تسجيل الدخول

مشاهدة النسخة كاملة : لمن يمتلك الرديتر الاردني (( أبو رصتين )) للباترول الربع الجديد 2005 ...


عبدالله العواجي
17/05/2011, 03:57 PM
السلام عليكم ورحمة الله وبركاته ..

مع هالصيف والحر حصل اشكال بالاديتر البلد بالباترول وارغب بالتبديل بجديد ..

ولكن مع غلاء سعر البلد نصحني بعض الناس بستخدام الاردني أبو رصتين..

معدنه المونيوم ..

وعندي بعض الاستفسارات عنه ..

هل هو عملي .. وهل يقوم مقام الشد بلد .. وأين اجده بالقصيم .. وكم سعره بالتحديد ..

ولأصحاب التجربه طرح تجربتهم .. لأستفيد أنا وغيري منها ..

مع تحياتي ..
أبو سليمان ..
صوت الجزر
17/05/2011, 05:28 PM
السلام عليكم

الله يخلف عليك باطيب منه

محاتسيك مجرب الصيني من حول السنه وزود وماشي تمام

و سعره كان ب 420 ريال

مكان الشراء صناعية الخرج بالرياض

الموتر باترول 2001 صالون

وتقبل مروري وتحياتي اخوك ابو تركي ,,’’,,’’,,’’,,’’,,’’,,’’
السليطين
17/05/2011, 06:47 PM
الاديتر الصيني الالمونيوم والاردني افضل من حق الوكاله .. مجربات
صاروخ الغطغط
17/05/2011, 07:04 PM
انا نصحوني ابه وركبته مالي الاسبوع رصتين ب500ريال
هويدي
17/05/2011, 09:10 PM
وشو الخلل اللي بريدتر البلد

هل هو يهرب من عند البلاستك المكبوس ؟
اذا كان كذا يستبدل بنحاس او يعاد كبسه بـ 150 الى 200 ريال انت وشطارتك
عبدالله العواجي
17/05/2011, 10:56 PM
صوت الجزر ..

حياك الله يأبو تركي .. حقيقه جزاك الله خير ..
ومشكور على هالمعلومات عساك ووالدين للجنه ..

السليطين ..

طيب عطنا التجربه .. مكان الشراء .. السعر .. لكي تعم الفائده وانا أخوك ..
وعلى العموم مشكور على ردك ..

صاروخ الغطغط ..

طيب اخوي صاروخ موترك وشو .. ومنين اشتريته .. والحراره تثبت على الربع
أو ترتفع شوي .. ومع السرعه العاليه هل يثبت الحراره والا ترتفع .. بنتضارك ..

هويدي ..

الحقيقه لفة نظري لحاجه كنت غافل عنها .. الكبس .. بس للأسف هو اللان نحاس ..
وبعد التفكير لقيت ان استبداله بجديد افضل .. شاكر ومقدر لمرورك ولردك ..

بنتضار البقيه ..
aooa
17/05/2011, 11:01 PM
انا عندي كامري وغيرت من حوالي سنه رديتر اردني رصتين والحمد لله ممتاز جدا
واغلب سيارات اليموزين بالرياض يغيرون الاصلي باردني رصتين .. الكلام هذا على الكامري ..
مركز حراره
17/05/2011, 11:18 PM
نعم وجودته عاليه وعليه ضمان
الله يحييك حنا بلقصيم
لطلب الرديتر الاردني راسلني على الخاص
abumnar
07/08/2011, 05:28 PM
نعم وجودته عاليه وعليه ضمان
الله يحييك حنا بلقصيم
لطلب الرديتر الاردني راسلني على الخاص


الله لايهينك .... ابغى رديتر ميتسوبيشي جلنت 2007 قير اوتوماتيك ....
لاني ماحصلته في الطائف وجده .....
والسياره مولعه .....
رد علي على جوال 0597772252
ابومنار