مشكلة في ال gx حيرتني وحيرت الميكانيكين ابي فزعتكم

[هديب الشام]

عندي مشكلة في موتري ال gx 96 وهي وجود بقع من الزيت في الراديتر
غيرت مبرد الزيت وغسلت المكينة والراديتر وخف لمدة شهرين ورجعت المشكلة كما كانت والميكانيكيين بحايل كل له راي اللي يقول الراس غيره على مسؤوليتي واللي يقول المشكلة بالصدر واللي يقول بالسلندر فيا اليت اللي مرت عليه هالمشكلة يعطينا تجربته او يعرف ميكانيكي مجرب

[sameer_1798]

صارت معي لكن في رديتر المكيف إذا فيه تهريب فريون تشوف الزيت مكان التهريب (رديتر المكيف ملاصق لرديتر المكينة)
أما إن كنت تقصد رديتر المكينة ماعندي علم لكن ان كان زيت مكينة أقرب شيء له صوفة الصدر (وللكشف على الصوفة شوف صدر المكينة في تهريب زيت أم لا )

[MZON 01]

1- فك البواجي واحج واحد اذا هي نظيفه لازيت ولا ماء فالسياره صافي اشتغاله فالراس سليم (لايوجد شعر)
2- ركب لي هوا مع الماسوره الراجع الصغيره بجنب الاديتر وفك غطا المكيته وافتح الهوا شوي

ولاحظ فقاعات الهواء من رقع الراس ان فيها شرخ صغير يبن مع الهوا ومع رقعه الصدر بس لازم تفك الصدر وتلاحظ تدفق الهوا

فك غطا الاديتر وادعس بنزين بقوه اذا كان الما يتفق بقوه لاعلى فوجه الراس يكون به شرخ بسيط لايلاحظ

ويمكن يكون حصل حراره للسياره من قبل ....

[يريور عيمان]

اذا القير اوتو اعتقد المشكلة ان الراديتر يخلط المويه بزيت القير

[سوبر VTC]

ينقل لخيمة الاعطال

هل الموتر تماتيك ؟

[سوبر VTC]

كد صارت المشكلة بسوزو ديزل
التهريب كان من خلال مبرد الزيت و مكانه بنفس قاعدة سيفون الزيت
طبعا المبرد به تنسيم ويدخل الماء على الزيت و العكس صحيح
فلا اعلم اذا كان التويوتا نفس نظام السوزو ام لا ؟

للفائدة قير الباترول التماتيك يجي له مبرد زيت و مكانه بوسط طبلة اديتر الماء خزان صغير
الحاصل و هذه مشكلة موجودة ان المبرد ينسم الوجه او السيلة و يدخل الماء على القير و العكس صحيح
و بسبب دخول الماء يخبط القير
طبعا الحل تركيب اديتر خارجي للقير نفس نظام الجمس
رابط للفائدة

معك Vtc ؟؟ تفضل باالدخول موضوع يهمك !! (http://www.mekshat.com/vb/showthread.php?t=155215)

[خوي الشاص]

كانك بحايل مايحتاج خل كمال يشوف موترك يعطيك العلم

[مركز حراره]

اذا مان الموتر قير تماتيك يغير المبرد الي برديتر او يركب مبرد خارجي
قير عادي
ممكن الصدر ممكن سيل المبرد
مافيه احد يستطيع الحكم الى خبره بلجيب او لابد يفك ويتاكد وهو الافضل لنه يمشي على اليقين
ممكن من الغسيل السابق كان على البارد فيبقى بقايا زيت كل مااحتمى شوي طلع شوي
نحن نضمن لك الغسيل ولابقعه ان شاءلله

[هديب الشام]

عافاكم الله حميعا الموتر قير وفكيت المكينة وفحصت الراس سليم وكذلك الصدر سليم ولا خصلت المشكلة ما بقى الا فخص السرندل وكلمت المكاينيكي يركب المكينة كما كانت وابا اوديه للقصيم بحايل ما عندنا مكيناكيين صح واللي يقول وده كمال الفلسظيني جيته يقول غير الراس على مسؤوليتي ما عنده سالفةن

[هديب الشام]

فيه واحد يقول مشكلتك من طرمبة البنزين وحصلت فيها تهريب زيت وش رايكم هل لها دخل في دخول الزيت للراديتر

[العابر2222]

واحد من الشباب صار معه نفس مشكلتك بس موتره باترول
كل شي سواه فك الراس وغير اديتر وكاله عشان زيت القير
وفحص السلندر
وفي الاخير طلعت المشكله من قاعدة السيفون

السيفون يجي فوقه مبرد في نفس قاعدة سيفون
يجي فيها تنسيم

تاكد منها

[العابر2222]

فيه واحد يقول مشكلتك من طرمبة البنزين وحصلت فيها تهريب زيت وش رايكم هل لها دخل في دخول الزيت للراديتر


وش دخل طرنمبة البنزين في السالفه

لا يخوي مستحيل

[سوبر VTC]

لو تجي لبريدة فيه ورشة الخضير

[هديب الشام]

والله يا اخوان المشكلة من العام وخسرت عليها اكثر من اربعة الاف ولا فيه فائدة ما ادري وش اسوي اخر حل ابغسل المكينة والراديتر بماء حار عند محل بعنيزة اعطاني ضمان وان ما صلح اقرب حراج

[سوبر VTC]

هل استلمت الرسالة ؟
اعانك الله
عندنا ببريدة يغسلون الاديتر و السلندر و يطلع جديد
طبعا يضعون ربع كاس اسيد و الشغل على الشرط
و بعضهم يحط علبتين زيت فرامل

[هديب الشام]

هل استلمت الرسالة ؟
اعانك الله
عندنا ببريدة يغسلون الاديتر و السلندر و يطلع جديد
طبعا يضعون ربع كاس اسيد و الشغل على الشرط
و بعضهم يحط علبتين زيت فرامل
بارك الله فيك يالغالي نعم استلمت الرسالة وكلمت الرجال وقال لي نفس الكلام اللي قال لي اخي الفاضل مركز حرارة وان شاء الله رايح للقصيم بكرا او بعده

[skythunder83]

ربي اغفر لي و لوالدي وللمؤمنين والمؤمنات الأحياء منهم والاموات