أريد شوركم في هذا الحوار

[المزروعي]

السلام عليكم ورحمة الله وبركاته ,

هذا حوار يمكن أشتريه , أبوه طيب بالحيييل و أمه مشتراها يوم هي حواره 160,000 الف درهم و هي الحيين فاطر ما لها عمر و هذا أخر إنتاجها و أبو الحوار هذا أول إنتاج له و الحوار عمره عشرين يوم !!

وش تعليقكم على هذا الحوار

http://www.mekshat.com/pix/upload05/images215/mk57508_ii (600 x 450).jpg

[ابو الشبرميات]

المزروعي

انت راعي نظر ما شاء الله عليك
الحوار مواريه زينه
السبال زين والاذن حلوة واللون غرابي والرقبة منبتها زين والقعود رفيع ما شاء الله عليه
والاولين يقولون الولد والقعود مخلفين العهود
ان كان الحوار مهوب غالي فتوكل على الله
والا اشتر لك ناقتين والا ثلاث بطونها طيبة وضرب ابوه والا فحولٍ طيبة وتبي تعين خير
وعسى ربي يرزقك
,,,

[لبا كبدش]

لونه حواره كان حلوا بس الصوره ماهيب شي لازم شوف العين بالتوفيق

[شنار 111]

ياهلابك يالمزروعي

ومثل ماقالو من انشدك دخل في ذمتك

والحوار في نظري مايصلح فحل

علية ملاحظات ومنها الرقبة مهي بسناد وجليلة وقصيرة

والظهر متقلط ويمكن يزين اذا كبر

والراس بشكل عام لاهو ردي ولا زين

صدقني الاسواق مليانة حيران تهول وباسعار مناسبة


اسمح لي على الازعاج

والله يوفقك

[قزيزالنعام]

المزروعي صباح الخير اول شي الحوار طال عمرك اكبر من العشرين يوم له من الشهرين وفوق والشي الثاني الحوارمهو شين عرنونه زين ويمكن يطلع اذ عين كرم تقبل مروري

[المزروعي]

أبو الشبرميات . ما عليك زود الله يبارك فيك و ما نستغني عن مشورتكم و مشكور و بيض الله وجهك .
لبا كبدش . شاكر لك مرورك
شنار111 . مشكور و بيض الله وجهك و الله يوفقك .
قزيز أنعام . القعود أبو عشرين يوم على حسب ما وصلني من العلم و لكن أم الحوار فاطر و ضيروه على ناقه ثانيه و القعود تعب عليهم و غدا شين . و شاكر لك مرورك الكريم

[طالب المعرفه]

امسك الحوار ايلين يكمل سنه

ان زان زين واجد والا اكله

جعل ربي يبارك لك في حلالك وتتمنحه

[أبو علوى]

ما شا الله تبارك الله

الله يرزقك إياه ويطرح فيه البركة يالمزروعي وسلامتك

[سهيل الازهرا]

الحوار مطاليعه طيبه
واذا اصله طيب يبي يزين
ومايحكم عليه وهو حوار

[الصابر1]

الحوار بالنسبه لنظرتي القاصره ( ممتاز )

بس اعتقد ويمكن الصوره ضالمته انه اركز