مره من شريته جديد اغسله بستم المهم طلع بالموتر اصوات صرصره بالبر والى هزيت الموتر تسمعها قالوا من الجلب حقت السست وكلن قام يعطيني من راسه راي وللعلم اول مره اسمع الاصوات هذي من عقب ماغسلته بستم هل من حل لاني اشوف الجلب نظيفه والموتر ماجاه جور بالبر ولا مطبات ولا بطناج ماشاء الله ............. لا تبخلون بالراي لاعدمتكم

[بندرالعتيبي]

هلا والله الموتر يوم غسلوه رشوه بديزل ولالا

اذا رشوه بديزل فالاصوات من الجلب الي تحت لن الديزل يخلي الجلب تيبس


وعاد يفيدونك باقي الاعضاء

[M Z A G Y]

ماقصرت نعم رشوه ديزل ... اتمنى القى حل

[Abo gssar]

اخوي دام رشوه ديزل لازم تنشف الربلات وتطلع صوت زقزقة والحل انك توقف السيارة على حفره وتخلي احد يهزها وانت تحتها عشان تحدد مكان الصوت وحط شوي زيت او شحم يمكن ينفع معك .ونصيحة لاتغسل السيارة ديزل او قاز الا في الضرورة واحرص انك تعيد عليها بماء وصابون عشان يغسل الديزل .

[M Z A G Y]

نسمع مزيد من اراء الاخوان والف شكر لمن رد وتجاوب

[M Z A G Y]

للرفع.....................

[v8 for ever]

السلام عليكم

وده للمغسله وقول حق العامل اضرب من تحت السياره جنب السست زيت محروق يرشه بالمكينه مالت الهوا

وعطه خمس او عشر ريالات و أن شاء الله بيختفي الصوت .

[M Z A G Y]

ماقصرت اخوي وانتظر المزيد من الاراء